10 мың теңгелік купюраның бөлшегі

Министр Қазақстанның мемлекеттік қарызы қанша теңгеге жеткенін айтты

853
Жамаубаевтың айтуынша, былтыр республикалық бюджет тапшылығы 2,2 триллион теңге немесе ЖІӨ-нің 3,1% құрады

НҰР-СҰЛТАН, 19 ақпан – Sputnik. 1 қаңтардағы жағдай бойынша мемлекеттік қарыз 20,6 триллион теңгені құрады. Бұл туралы қаржы министрі Ерұлан Жамаубаев мәлімдеді, деп хабарлайды Sputnik Қазақстан тілшісі.

"2021 жылдың 1 қаңтарында мемлекеттік қарыз 20,6 триллион теңгені немесе ЖІӨ-нің 29,6%-ін құрады. Бұл белгіленген 50% лимиттен аспайды. Мемлекеттік қарыз құрылымында 80%-і – үкіметтік берешек, 16,7 триллион теңге немесе ЖІӨ-нің 23,9%-і (лимит 25%)", – деді Жамаубаев қаржы министрлігінің алқа отырысында.

Айтуынша, былтыр республикалық бюджет тапшылығы 2,2 триллион теңге немесе ЖІӨ-нің 3,1% құрады.

Бұған дейін тартылған борыштарды өтеу қажеттілігін ескеріп, өткен жылы 3 триллион теңге қарыз алынған. Оның ішінде ішкі нарықта 2,8 триллион теңге тартылды.

Оқи отырыңыз: Нұр-Сұлтан тұрғындары жарты миллион теңгеден қарыз екенін білді

Сондай-ақ, министр төмен валюталық тәуекелдерді, тартымды ставка мен ішкі нарықтың шектеулі ресурстарын ескеріп, 223 миллиард теңгеге рубль облигациялары шығарылғанын атап өтті.

853
Кілт сөздер:
мемлекеттік қарыз, қаржы нарығы
Тақырып бойынша
Қазақстандықтар коммуналдық қызмет үшін 17 млрд теңге қарыз болып қалды
Борышкерлік қарыз үшін Нұр-Сұлтан тұрғынының сатып алған қымбат көлігі тәркіленді
Қазақстан 1,5 млрд еуро қарыз алады – заңға қол қойылды
Есімов Назарбаевқа сыртқы қарыз 5,1 миллиард долларға азайғанын хабарлады
Қазақстан коронавируспен күресу үшін 1,5 млрд еуро қарыз алады
Ақша, теңге

"100 мың теңге жоғалтасыз": зейнетақы қоры ескерту жасады

2404
(Жаңартылды 19:00 25.02.2021)
Бірыңғай жинақтаушы зейнетақы қоры 1 ақпаннан бастап уәкілетті оператор болып белгіленген банктерде ашылған салымшылардың арнайы шоттарына біржолғы зейнетақы төлемдерін аудара бастады

НҰР-СҰЛТАН, 25 ақпан – Sputnik. Бірыңғай жинақтаушы зейнетақы қоры пайдаланылмай қалған зейнетақы төлемінің тиімсіз тұсын атады, деп хабарлайды Sputnik Қазақстан қордың ресми сайтына сілтеме жасап.

Айта кетейік, Бірыңғай жинақтаушы зейнетақы қоры 1 ақпаннан бастап уәкілетті оператор болып белгіленген банктерде ашылған салымшылардың арнайы шоттарына біржолғы зейнетақы төлемдерін аудара бастады. Ақша есепшотқа түскеннен кейін 45 күннің ішінде уәкілетті операторға біржолғы зейнетақы төлемдерінің нысаналы мақсатын растайтын құжаттарды жіберу керек. Салымшы осы мерзім ішінде тиісті құжаттарды ұсынбаса, барлық ақша қорға қайтарылады.

