Ақша, теңге, банкноттар

Тоқаев биыл кімдердің жалақысы өсетінін айтты

9562
Президент Қасым-Жомарт Тоқаевтың тапсырмасымен былтыр бюджет саласындағы 883 мың қызметкердің еңбекақысы көтерілді

НҰР-СҰЛТАН, 19 қаңтар – Sputnik. Биыл бюджет саласындағы 1 миллион 70 мың қызметкердің еңбекақысы ұлғаяды. Бұл туралы мемлекет басшысы Қасым-Жомарт Тоқаев премьер-министр Асқар Маминмен кездесуінде айтты, деп хабарлайды Ақорда.

Президенттің тапсырмасымен үкімет 2020 жылы бюджет саласындағы 883 мың қызметкердің еңбекақысын өсірді. Атап айтқанда 609 мың педагогтың жалақысы 25 пайызға, 215 мың медицина қызметкерінің еңбекақысы 30 пайызға дейін, мәдениет, архив және өнер саласындағы 34 мың қызметкер мен әлеуметтік қорғау саласындағы 25 мың қызметкердің жалақысы 50 пайызға дейін көбейген.

Тоқаев биыл да бюджет саласындағы 1 миллион 70 мың қызметкердің еңбекақысын арттыру жұмысын жалғастыру аса маңызды міндет деп есептейді.

Соның ішінде 785 мың педагогтың жалақысын 25%-ке, 247 мың медицина қызметкерінің еңбекақысын 30%-ке, әлеуметтік қорғау саласындағы әлеуметтік-медициналық мекемелердің 38 мың қызметкерінің айлығын 45%-ке көтеру жоспарланып отыр.

9562
Жергілікті Әулиекөл тұқымына жататын ірі қара

"Тығырыққа тіреді": сенатор мемлекеттік субсидияға алынған ірі қара мәселесін сөз етті

67
(Жаңартылды 12:31 04.03.2021)
Күрішбаев біздің министрліктеріміз қоғамдық аудитті тарта отырып, қымбат жобаларға бөлінген мемлекеттік қаражатты пайдаланудың тиімділігі туралы халық алдында есеп беріп үйренуі тиіс деп санайды

НҰР-СҰЛТАН, 4 наурыз – Sputnik. Сенат депутаты Ақылбек Күрішбаев шет елдерден асыл тұқымды малды импорттауды азайтып, селекциялық жұмысты белсенді дамыту қажет екенін айтты, деп хабарлайды Sputnik Қазақстан тілшісі.

Айтуынша, соңғы жылдары "Етті мал шаруашылығының экспорттық әлеуетін дамыту" бағдарламасы аясында Қазақстанға 153 мыңнан астам асыл тұқымды мал әкелінген. Оны сатып алуға, мемлекеттік субсидияларды қоса алғанда, 500 миллион доллардан аса ақша жұмсалды.

"Ғалымдардың пікірінше, бұрын елімізде болмаған, бізде тіркелмей жатқан Шмалленберг ауруы, инфекциялық ринотрахеит, вирустық диарея, моракселлез сияқты қауіпті экзотикалық жұқпалы аурулар сырттан әкелінді. Бұл мәселе отандық ветеринария жүйесінің қазіргі ауыр жағдайын одан сайын тығырыққа тіреді", – деді Күрішбаев сенаттың жалпы отырысында.

Ол қазақстандықтар импортталған малдың қаншасы бейімделе алғанын, қаншасы өлгенін, жалпы жобаның алдына қойған мақсаттары қалай орындалғаны туралы нақты білмейтінін атап өтті.

"Ал оны халық білуге құқылы, себебі аталған мал басы тек жеке инвестиция есебінен ғана емес, салық төлеушінің ақшасына сатып алынған. Жалпы біздің министрліктеріміз қоғамдық аудитті тарта отырып, дамыған елдердегі сияқты осындай қымбат жобаларға бөлінген мемлекеттік қаражатты пайдаланудың тиімділігі туралы халық алдында есеп беріп үйренуі керек", – деді сенатор.

