Жанармай бекеті, архивтегі сурет

Атырау зауытында жөндеу мерзімі созылды: бензин қанша күнге жетеді

52
Министрдің айтуынша, елде мұнай өнімдерінің тапшылығын болдырмау үшін Шымкент мұнай өңдеу зауытына жоспарланған күрделі жөндеу жұмысының мерзімі ауыстырылды

НҰР-СҰЛТАН, 12 сәуір – Sputnik. Атырау мұнай өңдеу зауытында жөндеу жұмыстарын сәуірдің соңына қарай аяқтау жоспарланып отыр. Бұл туралы энергетика министрі Нұрлан Ноғаев мәлімдеді, деп хабарлайды Sputnik Қазақстан тілшісі.

Биыл қаңтарда ауа райының қолайсыздығына байланысты Атырау мұнай өңдеу зауытында электр энергиясын жеткізуде іркіліс пайда болған еді. Соның салдарынан технологиялық қондырғылар апатты жағдайда тоқтап, жөндеу және қалпына келтіру жұмыстарын жүргізу қажеттігі туындады.

"Алғашқы жоспар бойынша жөндеуді 4 сәуірде аяқтап, зауытты толық қуатына 10 сәуірде шығару жоспарланған. Алайда ақауларды анықтау барысында қосымша жөндеу шаралары қажет екені анықталды. Сол себепті Атырау мұнай өңдеу зауытын 24 сәуірде іске қосу жоспарланып отыр", – деді Ноғаев үкімет отырысында.

Атырау МӨЗ-дің қондырғыларын жөндеу барысында елде мұнай өнімдерінің тапшылығын болдырмау үшін Шымкент мұнай өңдеу зауытында 25 наурыз бен 10 мамыр аралығына жоспарланған күрделі жөндеу жұмыстарының мерзімі 1 мамыр мен 10 маусымға ауыстырылды.

Министр қазір республикада бензин тапшылығы жоқ екенін мәлімдеді.

"9 сәуірдегі жағдай бойынша мұнай өнімдері қорының деңгейі жеткілікті деңгейде. Яғни, 25 күнге жететін бензин, 27 күнге жететін дизель отынының қоры бар", – деп сендірді ол.

Оқи отырыңыз: Жанармай импортына салынған тыйым мұнай өңдеу зауыттарына қалай әсер етті

Айтуынша, қаңтар-наурыз айының қорытындысы бойынша Қазақстанда 3 миллион тоннадан аса мұнай өнімдері өндірілді. Ал бензин бойынша көрсеткіш 1,1 миллион тоннаға жетті, яғни жоспар 94,5%-ке орындалды. Өндірілген дизель отынының көлемі – 1 миллион тонна, жоспар – 89,7%-ке тең.

52
Кілт сөздер:
жанармай, бензин, дизельді отын
Тақырып бойынша
Төртінші мұнай өңдеу зауытының қайда салынатыны күзде белгілі болады
Ресейде жанармай бекетінде болған жойқын жарылыс видеоға түсіп қалды
Министрлік бензин бағасына қатысты түсініктеме берді
Мұнай өңдеу төмендеді: елде бензин тапшылығы болмай ма
Газ орнына су құйған: Ақтауда жанармай бекетінің қулығы әшкере болды
ТМД елдерінің тулары

Қазақстан президенті ТМД басшыларына ұсыныс жасады

20
Мемлекет басшысының айтуынша, сауда-экономикалық байланыстарды әлі де кеңейтуге болады

НҰР-СҰЛТАН, 15 қазан – Sputnik. Қазақстан президенті Қасым-Жомарт Тоқаев ТМД елдері басшыларының кеңесінде ұйымның ішкі ынтымақтастық байланыстарын күшейтуді ұсынды, деп хабарлайды Sputnik Қазақстан.

"Бірқатар беделді халықаралық ұйымдардың мәліметіне сәйкес, ТМД елдері арасындағы сауда айналымы 91 миллиард доллардан асып отыр. Осы көрсеткіш әлемдік сауда-саттықтың 0,5 проценті ғана құрайды. Алайда Достастық елдерінің өзара сауда үлесі сыртқы байланыстардың 20 процентін алып отыр", - деді Тоқаев.

Мемлекет басшысының айтуынша, осы көрсеткіштер сауда-экономикалық байланыстарды әлі де кеңейтуге болатынын аңғартады.

Осы орайда Тоқаев өндірістік кооперацияға басымдық беруді ұсынды. Оның сөзінше, бірлескен кәсіпорындарды көптеп құрып, өндірістік тізбекті және өзара тиімді ынтымақтастық қарым-қатынасты арттыруға әбден болады.

Қазақстан президенті өндірістік кешендерді дамытудың 2025 жылға дейінгі жаңа бағдарламасын әзірлеу керек деп санайды. Осы құжатта нақты механизмдер мен қолдау шаралары көрсетілуі шарт.

Тоқаевтың ойынша, сауда-инвестициялық байланыстарды күшейту үшін қызметтер саудасы туралы келісімді рәсімдеу керек.

