Пойыз

Сенаторлар ҚТЖ компаниясының сыртқы қарызының көбейіп кеткеніне алаңдады

80
(Жаңартылды 14:41 28.01.2021)
Қазақстанның теміржол паркіндегі вагондардың айтарлықтай бөлігі әбден тозған. Сатып алынған жаңа вагондар да талапқа сай емес, деді Сағындық Лұқпанов

НҰР-СҰЛТАН, 28 қаңтар – Sputnik. Сенатор Сағындық Лұқпанов теміржол саласындағы олқылықтарға назар аударып, премьер-министрдің атына депутаттық сауал жолдады, деп хабарлайды Sputnik Қазақстан тілшісі.  

Оның айтуынша, Қазақстанның теміржол паркіндегі вагондардың айтарлықтай бөлігі әбден тозған. Сондай-ақ, сатып алынған жаңа вагондар да көздеген мақсатқа сай емес. Олардың жылдамдығы сағатына 160 шақырым. Ал кейбір көрші мемлекеттерде сағатына 250 шақырым жылдамдықпен жүйткитін пойыздар қатынайды.  

"Осыған байланысты елімізде жылдамдығы жоғары тасымалдау қызметін әрі қарай дамытуға қатысты мәселе туындап отыр. Бұл аздай, біздің еліміз теміржол желісінің дамуы жағынан да артта қалып келеді", - деді Лұқпанов.  

Ол Қазақстанда пайдаланылып жүрген теміржол желісінің жалпы ұзындығы 16 634,8 шақырымды құрайтынын атап өтті. Оның 4,2 мың шақырымы ғана электрмен жабдықталған.

Мәселен, Ресейде теміржол ұзындығы 85,5 мың шақырым болса, оның 43,7 мың шақырымы электрлендірілген. Ал аумағы Қазақстаннан 5 есе кіші Францияда теміржол ұзындығы 29 мың шақырымды құрайды. Оның 15 мың шақырымы электрмен қамтамасыз етілген, деп жалғастырды депутат.

Сондай-ақ, сенатор елдегі басты теміржол операторының сыртқы қарызына да алаңдаушылық білдірді.  

"Қарыз көлемі бүгінде 1,9 триллион теңгені құрайды. Соңғы 5 жылда мемлекеттік субсидия ретінде аталған компанияға 171 миллиард теңге бөлінген", - деді Лұқпанов.

Оқи отырыңыз: Қаржы министрі Қазақстанның қарызы туралы айтты 

Одан бөлек, теміржол тасымалдаушысы басқа да жобалар арқылы табыс тауып отыр. Әуежайлар, автожол секторы, Халықаралық "Қорғас" шекаралық ынтымақтастық орталығы күні кешеге дейін "Қазақстан темір жолы" компаниясының басқаруында болғаны мәлім. Ал Ақтау қаласындағы теңіз порты әлі күнге дейін осы компанияға тиесілі, деп толықтырды сенатор.

"Теміржол саласын дамытуға қатысты бағдарламалық құжаттарда көрсетілген осы бағыттағы нақты мақсат-міндеттерге қарамастан, оларды іске асыру қарқыны көңіл көншітпейді. Тіпті, мүлдем төмен деуге болады. Үнемі мемлекеттен субсидия алып отырғанымен, компания ұзақ уақыт бойы басқа жобаларды дамытуға айтарлықтай қаржы жұмсап келеді. Бұл негізгі қызметті шығынға ұшыратуға әкеп соқтыруда", - деп қапаланды депутат.

Осыған байланысты Лұқпанов премьер-министрден теміржол саласындағы мәселені шешуді және компанияның өзі мемлекеттік субсидияға мұқтаж болып отырғанына қарамастан не үшін салаға қатысы жоқ басқа жобаларға шығын шығаратынын түсіндіруді сұрады.

