Tengri Bank бөлімшесі

Tengri Bank неге лицензиясынан айырылды маман жауабы

311
Банк иелігінде клиенттердің алдындағы міндеттерін орындайтын қаражаты болған жоқ. Акционерлер мен менеджментке байланысты тұлғаларға қайтарылмайтын кредит беруінің салдарынан төлем жасау қабілетсіздігі туындаған  

НҰР-СҰЛТАН, 8 ақпан — Sputnik. Қаржы нарығын реттеу және дамыту агенттігі (ҚНРДА) банктік реттеу департаментінің директоры Олжас Қизатов Tengri Bank-ті таратуға не себеп болғанын айтып берді.

2020 жылдың басында салымшылардың қаражаты айтарлықтай төмендеп, наурыз айына қарай қаржы мекемесі өтімділіктің тиісті деңгейін қамтамасыз ету бойынша проблемаға тап болды.

"2020 жылдың 1 наурызынан бастап Tengri Bank реттеушінің пруденциялық нормативтерін бұзып, банктің клиенттеріне қызмет көрсете бастады. Нәтижесінде агенттік банктің акционеріне (PNB) 2020 жылдың сәуір айының соңына дейін банкті капиталдандыру бойынша қадағалау талабын жолдады. Бірақ бұл талап орындалған жоқ", - деді Олжас Қизатов.

Банк көп көлемде қайтарылмайтын кредит берген

Департамент директорының айтуынша, 2020 жылдың наурыз айынан бастап қыркүйек айына дейін ҚНРДА банк менеджменті мен акционерлеріне қатысты 11 ескерту ұйғарымы мен 1 мәжбүрлі қадағалау шарасын қабылдаған.

Содан кейін банк қаржылық реттеушінің бақылауымен кредиттердің бір бөлігін қайта қаржыландырды және проблемалық кредиттердің бір бөлігін өндіріп алды. Нәтижесінде банктің міндеттемелері 26,4 миллиард теңгеге (63 миллион доллар) азайды. Оның ішінде мемлекеттік компаниялар алдындағы 5 миллиард теңге (12 миллион доллар) міндеттемесін өтеді.

Алайда Қизатов банктің қаржылық жағдайын жақсарту үшін бұл шаралар жеткіліксіз болғанын атап өтті.

2020 жылдың қыркүйегінде банктің қолжетімді өтімділігі шамамен 100 миллион теңге (238 мың доллар) болса, клиенттердің тарапынан орындалмаған төлемдер көлемі 8 миллиард теңгені (19 миллион доллар) құрады. Ал банктің өз клиенттері алдындағы қаржылық міндеттемелерінің жалпы көлемі 74 миллиард теңгеден (176 миллион доллар) асып кетті.

"Банк төлем жүргізуге қабілетсіз болды және оның тиімсіз бизнес-моделі жағдайды қалпына келтіру үшін қажетті табыс алып келуге мүмкіндік бермеді. Tengri Bank-тің төлем қабілетсіздігі ең алдымен қарыз беру портфелінің төмен сапасына байланысты болды. Лицензияны қайтарып алу кезінде берешек портфелінің 84%-нің мерзімі кешіктірілген болса, төлем мерзімі 90 күннен асып кеткен кредиттер көрсеткіші 62% болған", - деді ҚНРДА.  

Қаржы реттеушінің мәліметі бойынша, Tengri Bank кредиттерінің 58%-і банктің акционерлерімен және менеджментімен жанама байланыста болған адамдарға берілген және іс жүзінде қайтарылмаған.

Осыған байланысты қайтарымсыз кредит беру кезіндегі банк басшылығының іс-әрекетіне құқықтық баға беру үшін агенттік заңнамада белгіленген тәртіппен құқық қорғау органдарына өтініш жолдап, оған сәйкес қылмыстық іс қозғалды.

Акционерлер арасындағы дау-дамай

Қазақстандық акционерлердің арасындағы корпоративтік даулар қаржы институтындағы күрделі жағдайды шиеленістіре түсті. Бұл дау ушыға келе соттағы тартысқа айналды.

