Бақыт Сұлтанов

ЕАЭО-ға қатысты сын: Сұлтанов Қазақстанның одақтағы орны туралы айтып берді

59
Министр Бақыт Сұлтанов ЕАЭО мүше елдер экономикасын "жақындатуға" және сенімсіздік дәрежесін төмендетуге не көмектесетінін айтты

НҰР-СҰЛТАН, 29 наурыз — Sputnik. Қазақстанға Еуразиялық экономикалық одаққа (ЕАЭО) мүше болу не үшін керек екенін сауда және интеграция министрі Бақыт Сұлтанов айтып берді.

"Біздің елдің ЕАЭО мүшелігіне қатысты сын, ең алдымен, Қазақстанның Еуразиялық экономикалық одақтағы жетекші емес позициясына байланысты жиі айтыла бастады", - дейді сауда және интеграция министрлігі сайты.

Қазіргі уақытта халықаралық экономикада жекелеген ел нарығы үшін емес, өңірлік сауда бірлестігінің нарығы үшін бәсекелестік жүріп жатыр деп атап өтті министр.

"Мен қызмет бабымен әлеуетті инвесторлармен жиі кездесемін. Олардың көпшілігі өз бизнесінің табыстылығын Қазақстан нарығына бағдар ретінде емес, Ресейге экспорт әлеуеті тұрғысынан бағалайды", - деді Сұлтанов.

Қазақстан тауар өткізу жүйесінде ауыл шаруашылығы өнімі ағынын Сібірге бағыттайды, деп қосты министр.

Әр интеграциялық бірлестікте экономикалық көшбасшылар болады. Экономикалық қуаты аз ел күшті серіктес есебінен өз деңгейін көтереді деп есептейді Сұлтанов.

Мысалы, еуропалық одаққа 27 мемлекет кіреді. Барлық өзара сауда-саттықтың төрттен бірі еуропалық одақтың көшбасшысы – Германия үлесінде.

"Оған жалпы өңірлік ішкі өнімнің, мұнай мен газ өндірудің, тауарлар мен көрсетілетін қызметтердің жиынтық экспортының негізгі үлесітиесілі", - деді Сұлтанов.

ЕАЭО біз үшін тиімді ме

ЕАЭО-ның Қазақстан үшін маңызды екені даусыз, деп есептейді Сұлтанов.

"Бес жыл ішінде бірыңғай экономикалық кеңістікте тауардың, қызметтің, жұмыс күшінің және капиталдың еркін қозғалысын қамтамасыз ететін ұлттық заңнамасының қомақты жиымы құрылды", -деп жазды Сұлтанов.

Ол барлық шешімдер консенсус арқылы қабылданатынын, әр мүше мемлекет жалпы ішкі өніміне, қаржы жарнасының мөлшеріне немесе халық санына қарамастан, тең дауысқа ие болады.

"ЕАЭО мүше-мемлекеттеріне 2015-2019 жылдар үшін (өткен жылы саудадағы барлық көрсеткіштерді өзгертті) біздің экспорт (оның ішінде шикізаттық емес) 25%-ке немесе 5,1-ден 6,4 млрд долларға дейін өсті (Ресейге - 25%, Беларусьқа - 2 есе, Қырғызстанға - 20%, Арменияда - 6 есе)", - деп атап өтті Сұлтанов.

ЕАЭО-дағы кедергілер мен шектеулер

Министр ЕАЭО-да көптеген кедергілер мен шектеулер бар екенін, әр ел өз өндірушісінің мүддесін қорғайтынын айтты. 

"Еуразиялық одақ алаңында бизнестен түсетін, саудада кедергінің болуы туралы шағымдарды қарау мерзімі үш айды құрайды, ал дүниежүзілік сауда ұйымында мұндай іс екі-үш жылға созылуы мүмкін", - деп қосты Сұлтанов.

Экономикалық интеграцияның салдары әрдайым бірдей бола бермейді, деп атап өтті ол.  

"Ресей басты сауда орталығы болып қала беретін одақ ішінде теңгерімсіздік байқалғанымен, Қазақстан үшін өнім өткізу нарығы кеңеюде, кедендік төлемдермен шығын қысқаруда, еркін сауда аймақтары шеңберінде елдердің нарығына қол жеткізу жеңілдейді", - деді Сұлтанов.  