80
Кілт сөздер:
сыртқы қарыз, теміржол
Тақырып бойынша
Қазақстанның сыртқы қарызы қанша – депутат сұрағына үкімет мүшелері жауап берді
Мәжіліс кредитке қатысты заң жобасын мақұлдады
Қазақстанның жалпы ішкі өнімі 2,6%-ке төмендеді
Досаев қазақстандықтардың кредиті туралы айтты
"Бюджетке 2 триллион түседі": экономист президенттің шұғыл тапсырмасын түсіндірді
Көлік, архивтегі сурет

"Көлікті ЕАЭО аймағынан шығару қажет": салықшылар ескерту жасады

119
(Жаңартылды 17:05 22.07.2021)
Бұған дейін Еуразиялық экономикалық комиссия кеңесі пандемияға байланысты жеке тұлғалардың шет елден әкелген көлігін пайдалану мерзімін ұзартқан болатын

НҰР-СҰЛТАН, 22 шілде – Sputnik. Алматы қалалық мемлекеттік кірістер департаменті қыркүйектің соңына дейін шетелден әкелінген көліктерді Еуразиялық экономикалық одақтан шығару қажеттігін ескертті, деп хабарлайды Sputnik Қазақстан.

Бұған дейін Еуразиялық экономикалық комиссия кеңесі пандемияға байланысты жеке тұлғалардың шет елден әкелген көлігін пайдалану мерзімін ұзартқан болатын. 2021 жылы 5 сәуірде қабылдаған № 25 шешімге сәйкес, ЕАЭО аймағына шетелден әкелінген көліктерді 30 қыркүйекке дейін жеке мақсатта пайдалануға рұқсат бар.

Одан бөлек, кеңес шешімі бойынша одаққа тұрақты түрде көшіп келуші, босқын немесе мәжбүрлі түрде көшіп келуші мәртебесін алған шетел азаматтары үшін жеке мүлікті 18 айға салықсыз әкелуге рұқсат беру режимі тоқтатылған еді. Осыған байланысты салықшылар қыркүйектің соңына дейін шетелден әкелінген көлікті ЕАЭО аймағынан шығару қажеттігін еске салды.

"Ондай көліктерді одақ аймағынан шығаруды сұраймыз. Ал осы санаттағы көлік 2021 жылдың 30 қыркүйегіне дейін Еуразиялық экономикалық одақтан шығарылмаса, кедендік баж бен салықтарды толығымен төлеуге тура келеді", - делінген ресми хабарламада.

119
Кілт сөздер:
ЕАЭО, видео, салық, көлік
Тақырып бойынша
Ақтауда жол апаты адам өмірін қиды: көлік ішінде түсірілген видео жарияланды
Қазақстанда көліктің электронды паспорты енгізілді
Көліктегі бас санитар дәрігердің жаңа қаулысы жарияланды
Ақтөбе облысында үш жасар бала ауладағы көліктің ішінде тірідей жанып кетті
Маман телефон көлікте қалып қойса не болатынын айтты
Қаржы пирамидасы

Екі мыңнан астам адам алданған: Қазақстанда тағы бір қаржы пирамидасы анықталды

56
(Жаңартылды 20:22 21.07.2021)
Келтірілген шығын 450 миллион теңгеден асқан. Алаяқтық схеманың  ұйымдастырушы 2 айға қамауға алынды

АЛМАТЫ, 21 шілде – Sputnik. Ақмола облысы бойынша қаржы мониторингі агенттігінің жергілікті департаменті LV Force қаржы пирамидасының заңсыз жұмысын тоқтатты. Бұл туралы қаржы мониторингі агенттігінің баспасөз қызметі хабарлады.

"Қабылданған шаралар нәтижесінде Шымкент, Алматы қалаларында және Шығыс Қазақстан, Батыс Қазақстан, Ақтөбе, Қызылорда, Маңғыстау облыстарында LV Force қаржы пирамидасының бөлімшелері жойылды. Қаржы пирамидасына 2 000-нан астам азамат тартылған", - делінген агенттік таратқан ақпаратта.

Келтірілген шығын 450 миллион теңгеден асқан. Қазір алаяқтық схеманың басты ұйымдастырушысы 2 айға қамауға алынды.

