Михаил Мишустин

Ресейдің үкімет басшысы Қазақстанға қандай ұсыныс жасады

79
(Жаңартылды 13:33 05.02.2021)
Ресейлік "COVID-19-сыз саяхаттаймын" қосымшасын әзірге РФ, Армения және Беларусь азаматтары қолданып жүр

НҰР-СҰЛТАН, 5 ақпан — Sputnik. Ресей үкіметінің төрағасы Михаил Мишустин Қазақстан мен Қырғызстанға пандемия кезінде еркін саяхаттауға мүмкіндік беретін мобильдік қосымшаға қосылуды ұсынды.

"Біз ЕАДБ-ның шекарадағы кедергілерді жоятын қосымшалар әзірлеу туралы шешімін қолдаймыз", - деді Мишустин Digital Almaty форумы кезінде.

Ол пандемия жағдайында мемлекеттердің шекарасынан өтуге мүмкіндік беретін ресейлік "COVID-19-сыз саяхаттаймын" қосымшасын мысал етті.

"Қазір бұл қосымшаны Ресей, Армения және Беларусь азаматтары қолданып жүр. Қазақстан мен Қырғызстан да қосылады деп үміттенеміз. Бұл қосымшада әлем бойынша ешқандай шектеусіз саяхаттауға мүмкіндік беретін арнайы QR-рұқсаты болады", - деді Ресей премьер-министрі.

Ол, сондай-ақ, ЕАЭО-да цифрлық платформа құру елдердің жұмысына тиімді әсер етіп, одақтың мызғымас тірегін құруға мүмкіндік беретініне сенім білдірді.

"Өзара әділ сауда үшін жағдай жасап, Еуроодақпен диалог жүргізу керек және Қытайдың "Бір белдеу" бастамасымен еуразиялық ықпалдастықты жалғастыру керек. Мұның барлығы бірыңғай цифрлық платформада жүзеге асуы қажет", - деді Мишустин.

Ол "Ортақ цифрлық жүйелер емес, осы жүйелердің жоқтығы одақ құрамындағы мемлекеттерге қауіп төндіріп тұр" деп атап өтті.

"Цифрлық платформа одақ аясындағы елдердің сауда нарығындағы кедергілерін жоя алады. Біз тек бірігіп қана экономикамызды тиімді дамыта аламыз. Ұйымға қатысушы мемлекеттердің арасындағы құқықтық мәселелерді де шешу керек. Азаматтар мен бизнесті сәйкестендірудің бірыңғай есеп жүйесін әзірлеу қажет", - деп санайды Ресей үкіметінің төрағасы.

Сондай-ақ, Мишустин форумды жоғары деңгейде ұйымдастырғаны үшін Қазақстан премьер-министрі Асқар Маминге алғыс айтты.

Еске салсақ, бүгін ЕАЭО елдері премьер-министрлерінің қатысуымен Digital Almaty форумы өтіп жатыр.

79
Газ құю бекеті, архивтегі сурет

Қазақстанда сұйылтылған газ бағасын уақытша реттеудің күші жойылады

18
(Жаңартылды 13:40 26.02.2021)
Сұйылтылған мұнай газын сатудың уақытша бағасын мемлекеттік реттеу пандемия кезінде өткен жылдың көктемінде енгізілген болатын

НҰР-СҰЛТАН, 26 ақпан – Sputnik. Қазақстанда 1 наурыздан бастап сұйылтылған газ бағасын уақытша реттеудің күші жойылады, деп хабарлады энергетика министрлігі.

Өткен жылдың көктемінде президент Тоқаев автокөліктерге жанармай құю станцияларында сұйылтылған мұнай газын сатудың уақытша бағасын мемлекеттік реттеу енгізу туралы тапсырма берген болатын. Сәйкес бұйрық 2020 жылдың сәуір айында күшіне енді.

"Атамекен" ҰКП мен салалық қауымдастықтар кәсіпкерлерге қолдау көрсету мақсатында бұл бұйрықтың әрекет ету мерзімін анықтау бойынша мемлекеттік органдарға ұсыныстар жолдады. Егер бұйрық ұзартылған болса, онда кәсіпкерлер жұмысшыларды қысқартуға мәжбүр болар еді.

Оқи отырыңыз: "Сапасыз жанармай ұлттық қауіпсіздікке қатер төндіреді": Тоқаев ҰҚК-ға тапсырма берді

Қалай десек те, 23 ақпанда энергетика министрінің сәйкес бұйрығы әділет органдарында қабылданып, тіркелді. Бұл құжат бойынша 2020 жылдың 3 сәуіріндегі "Автокөліктерге жанармай құю станцияларында автокөліктердің толтыруына арналған сұйылтылған мұнай газының бөлшек саудасының шекті бағасын белгілеу туралы" энергетика мен ұлттық экономика министрлерінің бірлескен бұйрығына өзгертулер енгізіледі.

Ал осы бұйрықтың мерзімі 2021 жылдың 1 наурызында аяқталады.