Вьетнам, Сингапур, Сербия, Иран жекелеген Қазақстанмен, Ресеймен немесе басқа республикалармен емес, Еуразиялық одақпен "дос" болғысы келді. 

Еуразиялық одақта өнеркәсіптік кооперацияға баса назар аударылып, кейіннен бірлескен өнім үшінші елдерге шығарылады, деп көрсетті министр.

"Бұл бізге экономикамызды "жақындатуға" көмектеседі және қалған сенімсіздік дәрежесін төмендетеді" – деді ведомства басшысы.

ЕАЭО-дағы ынтымақтастықтың өзара тиімділігін күшейту мәселелері әлі де көп, бірлестікке жекелеген қатысушылардың санкциялық қысымына байланысты саудада кедергілер мен қиындықтар бар. Дегенмен, экономикалық және экономикалық емес те пайдасы басым, деп қорытындылады сөзін сауда және интеграция басшысы.

59
Кілт сөздер:
Бақыт Сұлтанов, ЕАЭО
Тақырып бойынша
Қазақстан ЕАЭО-дағы өнеркәсіптік ынтымақтастықты қайта қарастыруды ұсынды
ЕАЭО елдері саудадағы жаңа кедергілердің пайда болуына жол бермеуі керек – Мамин
Тарифтер тайталасы: ЕАЭО ортақ газ нарығы жобасының алдында қандай проблемалар тұр
 ЕАЭО елдері үкімет басшыларының кездесуі қалай өтті – видео
ЕАЭО монополияға қарсы ведомство басшылары кездесуінің нәтижесі талқыланды
Архивтегі фото

Қазақстанда мемлекеттік жәрдемақыны төлеу тәртібі өзгереді

5548
Әлеуметтік төлемдер мен жәрдемақы алатындарға таңдау беріледі, олар ақшаны не банк картасына, не әлеуметтік әмиянға аудартады. Егер әлеуметтік әмиянды таңдаса, оған түскен ақшаны банктер өндіріп ала алмайды

НҰР-СҰЛТАН, 16 сәуір — Sputnik. Қазақстанда арнаулы мемлекеттік жәрдемақыны тағайындау ережесіне өзгерістер енгізу жоспарланып отыр. Тиісті заң жобасы "Ашық нормативтік-құқықтық актілер" порталында жарияланды, деп хабарлайды Sputnik Қазақстан.

Қазіргі заңнамаға сәйкес, арнаулы мемлекеттік жәрдемақы – бұл жәрдемақыға құқығы бар азаматтарға жәрдемақының өзге түрлеріне қарамастан берілетін ақшалай төлем. Оны мүгедектер, Ұлы Отан соғысының ардагерлері және оларға теңестірілген азаматтар, "Қазақстанның еңбек ері", "Қазақстанның ғарышкер-ұшқышы" және "Халық қаһарманы" құрметті атағын алғандар, ядролық сынақтардан зардап шеккендер және тағы басқа адамдар ала алады.

Оқи отырыңыз: Балаға төленетін жәрдемақы көтеріле ме – үкімет жауап берді 

Жаңа заң жобасы бойынша арнаулы мемлекеттік жәрдемақыны электронды ақшамен де төлеу қарастырылған. Оны электронды әмияндарға аударып отырады. Ал электронды әмияндағы ақшаны өндіріп алуға тыйым салынады. Бұның барлығы жәрдемақыны тағайындау туралы өтініште көрсетіледі.

Айта кетейік, 2020 жылы қыркүйек айында президент Қасым-Жомарт Тоқаев әлеуметтік төлемдерді цифрландыруды тапсырған болатын. Осыдан кейін еңбек және халықты әлеуметтік қорғау министрлігі арнаулы мемлекеттік жәрдемақы алатын азаматтарда таңдау болатынын хабарлаған. Әлеуметтік төлемдер мен жәрдемақыларды не банк картасын, не әлеуметтік әмиянға аудартуға мүмкіндік болады.

