Жанармай бекеті, архивтегі сурет

Қазақстанда бензин тағы қымбаттады фото

1928
Энергетика министрлігі бағаны реттеу мен "арзандатылған" мұнай өнімдерін тарату жүйесін құру тиімді емес, керісінше, шығыны көп әдіс деп атады

НҰР-СҰЛТАН, 1 мамыр – Sputnik. Қазақстанда жанармай құю бекеттерінде бензин бағасы тағы көтерілді. Бұл соңғы бірнеше күнде жанармай құны орта есеппен 5-10 теңгеге қымбаттағанын көрсетеді.

Ең танымал жанармай құю бекеттерінің ресми сайтында баға Нұр-Сұлтанда АИ-92 – 168-177 теңге, АИ-95-тің литрі – 188-197 теңге, ал АИ-98 – 186-220 теңге аралығында деп көрсетілген.

Стоимость бензина по состоянию на 1.05.2021
© Sputnik
2021 жылдың 1 мамырындағы жанармай бағасы (Нұр-Сұлтан қаласы)

Оңтүстік астанада АИ-92 – 165-171, АИ-95 – 187-200, АИ-98 – 191-230 теңгеден сатылуда.

Қазақстанның басқа қалаларында АИ-92 жанармайының бағасы 175 теңгеден аспайды. АИ-95 бағасы – 185-тен 200 теңгеге дейін болса, АИ-98 – 175-205 теңгеден саудаланады.

Қазақстанда бензин бағасының көтерілуіне қатысты жағдай сәуірдің басында байқалды. Ал тұтынушылар бағаның өсуіне ғана емес, жанармайдың жетіспейтіндігіне де шағымдануда.

Айта кетейік, бұған дейін энергетика министрлігі биліктің жанармай бағасын неге реттемейтінін түсіндірген. Сондай-ақ министрлік өкілдері бағаны реттеу мен "арзандатылған" мұнай өнімдерін тарату жүйесін құру тиімді емес, керісінше, шығыны көп әдіс екендігін атап көрсеткен.

Оқи отырыңыз: Жанармай бекетінде бензинді аз құяды – жүргізуші не істеуі керек?

Сонымен қатар, сала мамандары жанармай тапшылығы болмайды деп сендіріп бақты. Олардың мәліметі бойынша АИ-92 бензинінің жалпы қоры елде жеткілікті деңгейде. Нақтылап айтқанда, қабылданған шаралардың арқасында жыл басымен салыстырғанда қор көлемі шамамен 60 мың тоннаға артып, 270 мың тоннаны құрайды.

1928
Кілт сөздер:
бензин, жанармай
Тақырып бойынша
Президент үкіметке жанармай бағасын арзандатуды тапсырды
"Сапасыз жанармай ұлттық қауіпсіздікке қатер төндіреді": Тоқаев ҰҚК-ға тапсырма берді
Ақтөбеде жанармай бекетінде кассир әйел қарулы қарақшыға қарсы тұрды – видео
Жанармай импортына салынған тыйым мұнай өңдеу зауыттарына қалай әсер етті
Газ орнына су құйған: Ақтауда жанармай бекетінің қулығы әшкере болды
Тоқаев ERG компаниялар тобының акционерлерін қабылдады

Тоқаев ERG акционерлерін қабылдады

27
(Жаңартылды 20:34 13.05.2021)
ERG компаниялар тобы Қазақстанда жұмыс істеген 25 жыл ішінде өндіріске 13 миллиард доллардан астам инвестиция салған

НҰР-СҰЛТАН, 13 мамыр — Sputnik. Қазақстан президенті Қасым-Жомарт Тоқаев ERG компаниялар тобының акционерлері Александр Машкевич пен Патох Шодиевті қабылдады, деп хабарлады Ақорда.

Қасым-Жомарт Тоқаевқа тау-кен металлургиялық корпорациясының 2020 жылғы қаржылық және өндірістік қызметінің нәтижелері мен биылғы бірінші тоқсандағы жұмысы жайында баяндалды.