Банкте ақша болмағаны және акционер қаржы реттеушінің капиталдандыру бойынша талабын ұзақ уақыт бойы орындамағанынан бөлек, Tengri Bank пруденциялық нормативтерді бұзып, клиенттердің ақшалай төлемдері мен аударымдарын орындамаған.

"Банк менеджменті мен акционерлері тарапынан туындаған осы күрделі жағдайды түзету мүмкіндігінің болмауына байланысты банк лицензиясын кері қайтару туралы шешім қабылданды", - деді Олжас Қизатов.

Салымдардың басым бөлігін екі аптаның ішінде қайтарды

Осыдан кейін ҚНРДА Ұлттық банк және Қазақстанның депозиттерге кепілдік беру қорымен (ҚДКҚ) бірлесіп, екі аптаның ішінде жеке тұлғалардың салымдарының басым бөлігін қайтарып берді.

Осылайша 17,8 миллиард теңге (42 миллион доллар) көлеміндегі жеке тұлғалардың депозиттері бойынша мемлекет кепілдігінің 10,7 миллиард теңгесі (25,5 миллион доллар) немесе кепілдік өтемақы көлемінің 60,4%-і мөлшеріндегі депозиттері екі аптада өтелді.

Қазіргі уақытта 16,6 миллиард теңге мөлшеріндегі депозиттер немесе кепілдік өтемақының 94%-і төленді. Қалған салымдар бойынша салымшылармен байланыс орнатылып, төлемдер жасау процесі жүріп жатыр.

Басқа салымшылардың қаражаты қашан қайтарылады

Қазір банктің уақытша әкімшілігі тарату жұмыстарын бастау үшін мәжбүрлі тарату туралы сот шешімін күтіп отыр.

"Тарату рәсімдері аясында кредит берушілердің шығынын өтеу заңнамада көзделген кезекке сәйкес жүзеге асырылады", - деп атап өтті ҚНРДА.

Қаржы реттеуші атап өткендей, әр кезектің талабы алдыңғы кезектің талабы толық қанағаттандырылғаннан кейін орындалады. Бір кезектегі кредит берушілердің талабы қанағаттандырылған кезде таратылатын банктің ақшасы және (немесе) басқа мүлкі осы кезектегі кредиторлары арасында бір уақытта қанағаттандырылатын талаптардың мөлшеріне тең бөлінеді.

Кредит берушілердің басқа қаражаты қылмыстық істі тергеу аясында қайтарылады.

Еске сала кетейік, 2020 жылдың 18 қаңтарында бірқатар заңбұзушылық үшін Tengri Bank банктік және басқа да операцияларды орындау лицензиясынан айырылды. Клиенттердің және банктің өзінің банк шоттары бойынша барлық операция тоқтатылды.

311
Әуежайдағы санитарлық бақылау бекеті

ПТР-тест тапсырмаған жолаушылар үшін мемлекет қанша ақша жұмсайды

34
(Жаңартылды 15:56 01.03.2021)
ПТР-тест қорытындысы бойынша Дубай–Алматы рейсімен ұшып келген төрт жолаушыдан коронавирус инфекциясы анықталған

НҰР-СҰЛТАН, 1 наурыз — Sputnik. Жергілікті билік ПТР-тестсіз елге келген жолаушыларға бір тәулікте алты миллион теңгеге жуық қаражат жұмсайды.

28 ақпанда 729 жолаушы коронавирус жұқтырмағаны туралы ПТР-анықтамасыз Қазақстанға келді. Олар бұл тесті мемлекет қаражаты есебінен тапсырады.

Денсаулық сақтау министрлігіне қарасты зертханалар бір тест үшін 8025 теңге (шамамен 20 доллар) жұмсайды. Осылайша, 729 жолаушы үшін үкімет 5,8 миллион теңге (шамамен 14 мың доллар) көлемінде шығын көтереді.

2021 жылдың 28 ақпанында Германия, Шри-Ланка, Сауд Арабиясы, Мальдив аралдары, БАӘ, Египет, Түркия, Украина, Ресей, Өзбекстан және Қырғызстаннан 23 халықаралық рейстер орындалды. 3 210 әуе жолаушысының ішінде 2 481 адамда ПТР-тестінің теріс нәтижесі бар анықтамалары болған. Ал Қазақстанның 729 азаматы мұндай анықтамасыз келген.

