Әмиян мен ақша

Қазақстанда қай саланың мамандары көп жалақы алады ресми статистика жарияланды

97
Бір айлық номиналды жалақының орташа көрсеткіші барлық қосымша ақы мен үстемақы, сыйақылардың және салық пен басқа да алымдардың негізінде шығарылды

НҰР-СҰЛТАН, 30 сәуір – Sputnik. Статистика бюросы үш айдың қорытындысын жасап, орташа жалақының көлемін есептеп шығарды, деп хабарлайды Sputnik Қазақстан.

Ресми мәліметке сәйкес, биыл бірінші тоқсанда бір жұмысшының номиналды жалақысы 230 829 теңгені құрады. Ал ең көп айлық алатындар тау-кен өнеркәсібі мен карьерлерді қазу саласында жұмыс істейді. Олардың жалақысы – 509,8 мың теңге. Бұл көрсеткіш орташа республикалық деңгейден 2,2 есеге жоғары. Қаржы мен сақтандыру қызметі саласында номиналды жалақы 420,8 теңгені құрайды. Одан кейін ғылыми-техникалық қызмет (345,7 мың теңге), ақпарат пен байланыс (328,1 мың теңге) саласы тұр.

"Барлық аймақтың ішінде Атырау облысында ең жоғары номиналды жалақы тіркелді. Оның көлемі – 405,8 мың теңге. Солтүстік Қазақстанда осы көрсеткіш 166,7 мың теңгені құрайды. Бұл орташа деңгейден 27,8%-ке төмен", – делінген ресми хабарламада.

Ал ауыл шаруашылығы, орман мен балық шаруашылығы, сумен қамтамасыз ету сияқты салаларда орташа бір айлық номиналды жалақының ең төмен деңгейі тіркелді. Жұмысшылар небәрі 116,1 мың теңге алады. Ал қалдықтарды өңдеу мен жою, сондай-ақ ластануды жою мамандарына айына орташа есеппен 141,8 мың теңге төлейді.

Оқи отырыңыз: Нұржан Әлтаев депутаттарға жалақы негізсіз төленетінін айтты

Айта кетейік, бір жұмысшының орташа бір айлық номиналды жалақысы барлық қосымша ақы мен үстемақы, сыйақылар, сондай-ақ салық пен басқа да алымдардың негізінде шығарылды.

97
Кілт сөздер:
табыс, жалақы
Тақырып бойынша
Қазақстанда 2021 жылы ең төменгі жалақы қанша болады
Қазақстанда орташа жалақы 223 мың теңгеге жетті
БҚО-да бас дәрігердің әйелі пандемия кезінде ауруханада заңсыз жалақы алған
Депутаттар өндірісте қаза болғандардың отбасына 10 жылдық жалақы төлеуді ұсынды
Ауыл мұғалімдеріне жалақы жаңаша төленеді
Ақша, теңге

Жамаубаев 20 млрд теңгені игермеген министрліктерді атады

61
Министрдің атуынша, игерілмеген соманың ең көбі Нұр-Сұлтан мен Алматы қаласында, Батыс Қазақстан, Павлодар және Солтүстік Қазақстан облысында тіркеліп отыр

НҰР-СҰЛТАН, 12 мамыр – Sputnik. Қаржы министрі Ерұлан Жамаубаев осы жылдың қаңтар-сәуірінде мемлекеттік қаржының атқарылу барысын баяндады, деп хабарлайды Sputnik Қазақстан тілшісі

Төрт айдың қорытындысы бойынша мемлекеттік бюджет шығысы 99,1%-ке, республикалық бюджет шығысы – 99,6%-ке, жергілікті бюджет шығысы 98,7%-ке атқарылды.

"Өткен жылдың ұқсас кезеңімен салыстырғанда бюджеттің барлық деңгейінде атқарылу көрсеткіші жоғары. Республикалық бюджет бойынша 4,8 триллион теңгеге шығыстар жүргізілді. Атқарылмау 20 миллиард теңгені құрады, оның ішінде 7 миллиард теңгесі үнемделген ақша. 13 миллиард теңге игерілмеген", – деді Жамаубаев үкімет отырысында.

Министр мемлекет ақшасын игермеген органдарды атады. Олар: ішкі істер, қорғаныс, цифрлық даму, инновациялар және аэроғарыш өнеркәсібі, білім және ғылым, сондай-ақ төтенше жағдайлар министрлігі.

Игерілмеудің негізгі себебі: конкурстық рәсімдердің ұзақ өткізілуі және уақтылы өтпеуі; төлем нақты көрсетілген қызмет көлемі, орындалған жұмыс үшін жүргізілген; орындалған жұмыс актілерінің, шот-фактуралардың уақтылы ұсынылмауы, шарттарды ұзақ келісу.

"Жергілікті бюджеттердің шығысы 2,1 триллион теңгені құрады. 28 миллиард теңге атқарылмаған", – деді министр.

Биыл өңірлерге 1,9 триллион теңге нысаналы трансферттер көзделген. 1 мамырдағы жағдай бойынша 456 миллиард теңге бөлінген, оның 98,9%-і игерілді.

5 миллиард теңге атқарылған жоқ, соның ішінде 1 миллиард теңгесі – үнемдеу, 4 миллиард теңге игерілмеген.