Ал "Төлемдер мен төлем жүйелері туралы" заңға сәйкес, әлеуметтік әмияндағы ақшаны банктер, салық органдары мен коллекторлар өндіре алмайды. Әлеуметтік төлемдерге арналған электронды әмиян 2022 жылы енгізіледі деп жоспарланып отыр.

5548
Кілт сөздер:
әлеуметтік төлем, жәрдемақы
Теңге

Тоқаев кейбір салаларға қосымша қаражат бөлуді тапсырды

1868
(Жаңартылды 19:31 15.04.2021)
Бөлінетін қаржы пандемиямен күресте дәрігерлерге үстемеақы және медициналық қызметтердің ақысын төлеуге жұмсалады

НҰР-СҰЛТАН, 15 сәуір – Sputnik. Мемлекет басшысы еліміздің әлеуметтік-экономикалық даму мәселелері жөнінде кеңес өткізді, деп хабарлайды Ақорда.

Тоқаевтың төрағалығымен өткен жиында ел дамуының жаңартылған болжамы және республикалық бюджетті нақтылау жөніндегі ұсыныстар талқыланды. Отырысқа премьер-министр Асқар Мамин, президент әкімшілігінің басшысы Ерлан Қошанов, ұлттық банк төрағасы Ерболат Досаев және басқалар қатысты.

Отырыс барысында үкімет әлеуметтік-экономикалық дамуға қатысты болжамдарын және әлемдік экономикадағы ахуалды, тауар нарығындағы үрдістерді ескере отырып, осы жылға арналған республикалық бюджетті нақтылау жөніндегі ұсыныстарын, сондай-ақ биылғы І тоқсанның алдын ала қорытындылары жөнінде баяндады.

Атап айтқанда биыл ішкі жалпы өнімнің нақты өсімі бекітілген көрсеткіштен 0,3 пайызға артып, 3,1% деңгейде болады деп болжануда. Инфляция деңгейі 4-6% аралығында сақталып отыр.

Бюджетті нақтылаудың негізгі міндеті – мемлекет басшысының жолдауында айтылған тапсырмаларды орындау және Nur Otan партиясының сайлауалды платформасын жүзеге асыру. Осыған байланысты бюджеттің кірісінде де, шығысында да өсім болады деп болжанып отыр.

"Автомобиль жолдарын дамытуға, "Ауыл – ел бесігі" жобасын одан әрі іске асыруға, экономиканың неғұрлым зардап шеккен салаларындағы кәсіпкерлік субъектілерін қолдауға, "Жұмыспен қамтудың жол картасын" жүзеге асыруға және агроөнеркәсіптік кешенді дамытуға қосымша қаражат бөлінетін болады", – делінген хабарламада.

Пандемиямен күреске бөлінетін қосымша қаржы дәрігерлерге үстемеақы және медициналық қызметтердің ақысын төлеуге жұмсалады. Сонымен қатар әскери қызметшілерді тұрғын үймен қамтамасыз етуге, су тасқынына қарсы іс-шараларға, сумен қамтамасыз ету және су тарту жүйелерінің құрылысы мен оларды жаңғыртуға қаржы бөлу жоспарланған.

Жиын қорытындысы бойынша президент бюджет шығындарын оңтайландырып, кірісін арттыру, мемлекеттік сатып алу жүйесін жетілдіру, инфрақұрылым мен цифрландыруды дамыту, сондай-ақ жекешелендірудің кешенді жоспары аясында мемлекеттің экономикадағы үлесін азайту жұмыстарын жандандыру жөнінде тапсырма берді.

Оқи отырыңыз: Қазақстанды не күтіп тұр: белгілі маман 2021 жылға болжам жасады

1868
Кілт сөздер:
Қасым-Жомарт Тоқаев, қаржыландыру
Тақырып бойынша
Зейнетақы қорынан алуға болатын қаржы көлемі ұлғайды
Жас ғалым әйелдер үшін арнайы квота енгізіледі – БҒМ
Тоқаев пандемия салдарын жеңілдетуге қатысты ұсыныс жасады
Қаржы министрлігі мобильді аударымдарға қатысты өзгерісті жариялады
Күрішбаев оқытушылардың жалақысын теңестіру керек деп санайды
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

0
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

0
Кілт сөздер:
Украина, Ресей