Салық кодексі

Есепшот бұғатталмайды: бизнесті қолдау үшін Салық кодексіне қандай өзгерістер енгізілді

47
Салық кодексінде салық берешегінің шекті мөлшері 17 502 теңге мөлшерінде бекітілді

НҰР-СҰЛТАН, 30 маусым – Sputnik. Қазақстанда салық берешегінің шекті сомасы бекітілді. Бұдан былай қарызы сол сомадан төмен салық төлеушілердің шоттары бұғатталмайды, деп хабарлады Ұлттық экономика министрлігінің баспасөз қызметі.

Министрліктің мәліметіне сүйенсек, 24 маусымда президент Салық кодексіне өзгерістер мен толықтырулар енгізуді көздейтін заңға қол қойды.

"Заңда салық төлеушілердің қызметіне оң әсер ететін әкімшілендірудің нормалары қабылданды. Осының негізінде салық берешегінің шекті мөлшері 6 айлық есептік көрсеткіш немесе 17 502 теңге болып бекітілді.  Берешек одан төмен болған жағдайда шоттарды бұғаттауға тыйым салынды. Бұған дейін аз мөлшердегі салық берешегі үшін шоттар бұғатталып, тіпті бизнес субъектілерінің жұмысы тоқтатылған еді", - деп хабарлады министрліктегілер.

Заң пандемия салдарынан туындаған шектеу шаралары кезінде бизнесті қолдауға және іскерлік белсенділікті ынталандыруға бағытталған өзгерістерді қамтиды.

Жаңашылдықтар қатарында мобильдік қосымшаны пайдалану арқылы арнайы салық режимін енгізу шарасы бар. Қосымша салық төлеушінің қызметін тіркеуді, тоқтатуды және салық міндеттемелерін орындауды жеңілдетеді.

Сонымен қатар заңда жаңадан тіркелген кәсіпорындар үшін өз өнімдерін өткізу кезінде қосылған құн салығын 70%-ға төмендету сияқты салықтық жеңілдіктер көзделген. Бұл жеңілдік заңды тұлға тіркелген сәттен бастап екі жыл бойы қолданылады. Сонымен қатар өндеу өнеркәсібіндегі шағын бизнес субъектілері кірісті жаңа негізгі қорларға қайта инвестициялаған жағдайда корпоративтік табыс салығынан босатылады. Осылайша өңдеу өнеркәсібіндегі инвестициялық климатты жақсартуға мүмкіндік туады. 

Банктер салық төлеуші қарызды төлегеннен кейін шотты бірден аша алады. Министрліктегілер салық берешегі өтелген жағдайда шоттарды жылдам ашу бизнес субъектілерінің уақытын үнемдейді деген сенімде.

2021 жылдың 1 қаңтарынан бастап пандемиядан ең көп зардап шеккен 114 қызмет түрі үшін арнайы салық режимі енгізілді. Қоғамдық тамақтану саласы үшін салықтық режим 2023 жылдан 2025 жылға дейін ұзартылады. Салық ставкасы 6% мөлшерінде бекітілді. Бұл режимнің басты ерекшелігі - қосылған құн салығы пен әлеуметтік салық төленбейді.

Пандемия салдарынан туындаған шектеу шараларына байланысты 2019 және 2020 жыл үшін резидент сертификатын ұсыну мерзімі 2021 жылдың 31 желтоқсанына дейін ұзартылды.

"Бұл шара шектеу шаралары кезінде қосарланған салық салуды болдырмау үшін жасалып отыр. Өйткені шетелде карантиннің енгізілуіне байланысты құжаттарды ұсынуда қиындықтар туындады", - дейді министрліктегілер.

Ведомстводағылар Салық кодексіне енгізілген өзгерістер дер кезінде жасалған қадам және бизнес субъектілерінің айналым қаражатын ұлғайтуға, салық міндеттемелерін орындауды жеңілдетуге мүмкіндік беретінін атап өтті.

47
Кілт сөздер:
салық
Ақорда ғимараты

Мамин президентке халықтың тұрмысын жақсартатын жобалар туралы айтып берді

172
Ұсынылған жобалар сумен, газбен қамтамасыз ету, энергетика нысандарын салу, көлік дәлізінің әлеуетін дамыту салаларындағы негізгі мәселелерді шешуді көздейді

НҰР-СҰЛТАН, 2 тамыз – Sputnik. Мемлекет басшысы Қасым-Жомарт Тоқаев премьер-министр Асқар Мамин мен "Самұрық-Қазына" АҚ басқарма төрағасы Алмасадам Сатқалиевті қабылдады, деп хабарлады Ақорда.

Қасым-Жомарт Тоқаев премьер-министр мен Самұрық-Қазына АҚ басшысын қабылдады
Қасым-Жомарт Тоқаев премьер-министр мен "Самұрық-Қазына" АҚ басшысын қабылдады

Президентке Қазақстан халқының тұрмыс сапасын арттыруға, экологиялық жағдайды жақсартуға, жаңа жұмыс орындарын ашуға бағытталған маңызды инвестициялық жобалардың іске асырылуы туралы ақпарат берілді.