"Салымшы сұратқан зейнетақы жинақтарының сомасын БЖЗҚ уәкілетті оператордағы арнайы шотқа аударғаннан кейін 45 жұмыс күні ішінде бұл қаражат инвестициялық басқарудан алынады. Демек, оған инвестициялық табыстың есептелмейтініне назар аударғымыз келеді", - дейді қор мамандары.

Ресми мәліметке сәйкес, 2020 жылда БЖЗҚ-ның зейнетақы активтерінің жылдық табыстылығы 10,92 құрады.

"Егер осы деректерді негізге алсақ, мәселен, 45 жұмыс күні ішінде мақсаты бойынша пайдаланылмаған біржолғы зейнетақы төлемінің мөлшері 5,5 миллион теңге болса, салымшының осы кезеңде толық алмаған инвестициялық табыс көлемі, шамамен, 100 мың теңгені құрауы мүмкін", - делінген ресми ақпаратта.

Осыған байланысты БЖЗҚ қаражатты қайтару, инвестициялық табыс пен мемлекет кепілдігін жоғалту, сондай-ақ, жеке табыс салығын мерзімінен бұрын есептеу жағдайларын болдырмау үшін салымшыларға біржолғы зейнетақы төлемдерін пайдалануды мұқият жоспарлауға кеңес беріп отыр. Зейнетақы жинақтарының мақсатты пайдаланылуын растау үшін қажетті құжаттардың тізімін өтінім бергенге дейін қарап, уәкілетті операторға уақытында жіберген жөн.

2404
Кілт сөздер:
зейнетақы қоры, теңге
Тақырып:
Зейнетақы қорындағы ақшаны мерзімінен бұрын алу
Тақырып бойынша
Әртістер зейнетақы жинағының бір бөлігін алу туралы: не істеймін оны
Зейнетақы жинағын сенімгерлік басқаруға беру: қалай табыс алуға болады
Екі компания БЖЗҚ-мен зейнетақы жинағын сенімгерлік басқару туралы келісім жасасты
Маман ЭКО жасатуға зейнетақы ақшасын алуға тыйым салу себебін түсіндірді
Зейнетақы қорында жеткіліктілік шегін қалдырмауға болады – не істеу керек
Ақорда ғимараты

Президент атом энергиясын пайдалануға қатысты заңға қол қойды

1396
(Жаңартылды 18:05 25.02.2021)
Заңға енгізілетін өзгертулер мемлекеттік органдардың атом энергетикасы саласындағы функциясы мен құзыретін шектейді

НҰР-СҰЛТАН, 25 ақпан — Sputnik. Президент Қасым-Жомарт Тоқаев атом энергиясын пайдалануға қатысты заңға қол қойды, деп хабарлайды Ақорда. 

"Мемлекет басшысы "Қазақстан Республикасының кейбір заңнамалық актілеріне атом энергиясын пайдалану мәселелері бойынша өзгерістер мен толықтырулар енгізу туралы" заңға қол қойды", - делінген ақпаратта.

Еске сала кетсек, заң жобасына өзгерту енгізу мәселесі қаралған кезде сенат депутаттары қараусыз қалған кен орындарында радиациялық әсері жоғары техника мен кен қалғанын алға тартқан болатын.

Қазақстанның энергетика министрі Нұрлан Ноғаев заң жобасында радиациялық, ядролық және ядролық-физикалық қауіпсіздікті қамтамасыз ету нормалары бар екенін айтты. 

Қандай өзгеріс болады

Заңға енгізілетін өзгертулер мемлекеттік органдардың атом энергетикасы саласындағы функциясы мен құзыретін шектейді. Мұның арқасында мемлекеттік органдар жұмысы қайталанбайтын болады.

Құжат отандық заңнаманың кейбір нормаларын МАГАТЭ халықаралық қауіпсіздік нормаларымен сәйкестендірген.

Заң жобасында ядролық материалдарды тасымалдау кезінде апат болса, не істеу керектігі нақтылынған.

