ЕАЭО қатысушы елдерінің тулары

Парламент ЕАЭО аумағында тауарлардың қауіпсіздігін қамтамасыз ететін заңды қабылдады

27
ЕАЭО-ға мүше үш мемлекетттер келісім күшіне енгеннен кейін жаңа өнім түрлерінің пайда болуына жедел ден қоюға мүмкіндік алады

НҰР-СҰЛТАН, 15 сәуір – Sputnik. Парламент ЕАЭО-ның бірыңғай техникалық регламенттерімен реттелмеген өнімдердің одақ аясындағы айналым тәртібін белгілейтін келісімді ратификациялады, деп хабарлайды Sputnik Қазақстан тілшісі.

Сенат төрағасы Мәулен Әшімбаев ЕАЭО-дағы интеграциялық процестердің, тауарлардың, қызметтер мен капиталдың бірыңғай нарығын қалыптастыру үшін техникалық реттеу саласында біркелкі қағидаларды бекіту аса маңызды екенін атап өтті. Сондай-ақ ол ол одаққа мүше елдердің кәсіпкерлеріне тең жағдай жасау және адал бәсекелестікті қалыптастыру үшін қажет екенін алға тартты.

"Тұтынушылар үшін өнімнің қауіпсіздігін қамтамасыз ету де маңызды екені сөзсіз. Сондықтан бүгін қабылданған заң өнімдердің бірыңғай тізбесіне енгізілмеген, Одақтың техникалық регламеттерімен реттелмейтін тауарлардың айналым тәртібін белгілейді. Соның нәтижесінде тұтыну нарығындағы бір топ тауардың қауіпсіздігін күшейтетін құқықтық негіз қалыптасады", - деді спикер.

Сауда және интеграция министрі Бақыт Сұлтановтың айтуынша, заң жобасының негізгі мақсаты – одақ аумағында айналымдағы барлық өнімнің қауіпсіздігін қамтамасыз ету. Бұл Еуразиялық экономикалық одақ туралы шарттың ережелерінен туындайды.

"Бүгінгі таңда айналымға шығарылатын өнімнің 85%-і Еуразиялық экономикалық одақтың бірыңғай техникалық регламенттерімен реттеледі. Бұл тамақ өнімдерінен бастап, балалар индустриясының тауарлары, жеңіл өнеркәсіп, машина жасау және басқа да өнім түрлерінің кең тауар номенклатурасына арналған техникалық регламенттер. Ұсынылып отырған заң жобасында өнімнің қалған түрлерін реттеу қарастырылған", - деді ол.

  • Біріншіден, бұл – ЕАЭО-ның бірыңғай техникалық регламенттері қабылданбаған немесе күшіне енбеген өнімдер;
  • Екіншіден, одақ деңгейінде өнімге қатысты міндетті талаптар белгіленетін өнімнің бірыңғай тізбесіне енгізілмеген өнімдер.

Министрдің айтуынша, өнімнің бірыңғай тізбесі тұтыну және пайдалану кезінде қауіптілігі жоғары тәуекелдермен сипатталатын өнім түрлерін қамтиды. Бұл тізбе одаққа мүше елдердің және халықаралық тәжірибелерді ескере отырып әзірленген.

Оқи отырыңыз: Қазақстан ЕАЭО-дағы өнеркәсіптік ынтымақтастықты қайта қарастыруды ұсынды

"Біз осы келісімнің реттеу объектісіне жататын тауарлар номенклатурасына талдау жасадық. Негізінен, бұл әлеуетті қауіп төндірмейтін өнімдер. Бүгінгі таңда оған қойылатын талаптар жоқ. Тізім үлкен емес, шамамен 15 позициядан тұрады. Мысалы, сағаттар, тұрмыстық щеткалар, жасанды әшекейлер және тағы басқалары кіреді. Өнім туралы мәліметтерді ақпараттық базада жинақтау көзделеді. Олар тұтынушылар үшін қолжетімді болады. Ақпарат ресурсы нарықтағы жағдайға мониторинг жүргізуге және жаңа өнім түрлерінің пайда болуына жедел ден қоюға мүмкіндік береді", - деді Сұлтанов.

Келісімді іске асыру мақсатында тәртіпті реттейтін өнім айналымы қағидаларының жобасы әзірленді.

Қазіргі уақытта бұл қағидаларды бизнесмендер және "Атамекен" кәсіпкерлер палатасы талқылап жатыр. Жалпы алғанда жан-жақты түсіністік бар, деді ол.

