Ет сауда

Қазақстан Ресейдің 4 өңірінен шошқа етін әкелуге қайта рұқсат берді

142
Бұл елден шошқа етін Қазақстан аумағына алып кіруге 2020 жылдың желтоқсанынан бастап тыйым салынған болатын

НҰР-СҰЛТАН, 16 ақпан — Sputnik. Қазақстан Ресейдің төрт аймағынан шошқа еті және шошқа еті өнімдерін ел аумағына алып келуге және транзиттеуге уақытша шектеулерді алып тастады, деп хабарлады Ресейдің ветеринарлық және фитосанитарлық бақылау жөніндегі федералдық агенттігінің баспасөз қызметі.

"Ресейдің ветеринарлық және фитосанитарлық бақылау жөніндегі федералдық агенттігі мен Қазақстан Республикасының құзыретті ведомствосы арасындағы келіссөздер нәтижесінде шошқа еті мен шошқа еті өнімдерін Алтай республикасынан, Қорған, Новосибирск облыстарынан, Алтайдан өлкесінен Қазақстанға әкелуге және осы елдің аумағы арқылы транзитіне уақытша шектеулерді алып тастады. Тыйым 2020 жылдың желтоқсанынан бастап күшіне енген болатын. Ол Ресей Федерациясындағы африкалық шошқа тұмауына байланысты жағымсыз эпизоотикалық жағдаймен байланысты болды", - деп жазылған хабарламада.

Сонымен қатар, Ресей Федерациясының Саратов облысы арқылы үшінші елдердің және ЕАЭО-ға мүше мемлекеттерінің жағымды жағдайдағы аумақтарынан шошқа еті өнімдерінің транзитіне қойылған шектеу де жойылды. Тыйым салу шарасы африкалық шошқа обыры (АШО) ауруының тіркелуіне байланысты күшіне енген болатын.

Алайда, Ресейдің жоғарыда аталған аймақтарынан тірі жануарларды Қазақстанға әкелу мен транзиттеуге уақытша шектеулер сақталады.

Тюмень, Челябі және Астрахань облыстарынан шошқа еті, шошқа еті өнімдерін, тірі шошқаларды Қазақстанға алып кіруге қатысты тыйым сол қалпында қалады. Бұл субъектілерде соңғы 36 айда АШО ошақтары тіркелмеген. Негізінде, ЕАЭО заңнамасы, сондай-ақ халықаралық заңнамалар бұл жағдайда шектеу шараларын жоюды қарастырады.

Сонымен қатар, ресейлік құзырлы федералдық агенттік ауру ошақтарының жоқ екені туралы ақпарат ұсынуына қарамастан, құс тұмауы, Ньюкасл ауруы, қой мен ешкі шешегі тіркелген Ресейдің бірқатар облыстарынан Қазақстанға мал шаруашылығы өнімдерін әкелуге уақытша шектеулер енгізілді.

"Қалыптасқан жағдайға байланысты қазақстандық тараппен, сондай-ақ, Еуразиялық экономикалық комиссия алаңындағы диалогтар жалғасуда", - деп атап өтті Ресейдің ветеринарлық және фитосанитарлық бақылау жөніндегі федералдық агенттігінде.

Ресейлік ведомствода атап өткендей, ветеринариялық бақылау саласындағы ақпараттық жүйелерді интеграциялау арқылы қамтамасыз етілген ЕАЭО аумағында мал шаруашылығы өнімдерін саудалаудың бірыңғай қадағалау жүйесі туындаған мәселелерді шешуге ықпал ете алар еді.

"Алайда, Еуразиялық экономикалық комиссияның (ЕЭК) ЕАЭО ақпараттық жүйелерінің интеграциясына қатысты әдіс-тәсілдері мұндай бірыңғай жүйені қабылдауға кедергі келтіріп отыр. Еуразиялық экономикалық одақ елдері арасында ветеринариялық ілеспе құжаттардың электронды түрде өзара алмасуын қамтамасыз ету аясындағы жұмыстарды орындау мерзімдері 2015 жылы белгіленгенмен, осы уақытқа дейін бұл жұмыс аяқталған жоқ", - деп жазылған хабарламада.

