Қазақстан премьер-министрі Асқар Мамин Жаңаөзенге жұмыс сапарымен барды

Мамин Маңғыстау облысына жұмыс сапары кезінде өзекті мәселені көтерді

623
(Жаңартылды 12:51 30.01.2021)
Үкімет басшысы жаңа жұмыс орындарын құруға, халықтың тұрмыс сапасы мен әл-ауқатын арттыруға ықпал ететін жаңа жобаларға инвестиция тарту көлемін ұлғайтуды тапсырды

НҰР-СҰЛТАН, 30 қаңтар – Sputnik. Қазақстан премьер-министрі Асқар Мамин Маңғыстау облысына жұмыс сапары барысында өңірдің әлеуметтік-экономикалық даму мәселелері жөнінде кеңес өткізді.

"Жаңаөзен қаласында қуаттылығы 1 миллиард текше метрге дейін болатын жаңа газ өңдеу зауытын салу, өңірдің қолданыстағы магистралдық және таратушы газ желілерін реконструкциялау мәселелері талқыланды", - деп хабарлады премьер-министрдің сайты.

Суды тұщыландыратын зауыт салынады

Маңғыстау облысының халқын ауыз сумен қамтамасыз ету шеңберінде "Каспий" тұщыландыру зауыты қайта жаңартылып, кеңейтіледі (өнімділігі тәулігіне 40 мың текше метрге дейін арттырылады), "Қаражанбастың" қуаты тәулігіне 17 мың текше метрге ұлғайтылады, Жаңаөзен қаласын сумен қамтамасыз ету мәселелерін шешетін және қуаты тәулігіне 50 мың текше метрге жететін "Кендірлі" тұщыландыру зауыты салынады. Қосымша сумен жабдықтау мен кәріздің жаңа желілері тартылады, КТҚ қайта жаңартылып, жалпы қуаты тәулігіне 70 мың текше метрге дейін жеткізіледі.

Су кодексіне түзету енгізілді: Тоқаев заңға қол қойды

Биыл "Ақтау-Форт Шевченко" жолын қайта жаңартуды аяқтау жоспарлануда, қажетті инженерлік коммуникацияларды жүргізе отырып, 1,3 миллион шаршы метр тұрғын үй салынады. 2021 жылдың наурыз айында "Қошқар-Ата" қалдық қоймасын қалпына келтіру жұмыстары басталады. Жоба үш жыл ішінде аяқталады және тарихи қалдықтарды орналастырумен байланысты экологиялық проблеманы шешуге мүмкіндік береді.

Өңірдегі азық-түлік қауіпсіздігі

Маңғыстау облысының азық-түлік қауіпсіздігін арттыру мәселелері қаралды. Өңірде бірқатар АӨК инвестициялық жобалары іске асырылуда. Соның бірі — қуаты жылына 5 мың тонна құс етін өндіретін "Ақтау агро" жобасы. Оны осы жылдың II тоқсанында іске қосу жоспарланған. Жобаны жүзеге асыру өңірдің құс етімен қамтамасыз етілуін 45%-ға дейін арттыруға мүмкіндік береді.

Маңғыстау облысы халқының жұмыспен қамтылуын қамтамасыз ету және табысын арттыру, еңбек нарығының қазіргі жағдайын ескере отырып, туристік сектор үшін жергілікті кадрларды даярлау мәселелері талқыланды. 2020 жылдың қорытындысы бойынша Маңғыстау облысының негізгі капиталына салынған инвестициялар 2019 жылмен салыстырғанда 2,9%-ға – 576,4 миллиард теңгеге дейін өсті. Құрылыс жұмыстарының көлемі 206,3 миллиард теңгені құрады (+12,2%), 1,19 миллион шаршы метр тұрғын үй пайдалануға берілді (+1,5%).

Туризмге 400 миллиард теңге тартылады

Маңғыстау облысы Қазақстанның перспективалы туристік аймақтарының ТОП-10 құрамына кіреді. 2020 жылы туризм саласындағы негізгі капиталға салынған инвестициялар көлемі 71,8 миллиард теңгеге жетті. Биыл Маңғыстау облысының туристік инфрақұрылымын дамытуға 400 миллиард теңгеден астам инвестиция тарту көзделген.