Айтуынша, ЕАЭО-ға мүше үш мемлекет келісімді ратификациялау бойынша мемлекетішілік рәсімдерді аяқтаған. Министр заң жобасы тұтынушыларға сапалы өнім таңдауға мүмкіндік беретінін атап өтті. Сенат келісімді бірауыздан ратификациялады.

27
Кілт сөздер:
экономика, ЕАЭО
Тақырып бойынша
Ресейді SWIFT жүйесінен ажыратудың салдары қандай болмақ
Ресейдің сыртқы істер министрі екі күндік сапармен Нұр-Сұлтанға келеді
ЕАЭО аумағындағы такси нарығының жұмысы туралы бейнекөпір
Енді Қазақстан шекарасында ұзын-сонар кезек болмайды
Ақша, архивтегі сурет

Қазақстанда зейнетақының орташа мөлшері қанша екені белгілі болды

62
Еңбек министрлігінің ақпаратынша, қазір республикада екі миллионнан астам зейнеткерге зейнетақы төленеді

НҰР-СҰЛТАН, 16 маусым – Sputnik. Жыл басынан бері қазақстандықтарға 1,1 триллион теңгеден астам зейнетақы төленді.

Еңбек және халықты әлеуметтік қорғау министрлігінің ақпаратынша, 2021 жылдың қаңтар-мамыр айларында республикалық бюджеттен базалық зейнетақы төлеуге 342,6 миллиард теңге, ынтымақты зейнетақы төлемдеріне 774,8 миллиард теңге бағытталды.

"1 маусымдағы жағдай бойынша зейнетақының орташа мөлшері (базалық зейнетақыны қосқанда) 100 019 теңгені құрады", - делінген ресми сайтта.

Ведомствоның мәліметінше, қазір Қазақстанда 2 миллион 243 мың зейнеткер бар.

Зейнетақы неден құралады

Зейнетақы төлемі үш деңгейден құралады:

  • Базалық зейнетақы;
  • Ынтымақты немесе еңбек зейнетақысы (1998 жылдың 1 қаңтарына дейінгі еңбек өтіліне байланысты);
  • Жинақтаушы зейнетақы (1998 жылдың 1 қаңтарынан кейін қорға аударылып отырған жарна есебінен).

Базалық зейнетақы

Бұған дейін Қазақстанда базалық зейнетақы барлық зейнеткерге бірдей мөлшерде төленетін. 2018 жылдың 1 шілдесінен базалық зейнетақыны тағайындау әдістемесі өзгерді. Қазір оның мөлшері азаматтардың еңбек өтілі мен зейнетақы жүйесіне қатысу ұзақтығына тәуелді.

Тағы оқыңыз: Қазақстанда зейнет жасы қашан көтеріледі

Егер зейнеткердің еңбек өтілі 10 жыл немесе одан кем, не мүлде болмаса оған ең төменгі күнкөріс деңгейінің 54%-і төленеді. Яғни 10 жылға дейін – бұл кепілдендірілген көлем. Қазақстанда базалық зейнетақыны бұл сомадан төмен ешкім алмайды. Ал егер еңбек өтілі 10 жылдан асса, онда тағы 2% үстеме қосылады. Мәселен, 11 жыл еңбек өтілі барлар төменгі күнкөріс деңгейінің 56% алады. Ал еңбек өтілі 33 жыл немесе одан да көп азаматтарға ең төменгі күнкөріс деңгейінің жоғары мөлшері – 100%-і төленеді.

Міндетті зейнетақы жарналары неғұрлым тұрақты және толық салынатын болса, зейнет жасына жеткенде базалық зейнетақының мөлшері соғұрлым көп болады.

Ал жасына байланысты зейнетақы төлемдерінің мөлшері 1998 жылдың 1 қаңтарындағы жағдай бойынша жұмыс өтіліне (кем дегенде 6 ай қажет) және зейнеткерлікке дейін алған орташа айлық табысқа байланысты болады.

62
Кілт сөздер:
базалық зейнетақы, зейнетақы
Тақырып бойынша
Депозиттегі ақша зейнетақы есепшотына аударылады – БЖЗҚ себебін түсіндірді
Зейнетақы жинағын пайдалану ережесі өзгереді – жаңа жүйенің пайдасын кім көреді
Қазақстанда зейнетақы жинағына қатысты жаңа өзгеріс күшіне енді
Тоқаевтың зейнетақы жинағына қатысты тапсырмасы қалай орындалып жатқаны айтылды
азық-түлік

"Бос сөзді қою керек": депутат қымбатшылықтың негізгі себебін атады

911
Соңғы бір жылдың ішінде жұмыртқа 33,7, күнбағыс майы 48, қант 26,3, ал қарақұмық 29,4 процентке қымбаттап кеткен

НҰР-СҰЛТАН, 16 маусым - Sputnik. Мәжіліс депутаты Аманжан Жамалов азық-түлік саласындағы қымбатшылықтың негізгі себебін атады, деп хабарлайды Sputnik Қазақстан тілшісі.