Александр Машкевич пен Патох Шодиев Еуразиялық топ кәсіпорындарының жүзеге асырып жатқан инвестициялық және әлеуметтік жобалары жайында айтты. ERG компаниялар тобы Қазақстанда жұмыс істеген 25 жыл ішінде өндіріске 13 миллиард доллардан астам инвестиция салған, ал, әлеуметтік бағытқа 1 миллиард доллардан аса қаржы жұмсаған. Былтырғы жылдың қортындысы бойынша кәсіпорын 221 миллиард теңге салық төлеген.

Александр Машкевич пен Патох Шодиев Қасым-Жомарт Тоқаевқа өндіріс нысандарында COVID-19 індетінің таралуына жол бермеуге қатысты қабылданып жатқан шаралар, сондай-ақ, корпорацияның пандемиямен күреске қосқан үлесі жайында мәлімет берді. ERG компаниялар тобы індетпен күреске 5,6 миллиард теңгеден астам қаржы бөлді. Аталған қаржы компания жұмыс істеп жатқан өңірлерге дәрі-дәрмек сатып алуға, ауруханаларды қажетті құралдармен жабдықтауға жұмсалды. Бүгінде кәсіпорын қызметкерлері ерікті түрде коронавирусқа қарсы екпе салдырып жатыр.

Кездесу барысында жаңа инвестициялық жобалардың жүзеге асырылуы талқыланды. ERG компаниясы жуық арада жалпы сомасы 5,9 миллиард АҚШ доллары көлемінде инвестиция салуды жоспарлап отыр.

Мемлекет басшысы жобаларда қазақстандық мазмұнның көлемін және бизнестің әлеуметтік жауапкершілігін арттыруға ерекше көңіл бөле отырып, белгіленген жоспарларды өте қысқа мерзімде және барынша тиімді орындауға шақырды.

27
Ақша, теңге

Жамаубаев 20 млрд теңгені игермеген министрліктерді атады

65
Министрдің атуынша, игерілмеген соманың ең көбі Нұр-Сұлтан мен Алматы қаласында, Батыс Қазақстан, Павлодар және Солтүстік Қазақстан облысында тіркеліп отыр

НҰР-СҰЛТАН, 12 мамыр – Sputnik. Қаржы министрі Ерұлан Жамаубаев осы жылдың қаңтар-сәуірінде мемлекеттік қаржының атқарылу барысын баяндады, деп хабарлайды Sputnik Қазақстан тілшісі

Төрт айдың қорытындысы бойынша мемлекеттік бюджет шығысы 99,1%-ке, республикалық бюджет шығысы – 99,6%-ке, жергілікті бюджет шығысы 98,7%-ке атқарылды.

"Өткен жылдың ұқсас кезеңімен салыстырғанда бюджеттің барлық деңгейінде атқарылу көрсеткіші жоғары. Республикалық бюджет бойынша 4,8 триллион теңгеге шығыстар жүргізілді. Атқарылмау 20 миллиард теңгені құрады, оның ішінде 7 миллиард теңгесі үнемделген ақша. 13 миллиард теңге игерілмеген", – деді Жамаубаев үкімет отырысында.

Министр мемлекет ақшасын игермеген органдарды атады. Олар: ішкі істер, қорғаныс, цифрлық даму, инновациялар және аэроғарыш өнеркәсібі, білім және ғылым, сондай-ақ төтенше жағдайлар министрлігі.

Игерілмеудің негізгі себебі: конкурстық рәсімдердің ұзақ өткізілуі және уақтылы өтпеуі; төлем нақты көрсетілген қызмет көлемі, орындалған жұмыс үшін жүргізілген; орындалған жұмыс актілерінің, шот-фактуралардың уақтылы ұсынылмауы, шарттарды ұзақ келісу.

"Жергілікті бюджеттердің шығысы 2,1 триллион теңгені құрады. 28 миллиард теңге атқарылмаған", – деді министр.

