Теңге, ақша

Биыл Чернобыль ардагерлеріне 540 миллион теңге жәрдемақы төленеді

120
Әлеуметтік көмектің мөлшері қазына мүмкіндігіне қарай жергілікті өкілетті органдардың шешімі бойынша әрбір өңірде жеке белгіленеді

НҰР-СҰЛТАН, 26 сәуір — Sputnik. 2021 жылы Қазақстанда Чернобыль ардагерлері жалпы сомасы 540,7 миллион теңгеге біржолғы төлем алады. Бұл туралы еңбек және халықты әлеуметтік қорғау министрлігі хабарлады.

Жыл сайын 26 сәуірде Чернобыль атом электр станциясындағы 1986 жылғы апат құрбандарын еске алудың халықаралық күні аталып өтеді. Апат салдарын жоюға 32 мыңға жуық қазақстандық қатысты. Бұл адамдар ардагер ретінде танылды және әртүрлі әлеуметтік қолдау шараларымен қамтамасыз етіледі.

Жыл сайын жергілікті атқарушы органдар Чернобыль апатының құрбандарын еске алу күніне (26 сәуір) немесе басқа күндерге (9 мамыр – Ұлы Отан соғысындағы Жеңіс күніне) орай әлеуметтік көмек көрсетеді.

Оқи отырыңыз: Депутаттар 85 мың адамның зейнет жасын төмендетуді ұсынды 

2021 жылы жергілікті бюджет қаражаты есебінен 6 055 Чернобыль ардагеріне 5 АЕК-тен (14 585 теңге) 70 АЕК-ке дейін (204 190 теңге) 540,7 миллион теңге сомасында әлеуметтік көмек көрсету көзделген.

Әлеуметтік көмектің мөлшері қазына мүмкіндігіне қарай жергілікті өкілетті органдардың (мәслихаттардың) шешімі бойынша әрбір өңірде жеке белгіленеді.

Мәселен төмендегі өңірлерде Чернобыль ардагерлері біржолғы көмек алады:

  • 2021 жылдың 26 сәуіріне орай – Ақмола, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қызылорда, Павлодар (ішінара), Солтүстік Қазақстан, Түркістан облыстарында және Шымкент, Нұр-Сұлтан қалаларында;
  • 2021 жылдың 9 мамырына – Ақтөбе, Маңғыстау және Павлодар облыстарында және Алматы қаласында.

Қостанай облысында Чернобыль ардагерлеріне (74 адам) ай сайын 3 АЕК (2021 жылы – 8 751теңге) мөлшерінде көмек көрсетіледі.

Арнаулы мемлекеттік жәрдемақы ардагерлерге өзге әлеуметтік төлемдерге қарамастан төленеді. Жеңілдіктер бойынша ҰОС қатысушыларына теңестірілген адамдарға 6,19 айлық есептік көрсеткіш (2021 жылы – 18 056 теңге), жеңілдіктер бойынша ҰОС мүгедектеріне теңестірілген адамдарға  7,55 АЕК (2021 жылы – 22 024 теңге) көлемінде жәрдемақы қарастырылған.

 "Ардагерлер туралы" заңды қабылдау барысында 1988-1989 жылдардағы Чернобыль АЭС-індегі апатты жоюға қатысушылар үшін әлеуметтік қолдау шаралары күшейтілгенін атап өткен жөн. Ардагерлердің осы санаты үшін жәндемақы мөлшері 2,13 АЕК-тен 4,8 АЕК-ке дейін (2021 жылы- 14 002 теңге) арттырылды.

Чернобыль АЭС-дегі апаттың салдарынан мүгедек болып қалған адамдарға жәрдемақымен қатар, күнкөріс деңгейі мен мүгедектік тобына, себебіне қарай мүгедектік бойынша мемлекеттік әлеуметтік жәрдемақы төленеді. Жәрдемақы мөлшері жыл сайын инфляция деңгейіне байланысты өсетін ең төменгі күнкөріс деңгейі аясында көтеріліп отырады.