142
Автокөлік

Армениядан әкелінген көліктерді тіркеу мерзімі ұзартылды

5354
Ішкі істер министрлігінің хабарлауынша, карантинге байланысты мыңнан астам адам өз көлігін тіркеуге немесе елден шығаруға  үлгермеген

НҰР-СҰЛТАН, 27 ақпан – Sputnik. Армениядан әкелінген көліктерді тіркеу мерзімі 2022 жылдың бірінші наурызына дейін ұзартылды.

ІІМ баспасөз қызметінің ақпаратына сүйенсек, Арменияның уәкілетті органдарында Қазақстан азаматтарына тіркелген және 2020 жылдың 1 ақпанына дейін елге әкелінген көліктерді тіркеу бойынша жұмыс жүргізілуде. Қазіргі уақытта тіркеу шарттарына сәйкес 20 мыңнан астам автомобиль есепке қойылған.

"Ал 1 мыңнан астам автокөлік иелеріне өз көлігін  тіркеуге немесе оларды елден тыс жерге әкетуге мүмкіндік бермеген бірқатар объективті себеп бар. Осы проблемаларды ескере отырып, үкімет биылғы жылдың 27 ақпанында осындай автомобильдерді тіркеу мерзімін 2022 жылдың 1 наурызына дейін ұзарту туралы шешім қабылдады. Осылайша, Арменияда тіркелген және біздің елге 2020 жылдың 1 ақпанына дейін әкелінген көліктердің иелеріне өз көлігін есепке қою мәселесін шешу үшін қосымша уақыт берілді", - деп хабарлады ішкі істер министрлігі.

Жүргізушілер қандай қиындыққа тап болды

Күрделі эпидемиологиялық жағдайға және карантиннің ұзаққа созылуына байланысты мемлекеттік шекараны кесіп өтуге шектеу қойылғандықтан автокөлікті Арменияға кері әкету мәселесі туындады.

Сондай-ақ, карантинге және аккредиттелген зертханалардың барлық өңірде болмауына байланысты кейбір жүргізушілер қайта жабдықталған автомобильдерді уақтылы сынақтан өткізе алмады.

"Қаржы пирамидалары" бойынша қылмыстық істерді тергеуге байланысты бірқатар көлікті (олар ломбардтардағы, микрокредиттік ұйымдардағы кепілдік мүлік болып табылады) пайдалану шектелді.

Оқи отырыңыз: Полицейлер құжатсыз жолға шыққан жүргізушілерді қамауға алуы мүмкін

Бұдан бөлек, қазіргі уақытта Қазақстанда тіркеуден өткен көліктердің иелерін Армениядағы салық міндеттемелерінен босату туралы үкіметаралық келісім ішкі және мемлекетаралық рәсімдерден өтуде. Бұл жұмыс автокөлік иелерін (Армения мен Қазақстанда) “қосарланған” салықтан босатуға бағытталған.

5354
Кілт сөздер:
көлік
Газ құю бекеті, архивтегі сурет

Қазақстанда сұйылтылған газ бағасын уақытша реттеудің күші жойылады

131
(Жаңартылды 13:40 26.02.2021)
Сұйылтылған мұнай газын сатудың уақытша бағасын мемлекеттік реттеу пандемия кезінде өткен жылдың көктемінде енгізілген болатын

НҰР-СҰЛТАН, 26 ақпан – Sputnik. Қазақстанда 1 наурыздан бастап сұйылтылған газ бағасын уақытша реттеудің күші жойылады, деп хабарлады энергетика министрлігі.