Оқи отырыңыз: 

20
Кілт сөздер:
Қасым-Жомарт Тоқаев, сауда, ТМД елдері, ұсыныс
Тақырып бойынша
Досаев Тоқаевқа экономика өсімін 3,9% деңгейде жақсарту туралы айтты
АҚШ-тың мемлекеттік қарызы экономика көлемінен асып түсті
Бұрынғы ұлттық экономика министрі вакциналау паспортынан қате тапты
Әлемдік экономика не болмақ - сарапшылар болжамы
Архивтегі фото

Қазақстан Париж сотында 6,5 миллион доллар талап еткен компанияны жеңді

34
Түрік фирмасы Қазақстанның автомобиль жолдары комитетін келісімшартты заңсыз бұзды деп айыптап, 6,5 миллион доллар талап етті  

НҰР-СҰЛТАН, 15 қазан –  Sputnik. Париж соты "Tasyapi Insaat Taahhut San. ve Ticaret A.S." (Ташяпы) компаниясының талап арызы бойынша шешім шығарды, деп хабарлайды Sputnik Қазақстан әділет министрлігіне сілтеме жасап.

Талапкер соттан бұдан бұрын шыққан төрелік шешімнің күшін жоюды талап етті. Оған сәйкес "Ташяпы" Қазақстанның пайдасына 6,7 миллиард теңге төлеуі қажет.

"Қазақстан Париж сотына "Ташяпының" талап-арызы негізсіз екенін дәлелдеді. Сонымен қатар сот "Ташяпыны" Қазақстанның 30 000 еуро көлемінде кеткен сот шығындарын өтеуге міндеттеді", - делінген хабарламада.

Естеріңізге сала кетейік, сот талқылауына автомобиль жолдары комитеті мен түрік компаниясы арасындағы арбитраждық дау себеп болды, онда комитетке Ақтөбе-Мақат жолының құрылысы мен реконструкциясы туралы келісімшартты заңсыз бұзды деген айып тағылды. "Ташяпи" ведомстводан 6,5 миллион доллар талап етті.

2019 жылдың 3 желтоқсанында Сингапурдегі халықаралық төрелік орталығының арбитраждық соты "Ташяпының" талап-арыздарын қабылдамай, Қазақстанның қарсы талаптарын қанағаттандырған еді.

Оқи отырыңыз: 

 

 

34
жер

Жері заңсыз сатылып кеткен университет маңындағы тұрғындар үйсіз қалудан қорқады

0
(Жаңартылды 23:29 15.10.2021)
Халық университет мен әкімдік арасындағы соттың шешімі дұрыс болмай, үйсіз қаламыз деп үрейленіп отыр

НҰР-СҰЛТАН, 15 қазан – Sputnik. Қазақ ұлттық қыздар  педагогикалық университетіне тиесілі жерді заңсыз саудалағандар ұсталды, деп хабарлады "Астана" телеарнасы. 

Алматы облыстық сыбайлас жемқорлыққа қарсы қызмет агенттігі күдіктілердің 9 гектар жер телімін сатқандарын мәлімдеді.

Ал талан-таражға кеткен учаскілерді кезінде сатып алып, үй салған халық қайда барарын білмейді. Жер телімдері тұрғындарға 3 жыл бұрын сатыла бастаған. Учаскілерді олар заңды құжатпен алғандарын айтады.

Халық ҚызПУ мен әкімдік арасындағы соттың шешімі дұрыс болмай, үйімізді тартып ала ма деп үрейленеді.

"Өзім 2019 да алдым жерді. Наурызда келіп фундамент құйдым. 80 процент халық тұрады осы жерде. Газ, су жүргізілді, өзіміздің ақшамызға жолды жөндеттік. Әр үй 40 мың теңгеден шығардық", - дейді Кемертоған ауылының тұрғыны Алмас Нұртазин.  

Ал облыстық сыбайлас жемқорлыққа қарсы қызмет агенттігі жерді заңсыз сатқандарды анықтады. Күдікті ретінде білім ордасының бұрынғы қызметкері, "Азаматтарға арналған үкімет" облыстық филиалының Қарасай аудандық тіркеу және жер кадастры бөлімі, Қарасай ауданы әкімдігінің жер қатынастары бөлімі басшылары ұсталған.

"Біз де жәбірленуші тараптанбыз. Университеттің балансындағы меншік жоғалып отыр", - дейді университеттің ресми өкілі Жандарбек Асан.

Облыстық сыбайлас жемқорлыққа қарсы қызметі агенттігі күдіктілерге қатысты тиісті тергеу шаралары жүріп жатқанын айтты.

Білім ордасының басшылары тергеу амалдарының әділ жүргізілетіне үмітті. Ал халық маңдай терімен алған жер телімінің бір қарысын да қайтармауға бекінген. Олар енді қол жинап президент атына хат жазбақшы.

Оқи отырыңыз: 

0
Кілт сөздер:
жер, заң бұзу, видео
Тақырып бойынша
Қазақстанда тағы бір университет бас лицензиясынан айырылды
Қазақстанда 3,5 мыңға жуық студент оқыған университет жабылды
Вакцина салдырған студенттерге сыйлық беретін университет көбейді
Тағы бір университет жабылудың аз-ақ алдында тұр