жанармай құю станциясы

Досаев бензин неге қымбаттағанын түсіндірді

2077
Мұнай өнімдерін тасымалдау тарифтерінің артуы және ішкі ұсыныстың төмендеуіне байланысты бензин бағасы жыл басынан бері 11,6%-ке қымбаттаған

НҰР-СҰЛТАН, 12 мамыр – Sputnik. Ұлттық банк төрағасы Ерболат Досаев бензин бағасы неге өскенін айтты, деп хабарлайды Sputnik Қазақстан тілшісі.

"Мұнай өнімдерін тасымалдау тарифтерінің артуы және ішкі ұсыныстың төмендеуі аясында жыл басынан бастап бензин бағасының 11,6%-ке өскені байқалады", - деді Досаев үкімет отырысында.

Айтуынша, биыл сәуірде Қазақстанда инфляция өткен айдағы 7% деңгейінде сақталды.

Азық-түлік инфляциясы нан-тоқаш өнімдері, ет, қант және жеміс-көкөніс бағасы өсімінің төмендеуі аясында 10,7%-тен 9,8%-ке дейін баяулады.

Іскерлік белсенділіктің жандануы, халық кірісінің қалпына келуі, импорттың өсуі нәтижесінде азық-түлікке жатпайтын инфляция 5,6%-тен 6,4%-ке дейін жеделдеді.

Азық-түлікке жатпайтын тауарлар бағасының ай сайынғы өсімі 2017 жылдың қазанынан бері ең жоғары мәнді көрсетті.

2077
Кілт сөздер:
Ерболат Досаев
Теңге, архивтегі фото

Зейнетақы мен жәрдемақы 10-12%-ке индексацияланды Мамин

347
(Жаңартылды 14:12 21.06.2021)
Сонымен қатар ол мұғалімдердің жалақысы 25%-ке, медицина қызметкерлерінің айлығы 50%-ке дейін өскенін атап өтті

НҰР-СҰЛТАН, 21 маусым – Sputnik. Премьер-министр Асқар Мамин былтыр үкімет халық алдындағы әлеуметтік міндеттемелерін толық орындағанын мәлімдеді, деп хабарлайды Sputnik Қазақстан тілшісі.

"Елдегі күрделі әлеуметтік-экономикалық жағдайға қарамастан, біз халық алдындағы барлық әлеуметтік міндеттемені орындадық. Зейнетақы мен мемлекеттік жәрдемақылардың мөлшері 10-12%-ке индексацияланды", - деді Мамин парламент палаталарының бірлескен отырысында.

Сонымен қатар ол мұғалімдердің жалақысы 25%-ке, медицина қызметкерлерінің, сондай-ақ мәдениет және архив істері қызметкерлерінің айлығы 50%-ке, құқық қорғау және арнайы қызметтер қызметкерлерінің еңбекақысы 30-дан 70%-ке дейін өскенін атап өтті.

Оқи отырыңыз: Мамин халықтың табысы 5%-ке өсетінін айтты 

Бұған қоса премьер төтенше жағдай және карантин кезінде халықтың табысын қолдау мақсатында 42 500 теңге әлеуметтік көмек көрсетілгенін еске салды. Бұл әлеуметтік төлемді 4,6 миллион адам алған.

Тұрмысы төмен 1,1 миллион азаматқа азық-түлік жиынтығы түрінде қолдау көрсетілді.

347
Кілт сөздер:
зейнетақы, жәрдемақы
Тақырып:
Зейнетақы мөлшері қалай өзгерді
Теңге, архивтегі фото

 Депутат үкіметке: Ұлттық қорды ойламау елдің болашағын ойламаумен бірдей

51
Салық және кедендік жұмысты жақсартудан алынуға тиіс 1,5 триллион теңге қосымша қаржы түспеген, деді Жамалов

НҰР-СҰЛТАН, 21 маусым – Sputnik. Мәжіліс депутаттары үкіметке Ұлттық қордан ақша алуды доғару қажеттігін ескертті, деп хабарлайды Sputnik Қазақстан тілшісі.

