Digital Almaty форумына қатысып отырған Асқар Мамин

Асқар Мамин Қазақстанның ірі қалаларында 5G қашан пайда болатынын айтты

104
(Жаңартылды 12:01 05.02.2021)
Премьер-министр экономиканың барлық саласында цифрландыру қарқынын үдетуді тапсырды және қашықтағы форматтардың кең таралуы қоғамның функцияларын тұрақтандыруға мүмкіндік бергенін атап өтті

НҰР-СҰЛТАН, 5 ақпан – Sputnik. Премьер-министр Асқар Мамин Digital Almaty форумы барысында елдегі цифрлық технологиялардың дамуы туралы айтты.

"Пандемия жағдайында Қазақстан экономикасы тұрақтылықтың жеткілікті деңгейін көрсетті. Халықты интернетпен қамту 99%-ті құрайды. Жалпы онлайн режимде алуға болатын мемлекеттік қызметтердің үлесі 9%-ке жетті. Электронды сауданың көлемі екі есеге артып, қолма-қол ақшасыз төлемдердің көлемі үш есеге өсті. Алдағы бес жыл ішінде барлық облыс орталықтары мен республикалық маңызы бар қалалар 5G желісімен қамтылатын болады", – деді Қазақстан премьер-министрі.

Ол елде 1000-нан астам инновациялық компаниялар құру жоспарланып отырғанына тоқталды. Сондай-ақ, экономиканың барлық салаларында цифрландыру қарқынын үдетуді және халықтың өмірін пандемияның маңызды тенденцияларының бірі ретінде атап өтті.

Сонымен қатар, мемлекеттік институттар цифрлық шешімдерді енгізуді жеделдетті. Ал қашықтағы форматтардың кең таралуы қоғамның функцияларын тұрақтандыруға мүмкіндік берді.

"Нәтижесінде біз цифрлық экономика көлемі өсуінің куәсі болдық. Әлемдік институттардың мәліметтері бойынша, IT-технологияларға шығындар көлемі 2020 жылы 3,9 триллион доллардан асты. Ал бұлтты есептеу нарығының көлемі 20% өсті. 2023 жылға қарай бұл көрсеткіш 600 миллиард доллардан асады", – деді премьер-министр.

"Форум жақсы дәстүрге айналды. Еуразиялық үкіметаралық кеңестің бірінші отырысын бірлесіп өткізу – бұл сапалы цифрландыруды жүзеге асырудың логикалық шешімі", – деді Асқар Мамин.

Оқи отырыңыз: Тоқаев байланыс операторларын нашар интернет үшін жауапқа тартуды ұсынды

Айта кетейік, Алматыда цифрлық Digital Almaty жұма күні өтіп жатыр, оған ЕАЭО елдерінің премьер-министрлері қатысады. Сессияны Қазақстан президенті Қасым-Жомарт Тоқаев ашып, арнайы бейнеүндеу жолдады.

104
Кілт сөздер:
Асқар Мамин, интернет
Тақырып бойынша
Министрлік ауылдағы интернет мәселесін шешудің жолын тапты
ЕАЭО елдері интернет-пираттармен қалай күреседі
Ауылды жерлерге интернет жеткізетіндерге субсидия бөлінеді – министр
Қазақстанда 5G желісі қалай енгізіледі?
5G мен COVID-19-ға қатысты тағы бір видео жалған болып шықты 
Газ құю бекеті, архивтегі сурет

Қазақстанда сұйылтылған газ бағасын уақытша реттеудің күші жойылады

108
(Жаңартылды 13:40 26.02.2021)
Сұйылтылған мұнай газын сатудың уақытша бағасын мемлекеттік реттеу пандемия кезінде өткен жылдың көктемінде енгізілген болатын

НҰР-СҰЛТАН, 26 ақпан – Sputnik. Қазақстанда 1 наурыздан бастап сұйылтылған газ бағасын уақытша реттеудің күші жойылады, деп хабарлады энергетика министрлігі.

Өткен жылдың көктемінде президент Тоқаев автокөліктерге жанармай құю станцияларында сұйылтылған мұнай газын сатудың уақытша бағасын мемлекеттік реттеу енгізу туралы тапсырма берген болатын. Сәйкес бұйрық 2020 жылдың сәуір айында күшіне енді.

"Атамекен" ҰКП мен салалық қауымдастықтар кәсіпкерлерге қолдау көрсету мақсатында бұл бұйрықтың әрекет ету мерзімін анықтау бойынша мемлекеттік органдарға ұсыныстар жолдады. Егер бұйрық ұзартылған болса, онда кәсіпкерлер жұмысшыларды қысқартуға мәжбүр болар еді.

