Кілт, иллюстративті фото

Бәсекелестікті қорғау агенттігі баспананың қымбаттау себебін түсіндірді  

264
(Жаңартылды 19:29 16.02.2021)
Бәсекелестікті қорғау агенттігіндегілер ескі үйлердің бағасын қымбаттату бойынша сөз байласу ықтималдылығын жоққа шығарды

НҰР-СҰЛТАН, 16 ақпан — Sputnik. Өткен жылдың қыркүйегінен бастап Қазақстанда ескі үйлер бағасы 12,5%-ке қымббаттады. Бәсекелестікті қорғау және дамыту агенттігінің төрағасы Серік Жұманғариннің депутаттық сауалға берген жауабында осындай мәліметтер келтірілген. 

Оның мәліметінше, соңғы бес айда тұрғын үй нарығында жаңа үйлердің бағасы 5%-ке қымбаттаған. Айта кету керек, 2019 және 2020 жылдардың сәйкес кезеңдерінде бұл көрсеткіш 3%-тен аспаған.

"Сонымен қатар, ескі үйлер нарығында да баға 12,5%-ке қымбаттағаны байқалды. Ескі пәтерлерін сатқысы келетіндер санының артуы (пәтер сатылатыны туралы 130 мыңнан астам хабарландыру) бағаны қымбаттату бойынша алдын ала сөз байласу фактісі жоқ екенін дәлелдейді. Баспана бағасының қымбаттауына сұраныстың күрт өсуі себеп болып отыр", - деді Жұмағарин.

Зейнетақы жинағын баспана сатып алуға жұмсауға рұқсат берілді

Тұрғын үй жағдайын жақсарту мақсатында алуға болатын зейнетақы жинағының жалпы сомасы шамамен 1,4 триллион теңгені (3,3 миллиард доллар) құрайды. Статистикалық мәліметтерге сәйкес, 2019 жылы құрылыс жұмыстарының көлемі 4,4 триллион теңгені құраса, оның ішінде тұрғын үй құрылысының көлемі 881 миллиард теңге болған.

Қазақстанда процентсіз ипотека алуға болады: жалақы қанша болу керек 

Қазір тұрғын үй құрылысы нарығында бәсекелестікті дамыту мақсатында ұлттық жоба аясында тауар нарығына кірудің негізгі кедергісі ретінде үлестік тұрғын үй құрылысына қатысушыларға қойылатын талаптарды жеңілдету мәселесі пысықталып жатыр.

Депутат Қазақстандағы баспананың шекті бағасын енгізуді ұсынды

Өзінің депутаттық сауалында мәжіліс депутаты Аманжан Жамалов баспананың шаршы метрі үшін шекті баға енгізуді ұсынды. Бәсекелестікті дамыту және қорғау агенттігінің төрағасы баға белгіленетін тауарлар, жұмыстар мен қызметтер тізімі Кәсіпкерлік кодексімен анықталатынын еске салды.

"Бағаны реттеу механизмін енгізу тауар нарығының инвестициялық тартымдылығы мен перспективасын төмендететінін ескеру керек", - деді Серік Жұмағарин.

3 ақпанда мәжіліс депутаттары ипотекалық мемлекеттік бағдарламалар бойынша сатылатын тұрғын үйлерге шекті баға белгілеуді ұсынды. Депутаттар "импортталған құрылыс материалдарының көлемі азаймай тұрғанына және отандық өндіріс дамымай жатқанына" да назар аударды. Парламент өкілдерінің пікірінше, ипотеканы мемлекеттік субсидиялаумен қатар баспана бағасы да шарықтап барады.

16 ақпанда өткен үкімет отырысында Ұлттық банк төрағасы баспана сатып алу және ем қабылдау үшін зейнетақы жинағын мерзімінен бұрын қолданғысы келген қазақстандықтардың 1,8 триллион теңгеден астам соманы құрайтын 78 мың өтінімі мақұлданғанын хабарлады.

264
Кілт сөздер:
баспана
Тақырып бойынша
Зейнетақы қоры қазақстандықтардың шотына 408 млрд теңге аударды
Тұрғын үй сертификатының сомасы 1,5 миллион теңгеге дейін көбейеді  
Нұр-Сұлтан әкімі 2021 жылға жоспарланған тұрғын үй құрылысы жайлы айтты
Баспанаға – 15 млн теңге: Әлия Назарбаева ақша сұраған қазақстандықтарға жауап берді
БЖЗҚ логотипі

БЖЗҚ Қазақстандағы ең жоғары зейнетақыны атады

1494
Қазақстанда ай сайынғы ең жоғары зейнетақы 522 610 теңгеге жеткен, бұл орташа төлем сомасынан 20 есе көп

АЛМАТЫ, 24 ақпан – Sputnik. Бірыңғай жинақтаушы зейнетақы қорынан төленетін ең жоғары ай сайынғы зейнетақының мөлшері 522 610 теңгеге жетті, деп хабарлады қордың баспасөз қызметі.

