Асқар Мамин

ЕАЭО елдері саудадағы жаңа кедергілердің пайда болуына жол бермеуі керек Мамин

23
Сонымен қатар, тауарлар, қызметтер, капитал мен жұмыс күшінің еркін қозғалысына шектеулер мейлінше қысқартуға жағдай туғызу керек

НҰР-СҰЛТАН, 5 ақпан – Sputnik. Еуразиялық экономикалық одаққа мүше мемлекеттер жаңа сауда кедергілерінің пайда болуына жол бермей, қазіргі кедергілерді  жою бойынша жұмыстарды күшейтуі керек. Бұл туралы ЕАЭО үкіметаралық кеңесінің (ЕҮАК) отырысында Қазақстан премьер-министрі Асқар Мамин мәлімдеді.

"Біздің елдер арасындағы өзара саудадағы кедергілерді жою жұмыстарын күшейтуіміз керек. Сыртқы сұраныстың шектеулі серпіні жағдайында ЕАЭО ортақ нарығының тиімділігі мен қолжетімділігі үлкен мәнге ие болып отыр", - деді Мамин.

Қазақстан премьері одақтың өндірістік жүйелерінің бәсекелестік артықшылықтарын толық көлемде жүзеге асыру үшін жаңа сауда кедергілерінің пайда болуына жол бермей, қазіргі кедергілерді  жою жұмыстарын күшейтуге, тауарлар, қызметтер, капитал мен жұмыс күшінің еркін қозғалысына шектеулер мен оларды алып тастауды мейлінше қысқартуға күш салу керек екенін баса айтты.

Асқар Мамин Қазақстанның ірі қалаларында 5G қашан пайда болатынын айтты

Еске салсақ, 5 ақпанда Қазақстанның оңтүстік мегаполисінде Digital Almaty форумы, сонымен қатар, ЕАЭО үкіметаралық кеңесінің отырысы өтіп жатыр. Оған Одаққа мүше елдердің үкімет басшылары, ЕЭК министрлері, сондай-ақ, ЕАЭО жанындағы бақылаушы мемлекеттер – Молдова, Өзбекстан мен Куба қатысып отыр.

Шарадан кейін Қазақстанның премьер-министрі Асқар Мамин мен ЕЭК алқасының төрағасы Михаил Мясниковичтің БАҚ өкілдеріне сұқбаты жоспарланған.

Айта кету керек, Еуразиялық үкіметаралық кеңес отырысын өткізу барысында санитарлық талаптар қатаң сақталған.

23
Кілт сөздер:
ЕАЭО, Асқар Мамин
Тақырып бойынша
Тоқаев ЕАЭО-да білім беру жобасын әзірлеуді ұсынды
Алматыда ЕАЭО премьерлерінің қатысуымен Digital forum өтіп жатыр - онлайн
Ресейдің үкімет басшысы Қазақстанға қандай ұсыныс жасады
Әуежайдағы санитарлық бақылау бекеті

ПТР-тест тапсырмаған жолаушылар үшін мемлекет қанша ақша жұмсайды

34
(Жаңартылды 15:56 01.03.2021)
ПТР-тест қорытындысы бойынша Дубай–Алматы рейсімен ұшып келген төрт жолаушыдан коронавирус инфекциясы анықталған

НҰР-СҰЛТАН, 1 наурыз — Sputnik. Жергілікті билік ПТР-тестсіз елге келген жолаушыларға бір тәулікте алты миллион теңгеге жуық қаражат жұмсайды.

28 ақпанда 729 жолаушы коронавирус жұқтырмағаны туралы ПТР-анықтамасыз Қазақстанға келді. Олар бұл тесті мемлекет қаражаты есебінен тапсырады.

Денсаулық сақтау министрлігіне қарасты зертханалар бір тест үшін 8025 теңге (шамамен 20 доллар) жұмсайды. Осылайша, 729 жолаушы үшін үкімет 5,8 миллион теңге (шамамен 14 мың доллар) көлемінде шығын көтереді.

2021 жылдың 28 ақпанында Германия, Шри-Ланка, Сауд Арабиясы, Мальдив аралдары, БАӘ, Египет, Түркия, Украина, Ресей, Өзбекстан және Қырғызстаннан 23 халықаралық рейстер орындалды. 3 210 әуе жолаушысының ішінде 2 481 адамда ПТР-тестінің теріс нәтижесі бар анықтамалары болған. Ал Қазақстанның 729 азаматы мұндай анықтамасыз келген.