Депутат Аманжан Жамаловтың айтуынша, республикада салық жинау деңгейі әлі де төмен. 2020 жылы бюджеттің салықтық түсімдері 17,4%-ке төмендеген. 2021 жылдың 1 қаңтарындағы жағдай бойынша бюджетке жалпы берешек 378 миллиард теңгені құрады.

"Осы проблемалардың барлығы "Салықтық әкімшілендіру жүйесін реформалау" бағдарламасы аясында шешілуге тиіс еді. Осы бағдарламаны іске асыруға 11 жыл ішінде миллиардтаған теңге жұмсалды. Сонда нәтиже қандай? Мемлекеттік кіріс комитетінің 16 ақпараттық жүйесінің 12-сі ақпараттық қауіпсіздік талаптарына сай келмейді, оның ішінде 9-ы өнеркәсіптік пайдалануға енгізілмеген", - деді мәжілісмен парламент палаталарының бірлескен отырысында.

Айтуынша, салдарынан салық және кедендік жұмысты жақсартудан тек 2020 жылдың өзінде ғана түсуге тиіс 1,5 триллион теңге қосымша түсім түспеген. Нақты сома 221 миллиард теңгені құрады.

Оқи отырыңыз: Тиімсіз қарыз тартқан шенеуніктердің жеке жауапкершілігін қатаңдату ұсынылды 

Депутат салықтық әкімшілендірудің әлсіз болуы бюджетке Ұлттық қордан қосымша қаржы тартуға әкеп соққанын атап өтті.  2020 жылы республикалық бюджет кірістерінің 45%-і Ұлттық қордан тартылған трансферттер құраған. Оның жалпы сомасы – 4,8 триллион теңге.

"Бұл – соңғы жылдардағы ең жоғарғы көрсеткіш. Үкіметке болашақта ұлттық қорсыз кіріс кірмей қалуы мүмкін екенін түсінетін уақыт келді. Сондықтан бүгін Ұлттық қор туралы ойламау ол елдің болашағы туралы ойламаумен бірдей", - деді Жамалов.

51
Кілт сөздер:
депутаттар, ұлттық қор
халыққа қызмет көрсету орталығы

eGov.kz порталында цифрлық құжаттар пайда болды

0
Жеке куәлік, жүргізуші куәлігі, туу туралы куәлік, COVID-19 бойынша ПТР-тест нәтижесі - енді бұл құжаттардың цифрлық нұсқасы eGov.kz порталында қолжетімді

НҰР-СҰЛТАН, 21 маусым – Sputnik. Электронды үкімет порталында цифрлық құжаттарды алуға мүмкіндік бар. Бұл туралы eGov.kz порталының операторы - "Ұлттық ақпараттық технологиялар" АҚ-сы мәлімдеді, деп хабарлайды Sputnik Қазақстан тілшісі.

"Азаматтардың көптеген сұранысы бойынша біз цифрлық құжаттарды eGov.kz порталына шығардық", - делінген ресми хабарламада.

Цифрлық құжаттарды көру үшін алдымен порталда авторизациядан өту керек. Одан кейін "Жеке кабинетке" кіріп, жоғарғы жақта тұрған "Цифрлық құжаттар" бөлімін басу қажет. Сол кезде құжаттардың тізімі шығады. Олар:

  • Жеке куәлік;
  • Жүргізуші куәлігі;
  • Туу туралы куәлік;
  • Неке туралы куәлік;
  • Аты-жөні мен текті ауыстыру туралы куәлік;
  • Некені бұзу туралы куәлік;
  • Техникалық төлқұжат;
  • COVID-19 бойынша ПТР-тесттің нәтижесі;
  • Студенттік билет;
  • Диплом;
  • Зейнеткердің куәлігі;
  • Қандастың куәлігі;
  • Көлік құралын тіркеу туралы куәлік;
  • Әлеуметтік ID;
  • Вакцинация төлқұжаты.
0