Азат Перуашев

Фитнеске 40 млн теңге: Перуашев халықтың ақшасына демалатын менеджерлерді сынады

78
Топ-менеджерлер компанияның қыруар шығынына қарамастан өздеріне миллиондап сыйақы жаздырады, деді депутат

НҰР-СҰЛТАН, 17 наурыз – Sputnik. Мәжіліс депутаты Азат Перуашев ұлттық компаниялардың топ-менеджерлері СПА мен фитнеске мемлекет қазынасынан миллиондап ақша жұмсайтынын айтты, деп хабарлайды Sputnik Қазақстан тілшісі.

Мәжілістің жалпы отырысында "Квазимемлекеттік сектордың жекелеген субъектілерінің сатып алуы туралы" заң жобасы бірінші оқылымда қаралды. Құжатты талқылау барысында "Ақ жол" фракциясының лидері Азат Перуашев араны ашылған, ел қазынасын тонап отырған ұлттық компаниялар мен мемлекеттік кәсіпорындарды сынады.

Айтуынша, ол жерде сыбайлас жемқорлық схемалары үнемі шығады, ал сыртқы қарыздың көп бөлігі осы квазимемлекеттік секторға тиесілі. Топ-менеджерлер компанияның қыруар шығынына қарамастан өздеріне миллиондап сыйақы жаздырады.

"Сол себепті ұлттық компаниялардың, олардың "еншілесі" мен "СК-Фармация немесе ӘКК сияқты министрліктер мен әкімдіктер жанындағы түрлі ЖШС мен РМК-ның бюджеті барынша ашық болуға тиіс, республикалық және жергілікті бюджеттерге енгізіліп, ал олардың басшылығы қоғам алдында шығындар мен жетістіктер туралы есеп беруі керек. Біздің ойымызша, ұлттық компаниялардың бюджеті ашық болған жағдайда, пандемия кезінде дәрі-дәрмек тапшылығынан көз жұмған адамдардың өліміне бей-жай қараған "СК-Фармация"-да ондаған миллион теңге сыйақы төлеу деген дүниелер болмас еді. Немесе тағы бір мысал,  мемлекеттік кәсіпорын салық төлеушілердің ақшасынан өз менеджерлеріне фитнес пен СПА-ға 40 миллион теңге төлейді. Ал бұл тек жұртқа мәлім фактілер ғана", - деп ашуланды депутат.

Сондай-ақ, ол  "Ақ жол" фракциясы сатып алуларды бақылау тәртібіне қатысты нормамен келіспейтінін жеткізді. Заң жобасында ұлттық компаниялар сатып алулардың орталықтандырылған қызметінің жұмыс тәртібін айқындайтыны айтылған. Депутаттар бұл салада жемқорлық тәуекелдерінің жоғары екенін ескеріп, мұнымен келіспейтінін айтты. Сол себепті фракция ұлттық компанияларды бақылау тәртібін олардың өздері емес, тәуелсіз орталықтандырылған қызмет немесе мемлекеттік аудит анықтауы керек деп санайды. Өйткені бұл субъктілер мемлекеттің ақшасын жұмсайды.

Заң жобасында қандай жаңашылдықтар бар

Қаржы министрі Ерұлан Жамаубаев қазір квазимемлекеттік сектордың сатып алулары әртүрлі нормативтік-құқықтық актілермен реттелетінін атап өтті. Ал  әзірленген заң жобасы "Самұрық-Қазына" қорының және өзге де ұлттық холдингтер мен ұлттық компаниялардың сатып алуларын реттеуге бағытталған.

"Заң жобасы сатып алулары шамамен 3,4 триллион теңге сомасындағы 250-ден аса ұлттық компанияны олардың еншілес ұйымдарымен бірге қамтиды. Бұл ретте орталық және жергілікті атқарушы органдардың жанындағы мемлекеттік кәсіпорындардың, акционерлік қоғамдар, жауапкершілігі шектеулі серіктестіктердің сатып алуды "Мемлекеттік сатып алу туралы" заңның аясында қалдыру ұсынылады", - деді министр.