Соның ішінде, он бес рейс орындалған Алматы әуежайындағы 2 033 жолаушының 1 693-інде анықтама болса, 340 жолаушыда анықтама болмаған; Нұр-Сұлтандағы сегіз рейспен келген 1 177 жолаушының 788-інде анықтама бар, 389-ы ПТР-тест тапсырмаған.

Денсаулық сақтау министлігінің санитарлық-эпидемиологиялық бақылау комитеті анықтамасы жоқ қазақстандық жолаушылар ПТР-талдау әдісі арқылы тест тапсырып, қазір карантиндік стационарда талдау нәтижесін күтіп отырғанын айтты.

Сондай-ақ, ПТР-тест қорытындысы бойынша Дубай–Алматы рейсімен ұшып келген төрт жолаушыдан коронавирус инфекциясы анықталған.

34
Кілт сөздер:
тест, ақша, коронавирус, Қазақстан
Тақырып:
Коронавирус эпидемиясы
Тақырып бойынша
Вакцинаның әсері: Цой эпидемиологиялық жағдайға болжам жасады
11 жасар қыз коронавирустан қайтыс болған ата-анасын үйдің жертөлесінен тапты
Министр келесі жылдан бастап кімдердің жалақысы өсетінін айтты
Президенттің сынынан кейін облыс әкімі контейнерде тұруға шешім қабылдады  
Ғалымдар коронавирустың түсін анықтады
Автокөлік

Армениядан әкелінген көліктерді тіркеу мерзімі ұзартылды

6598
Ішкі істер министрлігінің хабарлауынша, карантинге байланысты мыңнан астам адам өз көлігін тіркеуге немесе елден шығаруға  үлгермеген

НҰР-СҰЛТАН, 27 ақпан – Sputnik. Армениядан әкелінген көліктерді тіркеу мерзімі 2022 жылдың бірінші наурызына дейін ұзартылды.

ІІМ баспасөз қызметінің ақпаратына сүйенсек, Арменияның уәкілетті органдарында Қазақстан азаматтарына тіркелген және 2020 жылдың 1 ақпанына дейін елге әкелінген көліктерді тіркеу бойынша жұмыс жүргізілуде. Қазіргі уақытта тіркеу шарттарына сәйкес 20 мыңнан астам автомобиль есепке қойылған.

"Ал 1 мыңнан астам автокөлік иелеріне өз көлігін  тіркеуге немесе оларды елден тыс жерге әкетуге мүмкіндік бермеген бірқатар объективті себеп бар. Осы проблемаларды ескере отырып, үкімет биылғы жылдың 27 ақпанында осындай автомобильдерді тіркеу мерзімін 2022 жылдың 1 наурызына дейін ұзарту туралы шешім қабылдады. Осылайша, Арменияда тіркелген және біздің елге 2020 жылдың 1 ақпанына дейін әкелінген көліктердің иелеріне өз көлігін есепке қою мәселесін шешу үшін қосымша уақыт берілді", - деп хабарлады ішкі істер министрлігі.

Жүргізушілер қандай қиындыққа тап болды

Күрделі эпидемиологиялық жағдайға және карантиннің ұзаққа созылуына байланысты мемлекеттік шекараны кесіп өтуге шектеу қойылғандықтан автокөлікті Арменияға кері әкету мәселесі туындады.

Сондай-ақ, карантинге және аккредиттелген зертханалардың барлық өңірде болмауына байланысты кейбір жүргізушілер қайта жабдықталған автомобильдерді уақтылы сынақтан өткізе алмады.

"Қаржы пирамидалары" бойынша қылмыстық істерді тергеуге байланысты бірқатар көлікті (олар ломбардтардағы, микрокредиттік ұйымдардағы кепілдік мүлік болып табылады) пайдалану шектелді.

