ЕЭК министрі Тимур Жақсылықов

ЕАЭО елдері интернет-пираттармен қалай күреседі

39
Министрдің айтуынша, комиссиядағылар әлемдік тәжірибені зерттеп, үкіметке арналған ұсыныстарды әзірледі

НҰР-СҰЛТАН, 29 қаңтар – Sputnik. Еуразиялық экономикалық комиссиядағылар іздеу кезінде пайда болатын заңсыз контентті бұғаттау ЕАЭО елдері аумағындағы интернет-пираттармен күресудің негізгі әдісі болуы мүмкін. Бұл туралы Еуразиялық экономикалық комиссияның министрі Тимур Жақсылықов Sputnik Қазақстан мультимедиялық баспасөз орталығында видеокөпір кезінде айтты.

Министр интернеттегі интеллектуалдық меншік нысандарына арналған құқықты қорғау проблемасы күн санап өзекті болып келе жатқанын атап өтті.

"Біз өз тарапымыздан тиісті жұмыс тобын құрып, әлемдік тәжірибеге талдау жүргіздік. Бұл проблема барлық елдер үшін айтарлықтай өзекті", – деді Жақсылықов.

Оның айтуынша, комиссиядағылар әлемдік тәжірибені зерттеп, үкіметке арналған ұсыныстарды әзірледі.

"Біздің ойымызша, осы саладағы мақсатқа жетудің негізгі тетігі қолжетімділікті шектеу, яғни сотқа дейінгі және сот тәртібімен заңсыз контентті бұғаттау болуы мүмкін", – деп жалғады министр.

Бұл механизм тиімді жұмыс істеуі үшін бұғатталған ресурстардың есебін тұрақты жүргізіп отыру керек.

"Сонымен қатар, заңсыз контенттің сілтемелерін Яндекс, Рамблер секілді іздеу жүйесінен жою бойынша рәсімдер енгізу де аса қажет болап отыр. Бұл әлемдік тәжірибе. Бұл тәжірибе Еуроодақта да, АҚШ-та да қолданылады", – деді Жақсылықов.

Заңсыз контенке қарсы күрестің тиімділігі авторлық құқық иелері, интернет-платформалар мен құзырлы органдардың өзара іс-әрекетіне байланысты болады.

"Егер мұндай ақпараттық өзара іс-әрекет үнемі жүргізіліп отырса, онда біз интеллектуалдық меншік нысандарына арналған құқықтың бұзылуын барынша төмендететін сенімді ортаны қалыптастыра аламыз", – деп түйіндеді Еуразиялық экономикалық комиссияның министрі.

Оқи отырыңыз: ЕАЭО елдерінде ортақ валюта қашан пайда болуы мүмкін

Айта кетейік, қазіргі уақытта Армения, Беларусь, Қазақстан, Қырғызстан және Ресей Еуразиялық экономикалық одақтың мүшелері болып табылады.

39
Кілт сөздер:
интернет-ресурстар, ЕАЭО
Тақырып бойынша
ЕАЭО-ға мүшелік Қазақстанға не берді?
ЕАЭО-ға қарым-қатынас жасау үшін шұғыл түрде цифрлық платформа керек – сарапшы
ЕАЭО-ға төрағалық: Тоқаев Қазақстанның басымдықтарын атады
ЕАЭО елдері Сербияға қандай тауарларды бажсыз жеткізе алады
ЕАЭО: сын-қатерлер мен одақ болашағы
Ақша, теңге

Жамаубаев 20 млрд теңгені игермеген министрліктерді атады

61
Министрдің атуынша, игерілмеген соманың ең көбі Нұр-Сұлтан мен Алматы қаласында, Батыс Қазақстан, Павлодар және Солтүстік Қазақстан облысында тіркеліп отыр

НҰР-СҰЛТАН, 12 мамыр – Sputnik. Қаржы министрі Ерұлан Жамаубаев осы жылдың қаңтар-сәуірінде мемлекеттік қаржының атқарылу барысын баяндады, деп хабарлайды Sputnik Қазақстан тілшісі

Төрт айдың қорытындысы бойынша мемлекеттік бюджет шығысы 99,1%-ке, республикалық бюджет шығысы – 99,6%-ке, жергілікті бюджет шығысы 98,7%-ке атқарылды.

"Өткен жылдың ұқсас кезеңімен салыстырғанда бюджеттің барлық деңгейінде атқарылу көрсеткіші жоғары. Республикалық бюджет бойынша 4,8 триллион теңгеге шығыстар жүргізілді. Атқарылмау 20 миллиард теңгені құрады, оның ішінде 7 миллиард теңгесі үнемделген ақша. 13 миллиард теңге игерілмеген", – деді Жамаубаев үкімет отырысында.

Министр мемлекет ақшасын игермеген органдарды атады. Олар: ішкі істер, қорғаныс, цифрлық даму, инновациялар және аэроғарыш өнеркәсібі, білім және ғылым, сондай-ақ төтенше жағдайлар министрлігі.

Игерілмеудің негізгі себебі: конкурстық рәсімдердің ұзақ өткізілуі және уақтылы өтпеуі; төлем нақты көрсетілген қызмет көлемі, орындалған жұмыс үшін жүргізілген; орындалған жұмыс актілерінің, шот-фактуралардың уақтылы ұсынылмауы, шарттарды ұзақ келісу.

"Жергілікті бюджеттердің шығысы 2,1 триллион теңгені құрады. 28 миллиард теңге атқарылмаған", – деді министр.