Заң жобасында мынадай негізгі тәсілдер ескерілген:

  • квазимемлекеттік сектор субъектілері үшін бірыңғай болып саналатын, заңның қолдану аясына, қағидаттарға, шектеулерге, тәсілдерге, бақылауға және шағымдануға қатысты базалық ережелер заң деңгейінде бекітіледі;
  • сатып алу процесін нақтылайтын нормаларды ережелер деңгейінде регламенттеу ұсынылады.

Осы жерде "Самұрық-Қазына" қорының Сатып алу ережелерін бекітуді қаржы министрлігінің келісімімен қордың қарамағында қалдыру ұсынылды.

"Бұл қор қызметінің ерекшелігі мен оның мәртебесіне, сондай-ақ ІРО өткізу және жекешелендірудің өзге де түрлері кезінде қор компанияларының инвестициялық тартымдылығын сақтау қажеттігіне байланысты", - деді Жамаубаев.

Оның айтуынша, жалпы, заң жобасын қабылдау – квазимемлекеттік сектор субъектілерінің сатып алуының ашықтығын, тиімділігін арттыруға және осы саладағы сыбайлас жемқорлық тәуекелдерін төмендетуге мүмкіндік береді.

Мәжіліс аталған заң жобасын бірінші оқылымда мақұлдады.

78
Кілт сөздер:
депутат, Азат Перуашев
Тақырып бойынша
Халықтық IPO: қарапайым қазақстандықтарға ұлттық байлықтан үлес тие ме?
"Мойындау керек": Тоқаев басты қауіпті атады
"Ақ жол" басшысы сайлаушылардың сенімін ақтауға уәде берді
Дариға Назарбаева мәжілісте немен айналысады
Мәжіліс депутаты айыппұлды адамның жеке табысына қарай белгілеуді ұсынды
Архивтегі фото

Қазақстанда мемлекеттік жәрдемақыны төлеу тәртібі өзгереді

6743
Әлеуметтік төлемдер мен жәрдемақы алатындарға таңдау беріледі, олар ақшаны не банк картасына, не әлеуметтік әмиянға аудартады. Егер әлеуметтік әмиянды таңдаса, оған түскен ақшаны банктер өндіріп ала алмайды

НҰР-СҰЛТАН, 16 сәуір — Sputnik. Қазақстанда арнаулы мемлекеттік жәрдемақыны тағайындау ережесіне өзгерістер енгізу жоспарланып отыр. Тиісті заң жобасы "Ашық нормативтік-құқықтық актілер" порталында жарияланды, деп хабарлайды Sputnik Қазақстан.

Қазіргі заңнамаға сәйкес, арнаулы мемлекеттік жәрдемақы – бұл жәрдемақыға құқығы бар азаматтарға жәрдемақының өзге түрлеріне қарамастан берілетін ақшалай төлем. Оны мүгедектер, Ұлы Отан соғысының ардагерлері және оларға теңестірілген азаматтар, "Қазақстанның еңбек ері", "Қазақстанның ғарышкер-ұшқышы" және "Халық қаһарманы" құрметті атағын алғандар, ядролық сынақтардан зардап шеккендер және тағы басқа адамдар ала алады.

Оқи отырыңыз: Балаға төленетін жәрдемақы көтеріле ме – үкімет жауап берді 

Жаңа заң жобасы бойынша арнаулы мемлекеттік жәрдемақыны электронды ақшамен де төлеу қарастырылған. Оны электронды әмияндарға аударып отырады. Ал электронды әмияндағы ақшаны өндіріп алуға тыйым салынады. Бұның барлығы жәрдемақыны тағайындау туралы өтініште көрсетіледі.

Айта кетейік, 2020 жылы қыркүйек айында президент Қасым-Жомарт Тоқаев әлеуметтік төлемдерді цифрландыруды тапсырған болатын. Осыдан кейін еңбек және халықты әлеуметтік қорғау министрлігі арнаулы мемлекеттік жәрдемақы алатын азаматтарда таңдау болатынын хабарлаған. Әлеуметтік төлемдер мен жәрдемақыларды не банк картасын, не әлеуметтік әмиянға аудартуға мүмкіндік болады.