БЖЗҚ мәліметіне сәйкес, 2021 жылдың 1 ақпанындағы жағдай бойынша қор 167 423 адамға қаржы төлеген.

"Жалпы алғанда 172 мыңнан астам зейнетақы төлемдері, бір реттік зейнетақы төлемі және сақтандыру ұйымдарына жалпы сомасы 73,8 миллиард теңге аударылды", - делінген ақпаратта.

Оқи отырыңыз: Зейнетақы қорында жеткіліктілік шегін қалдырмауға болады – не істеу керек 

Бұл тізімге бір реттік зейнетақы төлемдері – 49,6 миллиард теңге, сақтандыру ұйымдарына аударымдар – 9,1 миллиард теңге, зейнет жасына жету бойынша төлемдер – 6,5 миллиард теңге, мұрагерлік бойынша 5,9 миллиард теңге, басқа жаққа тұрақты тұруға кету бойынша 2,1 миллиард теңге, жерлеуге 0,4 миллиард теңге, мүгедектік бойынша 0,2 миллиард теңге кірді.

Зейнет жасына жету бойынша ай сайынғы орташа төлем сомасы 25 886 теңге, ал ай сайынғы ең жоғары зейнетақы 522 610 теңге болды.

1494
Кілт сөздер:
зейнетақы
Тақырып бойынша
Әртістер зейнетақы жинағының бір бөлігін алу туралы: не істеймін оны
Екі компания БЖЗҚ-мен зейнетақы жинағын сенімгерлік басқару туралы келісім жасасты
БЖЗҚ жалған хабарлама таратылып жатқанын ескертті
Маман ЭКО жасатуға зейнетақы ақшасын алуға тыйым салу себебін түсіндірді
Қазақстандықтардың зейнетақы жинағы бір айда 255,5 миллиард теңгеге өсті
Теңге, архивтегі фото

Зейнетақы қорында жеткіліктілік шегін қалдырмауға болады не істеу керек

5876
(Жаңартылды 15:33 24.02.2021)
Қазақстандықтар зейнетақы жинағы жеткілікті болған жағдайда зейнет жасын күтпей, өмірді сақтандыру компаниясынан зейнетақы аннуитетін сатып алуға құқылы

НҰР-СҰЛТАН, 24 ақпан – Sputnik. Зейнетақы аннуитетін рәсімдеген адамдарға зейнетақы жинағының бір бөлігін мерзімінен бұрын алу кезінде БЖЗҚ-да жеткіліктілік шегін қалдырмауға рұқсат етіледі. Бұл туралы Мемлекеттік аннуитеттік компанияның атқарушы директоры Айдар Нұрғазинов мәлімдеді, деп хабарлайды Sputnik Қазақстан тілшісі.

Қолданыстағы заңнамаға сәйкес, қазақстандықтар зейнетақы жинағы жеткілікті болған жағдайда зейнет жасын күтпей, өмірді сақтандыру компаниясынан зейнетақы аннуитетін сатып алуға құқылы. Ал компания ол адамға ай сайын төлем төлейді.

Биылдан бастап зейнетақы аннуитетінің құны төмендеді. Егер бұрын 55 жасқа толған ер адамда зейнетақы аннуитеті шартын жасау үшін шотында 11 миллион теңге болуы тиіс болса, осы жылдан бастап бұл сома 6,7 миллион теңгеге дейін төмендеді. Ал 52 жастағы әйелдер үшін жеткіліктілік сомасы 15 миллион теңгеден 9 миллион теңгеге дейін түсті.

"Зейнетақы жинағының бір бөлігін тұрғын үй жағдайын жақсартуға мерзімінен бұрын алған жағдайда зейнетақы аннуитеті шартын жасасқан адамдар БЖЗҚ-да ең төменгі жеткіліктілік шегін қалдырмаса да болады.  Егер адамда зейнетақы шотында 12 миллион теңге жиналса, ол 7 миллионын өмірді сақтандыру компаниясына аударып, қалған 5 миллионын заңмен белгіленген мақсаттарға жұмсай алады", - деді Нұрғазинов онлайн брифингте.

Сонымен қатар, оның айтуынша, биыл кейінге қалдырылған зейнетақы аннуитеті шарты енгізілді. Ол бойынша зейнетақы жинағын өмірді сақтандыру компаниясына 45 жастан аударуға болады. Ал ай сайынғы төлемдер 55 жастан басталады.

45 жасында кейінге қалдырылған зейнетақы аннуитетін рәсімдеу үшін ер адамда 6,7 миллион теңге, ал әйелдерде 7,7 миллион теңге болуы шарт.