Өткен жылдың көктемінде президент Тоқаев автокөліктерге жанармай құю станцияларында сұйылтылған мұнай газын сатудың уақытша бағасын мемлекеттік реттеу енгізу туралы тапсырма берген болатын. Сәйкес бұйрық 2020 жылдың сәуір айында күшіне енді.

"Атамекен" ҰКП мен салалық қауымдастықтар кәсіпкерлерге қолдау көрсету мақсатында бұл бұйрықтың әрекет ету мерзімін анықтау бойынша мемлекеттік органдарға ұсыныстар жолдады. Егер бұйрық ұзартылған болса, онда кәсіпкерлер жұмысшыларды қысқартуға мәжбүр болар еді.

Оқи отырыңыз: "Сапасыз жанармай ұлттық қауіпсіздікке қатер төндіреді": Тоқаев ҰҚК-ға тапсырма берді

Қалай десек те, 23 ақпанда энергетика министрінің сәйкес бұйрығы әділет органдарында қабылданып, тіркелді. Бұл құжат бойынша 2020 жылдың 3 сәуіріндегі "Автокөліктерге жанармай құю станцияларында автокөліктердің толтыруына арналған сұйылтылған мұнай газының бөлшек саудасының шекті бағасын белгілеу туралы" энергетика мен ұлттық экономика министрлерінің бірлескен бұйрығына өзгертулер енгізіледі.

Ал осы бұйрықтың мерзімі 2021 жылдың 1 наурызында аяқталады.

131
Кілт сөздер:
баға, газ
Тақырып бойынша
Ақтөбеде жанармай бекетінде кассир әйел қарулы қарақшыға қарсы тұрды – видео
Газ орнына су құйған: Ақтауда жанармай бекетінің қулығы әшкере болды
Нұр-Сұлтан әкімі газ бағасы қанша теңгеден болатынын айтты
Есікте жанармай құю бекетінде жарылыс болды
Елордада үйге газ кіргізу бағасы 37,5 процентке дейін арзандады
Қызылордада газ құю станциясына белгісіз біреу баса-көктеп кірді
Өмірзақ Шөкеев бес адамның қаза болу себебін анықтау жөніндегі комиссия отырысын өткізді

Түркістандағы төрт бала мен анасының өлімі: қылмыстық іс қозғалды

0
(Жаңартылды 10:15 28.02.2021)
Облыс әкімі полиция мен төтенше жағдайлар департаментіне қайғылы оқиғаға байланысты жан-жақты тергеу жүргізуді тапсырды

НҰР-СҰЛТАН, 28 ақпан — Sputnik. Түркістанда әйел мен оның төрт баласының қазасынан кейін қылмыстық іс қозғалды.

Түркістан облысы әкімінің баспасөз қызметінің хабарлауынша, өңір басшысы Өмірзақ Шөкеев бес адамның қаза болу себебін анықтау жөніндегі комиссия отырысын өткізген.

"Облыс басшысы полиция департаментіне, төтенше жағдайлар департаментіне жан-жақты тергеу жүргізуді, болған оқиғаға кінәлілерді табу және жазалауды тапсырды. Қылмыстық іс қозғалды. Тергеу амалдары жүргізілуде", - делінген хабарламада.

Денсаулық сақтау басқармасының психологтары қайтыс болған жандардың туыстары мен жақындарына көмек көрсетеді.  5 адамның денесін жерлеу орнына жеткізу үшін көлік берілді, жерлеуді ұйымдастыруға қосымша жәрдем көрсетіледі.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы

27 ақпанда Түркістан қаласындағы жеке тұрғын үйлердің бірінен әйел мен төрт баланың мәйіті табылғаны хабарланды. 40 жастағы әйел және 2004, 2006, 2013, 2016 жылы туған балалары иіс тиіп қайтыс болған. Үйде газбен жылытатын жабдық қойылған. Отағасы кәсіпкерлікпен айналысады, ол емделу үшін Шымкент қаласына кеткені белгілі болды.

0
Кілт сөздер:
қылмыстық іс, Түркістан облысы