Ал "Төлемдер мен төлем жүйелері туралы" заңға сәйкес, әлеуметтік әмияндағы ақшаны банктер, салық органдары мен коллекторлар өндіре алмайды. Әлеуметтік төлемдерге арналған электронды әмиян 2022 жылы енгізіледі деп жоспарланып отыр.

6743
Кілт сөздер:
әлеуметтік төлем, жәрдемақы
Теңге

Тоқаев кейбір салаларға қосымша қаражат бөлуді тапсырды

1934
(Жаңартылды 19:31 15.04.2021)
Бөлінетін қаржы пандемиямен күресте дәрігерлерге үстемеақы және медициналық қызметтердің ақысын төлеуге жұмсалады

НҰР-СҰЛТАН, 15 сәуір – Sputnik. Мемлекет басшысы еліміздің әлеуметтік-экономикалық даму мәселелері жөнінде кеңес өткізді, деп хабарлайды Ақорда.

Тоқаевтың төрағалығымен өткен жиында ел дамуының жаңартылған болжамы және республикалық бюджетті нақтылау жөніндегі ұсыныстар талқыланды. Отырысқа премьер-министр Асқар Мамин, президент әкімшілігінің басшысы Ерлан Қошанов, ұлттық банк төрағасы Ерболат Досаев және басқалар қатысты.

Отырыс барысында үкімет әлеуметтік-экономикалық дамуға қатысты болжамдарын және әлемдік экономикадағы ахуалды, тауар нарығындағы үрдістерді ескере отырып, осы жылға арналған республикалық бюджетті нақтылау жөніндегі ұсыныстарын, сондай-ақ биылғы І тоқсанның алдын ала қорытындылары жөнінде баяндады.

Атап айтқанда биыл ішкі жалпы өнімнің нақты өсімі бекітілген көрсеткіштен 0,3 пайызға артып, 3,1% деңгейде болады деп болжануда. Инфляция деңгейі 4-6% аралығында сақталып отыр.

Бюджетті нақтылаудың негізгі міндеті – мемлекет басшысының жолдауында айтылған тапсырмаларды орындау және Nur Otan партиясының сайлауалды платформасын жүзеге асыру. Осыған байланысты бюджеттің кірісінде де, шығысында да өсім болады деп болжанып отыр.

"Автомобиль жолдарын дамытуға, "Ауыл – ел бесігі" жобасын одан әрі іске асыруға, экономиканың неғұрлым зардап шеккен салаларындағы кәсіпкерлік субъектілерін қолдауға, "Жұмыспен қамтудың жол картасын" жүзеге асыруға және агроөнеркәсіптік кешенді дамытуға қосымша қаражат бөлінетін болады", – делінген хабарламада.

Пандемиямен күреске бөлінетін қосымша қаржы дәрігерлерге үстемеақы және медициналық қызметтердің ақысын төлеуге жұмсалады. Сонымен қатар әскери қызметшілерді тұрғын үймен қамтамасыз етуге, су тасқынына қарсы іс-шараларға, сумен қамтамасыз ету және су тарту жүйелерінің құрылысы мен оларды жаңғыртуға қаржы бөлу жоспарланған.

Жиын қорытындысы бойынша президент бюджет шығындарын оңтайландырып, кірісін арттыру, мемлекеттік сатып алу жүйесін жетілдіру, инфрақұрылым мен цифрландыруды дамыту, сондай-ақ жекешелендірудің кешенді жоспары аясында мемлекеттің экономикадағы үлесін азайту жұмыстарын жандандыру жөнінде тапсырма берді.

Оқи отырыңыз: Қазақстанды не күтіп тұр: белгілі маман 2021 жылға болжам жасады

1934
Кілт сөздер:
Қасым-Жомарт Тоқаев, қаржыландыру
Тақырып бойынша
Зейнетақы қорынан алуға болатын қаржы көлемі ұлғайды
Жас ғалым әйелдер үшін арнайы квота енгізіледі – БҒМ
Тоқаев пандемия салдарын жеңілдетуге қатысты ұсыныс жасады
Қаржы министрлігі мобильді аударымдарға қатысты өзгерісті жариялады
Күрішбаев оқытушылардың жалақысын теңестіру керек деп санайды
Қасым-Жомарт Тоқаев

Мемлекет басшылары Тоқаевты құттықтап жатыр

0
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

0
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды