Нью-Йорк қор биржасының маманы

Мұнай бағасы қайта қымбаттай ма?

118
Соңғы жүз жыл ішінде тауар-шикізат нарығында төрт супер цикл болды. Соңғы супер цикл 1996 жылы басталып, оның 12 жылдық өсімінің ең жоғарғы көрсеткіші 2008 жылға дөп келді

НҰР-СҰЛТАН, 17 ақпан — Sputnik. Мамандар пандемия салдарынан құлдырап кеткен мұнай бағасы қашан қалпына келетінін болжап жатыр. Дәл осы шақта әлемдегі ең ірі инвестициялық банктің бірі – JP Morgan Chase сарапшылары шикізат нарығында баға өсімінің соңғы жүз жылдағы бесінші суперциклі басталғанын мәлімдеді, деп жазды РИА Новости.

2020 жылы мұнай саласы бірнеше құлдырау толқынын бастан өткерді. Оған бірнеше фактор ықпал етті. Соның бірі – сұраныстың төмендеуіне қарамастан шикізаттың шамадан тыс өндірілуі, сондай-ақ, пандемия және локдаун. Наурызда мұнай екі есеге арзандады. Алайда күзде нарық қайта жандана түсті. Оған вакцинаның сәтті сынақтары мен АҚШ-тағы президент сайлауының нәтижесі әсер етті. Джо Байден жасыл технологияларды жақтаушы. Ол Дональд Трамп секілді америкалық мұнайшыларды қолдай қоймайды. Қаңтар айына қарай баға белгілеулері сегіз айдағы максимумге жетті. Баға өсіміне ОПЕК+ ұйымының өндірісті шектеу бойынша кезекті шешімі ықпал етті. Нәтижесінде қазір мұнайдың бір баррелі 63 доллардан сатылып жатыр.

Мұндай қарқын саланың қалпына келе бастағанын және одан әрі өсімін қамтамасыз ететін жағдай қалыптасып жатқанын білдіреді. Бұл ең алдымен жасыл энергетикаға көшуге асықпай жатқан Азия елдеріндегі сұраныстың қайта жандануымен байланысты болды.

Осыдан бір ай бұрын тұрақсыз жағдайға байланысты болжамдар тым ұстамды еді. Мысалы, Fitch халықаралық рейтинг агенттігі жедел вакцинация болған жағдайда ғана оң өзгерістер күтетінін хабарлады. Сарапшылар вакциналау оң сипат алған күннің өзінде саладағы оң көрсеткіштер орташа деңгейде болады деп болжады.

Алайда ақпан айының басында JP Morgan Chase ірі инвестициялық банкінің экономистері шикізат тауарлары нарығында өсудің жаңа супер циклі басталды деп мәлімдеді. Олар ауыл шаруашылық өнімдері, металдар бағасының күрт артуы және мұнай бағасының бір баррелі 50 доллардан жоғары болуын атап көрсетті.

Соңғы жүз жыл ішінде тауар-шикізат нарығында төрт супер цикл болды. Соңғы супер цикл 1996 жылы басталып, оның 12 жылдық өсімінің ең жоғарғы көрсеткіші 2008 жылға дөп келді. Оған әлемдегі көмірсутектердің негізгі тұтынушысы саналатын Қытайдың экономикалық өсімі септігін тигізді. Ал қазіргі суперциклге пандемиядан кейінгі қалпына келу, тым "жұмсақ" ақшалай кредиттік және бюджеттік саясат, әлсіз доллар, инфляцияның жеделдеуі және агрессивті экологиялық саясат себепші болып отыр.

Әйтсе де, жағдай 2000-шы жылдардағыға ұқсас: шикізат нарығындағы баға белгілері көпжылдық жоғарғы көрсеткішке жетті. Мысалы, Қытай жүгері мен сояны көп мөлшерде сатып алғаннан кейін, АҚШ-та осы ауыл шаруашылық өнімдерінің бағасы рекордтық көрсеткішке жетіп отыр. Ал дүниежүзілік қорлардың азаюы тапшылық болуы мүмкін деген үрейлі болжамға алып келуде.

"Платина мен мыс бағасы да шарықтау шегіне жетті. RJO Futures активтерінің аға басқарушысы Джон Карузо атап өткендей, платинаға деген сұраныс ұсыныстан асып түсіп жатыр. Ал мыс қорлары Лондонның металл биржасы мен Comex биржасында соңғы он жылдағы ең төменгі деңгейге жақындады. Мұнай пандемия кезіндегі дағдарыстан сәтті шығып келеді", - деп жазды Bloomberg.

JP Morgan пікірінше, мұнай өндірісін шектей алатын және металға деген сұранысты арттыруға қабілетті климаттың өзгеруіне қарсы күрес те тағы бір маңызды фактор бола алады.

Шикізат нарығындағы ұзақ мерзімді серпіліс болуы ықтимал. Себебі, Уолл Стрит экономика пандемиядан кейін тез қалпына келіп, инфляцияны хеджерлейді деп болжауда. Тауар нарығында бағаның өсуін тек JP Morgan Chase емес, сонымен қатар Goldman Sachs Group, Bank of America, Ospraie Management сияқты қаржы алпауыттары да күтіп отыр.

Жалпы, Goldman Sachs компаниясы төртінші тоқсанда Brent мұнайының бағасы бір баррель үшін 65 долларға жетеді деп болжаса, Bank of America (BofA) жартыжылдықтың соңына қарай бұл баға 60 доллар шегінде болады деген пікір білдірді. Ал Citigroup жыл соңына қарай Brent мұнайы 70 доллардан, WTI 68 доллардан сатылады деген болжамын айтты.

118
Қазақстан президенті Қасым-Жомарт Тоқаев

"Ешкімге жалтақтамаймыз": Тоқаев реформаларды біреуге ұнау үшін жүргізбейтінін айтты

1
Мемлекет басшысы саяси реформалардың үшінші пакетін жүзеге асыру үшін қолданыстағы заңнамаға түзету енгізілетінін мәлімдеді

НҰР-СҰЛТАН, 25 ақпан – Sputnik. Қазақстан президенті Қасым-Жомарт Тоқаев елдегі саяси реформаларды сынайтындарға жауап берді, деп хабарлайды Sputnik Қазақстан тілшісі.

"Менің бірқатар шетелдік әріптестерім және беделді сарапшылар елімізде жүзеге асырылып жатқан сасяи реформалар туралы оң пікір айтуда. Олар саяси жаңғырудың сан қырлы және күрделі үдеріс екенін өте жақсы түсінеді. Ал реформаларды сынайтындар көбінесе мәселеге үстірт қарайды немесе жағдайымыздың ерекшелігін әдейі түсінгісі келмейді", - деді Тоқаев ұлттық қоғамдық сенім кеңесінің бесінші отырысында.

Оқи отырыңыз: Тоқаев баспананы арзандатудың жолын ұсынды 

Президент билік елдің түйткілді тұстарын жақсы білетінін, ұстанымы айқын екенін атап өтті. Барлық мәселені кең ауқымды диалог пен мәміле арқылы біртіндеп шешеміз. Саяси жаңғыруды міндетті түрде жүзеге асырамыз, деді ол.

"Мен осы мәселеге айрықша мән беріп отырмын. Біз реформаларды біреуге ұнау үшін, олардың алдында жақсы көріну үшін, не болмаса біреулерге есеп беру үшін жүргізіп отырғанымыз жоқ. Реформаларды ешкімге жалтақтамай, ұдайы іске асырамыз. Басты мақсат –  еліміздің күш-қуатын, әлеуетін нығайту және ең алдымен халқымыздың әл-ауқатын арттыру үшін тиімді шешімдер қабылдау. Бұған ешкімнің күмәні болмауы тиіс", - деді мемлекет басшысы.

Тоқаев саяси реформалардың үшінші пакетін жүзеге асыру үшін қолданыстағы заңнамаға түзету енгізілетінін айтты. Президент құзырлы органдарға тиісті заң жобаларын жедел әзірлеуді тапсырды.

1
Кілт сөздер:
Қасым-Жомарт Тоқаев, реформа
Тақырып бойынша
Қазақстанда қос азаматтық үшін жауапкершілік қатаңдатылуы мүмкін
Мемлекет басшысы болашақ дәрігерлердің стипендиясын көтеруді тапсырды
"Мұндайға жол беруге болмайды": Тоқаев мүгедектерге жағдай жасауды тапсырды
2024 жылы аудан әкімдерінің сайлауы өтеді
Президент жерді сатуға қатысты қандай шешім қабылдағанын айтты
БЖЗҚ логотипі

БЖЗҚ Қазақстандағы ең жоғары зейнетақыны атады

1511
Қазақстанда ай сайынғы ең жоғары зейнетақы 522 610 теңгеге жеткен, бұл орташа төлем сомасынан 20 есе көп

АЛМАТЫ, 24 ақпан – Sputnik. Бірыңғай жинақтаушы зейнетақы қорынан төленетін ең жоғары ай сайынғы зейнетақының мөлшері 522 610 теңгеге жетті, деп хабарлады қордың баспасөз қызметі.

БЖЗҚ мәліметіне сәйкес, 2021 жылдың 1 ақпанындағы жағдай бойынша қор 167 423 адамға қаржы төлеген.

"Жалпы алғанда 172 мыңнан астам зейнетақы төлемдері, бір реттік зейнетақы төлемі және сақтандыру ұйымдарына жалпы сомасы 73,8 миллиард теңге аударылды", - делінген ақпаратта.

Оқи отырыңыз: Зейнетақы қорында жеткіліктілік шегін қалдырмауға болады – не істеу керек 

Бұл тізімге бір реттік зейнетақы төлемдері – 49,6 миллиард теңге, сақтандыру ұйымдарына аударымдар – 9,1 миллиард теңге, зейнет жасына жету бойынша төлемдер – 6,5 миллиард теңге, мұрагерлік бойынша 5,9 миллиард теңге, басқа жаққа тұрақты тұруға кету бойынша 2,1 миллиард теңге, жерлеуге 0,4 миллиард теңге, мүгедектік бойынша 0,2 миллиард теңге кірді.

Зейнет жасына жету бойынша ай сайынғы орташа төлем сомасы 25 886 теңге, ал ай сайынғы ең жоғары зейнетақы 522 610 теңге болды.

1511
Кілт сөздер:
зейнетақы
Тақырып бойынша
Әртістер зейнетақы жинағының бір бөлігін алу туралы: не істеймін оны
Екі компания БЖЗҚ-мен зейнетақы жинағын сенімгерлік басқару туралы келісім жасасты
БЖЗҚ жалған хабарлама таратылып жатқанын ескертті
Маман ЭКО жасатуға зейнетақы ақшасын алуға тыйым салу себебін түсіндірді
Қазақстандықтардың зейнетақы жинағы бір айда 255,5 миллиард теңгеге өсті