Соның ішінде, он бес рейс орындалған Алматы әуежайындағы 2 033 жолаушының 1 693-інде анықтама болса, 340 жолаушыда анықтама болмаған; Нұр-Сұлтандағы сегіз рейспен келген 1 177 жолаушының 788-інде анықтама бар, 389-ы ПТР-тест тапсырмаған.

Денсаулық сақтау министлігінің санитарлық-эпидемиологиялық бақылау комитеті анықтамасы жоқ қазақстандық жолаушылар ПТР-талдау әдісі арқылы тест тапсырып, қазір карантиндік стационарда талдау нәтижесін күтіп отырғанын айтты.

Сондай-ақ, ПТР-тест қорытындысы бойынша Дубай–Алматы рейсімен ұшып келген төрт жолаушыдан коронавирус инфекциясы анықталған.

34
Кілт сөздер:
тест, ақша, коронавирус, Қазақстан
Тақырып:
Коронавирус эпидемиясы
Тақырып бойынша
Вакцинаның әсері: Цой эпидемиологиялық жағдайға болжам жасады
11 жасар қыз коронавирустан қайтыс болған ата-анасын үйдің жертөлесінен тапты
Министр келесі жылдан бастап кімдердің жалақысы өсетінін айтты
Президенттің сынынан кейін облыс әкімі контейнерде тұруға шешім қабылдады  
Ғалымдар коронавирустың түсін анықтады
Автокөлік

Армениядан әкелінген көліктерді тіркеу мерзімі ұзартылды

6598
Ішкі істер министрлігінің хабарлауынша, карантинге байланысты мыңнан астам адам өз көлігін тіркеуге немесе елден шығаруға  үлгермеген

НҰР-СҰЛТАН, 27 ақпан – Sputnik. Армениядан әкелінген көліктерді тіркеу мерзімі 2022 жылдың бірінші наурызына дейін ұзартылды.

ІІМ баспасөз қызметінің ақпаратына сүйенсек, Арменияның уәкілетті органдарында Қазақстан азаматтарына тіркелген және 2020 жылдың 1 ақпанына дейін елге әкелінген көліктерді тіркеу бойынша жұмыс жүргізілуде. Қазіргі уақытта тіркеу шарттарына сәйкес 20 мыңнан астам автомобиль есепке қойылған.

"Ал 1 мыңнан астам автокөлік иелеріне өз көлігін  тіркеуге немесе оларды елден тыс жерге әкетуге мүмкіндік бермеген бірқатар объективті себеп бар. Осы проблемаларды ескере отырып, үкімет биылғы жылдың 27 ақпанында осындай автомобильдерді тіркеу мерзімін 2022 жылдың 1 наурызына дейін ұзарту туралы шешім қабылдады. Осылайша, Арменияда тіркелген және біздің елге 2020 жылдың 1 ақпанына дейін әкелінген көліктердің иелеріне өз көлігін есепке қою мәселесін шешу үшін қосымша уақыт берілді", - деп хабарлады ішкі істер министрлігі.

Жүргізушілер қандай қиындыққа тап болды

Күрделі эпидемиологиялық жағдайға және карантиннің ұзаққа созылуына байланысты мемлекеттік шекараны кесіп өтуге шектеу қойылғандықтан автокөлікті Арменияға кері әкету мәселесі туындады.

Сондай-ақ, карантинге және аккредиттелген зертханалардың барлық өңірде болмауына байланысты кейбір жүргізушілер қайта жабдықталған автомобильдерді уақтылы сынақтан өткізе алмады.

"Қаржы пирамидалары" бойынша қылмыстық істерді тергеуге байланысты бірқатар көлікті (олар ломбардтардағы, микрокредиттік ұйымдардағы кепілдік мүлік болып табылады) пайдалану шектелді.

Оқи отырыңыз: Полицейлер құжатсыз жолға шыққан жүргізушілерді қамауға алуы мүмкін

Бұдан бөлек, қазіргі уақытта Қазақстанда тіркеуден өткен көліктердің иелерін Армениядағы салық міндеттемелерінен босату туралы үкіметаралық келісім ішкі және мемлекетаралық рәсімдерден өтуде. Бұл жұмыс автокөлік иелерін (Армения мен Қазақстанда) “қосарланған” салықтан босатуға бағытталған.