"Жаңа жұмыс орындарын құруға, халықтың тұрмыс сапасы мен әл-ауқатын арттыруға ықпал ететін дамудың жаңа жобаларына инвестиция тарту көлемін ұлғайту қажет", — деді Мамин.

Жұмыс сапары аясында Мамин Ақтау қаласының курорттық аймағын дамыту жобаларының (Fairmont, Double Tree by Hilton, Aqualina Resort брендтерімен қонақ үйлер, тақырыптық ойын-сауық паркі) іске асырылуын тексеріп, жоспарланған инфрақұрылым құрылысының уақытылы аяқталуын қамтамасыз етуді тапсырды.

623
Кілт сөздер:
инвестиция, жұмыспен қамту, Асқар Мамин
Тақырып бойынша
Мамин биыл кімдердің жалақысы өсетінін айтты
Мамин екі министрді не себепті ауыстырды – сарапшылар пікірі
Үкімет басшысы жаңа министрлердің алдына маңызды міндеттер қойды
Мамин Түркістанның даму барысын тексерді
Мамин үкіметтің жаңа құрамы халықтың тұрмысын жақсартумен айналысатынын айтты
Газ құю бекеті, архивтегі сурет

Қазақстанда сұйылтылған газ бағасын уақытша реттеудің күші жойылады

18
(Жаңартылды 13:40 26.02.2021)
Сұйылтылған мұнай газын сатудың уақытша бағасын мемлекеттік реттеу пандемия кезінде өткен жылдың көктемінде енгізілген болатын

НҰР-СҰЛТАН, 26 ақпан – Sputnik. Қазақстанда 1 наурыздан бастап сұйылтылған газ бағасын уақытша реттеудің күші жойылады, деп хабарлады энергетика министрлігі.

Өткен жылдың көктемінде президент Тоқаев автокөліктерге жанармай құю станцияларында сұйылтылған мұнай газын сатудың уақытша бағасын мемлекеттік реттеу енгізу туралы тапсырма берген болатын. Сәйкес бұйрық 2020 жылдың сәуір айында күшіне енді.

"Атамекен" ҰКП мен салалық қауымдастықтар кәсіпкерлерге қолдау көрсету мақсатында бұл бұйрықтың әрекет ету мерзімін анықтау бойынша мемлекеттік органдарға ұсыныстар жолдады. Егер бұйрық ұзартылған болса, онда кәсіпкерлер жұмысшыларды қысқартуға мәжбүр болар еді.

Оқи отырыңыз: "Сапасыз жанармай ұлттық қауіпсіздікке қатер төндіреді": Тоқаев ҰҚК-ға тапсырма берді

Қалай десек те, 23 ақпанда энергетика министрінің сәйкес бұйрығы әділет органдарында қабылданып, тіркелді. Бұл құжат бойынша 2020 жылдың 3 сәуіріндегі "Автокөліктерге жанармай құю станцияларында автокөліктердің толтыруына арналған сұйылтылған мұнай газының бөлшек саудасының шекті бағасын белгілеу туралы" энергетика мен ұлттық экономика министрлерінің бірлескен бұйрығына өзгертулер енгізіледі.

Ал осы бұйрықтың мерзімі 2021 жылдың 1 наурызында аяқталады.

18
Кілт сөздер:
баға, газ
Тақырып бойынша
Ақтөбеде жанармай бекетінде кассир әйел қарулы қарақшыға қарсы тұрды – видео
Газ орнына су құйған: Ақтауда жанармай бекетінің қулығы әшкере болды
Нұр-Сұлтан әкімі газ бағасы қанша теңгеден болатынын айтты
Есікте жанармай құю бекетінде жарылыс болды
Елордада үйге газ кіргізу бағасы 37,5 процентке дейін арзандады
Қызылордада газ құю станциясына белгісіз біреу баса-көктеп кірді
Ақорданың ғимараты

Ақордада қолма-қол ақшасыз төлемдерді дамыту мәселесі талқыланды

1698
(Жаңартылды 11:28 26.02.2021)
Кездесуде қолма-қол ақшасыз төлем көлемінің өсуі және оның қолданылу аясын кеңейту мәселелері талқыланды

НҰР-СҰЛТАН, 26 ақпан – Sputnik. Президент Қасым-Жомарт Тоқаев Kaspi.kz компаниясының негізін қалаушыларды қабылдады, деп хабарлады Ақорданың ресми сайты.