"Ұлттық банк пен үкімет инфляцияның деңгейі небәрі 7,2 процентті құрап отыр деп баяндайды. Алайда дүкендерде мүлдем басқаша жағдай болып тұр. Азық-түліктің кейбір түрлері екі есеге қымбаттап кеткен", - деді Жамалов мәжілістің жалпы отырысында.

Оның айтуынша, инфляциямен күресу үшін алдымен монополия мен картельдерді жою қажет. Онсыз қымбатшылықты тоқтату мүмкін емес.

"Жақында Ресейдің премьер-министрі кейбір өнім өндірушілер мен сауда желілерінің ашкөздігі қымбатшылықтың негізгі себебі деп айтты. Қазақстанда тура сондай жағдай болып тұр", - деп атап көрсетті Жамалов.

Депутат бәсекелестікті қорғау және дамыту агенттігінің жұмысын да сынға алды. Ал министрлер жағдайды түсіндірумен ғана шектеледі. Халық нақты шараларды көріп отырған жоқ.

"Жақында ғана бәсекелестікті қорғау және дамыту агенттігі бағаны негізсіз көтеруге қарсы жаңа тәжірибе жайында баяндаған болатын. Оны "жұмсақ құқық" практикасы деп атайды екен. Алайда, шын мәнінде, кезекті бос сөзге көбірек ұқсайды", - дейді Жамалов. 

Осы орайда депутат ресми статистиканы да келтірді. Соңғы төрт айдың ішінде монополияға қарсы орган жұмыртқа, күнбағыс майы, қант, қарақұмық, сүт өнімдері, макарон сияқты тауар өндіретін және жеткізетін компанияларға 48 рет ескерту жасаған. Себебі бағаны өзара келісіп көтерудің белгілері болған. Алайда соңғы 12 айдың ішінде жұмыртқа 33,7 процентке, күнбағыс майы – 48 процентке, қант - 26,3 процентке, ал қарақұмық 29,4 процентке қымбаттап кеткен.

"Агенттік дәл осы тауарлар бойынша ескерту жасаған. Сонда нәтижесі қайда? Бізге ондай "жұмсақ құқықтың" қажеті қанша? Меніңше, қымбатшылық кезінде көзбояушылықпен емес, тиімді жұмыспен айналысу керек", - дейді депутат.

Жамалов үкіметке депутаттық сауал жолдап, азық-түлік бағасын ұстап тұруды тиімді тетіктерін енгізуді талап етті.

911
Иллюстративті фото

Батыс Қазақстанда жол апатынан кейін бірден бес адам жан сақтау бөліміне түсті

0
Жол апатынан жалпы сегіз адам зардап шекті. Жан сақтау бөліміне жеткізілгендердің арасында бір жасар сәби бар

НҰР-СҰЛТАН, 16 маусым – Sputnik. Орал-Ақсай тас жолында болған жантүршігерлік апаттан сегіз адам жарақат алды. Олардың бесеуі, оның ішінде бір жасар бала жансақтау бөліміне жатқызылды, деп хабарлады "Мой город" порталы.

Батыс Қазақстан облысы полиция департаменті баспасөз қызметінің мәліметінше, ВАЗ-21103 және Volkswagen Sharan бүгін күндіз соқтығысқан.

Алматыда полицей қызметтік көлігімен әйелді қағып кетті

"Бөрлі - Ақсай - Жымпиты автожолының 27-шақырымында ВАЗ-21103 және Sharan маркалы көліктер Ақсай қаласына қарай бір бағытта келе жатқан. 37 жастағы Sharan жүргізушісі Пугачево ауылы тұсындағы қиылыста бұрылған, ал 27 жастағы ВАЗ-21103 жүргізушісі көлікті басып озуға әрекеттенген. Осылайша көліктер соқтығысты. Олардың ішінде 8 адам болды, олардың бесеуі жан сақтау бөліміне жеткізілді, оның ішінде бір жасар бала бар", - деп түсіндірді ведомствоның баспасөз қызметі.

Облыстық денсаулық сақтау басқармасының баспасөз қызметі жедел жәрдемге қоңырау соғылғаннан кейін дәрігерлер бес минуттан соң апат орнында болғанын хабарлады.

0