Биыл өңірлерге 1,9 триллион теңге нысаналы трансферттер көзделген. 1 мамырдағы жағдай бойынша 456 миллиард теңге бөлінген, оның 98,9%-і игерілді.

5 миллиард теңге атқарылған жоқ, соның ішінде 1 миллиард теңгесі – үнемдеу, 4 миллиард теңге игерілмеген.

Оқи отырыңыз: Сарапшы кредитті уақытынан бұрын қай кезде жабу тиімді екенін айтып берді

Игерілмеген соманың ең көбі Нұр-Сұлтан мен Алматы қаласында, Батыс Қазақстан, Павлодар және Солтүстік Қазақстан облысында тіркеліп отыр.

Осы жылдың қаңтар-сәуірінде мемлекеттік бюджетке 3 триллион 217 миллиард теңге кіріс түсті, нәтижесінде жоспар 117,1%-ке орындалды.

61
Кілт сөздер:
қаржылық реттеу саясаты, Қаржы министрлігі
Тақырып бойынша
Көлік салығы: қазақстандықтар мемлекетке 30 млрд теңге қарыз болып шықты
Қазақстандықтар банктерге 7 триллион теңге қарыз – БАҚ
Оңтүстік Қазақстанда бес мемлекеттік қызметкер бюджетті игермегені үшін жұмыстан шығарылды
Министр Маминнен бюджетті игермеген басшыларды жауапқа тартуды сұрады
Мемлекеттік органдар 20 млрд теңгені игере алмай қалды
теңге, тиын

Қазақстанда цифрлық теңге қашан пайда болады

53
Пилоттық жоба 2021 жылдың екінші жартысында іске асады, деп мәлімдеді Ұлттық банк төрағасы

НҰР-СҰЛТАН, 12 мамыр – Sputnik. Ұлттық банк төрағасы Ерболат Досаев цифрлық теңге қашан енгізілетінін айтты, деп хабарлайды Sputnik Қазақстан тілшісі.

"Цифрлық валютаны енгізудің ықтимал әсерлерін зерттеу нәтижелері, пилоттық жобаның қорытындысы және мүдделі тараптармен талқылау өткеннен кейін цифрлық теңгені енгізу қажеттілігі туралы шешім қабылданады және жол картасы әзірленеді", - деді Досаев үкімет отырысында.

Ол пилоттық жоба 2021 жылдың екінші жартысында іске асатынын атап өтті.

Биыл 5 мамырда Ұлттық банк цифрлық валютаны енгізу туралы баcтаманы жариялады. Цифрлық теңгенің ақша-кредит саясатына және қаржылық тұрақтылыққа, төлем қызметтері нарығына әсері анықталады.

Баяндамада цифрлық валютаның технологиялық және экономикалық сипаты, Ұлттық банктің цифрлық теңгені зерттеу және енгізу тәсілдері, ықтимал әсерлерін алдын ала бағалау және пилоттық жобаның сипаттамасы қамтылған. Цифрлық теңге қолма-қол ақшаны айырбастауға арналмаған. Егер енгізілсе, заңды төлем құралына айналады.

Оқи отырыңыз: Доллардың қымбаттауы халық күнкөрісіне қалай әсер етеді - сарапшылар пікір білдірді

53
Иллюстративті фото

Ұсынысынан бас тартқан: бойжеткен жауабын естіген Тараз тұрғыны ессіз әрекетке барды

0
(Жаңартылды 12:44 13.05.2021)
27 жастағы ер адам бейнебақылау камерасының көмегімен ұсталды. Оның облыс орталығындағы шағын ауданда тұратыны анықталды

АЛМАТЫ, 13 мамыр – Sputnik. Тараз тұрғыны жаңа танысқан қызды тонап кетті. Оқиға ер адамның қыдырып қайту туралы ұсынысынан бойжетке бас тартқан соң болған, деп жазады Polisia.kz.

Тараз қаласының полициясына 27 жастағы тұрғын арызданды. Айтуынша, бейтаныс жігіт 116 мың теңге тұратын телефонын ұрлап кеткен. Сонымен қатар, телефон қабында 46 мың теңге болған.

Полиция ақпаратына сәйкес, бойжеткен жігітпен сол кеште танысқан. Қыдырып қайту туралы ұсынысты қабылдамағанына ашуланған ер адам күш қолдану арқылы оның телефонын тартып алып, қашып кеткен.

Жігіт бейнебақылау камерасының көмегімен ұсталды. 27 жастағы ер адамның облыс орталығындағы шағын ауданда тұратыны анықталды. Ол өзінің әрекетін мойындады және қолды болған заттарды иесіне қайтарды.

Оқи отырыңыз: Үйлену тойында түсініксіз әрекет жасаған күйеужігіт ұятқа қалды - видео

Осы дерек бойынша қылмыстық кодекстің 191-бабы бойынша (тонау) қылмыстық іс қозғалды. Сотқа дейінгі тергеу амалдары жүргізіліп жатыр.

0
Кілт сөздер:
Тараз, оқиға
Тақырып бойынша
Желідегілер қалыңдық тойға жалаңаш келді деп ойлап қалды – жұртты шулатқан фото
Назарбаев Ақышевқа: батыл әрекет ет, ешкімнен қорықпа
Тойға полицей болып кіріп келген асаба жауапқа тартылады – видео
"Алланы ашуландыратын әрекет жасамаңыздар": Құрбан айтта не істеуге болмайды - видео
Боксшы жекпе-жек алдында біртүрлі әрекет жасап, ұятқа қалды - видео