 

120
Кілт сөздер:
ардагерлер, жәрдемақы
Тақырып бойынша
"Қиналып кеттім": қазақстандықтар жалғызбасты әкеге бір бума ақша жинап берді – видео
Солтүстік Қазақстанда атаулы әлеуметтік көмек алғандардың басы дауға қалды
Он алты балаға – 186 мың теңге: қанша көпбалалы ана мемлекеттен жәрдемақы алды
Балаға төленетін жәрдемақы көтеріле ме – үкімет жауап берді 
Халықтың көбісі білмейді: вице-министр 1 миллион отбасыға арналған төлем туралы айтты
Қазақстанда мемлекеттік жәрдемақыны төлеу тәртібі өзгереді
Тоқаев ERG компаниялар тобының акционерлерін қабылдады

Тоқаев ERG акционерлерін қабылдады

27
(Жаңартылды 20:34 13.05.2021)
ERG компаниялар тобы Қазақстанда жұмыс істеген 25 жыл ішінде өндіріске 13 миллиард доллардан астам инвестиция салған

НҰР-СҰЛТАН, 13 мамыр — Sputnik. Қазақстан президенті Қасым-Жомарт Тоқаев ERG компаниялар тобының акционерлері Александр Машкевич пен Патох Шодиевті қабылдады, деп хабарлады Ақорда.

Қасым-Жомарт Тоқаевқа тау-кен металлургиялық корпорациясының 2020 жылғы қаржылық және өндірістік қызметінің нәтижелері мен биылғы бірінші тоқсандағы жұмысы жайында баяндалды.

Александр Машкевич пен Патох Шодиев Еуразиялық топ кәсіпорындарының жүзеге асырып жатқан инвестициялық және әлеуметтік жобалары жайында айтты. ERG компаниялар тобы Қазақстанда жұмыс істеген 25 жыл ішінде өндіріске 13 миллиард доллардан астам инвестиция салған, ал, әлеуметтік бағытқа 1 миллиард доллардан аса қаржы жұмсаған. Былтырғы жылдың қортындысы бойынша кәсіпорын 221 миллиард теңге салық төлеген.

Александр Машкевич пен Патох Шодиев Қасым-Жомарт Тоқаевқа өндіріс нысандарында COVID-19 індетінің таралуына жол бермеуге қатысты қабылданып жатқан шаралар, сондай-ақ, корпорацияның пандемиямен күреске қосқан үлесі жайында мәлімет берді. ERG компаниялар тобы індетпен күреске 5,6 миллиард теңгеден астам қаржы бөлді. Аталған қаржы компания жұмыс істеп жатқан өңірлерге дәрі-дәрмек сатып алуға, ауруханаларды қажетті құралдармен жабдықтауға жұмсалды. Бүгінде кәсіпорын қызметкерлері ерікті түрде коронавирусқа қарсы екпе салдырып жатыр.

Кездесу барысында жаңа инвестициялық жобалардың жүзеге асырылуы талқыланды. ERG компаниясы жуық арада жалпы сомасы 5,9 миллиард АҚШ доллары көлемінде инвестиция салуды жоспарлап отыр.

Мемлекет басшысы жобаларда қазақстандық мазмұнның көлемін және бизнестің әлеуметтік жауапкершілігін арттыруға ерекше көңіл бөле отырып, белгіленген жоспарларды өте қысқа мерзімде және барынша тиімді орындауға шақырды.

27
Ақша, теңге

Жамаубаев 20 млрд теңгені игермеген министрліктерді атады

65
Министрдің атуынша, игерілмеген соманың ең көбі Нұр-Сұлтан мен Алматы қаласында, Батыс Қазақстан, Павлодар және Солтүстік Қазақстан облысында тіркеліп отыр

НҰР-СҰЛТАН, 12 мамыр – Sputnik. Қаржы министрі Ерұлан Жамаубаев осы жылдың қаңтар-сәуірінде мемлекеттік қаржының атқарылу барысын баяндады, деп хабарлайды Sputnik Қазақстан тілшісі

Төрт айдың қорытындысы бойынша мемлекеттік бюджет шығысы 99,1%-ке, республикалық бюджет шығысы – 99,6%-ке, жергілікті бюджет шығысы 98,7%-ке атқарылды.

"Өткен жылдың ұқсас кезеңімен салыстырғанда бюджеттің барлық деңгейінде атқарылу көрсеткіші жоғары. Республикалық бюджет бойынша 4,8 триллион теңгеге шығыстар жүргізілді. Атқарылмау 20 миллиард теңгені құрады, оның ішінде 7 миллиард теңгесі үнемделген ақша. 13 миллиард теңге игерілмеген", – деді Жамаубаев үкімет отырысында.

Министр мемлекет ақшасын игермеген органдарды атады. Олар: ішкі істер, қорғаныс, цифрлық даму, инновациялар және аэроғарыш өнеркәсібі, білім және ғылым, сондай-ақ төтенше жағдайлар министрлігі.