Оқи отырыңыз: "Сапасыз жанармай ұлттық қауіпсіздікке қатер төндіреді": Тоқаев ҰҚК-ға тапсырма берді

Қалай десек те, 23 ақпанда энергетика министрінің сәйкес бұйрығы әділет органдарында қабылданып, тіркелді. Бұл құжат бойынша 2020 жылдың 3 сәуіріндегі "Автокөліктерге жанармай құю станцияларында автокөліктердің толтыруына арналған сұйылтылған мұнай газының бөлшек саудасының шекті бағасын белгілеу туралы" энергетика мен ұлттық экономика министрлерінің бірлескен бұйрығына өзгертулер енгізіледі.

Ал осы бұйрықтың мерзімі 2021 жылдың 1 наурызында аяқталады.

108
Кілт сөздер:
баға, газ
Тақырып бойынша
Ақтөбеде жанармай бекетінде кассир әйел қарулы қарақшыға қарсы тұрды – видео
Газ орнына су құйған: Ақтауда жанармай бекетінің қулығы әшкере болды
Нұр-Сұлтан әкімі газ бағасы қанша теңгеден болатынын айтты
Есікте жанармай құю бекетінде жарылыс болды
Елордада үйге газ кіргізу бағасы 37,5 процентке дейін арзандады
Қызылордада газ құю станциясына белгісіз біреу баса-көктеп кірді
Ақорданың ғимараты

Ақордада қолма-қол ақшасыз төлемдерді дамыту мәселесі талқыланды

2587
(Жаңартылды 11:28 26.02.2021)
Кездесуде қолма-қол ақшасыз төлем көлемінің өсуі және оның қолданылу аясын кеңейту мәселелері талқыланды

НҰР-СҰЛТАН, 26 ақпан – Sputnik. Президент Қасым-Жомарт Тоқаев Kaspi.kz компаниясының негізін қалаушыларды қабылдады, деп хабарлады Ақорданың ресми сайты.

Кездесу кезінде Вячеслав Ким мен Михаил Ломтадзе компанияның қазіргі жұмысы туралы айтып берді. Олардың айтуынша, ірі жаһандық инвесторлардың Қазақстанға деген қызығушылығын артып отыр. Бұған Kaspi.kz акцияларының Лондон қор биржасына ашық түрде сәтті шығарылуы себеп болған.

Сондай-ақ, кездесуде қолма-қол ақшасыз төлем көлемінің өсуі және оның қолданылу аясын кеңейту, компанияның қатысуымен мемлекеттік цифрландыру жобаларын жүзеге асыру мәселелері де талқыланды.

Оқи отырыңыз: Kaspi bank клиенттердің шотынан ақша неліктен "жоғалғанын" түсіндірді

"Кездесу қорытындысы бойынша мемлекеттік органдар мен Kaspi.kz компаниясының бірлескен жұмыстарының перспективалық бағыттары белгіленіп, Қазақстандағы қолма-қол ақшасыз төлемдерді дамытуға қатысты мәселелер нақтыланды", - делінген ресми хабарламада.

2587
Кілт сөздер:
Қасым-Жомарт Тоқаев
Қазақстан мен Қырғызстан тулары

Қырғызстан президенті Нұр-Сұлтанға келеді: Тоқаев пен Жапаров не талқылайды

12
Қазақстан Қырғызстаның жаңа президенті Садыр Жапаров мемлекеттік сапармен келетін екінші ел болмақ

НҰР-СҰЛТАН, 27 ақпан – Sputnik. Қазақстан мен Қырғызстан басшылары мемлекеттік сапар барысында бірқатар екіжақты келісімдерге қол қояды.

Ақорданың баспасөз қызметінің хабарлауынша, Садыр Жапаров Нұр-Сұлтанға 2-3 наурызда Қасым-Жомарт Тоқаевтың шақыруымен келеді.

"Шағын және кең құрамдағы келіссөздер барысында қазақ-қырғыз стратегиялық серіктестігінің қазіргі жағдайы мен болашағы талқыланады деп көзделіп отыр. Сауда-экономикалық, көлік-логистикалық, су-энергетикалық және мәдени-гуманитарлық салалардағы ынтымақтастықты кеңейту мәселелері сөз болады", - деп хабарлады Тоқаевтың баспасөз қызметі.

Бұдан бөлек, мемлекет басшылары Орталық Азия, ЕАЭО мен өзге де құрылымдарда интеграциялық процестерді дамыту, сонымен қатар халықаралық күн тәртібіндегі өзекті мәселелер төңірегінде пікір алмасады. Сапар қорытындысы бойынша бірқатар екіжақты келісімдерге қол қойылмақ.

Айта кетсек, Қырғызстанның жаңа президентінің Қазақстанға сапары сайлаудан кейін бірден жоспарланған еді. Бірақ президентікке сайланғаннан кейін Садыр Жапаров алғашқы сапарын Ресейге жасады.

12
Кілт сөздер:
Қасым-Жомарт Тоқаев, Қырғызстан