Оқи отырыңыз: Полицейлер құжатсыз жолға шыққан жүргізушілерді қамауға алуы мүмкін

Бұдан бөлек, қазіргі уақытта Қазақстанда тіркеуден өткен көліктердің иелерін Армениядағы салық міндеттемелерінен босату туралы үкіметаралық келісім ішкі және мемлекетаралық рәсімдерден өтуде. Бұл жұмыс автокөлік иелерін (Армения мен Қазақстанда) “қосарланған” салықтан босатуға бағытталған.

6598
Кілт сөздер:
көлік
ЕуроОдақ туы

Еуропада вакциналау сертификаты енгізіледі

0
Солтүстікатлантикалық Pfizer/BioNTech, Moderna, AstraZeneca үштігіне қатысты бюрократиялық кедергілер болмауы керек. Алайда, Ресей мен Қытай вакцинасына қатысты қиындықтар бар

ЕО дипломатиялық ведомстволары басшыларының селекторлық кеңесінің қорытындысы бойынша сөз сөйлеген фрау канцлерин Ангела Меркель вакциналау сертификатын енгізу қажеттілігі туралы келіскенін мәлімдеді. Оның айтуынша, мұндай сертификаты жоқ азаматтарға ЕО аумағына кіруге тыйым салынады.

Әзірше тек сөз жүзінде келісім бар. Жоба шамамен үш айдан кейін талқылауға ұсынылады, деп хабарлайды РИА Новости.

Негізгі мәселе – вакциналауға қарсы көрсетілімі бар адамдардың жайы не болмақ? Уақытша қарсы көрсетілімдер жайы түсінікті. Мысалы, жақында ғана коронавирусты инфекциямен ауырып шыққан болса. Мұндай жағдайда біршама уақыт өтуін күтіп, содан кейін ғана екпе салғызу керек болады. Алайда, созылмалы ауруы бар адамдар ше?

Іс мұнымен де бітіп тұрған жоқ. Қазір әлемде вакцина көп. Оның саны арта түсетіні анық. Сонда ЕО серификатын алу құқығы нақты қай препараттарға беріледі?

Солтүстікатлантикалық Pfizer/BioNTech, Moderna, AstraZeneca үштігіне қатысты бюрократиялық кедергілер болмауы керек.

Бірақ, ресейлік ("Спутник V" және "ЭпиВакКорона") және қытай (Sinovac Biotech, CanSino Biologics, CNBG — Sinopharm) вакциналарына қатысты біршама қиындық туындайтын секілді. Олар өте жоғары деңгейде тиімді әрііаурудың жалғыз емі болса да, брюссеельдік бақылау органдарымен мақұлданбаған. Сондықтан, осы екі елдің препаратын салғызған азаматтар шекарадан асуы үшін қажетті сертификатқа қол жеткізбеулері ықтимал.

Осы тұста вакцинаның әлемдегі адамдарға тиімділігі емес, оның саяси маңызы жоғары тұрғаны анық. Ал, жаһандық мәселеге саясат араласқан кезде, оның ақыры ешқашан жақсылыққа алып келмеген. Осы сияқты жағдай "Солтүстік ағын – 2" жобасының төңірегінде де белең алып жатыр. Вакцинасы альянс аумағында мойындалмаған елді дәл осы вакцина арқылы қыспаққа алу мүмкін болса, ЕО мұны қалт жібермеуге бел буды.

Жақында ғана Еурокомиссия басшысы Усула фон дер Ляйеннің мәлімдемесі де осыған сәйкес келеді: "Ресейдің кокронавирусқа қарсы вакциналау стратегиясы ақылға қонымсыз. Басқа елдерге вакцинаның миллиондаған дозасын ұсынып отырған Ресей неге өз халқын екпемен толық қамтамасыз ете алмай отыр? Неге өз тұрғындарын вакциналауда тиісті ілгерілеу жоқ? Бұл сұраққа жауап беру керек".

Тиісті ілгерілеу деп нені меңзеп тұрғаны белгісіз. Оның үстіне, ілгерілеу мүлде байқалмайтын Еуропа бұл жайында сөз қозғауы қаншалықты орынды? Әйтпесе, Венгрия "Спутник" вакцинасын сатып алмас еді. Чехия, Австрия, Италия да осы ойда болмас еді.

Сол себепті, елге кіру визасына рұқсатнама ретінде қай вакциналар айқындалатыны туралы дау әлі талай ақиқаттың бетін ашатын секілді.

0