6598
Кілт сөздер:
көлік
ЕуроОдақ туы

Еуропада вакциналау сертификаты енгізіледі

0
Солтүстікатлантикалық Pfizer/BioNTech, Moderna, AstraZeneca үштігіне қатысты бюрократиялық кедергілер болмауы керек. Алайда, Ресей мен Қытай вакцинасына қатысты қиындықтар бар

ЕО дипломатиялық ведомстволары басшыларының селекторлық кеңесінің қорытындысы бойынша сөз сөйлеген фрау канцлерин Ангела Меркель вакциналау сертификатын енгізу қажеттілігі туралы келіскенін мәлімдеді. Оның айтуынша, мұндай сертификаты жоқ азаматтарға ЕО аумағына кіруге тыйым салынады.

Әзірше тек сөз жүзінде келісім бар. Жоба шамамен үш айдан кейін талқылауға ұсынылады, деп хабарлайды РИА Новости.

Негізгі мәселе – вакциналауға қарсы көрсетілімі бар адамдардың жайы не болмақ? Уақытша қарсы көрсетілімдер жайы түсінікті. Мысалы, жақында ғана коронавирусты инфекциямен ауырып шыққан болса. Мұндай жағдайда біршама уақыт өтуін күтіп, содан кейін ғана екпе салғызу керек болады. Алайда, созылмалы ауруы бар адамдар ше?

Іс мұнымен де бітіп тұрған жоқ. Қазір әлемде вакцина көп. Оның саны арта түсетіні анық. Сонда ЕО серификатын алу құқығы нақты қай препараттарға беріледі?

Солтүстікатлантикалық Pfizer/BioNTech, Moderna, AstraZeneca үштігіне қатысты бюрократиялық кедергілер болмауы керек.

Бірақ, ресейлік ("Спутник V" және "ЭпиВакКорона") және қытай (Sinovac Biotech, CanSino Biologics, CNBG — Sinopharm) вакциналарына қатысты біршама қиындық туындайтын секілді. Олар өте жоғары деңгейде тиімді әрііаурудың жалғыз емі болса да, брюссеельдік бақылау органдарымен мақұлданбаған. Сондықтан, осы екі елдің препаратын салғызған азаматтар шекарадан асуы үшін қажетті сертификатқа қол жеткізбеулері ықтимал.

Осы тұста вакцинаның әлемдегі адамдарға тиімділігі емес, оның саяси маңызы жоғары тұрғаны анық. Ал, жаһандық мәселеге саясат араласқан кезде, оның ақыры ешқашан жақсылыққа алып келмеген. Осы сияқты жағдай "Солтүстік ағын – 2" жобасының төңірегінде де белең алып жатыр. Вакцинасы альянс аумағында мойындалмаған елді дәл осы вакцина арқылы қыспаққа алу мүмкін болса, ЕО мұны қалт жібермеуге бел буды.

Жақында ғана Еурокомиссия басшысы Усула фон дер Ляйеннің мәлімдемесі де осыған сәйкес келеді: "Ресейдің кокронавирусқа қарсы вакциналау стратегиясы ақылға қонымсыз. Басқа елдерге вакцинаның миллиондаған дозасын ұсынып отырған Ресей неге өз халқын екпемен толық қамтамасыз ете алмай отыр? Неге өз тұрғындарын вакциналауда тиісті ілгерілеу жоқ? Бұл сұраққа жауап беру керек".

Тиісті ілгерілеу деп нені меңзеп тұрғаны белгісіз. Оның үстіне, ілгерілеу мүлде байқалмайтын Еуропа бұл жайында сөз қозғауы қаншалықты орынды? Әйтпесе, Венгрия "Спутник" вакцинасын сатып алмас еді. Чехия, Австрия, Италия да осы ойда болмас еді.

Сол себепті, елге кіру визасына рұқсатнама ретінде қай вакциналар айқындалатыны туралы дау әлі талай ақиқаттың бетін ашатын секілді.

0