18
Кілт сөздер:
баға, газ
Тақырып бойынша
Ақтөбеде жанармай бекетінде кассир әйел қарулы қарақшыға қарсы тұрды – видео
Газ орнына су құйған: Ақтауда жанармай бекетінің қулығы әшкере болды
Нұр-Сұлтан әкімі газ бағасы қанша теңгеден болатынын айтты
Есікте жанармай құю бекетінде жарылыс болды
Елордада үйге газ кіргізу бағасы 37,5 процентке дейін арзандады
Қызылордада газ құю станциясына белгісіз біреу баса-көктеп кірді
Ақорданың ғимараты

Ақордада қолма-қол ақшасыз төлемдерді дамыту мәселесі талқыланды

1696
(Жаңартылды 11:28 26.02.2021)
Кездесуде қолма-қол ақшасыз төлем көлемінің өсуі және оның қолданылу аясын кеңейту мәселелері талқыланды

НҰР-СҰЛТАН, 26 ақпан – Sputnik. Президент Қасым-Жомарт Тоқаев Kaspi.kz компаниясының негізін қалаушыларды қабылдады, деп хабарлады Ақорданың ресми сайты.

Кездесу кезінде Вячеслав Ким мен Михаил Ломтадзе компанияның қазіргі жұмысы туралы айтып берді. Олардың айтуынша, ірі жаһандық инвесторлардың Қазақстанға деген қызығушылығын артып отыр. Бұған Kaspi.kz акцияларының Лондон қор биржасына ашық түрде сәтті шығарылуы себеп болған.

Сондай-ақ, кездесуде қолма-қол ақшасыз төлем көлемінің өсуі және оның қолданылу аясын кеңейту, компанияның қатысуымен мемлекеттік цифрландыру жобаларын жүзеге асыру мәселелері де талқыланды.

Оқи отырыңыз: Kaspi bank клиенттердің шотынан ақша неліктен "жоғалғанын" түсіндірді

"Кездесу қорытындысы бойынша мемлекеттік органдар мен Kaspi.kz компаниясының бірлескен жұмыстарының перспективалық бағыттары белгіленіп, Қазақстандағы қолма-қол ақшасыз төлемдерді дамытуға қатысты мәселелер нақтыланды", - делінген ресми хабарламада.

1696
Кілт сөздер:
Қасым-Жомарт Тоқаев
Оқиға орнында түсірілген сурет

Алматы маңында Ан-2 ұшағы далалы аймаққа шұғыл қонды видео

0
(Жаңартылды 15:03 26.02.2021)
Боралдай – Кеген бағыты бойынша санитарлық рейс орындайтын Ан-2 ұшағы тас жол маңына шұғыл қонды

НҰР-СҰЛТАН, 26 ақпан – Sputnik. Санитарлық рейс орындайтын "Азия Континенталь" компаниясының Ан-2 ұшағы Алматы облысындағы Боралдай тас жолынан шығысқа қарай бір жарым шақырым қашықта шұғыл қонуға мәбүр болды, деп хабарлады азаматтық авиация комитеті.

"Ұшақ бортында бес адам болған. Зардап шеккендер мен қаза тапқандар жоқ", – делінген хабарламада.

Ақпаратта төтенше жағдай бүгін сағат 12:30-да болғанын атап өткен. 

Посмотреть эту публикацию в Instagram

Публикация от Sputnik Казахстан (@sputniknewskz)

Тергеу шараларын индустрия және инфрақұрылымды дамыту министрлігінің әуе кемелері апаты мен оқиғаларды тергеу басқармасы жүргізеді.

Айта кетейік, осыған ұқсас жағдай 8 ақпан күні Шығыс Қазақстан облысында болған. Өскемен – Зайсан бағытында санитарлық рейс орындайтын Ан-2 ұшағы шұғыл қонған.

Оқи отырыңыз: Жолаушы ұшақ қозғалтқышы өртенген сәтті видеоға түсіріп алды

Зайсан қаласындағы науқасқа көмек көрсету үшін ұшып шыққан ұшақ бортында үш экипаж мүшесі мен екі медициналық қызметкері болған.

Кейіннен ұшақтың қайта көкке көтерілгені хабарланған.

0
Кілт сөздер:
Алматы облысы, ұшақ апаты
Тақырып бойынша
Жеке ұшақ, қымбат көлік, бірнеше коттедж: Ертаев пен Ибрагимнің мүлкі тәркіленді
Испан кемпірқосағы мен отқа оранған ұшақ: Aerial Photography Awards 2020 үздік суреттері
Ұшақ бортында ауырып қалған бала Ақтауда қайтыс болды
Индонезиядағы Boeing 737 апаты: құтқарушылар ұшақ жолаушыларының дене бөлшектерін тапты
Бразилияда футболшылар мінген ұшақ апатқа ұшырады
Алматыда ұшақ әуежайға қонар кезде оқыс оқиға болды