1396
Кілт сөздер:
заң, президент
Тақырып бойынша
"Ешкімге жалтақтамаймыз": Тоқаев реформаларды біреуге ұнау үшін жүргізбейтінін айтты
Тоқаев баспананы арзандатудың жолын ұсынды
"Бұл еліміздің қасіреті": Тоқаев Жаңатастағы балалар өлімі туралы айтты
Мәжіліс жарнаманы қазақша қатесіз жазуға міндеттейтін заң жобасын мақұлдады
Кореяда сотталған қазақстандықтар қайтарылады – парламент заң қабылдады
Танк Т-14 Армата в Москве перед началом репетиции военного парада на Красной площади

Ресейлік жаңа танк қандай болады

0
Бұл машиналар қорғаныс жағынан шынжыр табанды машиналардан әлсіз болғанымен, жылдамдығы, маневрі жағынан олардан едәуір асып түседі

"Бумеранг" бірыңғай броньды платформасы базасында алғашқы ресейлік дөңгелекті танк құрастырылмақ. Келешегі зор шассидің сипаттамалары оған "Спрут-СД" өздігінен жүретін танктегідей тегіс ұңғылы зеңбіректі қару-жарақ кешенін орнатуға мүмкіндік береді, деп түсіндірді "Әскери-өнеркәсіптік компания" бас директоры Александр Красовицкий. 

Красовицкийдің айтуынша, "Бумеранг" бірыңғай дөңгелекті платформасын құрастыру аяқталып қалды. Оның негізінде әзірленген К-16 броньды тасымалдағыштың мемлекеттік сынақтары жыл соңына дейін өтеді деп жоспарланған, деп жазады РИА Новости.

Инженерлердің сөзінше, конструкциясында ғылым мен техниканың ең заманауи жетістіктері қолданылған. Одан кейінгі жоспарда болашағынан үлкен үміт күттіретін К-17 броньды жаяу әскер машинасын, арнайы мақсаттағы техникалар мен басқа да үлгілерді сынақтан өткізу бар. "Әскери-өнеркәсіптік компанияның" бас директоры "Бумеранг" платформасы негізінде дөңгелекті танкті тез дайындау өнеркәсіп үшін проблема емес екенін баса айтты.

Мұндай техника Кеңес Одағында әзірленгенімен, Ресей әскерінде дөңгелекті танктер (толық айналмалы мұнарадағы қуатты қарумен жабдықталған броньды машиналар тобының бейресми атауы) болған емес. Бұл машиналар қорғаныс жағынан шынжыр табанды машиналардан әлсіз болғанымен, жылдамдығы, маневрі жағынан олардан едәуір асып түседі.

"Дөңгелекті танктер топырағы осы машиналар үшін қолайлы мемлекеттерде көп қолданылады", - дейді әскери сарапшы Алексей Леонков. – Мысалы, Африкада. Сондықтан, Оңтүстік Африка республикасы дөңгелекті танктерге басымдық береді. Олардың басты артықшылығы - жылдамдық пен жөндеуге дейінгі жүріс ұзақтығы. Егер негізгі соғыс танкі шамамен он мың километрден кейін бұзылып қалса, онда зеңбіректі броньды көлік жүз мың километр жүріп өтуге қауқарлы".

Сарапшының пікірінше, мұндай танктер Ресей армиясы үшін Орта Азия бағытында пайдалы болар еді. Себебі, бұл аймақтарда теміржолдардың өткізу қабілеті тым әлсіз. Ал дөңгелекті броньды машиналарды тас жолдар арқылы жеткізу қиынға соқпас еді. Сонымен қатар, мұндай техника дәл сол Сирияда патрльдеу жүргізу үшін септігін тигізеді. Қазір ол елдегі әскери полиция "Тигр" және БТР-82А броньді көліктерімен қатынап жүр.

Леонков танк, броньді тасымалдағыш секілді су кедергілерінен өтуге, қозғалыс және судан өту кезінде де оқ атуға қабілетті екенін баса айтты. Қуатты қарудың арқасында оны рейдтерде де, жалпы әскери операцияларда да қолдануға болады.