Биыл өңірлерге 1,9 триллион теңге нысаналы трансферттер көзделген. 1 мамырдағы жағдай бойынша 456 миллиард теңге бөлінген, оның 98,9%-і игерілді.

5 миллиард теңге атқарылған жоқ, соның ішінде 1 миллиард теңгесі – үнемдеу, 4 миллиард теңге игерілмеген.

Оқи отырыңыз: Сарапшы кредитті уақытынан бұрын қай кезде жабу тиімді екенін айтып берді

Игерілмеген соманың ең көбі Нұр-Сұлтан мен Алматы қаласында, Батыс Қазақстан, Павлодар және Солтүстік Қазақстан облысында тіркеліп отыр.

Осы жылдың қаңтар-сәуірінде мемлекеттік бюджетке 3 триллион 217 миллиард теңге кіріс түсті, нәтижесінде жоспар 117,1%-ке орындалды.

65
Кілт сөздер:
қаржылық реттеу саясаты, Қаржы министрлігі
Тақырып бойынша
Көлік салығы: қазақстандықтар мемлекетке 30 млрд теңге қарыз болып шықты
Қазақстандықтар банктерге 7 триллион теңге қарыз – БАҚ
Оңтүстік Қазақстанда бес мемлекеттік қызметкер бюджетті игермегені үшін жұмыстан шығарылды
Министр Маминнен бюджетті игермеген басшыларды жауапқа тартуды сұрады
Мемлекеттік органдар 20 млрд теңгені игере алмай қалды
Жошы хан кесенесі

Министр "Жошы хан" тарихи-мәдени кешені қашан ашылатынын айтты

0
Министрдің айтуынша, Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастырылады

НҰР-СҰЛТАН, 14 мамыр – Sputnik. Осы жылдың маусымында Қарағанды облысында "Жошы хан" тарихи-мәдени кешені ашылады. Бұл туралы мәдениет және спорт министрі Ақтоты Райымқұлова айтты, деп хабарлайды Sputnik Қазақстан тілшісі.

"Киелі туризмді дамытуды ынталандыру және тарихи-мәдени нысандарға туристік қызығушылықты арттыру мақсатында маусым айының соңына қарай Қарағанды облысының Ұлытау ауданында "Жошы хан" тарихи-мәдени кешенін ашу жоспарланып отыр", – деді ол халыққа есеп беру кездесуінде.

Сонымен қатар, шілде айында Шығыс Қазақстан облысында "Абай жолымен" атты ақпараттық тур өткізу көзделуде.

Министр Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастыру жоспарланып отырғанын айтты.

"Бүгінгі таңда мәдениет, әдет-ғұрып пен дәстүрлерді насихаттауға бағытталған этнотуризм ерекше өзектілік пен танымдылыққа ие. Осы бағытта маусым-қыркүйек айында Алматы қаласының туристік тартымды орындарында қолөнер шеберлерінің қатысуымен "Ұлы дала мұрасы" жәрмеңкесін өткізу жоспарлануда", – деді ол.

Оқи отырыңыз: Домалақ ана кесенесінің шырақшысы: Алматы әкімі әйелімен зиярат етіп, кейін ұлды болды

Сондай-ақ ұлттық тағамдар мен Қазақстан халықтарының тағамдарын танымал ету мақсатында түрлі фестивальдер өткізілмек.

0
Кілт сөздер:
Ақтоты Райымқұлова, мәдени нысандар
Тақырып бойынша
Депутаттар Ахмет Байтұрсынұлының 150 жылдығын ЮНЕСКО деңгейінде атап өтуді ұсынды
Ежелгі шаһар тарихын бейнелейтін нысан: Тараздағы "Тектұрмас" этно-тарихи кешені – фото
Мәдени іс-шаралар тоқтатылды, ал қаржы қалай игерілуде – министр жауап берді
Алтын Орданың құпиялары: археологтар ежелгі кесененің орнын тапты
Омбыда "Абай" мәдени-іскерлік үйі ашылды