Соған байланысты қаржы мониторингі агенттігі азаматтарға Әкімшілік құқық бұзушылық туралы кодекстің 150-бабы ("қаржылық (инвестициялық) пирамиданың қызметiн жарнамалау") және Қылмыстық кодекстің 217-бабына ("қаржылық (инвестициялық) пирамиданы құру және оған басшылық ету") сәйкес әкімшілік және қылмыстық жауапкершілік қарастырылғанын еске салды.

Оқи отырыңыз: Алагөзова жарнамалаған қаржы пирамидасының тағы бір басшысы құрықталды 

Бұған дейін Алматыда World Business Consulting қаржы пирамидасын құрған бірнеше адамға қатысты сотқа дейінгі тергеу басталды.

Қаржы пирамидасын ұйымдастырушылар азаматтарға World trend Strategies, Confidence World Group, HUBB international, Riviera imperial, Asteco және басқа үлестес компаниялардың инвестициялық жобаларына қаржы құюды ұсынған.

Бұл компаниялар заңды қызметтен емес, жаңа салымшылардың қаражаты есебінен сыйақы алуға кепілдік берген.

56
Әуежай.  Ashyq

Алматыда коронавирусты қасақана жұқтырмақ болғандар қашып құтыла алмады

0
Коронавирус жұқтырған науқастар ХҚКО мен фитнес залдар, мейрамхана мен әуежай, тіпті ірі сауда үйлеріне кірмек болған. Олар "қызыл" мәртебе анықтала салысымен қашып кетсе де, бүкіл ақпарат жүйеде сақталып қалған

НҰР-СҰЛТАН, 24 шілде – Sputnik. Алматыда коронавирусты өзге азаматтарға қасақана жұқтырмақ болған науқастардың аты-жөні жария болды. Амбулаториялық ем алып жатқан сырқаттар өзін-өзі оқшаулау құжатына қол қойған.

Соған қарамастан жұқпалы дертке шалдыққандар қалада емін-еркін серуендеп, мейрамханаларға да кірмек болыпты. Санитарлар сондай 80 адамның тізімін сайттарында жайып салды. Тізімде аты-жөні толық жазылған, деп хабарлады КТК.

Төңірегіне қауіп төндіргендердің тізімінде банкирлер, ұялы байланыс компаниялары мен Бірыңғай жинақтаушы зейнетақы қорының қызметкерлері бар. Мәліметтерге қарағанда індет жұқтырғандар Халыққа қызмет көрсету орталықтары мен фитнес залдар, мейрамхана мен әуежай, тіпті ірі сауда үйлеріне кірмек болған.

"Алдыңызда екі таңдау тұр": Елорда әкімі астаналықтарға үндеу жасады

Аурудың таралып кетпеуіне "Ашық" көмектескен. СЭС мамандары үйінде оқшауланып ем қабылдап жатқан басқа сырқаттарға осы сабақ болады деп сенеді. Себебі тізімдегілерге өзгелерге қауіп төндіретіндігі туралы ескертілген. Сол үшін арнайы құжатқа қол да қойыпты. Сырқаттардың әрқайсысына 87 510 теңге айыппұл салынды.

Мамандар тізім әлі толық емес дейді. Өйткені бір айдың ішінде талапты 400-дей науқас бұзған "Қызыл" мәртебе екені анықтала салысымен қоғамдық орыннан қашып кетсе де, бүкіл ақпарат жүйеде сақталып қалады. Сондықтан жазадан ешкім құтылып кетпейді.

"Ашық" "қызыл" белгі көрсеткен бойда науқастар қарасын батырған. Ол туралы мәлімет базада сақталып қалды. Сол арқылы тауып, айыппұл салдық. Қазір 80 адам кінәсін мойындады. Қалған жағдайлар бойынша әкімшілік іс жүріп жатыр", - дейді Алматы қаласы санитария-эпидемиология бақылау департаменті директорының орынбасары Сәдуақас Байғабылов.

0
Кілт сөздер:
Алматы, коронавирус