Кездесу кезінде Вячеслав Ким мен Михаил Ломтадзе компанияның қазіргі жұмысы туралы айтып берді. Олардың айтуынша, ірі жаһандық инвесторлардың Қазақстанға деген қызығушылығын артып отыр. Бұған Kaspi.kz акцияларының Лондон қор биржасына ашық түрде сәтті шығарылуы себеп болған.

Сондай-ақ, кездесуде қолма-қол ақшасыз төлем көлемінің өсуі және оның қолданылу аясын кеңейту, компанияның қатысуымен мемлекеттік цифрландыру жобаларын жүзеге асыру мәселелері де талқыланды.

Оқи отырыңыз: Kaspi bank клиенттердің шотынан ақша неліктен "жоғалғанын" түсіндірді

"Кездесу қорытындысы бойынша мемлекеттік органдар мен Kaspi.kz компаниясының бірлескен жұмыстарының перспективалық бағыттары белгіленіп, Қазақстандағы қолма-қол ақшасыз төлемдерді дамытуға қатысты мәселелер нақтыланды", - делінген ресми хабарламада.

1698
Кілт сөздер:
Қасым-Жомарт Тоқаев
Оқиға орнында түсірілген сурет

Алматы маңында Ан-2 ұшағы далалы аймаққа шұғыл қонды видео

0
(Жаңартылды 15:03 26.02.2021)
Боралдай – Кеген бағыты бойынша санитарлық рейс орындайтын Ан-2 ұшағы тас жол маңына шұғыл қонды

НҰР-СҰЛТАН, 26 ақпан – Sputnik. Санитарлық рейс орындайтын "Азия Континенталь" компаниясының Ан-2 ұшағы Алматы облысындағы Боралдай тас жолынан шығысқа қарай бір жарым шақырым қашықта шұғыл қонуға мәбүр болды, деп хабарлады азаматтық авиация комитеті.

"Ұшақ бортында бес адам болған. Зардап шеккендер мен қаза тапқандар жоқ", – делінген хабарламада.

Ақпаратта төтенше жағдай бүгін сағат 12:30-да болғанын атап өткен. 

Посмотреть эту публикацию в Instagram

Публикация от Sputnik Казахстан (@sputniknewskz)

Тергеу шараларын индустрия және инфрақұрылымды дамыту министрлігінің әуе кемелері апаты мен оқиғаларды тергеу басқармасы жүргізеді.

Айта кетейік, осыған ұқсас жағдай 8 ақпан күні Шығыс Қазақстан облысында болған. Өскемен – Зайсан бағытында санитарлық рейс орындайтын Ан-2 ұшағы шұғыл қонған.

Оқи отырыңыз: Жолаушы ұшақ қозғалтқышы өртенген сәтті видеоға түсіріп алды

Зайсан қаласындағы науқасқа көмек көрсету үшін ұшып шыққан ұшақ бортында үш экипаж мүшесі мен екі медициналық қызметкері болған.

Кейіннен ұшақтың қайта көкке көтерілгені хабарланған.

0
Кілт сөздер:
Алматы облысы, ұшақ апаты
Тақырып бойынша
Жеке ұшақ, қымбат көлік, бірнеше коттедж: Ертаев пен Ибрагимнің мүлкі тәркіленді
Испан кемпірқосағы мен отқа оранған ұшақ: Aerial Photography Awards 2020 үздік суреттері
Ұшақ бортында ауырып қалған бала Ақтауда қайтыс болды
Индонезиядағы Boeing 737 апаты: құтқарушылар ұшақ жолаушыларының дене бөлшектерін тапты
Бразилияда футболшылар мінген ұшақ апатқа ұшырады
Алматыда ұшақ әуежайға қонар кезде оқыс оқиға болды