"Клиенттің ақшасы компанияның балансында он жыл бойы жай жатпайды. Инвестицияланып, төлем басталған сәтте ай сайынғы төлем инвестициялық кіріс есебінен ұлғайтылады. Мәселен, егер бүгін 55 жастағы ер адам кәдімгі зейнетақы аннуитетін рәсімдеп,  7 миллион теңге аударса, онда ай сайынғы төлем мөлшері 25 мың теңгені құрайды.  Егер 45 жастағы адам кейінге қалдырылған зейнетақы анниутетін рәсімдеп, өмірді сақтандыру компаниясына 7 миллион теңге аударса, 55 жастан бастап оған ай сайын 43 мың теңге төленеді", - деп түсіндірді ол.

Ол жыл сайын аннуитеттік төлемдердің мөлшері 5 процентке ұлғаятынын атап өтті.

"Әр теңге пайда әкелуге тиіс": Тоқаев зейнетақы мен жәрдемақы туралы айтты

Айта кетсек, БЖЗҚ-дан зейнетақы төлемдері зейнетақы жинағы біткенге дейін төленсе, ал өмірді сақтандыру компаниясынан алдын ала нақты белгіленген мөлшерде өмір бойы жүзеге асырылады.

Зейнетақы аннуитеті бойынша төлемдерге Сақтандыру төлемдеріне кепілдік беру қоры есебінен кепілдік беріледі. Яғни, өмірлік сақтандыру компаниясы банкротқа ұшыраған жағдайда,  аннуитеттік төлемдер үзілмейді, сақтандырушылар алдындағы міндеттемелер толығымен орындалады.

Бүгінде 61 мыңға жуық адам өмірді сақтандыру компаниясымен жалпы сомасы 283 миллиард теңгеге зейнетақы аннуитеті шартын жасасқан.

5876
Кілт сөздер:
зейнетақы жинағы
Тақырып:
Зейнетақы қорындағы ақшаны мерзімінен бұрын алу
Тақырып бойынша
Қазақстандықтардың зейнетақы жинағы бір айда 255,5 миллиард теңгеге өсті
Зейнетақы жинағын пайдалану: енді қайта өтініш беру үшін 45 күн күтудің қажеті жоқ
Министрлік зейнет жасының өзгеретіні туралы ақпаратқа түсініктеме берді
Зейнетақы жинағын пайдалану: БЖЗҚ тың ақпарат бөлісті
Әртістер зейнетақы жинағының бір бөлігін алу туралы: не істеймін оны
Қазақстан азаматы

Қазақстанда қос азаматтық үшін жауапкершілік қатаңдатылуы мүмкін

1
Жуырда Шымкент қалалық спорт басқармасының башысы Олег Почиваловтың қос азаматтығы бар екені анықталды

НҰР-СҰЛТАН, 25 ақпан – Sputnik. Мемлекет басшысы Қасым-Жомарт Тоқаев қос азаматтық үшін жауапкершілікті қатаңдату керек деп санайды. Бұл туралы ол ұлттық қоғамдық сенім кеңесінің бесінші отырысында айтты, деп хабарлайды Sputnik Қазақстан тілшісі.

Ол көптеген елдегі сияқты Қазақстанда да қос азаматтыққа тыйым салынғанын атап өтті. Тиісті норма ел Конституцисында бар.

"Алайда, соңғы уақытта бізде қос азаматтық фактілері жиілеп кетті, тіпті олардың арасында мемлекеттік қызметкерлер де бар. Бұған белгілі себептерге байланысты жол берілмейді. Аталған проблема өте күрделі, өйткені бұл ұлттық қауіпсіздікке қатысты. Мұндай фактілердің жолын кесу қажет", - деді Тоқаев кеңес отырысында.

Президент былтыр мемлекеттік қызметкерлер мен квазимемлекеттік ұйымдар басшыларын қос азаматтық анықталған жағдайда, қызметінен босатуды тапсырған болатын.

"Үкімет пен мемлекеттік қызмет істері агенттігіне атқарылған жұмыс нәтижелері туралы баяндауды сұраймын. Мұндай заңбұзушылықтар үшін жауапкершілікті бұдан да қатаңдату керек сияқты", - деді мемлекет басшысы.

Жуырда Шымкент қалалық спорт басқармасының башысы Олег Почиваловтың қос азаматтығы бар екені анықталды. Осыған байланысты шенеунік Қазақстан азаматтығынан айырылды.

Өткен жылдың соңында "Олег Почиваловтың Қазақстан мен Ресейдің қос азаматтығы бар" деген ақпарат тараған болатын. Сол кезде спорт басқармасы осы мәліметті жоққа шығарған.

Оқи отырыңыз: Илья Ильин Қазақстан азаматтығынан айырылған шенеунікке араша түсті 

Ал 10 желтоқсанда сенатта өткен жиында ішкі істер министрінің орынбасары Алексей Калайчиди қос азаматтығы бар екі мемлекеттік қызметші туралы айтқан. Оның сөзіне қарағанда, өткен жылы он бір айдың ішінде қос азаматтыққа қатысты 431 факт тіркелді. Соның ішінде Шығыс Қазақстан мен Павлодар облыстарында екі мемлекеттік қызметшінің қос азаматтықпен жүргені анықталды.

1