Ірі қара Еуропадан кеңестік кезеңде де әкелінген

Күрішбаев асыл тұқымды малды сақтап қалу және жақсарту өте маңызды екенін мәлімдеді. Айтуынша, аграрлық саланың ардагерлері кеңестік кезеңде Қазақстанға Еуропадан жүздеген мың асыл тұқымды ірі қара малдың әкелінгенін және уақыт өте келе олар өздерінің асыл тұқымдық қасиеттерін жоғалтып, із-түзсіз жойылып кеткенін жақсы біледі.

Сенатордың пікірінше, оларды күтіп-бағу үшін тиісті жағдай жасаумен ғана емес, ең бастысы, жүйелі селекциялық жұмысты қалыптастыру қажет. Ол үшін селекцияның заманауи әдістерін қолдану керек.

Депутат бұл тұрғыда асыл тұқымды мал шаруашылығы саласында инновациялық технологияларды, оның ішінде геномдық селекцияны енгізу өте маңызды деп есептейді. Себебі жануардың молекулалық-генетикалық талдауы оның асыл тұқымдық құндылығын алдын-ала болжауға мүмкіндік береді және селекцияның тиімділігін қамтамасыз етеді.

"Өкінішке қарай, Қазақстанда кейбір компанияларды қоспағанда, селекциялық-асыл тұқымдық жұмыста геномдық сараптама жүйелі түрде пайдаланылмайды. Бұл мал шаруашылығы саласының тұрақты дамуын айтарлықтай тежеп отыр. Сондықтан ауыл шаруашылығы жануарларының отандық гендік қорын қалыптастыруға қатысты бұл мәселені мемлекеттік деңгейде шешу қажет. Ол үшін өзіміздің фермерлерге көмек ретінде ғылыми зертханалардың базасында ұлттық генетикалық зерттеу орталықтарын ұйымдастыру керек. Бұл біздің жағдайымызға бейімделмеген асыл тұқымды малды шетелден әкелуге қарағанда, ақылға қонымды, әлдеқайда арзан және эпизотия тұрғысынан қауіпсіз жоба болар еді", – деді ол.

Селекциялық жұмыста серіктестерден артта қалдық

Күрішбаев Қазақстан сауда серіктестерінен селекциялық жұмыста едәуір артта қалғанын айтты.

Сондай-ақ, елде заманауи фермалар, сапалы жем-шөп базасы жетіспейді.

"Салыстыратын болсақ, Қазақстанда сүт бағытындағы 2,7 миллионға жуық сиыр бар, ал Беларусьте 1,5 миллион бас, яғни 1,8 есе аз. Алайда Беларусь ЕАЭО-ға кіретін елдердің көпшілігіне сүт және сүт өнімдерін экспорттайды, ал біз болсақ, тіпті, өз халқымызды толық қамтамасыз ете алмай отырмыз", – деп қапаланды сенатор.

Оқи отырыңыз: "Бір адамға тәуелді": Сенатор 10 млрд теңге тиімсіз жұмсалып жатқанына ашуланды

Бүгін сенат "ЕАЭО аясында ауыл шаруашылығы жануарларымен селекциялық-асыл тұқымдық жұмыс жүргізуді біріздендіруге бағытталған шаралар туралы келісімді ратификациялау туралы" заңды қабылдады.

