Экономика

Тоқаев кредит төлеу мерзімін кейінге қалдыруды тапсырды

© Sputnik / Абзал КалиевЧеловек хватается за голову, подсчитывая наличные деньги
Человек хватается за голову, подсчитывая наличные деньги  - Sputnik Қазақстан, 1920, 01.04.2021
Жазылу
Экономиканың зардап шеккен салаларындағы ШОБ-қа кредиттер бойынша төлемдерін кейінге шегеруге мүмкіндік беріледі

НҰР-СҰЛТАН, 1 сәуір – Sputnik. Қазақстан президенті Қасым-Жомарт Тоқаев үкіметке шағын және орта бизнесті қолдау шараларын қарастыруды тапсырды, деп хабарлайды Sputnik Қазақстан тілшісі.

"Үкіметтен келесі мәселелерді тез арада пысықтауды сұраймын: бірінші – пандемиядан зардап шеккен салалардағы ШОБ субъектілері үшін жекелеген салықтар мен төлемдерді төлеуді кейінге қалдыру, екіншісі – салықтық және кедендік берешектерді мәжбүрлі түрде өндіріп алуды уақытша тоқтату", - деді Тоқаев коронавирус індетіне қарсы қабылданып жатқан шаралар жөніндегі жиында.

Айтуынша, аталған шаралар жаппай вакциналау басталғанға және шектеулердің көбі алынғанға дейін уақытша қолданыста болуға тиіс.

Сондай-ақ, президент Ұлттық банк пен Қаржы нарығын реттеу және дамыту агенттігіне экономиканың зардап шеккен салаларындағы ШОБ-қа кредиттер бойынша төлемдерін кейінге шегеру мүмкіндігін пысықтауды тапсырды.

Оқи отырыңыз: Қазіргі жағдайымыз жақсы емес – Тоқаев 

"Үкімет пандемияға қатысты жағдайды жақсы жағына қарай өзгертеді деген үмітпен, мамырдан бастап ШОБ субъектілеріне, соның ішінде қызмет көрсету саласында шектеулерді біртіндеп алып тастауға кірісе беруге болады", - деді Тоқаев.

Президент үкіметке ASHYQ жобасының ауқымын кеңейту және жүйені белсенді енгізуді қамтамасыз ету міндетін жүктеді. Сондай-ақ, ол тиісті нормативтік база жасаудың маңыздылығын атап өтті.

Жаңалықтар
0