Дөңгелекті техниканың жол жабынына да ауыр салмақ түсірмеуі және зақымдамауы аса маңызды. Басқа танкілер ең берік асфальттың өзін бұзатыны белгілі. Ауыр броньды машиналарды арнайы тасымалдаушы техникамен жеткізудің себебі осында. Оларды тиеу және түсіру көп уақытты алады. Ал дөңгелекті танк соғысқа арнайы дайындықсыз-ақ жолдан қосыла алады.

125 миллиметрлі зеңбірегі бар жауынгерлік бөлімді дөңгелекті танктің негізгі қаруы ретінде қарастыруға болады. Бұл әуе-десанттық әскер үшін арнайы әзірленген "Спрут-СД" өздігінен жүретін танктегімен бірдей. 40 снарядты атыс жиынтығы мен оқтау автоматы бар тұрақтандырылған жүйедегі тегіс ұңғылы 2А75 қаруы Т-72 мен Т-90 танктеріндегі қару-жараққа ұқсас. Өздігінен жүретін танк тиісті калибрдегі оқ-дәрілердің барлық түрінен, сондай-ақ танкке қарсы басқарылатын зымырандардан оқ ата алады. Танктегі қарумен жұптастырылған 7,62 миллиметр калбирлі пулемет жауынгерлік бөлімнің қосалқы қаруы болып саналады.

Мұндай жабдықтаудағы зеңбіректі "Бумеранг" әлемдегі ең қуатты дөңгелекті танкке айналуы мүмкін. Батыс пен Шығыстағы осы типтегі әскери техниканың басым бөлігінде 05 миллиметрге дейінгі калибрлі қару орнатылған. Дөңгелекті танктер НАТО мен Азия аймағындағы бірнеше елдің қару-жарақ саласында бар. Бұл – Stryker платформасындағы америкалық M1128 MGS, француздардың AMX-10RC, жапондық MCV, италиялық Centauro. Қорғаныс министрлігі 2010 жылдың басында құрлық әскерлеріне арналған Centauro партиясын сатып алу туралы Риммен келіссөздер жүргізген болатын. Сынақ жүргізу үшін бірнеше көлік Ресейге жеткізілді. Бірақ іс одан әрі алға баспады: италиялық дөңгелекті танктер әскери техниканың сенімділігі жөнінде ресейлік талаптарға сәйкес келмеді.

"Бумеранг" перспективалы дөңгелекті платформасы алғаш рет 2015 жылғы Жеңіс күніндегі шеру кезінде көпшілік назарына ұсынылды. Бұл базадағы техника БТР тобына жататын кеңестік және ресейлік броньды тасымалдағыштарға қарағанда айтарлықтай ірі және қуатты.

750 ат күші бар ЯМЗ-780 қозғалтқышы магистральді жолда машинаны сағатына 100 километрге дейінгі жылдамдықпен жүргізе алады. Мотор бөлімі алдыңғы бөлікте орналасқан. Ол десанттың танктің артқы жағынан шығып-кіруіне мүмкіндік береді. "Бумеранг" тобындағы машиналарда құрамында керамика бар көпқабатты броньдау қолданылған. Бұл біртекті қорғанысқа қарағанда әлдеқайда сенімді.

Басқарылатын "Бумеранг-БМ" әмбебап әскери модулі бар K-17 дөңгелекті жаяу әскерге арналған әскери машина әлі күнге дейін "Бумеранг" тобындағы ең қуатты машина болып саналады. Сондай-ақ, бұдан да ауқымды нұсқа тағы бар. К-17 әскери машинасына арналған ықтимал модульдердің бірі – минутына 120 оқ ата алатын 57 миллиметрлі зеңбірегі бар АУ-220М "Байкал". Оның снарядтарының күші батыста шығарылған барлық заманауи жаяу әскердің соғыс машиналарына қарсы тұруға жеткілікті. Сонымен қатар, 57 миллиметрлі калибр ұшқышсыз ұшу аппараттарын, оның ішінде 12 километрге дейінгі аралықта ұшатын шағын ұшақтарды сәтті жоя алады.

0