Оқи отырыңыз: Сарапшы кредитті уақытынан бұрын қай кезде жабу тиімді екенін айтып берді

Игерілмеген соманың ең көбі Нұр-Сұлтан мен Алматы қаласында, Батыс Қазақстан, Павлодар және Солтүстік Қазақстан облысында тіркеліп отыр.

Осы жылдың қаңтар-сәуірінде мемлекеттік бюджетке 3 триллион 217 миллиард теңге кіріс түсті, нәтижесінде жоспар 117,1%-ке орындалды.

61
Кілт сөздер:
қаржылық реттеу саясаты, Қаржы министрлігі
Тақырып бойынша
Көлік салығы: қазақстандықтар мемлекетке 30 млрд теңге қарыз болып шықты
Қазақстандықтар банктерге 7 триллион теңге қарыз – БАҚ
Оңтүстік Қазақстанда бес мемлекеттік қызметкер бюджетті игермегені үшін жұмыстан шығарылды
Министр Маминнен бюджетті игермеген басшыларды жауапқа тартуды сұрады
Мемлекеттік органдар 20 млрд теңгені игере алмай қалды
теңге, тиын

Қазақстанда цифрлық теңге қашан пайда болады

50
Пилоттық жоба 2021 жылдың екінші жартысында іске асады, деп мәлімдеді Ұлттық банк төрағасы

НҰР-СҰЛТАН, 12 мамыр – Sputnik. Ұлттық банк төрағасы Ерболат Досаев цифрлық теңге қашан енгізілетінін айтты, деп хабарлайды Sputnik Қазақстан тілшісі.

"Цифрлық валютаны енгізудің ықтимал әсерлерін зерттеу нәтижелері, пилоттық жобаның қорытындысы және мүдделі тараптармен талқылау өткеннен кейін цифрлық теңгені енгізу қажеттілігі туралы шешім қабылданады және жол картасы әзірленеді", - деді Досаев үкімет отырысында.

Ол пилоттық жоба 2021 жылдың екінші жартысында іске асатынын атап өтті.

Биыл 5 мамырда Ұлттық банк цифрлық валютаны енгізу туралы баcтаманы жариялады. Цифрлық теңгенің ақша-кредит саясатына және қаржылық тұрақтылыққа, төлем қызметтері нарығына әсері анықталады.

Баяндамада цифрлық валютаның технологиялық және экономикалық сипаты, Ұлттық банктің цифрлық теңгені зерттеу және енгізу тәсілдері, ықтимал әсерлерін алдын ала бағалау және пилоттық жобаның сипаттамасы қамтылған. Цифрлық теңге қолма-қол ақшаны айырбастауға арналмаған. Егер енгізілсе, заңды төлем құралына айналады.

Оқи отырыңыз: Доллардың қымбаттауы халық күнкөрісіне қалай әсер етеді - сарапшылар пікір білдірді

50
Доллар купюрасы

Коронавирусқа қарсы вакцина салдырғандарға 1 миллион доллар беріледі

0
Губернатор Майк Деуайнның айтуынша, үлестірілетін қаражат COVID-19-ға байланысты құрылған қордан алынады

НҰР-СҰЛТАН, 13 мамыр – Sputnik. АҚШ-тың Огайо штатының билігі коронавирусқа қарсы вакцина салдырған азаматтар арасында лотерея өткізуге шешім қабылдады, деп хабарлады РИА Новости.

Губернатор Майк Деуайнның айтуынша, жеңімпаз атанған бес адамның әрқайсысына бір миллион доллар табысталады.

"Екі аптадан кейін 26 мамырда біз үлкен кісілерге арналған лотереяның жеңімпазын жариялаймыз. Оған вакцинаның бір дозасын алып, қатыса беруге болады. Жеңімпаздың есімін сәрсенбі сайын бес апта бойы жариялап тұрады. Осылайша, әр сәрсенбіде жеңімпазға бір миллион доллар табысталады", – дейді Деуайн.

Оның сөзіне қарағанда, ұтыстың ақшасы федералдық қордан алынады. Ал бұл қор COVID-19-ға байланысты құрылған болатын.

Айта кетейік, пандемия басталғалы бері АҚШ-та 33 миллионға жуық адам коронавирус жұқтырды. Олардың ішінде 590 мың науқас қайтыс болды.

Оқи отырыңыз: Қытайлық вакцина туралы не білеміз – маңызды 10 сұрақтың жауабы

Жақында осы елде вакцина салдырған азаматтардың саны 100 миллионнан асты. Президент Джо Байден 4 шілдеге дейін вакцинаның бірінші дозасын ересек адамдардың 70 процентіне салу жоспарланып отырғанын мәлімдеді.

0
Кілт сөздер:
екпе, вакцина, АҚШ
Тақырып:
COVID-ке қарсы вакцина
Тақырып бойынша
Коронавирусқа қарсы әлемдегі ең үздік вакцина анықталды
Коронавирусқа қарсы екпе қалай салынады – видео
Екпе салдырған қазақстандықтар жұмыстан босатыла ма
Вакцина салдырғаннан кейін екпе куәлігін ашып көрген елорда тұрғыны аң-таң болды
Нұр-Сұлтанда QazVac-пен вакциналау басталды: астаналықтар екпе туралы не дейді - видео