Игерілмеудің негізгі себебі: конкурстық рәсімдердің ұзақ өткізілуі және уақтылы өтпеуі; төлем нақты көрсетілген қызмет көлемі, орындалған жұмыс үшін жүргізілген; орындалған жұмыс актілерінің, шот-фактуралардың уақтылы ұсынылмауы, шарттарды ұзақ келісу.

"Жергілікті бюджеттердің шығысы 2,1 триллион теңгені құрады. 28 миллиард теңге атқарылмаған", – деді министр.

Биыл өңірлерге 1,9 триллион теңге нысаналы трансферттер көзделген. 1 мамырдағы жағдай бойынша 456 миллиард теңге бөлінген, оның 98,9%-і игерілді.

5 миллиард теңге атқарылған жоқ, соның ішінде 1 миллиард теңгесі – үнемдеу, 4 миллиард теңге игерілмеген.

Оқи отырыңыз: Сарапшы кредитті уақытынан бұрын қай кезде жабу тиімді екенін айтып берді

Игерілмеген соманың ең көбі Нұр-Сұлтан мен Алматы қаласында, Батыс Қазақстан, Павлодар және Солтүстік Қазақстан облысында тіркеліп отыр.

Осы жылдың қаңтар-сәуірінде мемлекеттік бюджетке 3 триллион 217 миллиард теңге кіріс түсті, нәтижесінде жоспар 117,1%-ке орындалды.

65
Кілт сөздер:
қаржылық реттеу саясаты, Қаржы министрлігі
Тақырып бойынша
Көлік салығы: қазақстандықтар мемлекетке 30 млрд теңге қарыз болып шықты
Қазақстандықтар банктерге 7 триллион теңге қарыз – БАҚ
Оңтүстік Қазақстанда бес мемлекеттік қызметкер бюджетті игермегені үшін жұмыстан шығарылды
Министр Маминнен бюджетті игермеген басшыларды жауапқа тартуды сұрады
Мемлекеттік органдар 20 млрд теңгені игере алмай қалды
Жошы хан кесенесі

Министр "Жошы хан" тарихи-мәдени кешені қашан ашылатынын айтты

0
Министрдің айтуынша, Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастырылады

НҰР-СҰЛТАН, 14 мамыр – Sputnik. Осы жылдың маусымында Қарағанды облысында "Жошы хан" тарихи-мәдени кешені ашылады. Бұл туралы мәдениет және спорт министрі Ақтоты Райымқұлова айтты, деп хабарлайды Sputnik Қазақстан тілшісі.

"Киелі туризмді дамытуды ынталандыру және тарихи-мәдени нысандарға туристік қызығушылықты арттыру мақсатында маусым айының соңына қарай Қарағанды облысының Ұлытау ауданында "Жошы хан" тарихи-мәдени кешенін ашу жоспарланып отыр", – деді ол халыққа есеп беру кездесуінде.

Сонымен қатар, шілде айында Шығыс Қазақстан облысында "Абай жолымен" атты ақпараттық тур өткізу көзделуде.

Министр Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастыру жоспарланып отырғанын айтты.

"Бүгінгі таңда мәдениет, әдет-ғұрып пен дәстүрлерді насихаттауға бағытталған этнотуризм ерекше өзектілік пен танымдылыққа ие. Осы бағытта маусым-қыркүйек айында Алматы қаласының туристік тартымды орындарында қолөнер шеберлерінің қатысуымен "Ұлы дала мұрасы" жәрмеңкесін өткізу жоспарлануда", – деді ол.

Оқи отырыңыз: Домалақ ана кесенесінің шырақшысы: Алматы әкімі әйелімен зиярат етіп, кейін ұлды болды

Сондай-ақ ұлттық тағамдар мен Қазақстан халықтарының тағамдарын танымал ету мақсатында түрлі фестивальдер өткізілмек.

0
Кілт сөздер:
Ақтоты Райымқұлова, мәдени нысандар
Тақырып бойынша
Депутаттар Ахмет Байтұрсынұлының 150 жылдығын ЮНЕСКО деңгейінде атап өтуді ұсынды
Ежелгі шаһар тарихын бейнелейтін нысан: Тараздағы "Тектұрмас" этно-тарихи кешені – фото
Мәдени іс-шаралар тоқтатылды, ал қаржы қалай игерілуде – министр жауап берді
Алтын Орданың құпиялары: археологтар ежелгі кесененің орнын тапты
Омбыда "Абай" мәдени-іскерлік үйі ашылды