67
Кілт сөздер:
мал шаруашылығы, субсидиялар
Тақырып бойынша
Депутат шенеуніктерге: Мәскеуге барсаңыз, қаншалықты артта қалғанымызды түсінесіз
Ауылды жерлерге интернет жеткізетіндерге субсидия бөлінеді – министр
Ірі қара малдың 2 мың терісі тиелген жүк көлік Қырғызстан шекарасында тоқтатылды
Ақтөбе облысында асыл тұқымды ірі қара мал неден қырылып қалды?
Мал шаруашылығы 500 мың ауыл тұрғынын жұмыспен қамтиды
Қасым-Жомарт Тоқаев Ұлттық банк төрағасы Ерболат Досаевты қабылдады

Тоқаевтың тапсырмасы: Ұлттық банк төрағасы президентке есеп берді

64
(Жаңартылды 15:55 03.03.2021)
Досаев Қазақстан азаматтарының зейнетақы жинағын мерзімінен бұрын пайдалану тетігін іске асыру жөніндегі тапсырманың орындалу барысын баяндады

НҰР-СҰЛТАН, 3 наурыз – Sputnik. Президент Қасым-Жомарт Тоқаев Ұлттық банк төрағасы Ерболат Досаевты қабылдады, деп хабарлайды Ақорданың ресми сайты.

Досаев мемлекет басшысына биылғы ақпан айындағы ақша-кредит саясатын іске асырудың алдын ала қорытындысы, дүниежүзілік экономиканың қалпына келу перспективалары мен әлемдегі азық-түлік бағасының инфляцияға әсері туралы баяндады. 

Қасым-Жомарт Тоқаев алтын-валюта резервтерінің жағдайы мен Ұлттық қордың активтерін басқару жайлы есепті тыңдады. Сондай-ақ кездесуде Ұлттық банктің ішкі жалпы өнім бойынша жаңартылған болжамы мен 2021 жылға арналған төлем балансы жөнінде айтылды. 

Ерболат Досаев мемлекет басшысының Қазақстан азаматтарының зейнетақы жинақтарын мерзімінен бұрын пайдалану тетігін іске асыру жөніндегі тапсырмасының орындалу барысын баяндап, Ұлттық банктің инвестициялық ахуалды жақсарту бойынша ұсыныстары туралы айтты.

Президент азық-түлік тауарлары бағасының тұрақтылығын қамтамасыз ету үшін ауыл шаруашылығын қолдау шараларын цифрландыру процесін жылдамдатуға атсалысуды тапсырды.

64
Иллюстративті фото

Қостанай облысында екі зейнеткерді өлтіріп кетті

0
(Жаңартылды 17:26 04.03.2021)
Зейнеткерлер пышақ жарақатынан көз жұмды. Қарттарды айуандықпен өлтірді деген күдікпен екі ер адам ұсталды

НҰР-СҰЛТАН, 4 наурыз – Sputnik. Қарттарды өлтірді деген күдікпен екі ер адам ұсталды, олардың бірі марқұмдармен таныс болған.

1 наурыз күні Алтынсарин ауданының Щербаково ауылында жеке үйден зорлықпен өлтірілген 84 жастағы ер адам мен 75 жастағы әйелдің денесі табылды, деп жазды өңірлік "Алау" басылымы.

Полиция қызметкерлері бұл фактіні Қылмыстық кодекстің 99-бабы "Адам өлтіру" және 192-бабы "Қарақшылық" бойынша тіркеді.

Оқиға орнына жедел-тергеу тобы, облыстық полиция департаментінің басшылығы келді.

Полицияның мәліметіне сәйкес, жедел-іздестіру шаралары барысында 31 және 32 жастағы күдіктілер анықталып, ұсталды. Қаскүнемдердің бірі зардап шегушілермен таныс болған, ол бұрын сол ауылда тұрған.

Сарыағаш тұрғыны зейнеткерді өлтіріп, денесін ауласына көміп тастаған

"Күдіктілер облыс орталығынан ауылға зейнеткерлерді тонау мақсатында келген. Ер адамдар ақша талап етіп, зейнеткерлерге пышақ жарақатын салған", - деп жазды басылым полицияға сілтеме жасап.

Қазіргі уақытта сотқа дейінгі тергеу амалдары жалғасып жатыр. Күдіктілер уақытша ұстау изоляторына қамалды.  

0