Ұсынылған жобалар Батыс Қазақстан облысын сумен, өңірлерді газбен қамтамасыз ету, энергетика нысандарының, оның ішінде Алматы қаласындағы қуат торабының құрылысы, сондай-ақ, еліміздегі көлік дәлізінің әлеуетін дамыту салаларындағы негізгі мәселелерді шешуді көздейді.

Кездесу қорытындысы бойынша аталған инфрақұрылымдық жобаларды іске асыруға қатысты тапсырмалар берілді.

172
Архивтегі сурет

Қазақстанда жылдық инфляция 8,4%-ке жетті

43
Шілде айында азық-түлік бағасы – 0,7%, азық-түлік емес тауарлар – 0,5%, ақылы қызметтер 0,8%-ке өсті

НҰР-СҰЛТАН, 2 тамыз – Sputnik. Қазақстанда жылдық инфляция шілденің қорытындысы бойынша 8,4%, ал шілде айында 0,7% құрады.

Инфляцияға ең көп үлесті азық-түлік тауарлары қосты – жыл қорытындысы бойынша 11%, азық-түлік емес тауарлар 7,2%-ке қымбаттаса, халық үшін ақылы қызметтер 6,1%-ке өсті.

Қырыққабат бағасы – 12,6%, қызылша – 9,1%, түйінді пияз – 8,2%, күнбағыс майы – 4,2%, құс еті – 3%, қарақұмық жармасы – 2,6%, жылқы еті – 2,5%, қой еті – 2,4%, сиыр еті – 2,2%, шошқа еті, шай – 2%, жұмыртқа – 1,3%, құмшекер – 1%, ұн 0,9%-ке өскен.  Темекі өнімдері – 4,1%, минералды және ауыз су – 1,2%, алкогольды сусындар – 0,8%, салқындатылған сусындар 0,7%-ке қымбаттады.

Ал картоп бағасы – 20%, қызанақ – 14,8%, қияр– 11,9%, сарымсақ – 6,8%, банан – 2,5%, сәбіз 2,2%-ке төмендеген.

Тағы оқыңыз: Ұлттық банк базалық мөлшерлемені өсірді: баға мен теңге жайы не болмақ

Баға өсімі тұрмыстық аспаптарға – 1,7%, құрылыс материалдарына, ыдысқа – 0,9%, жиһаз және үйге қажетті заттарға – 0,6%, жуғыш және тазалағыш құралдарға – 0,5%, киім және аяқ киімге, жеке қолданылатын тауарларға 0,4% құрады. Баллондағы сұйытылған газ – 2,1%, дизель отыны – 2%, бензин 0,9%-ке қымбаттады.

Санаторий қызметтеріне баға – 1,1%, қоғамдық тамақтандыру қызметтеріне – 0,8%, кешенді демалу ұйымдарына – 0,7%, шаштараз бен сұлулық салондары, қонақ үй қызметтеріне 0,4% жоғарылады. Жолаушылардың әуе көлігімен жол жүру ақысы 9,9%, такси 1,2% қымбаттады.

Тұрғын үй-коммуналдық қызметтер саласында электр энергиясы тарифі – 5%, суық су – 1%, суды бұру 0,7%-ке өсті. Тұрғын үйді күтіп ұстауға төлем 1,5%-ке көтерілді.

2021 жылдың маусым айының қорытындысы бойынша жылдық инфляция 7,9% құрады (мамырда – 7,2%).

43
Кілт сөздер:
азық-түлік, инфляция
Архивтегі фото

"Ұйықтатамын деп бөлмеге кіргізген": Алматыда педофил сотталды

0
Қаскүнем ішімдік ішіп, үйге кеш келген. Ол қызды өзім ұйықтатамын деген сылтаумен бөлмеге кіргізіп, зорлап тастаған

НҰР-СҰЛТАН, 4 тамыз – Sputnik. Алматыда кәмелеттік жасқа толмаған қызға жыныстық зорлық жасаған ер адам 20 жылға бас бостандығынан айырылды, деп хабарлайды Polisia.kz.

Сотталушы Қазақстан Қылмыстық кодексінің 121-бабы 4-бөлігі бойынша айыпталды. Істі қылмыстық істер жөніндегі мамандандырылған ауданаралық соты қарады.

Бұл оқиға өткен жылдың қараша айында Алматының Наурызбай ауданындағы "Премьера" тұрғын үй кешені үйлерінің бірінде болған.

Қаскүнем ішімдік ішіп, үйге кеш келген. Ол қызды өзім ұйықтатамын деген сылтаумен бөлмеге кіргізіп, зорлап тастаған. Оған ешкім кедергі жасай алмаған.

Тергеу де, сот та бұл іс бойынша жеңілдететін мән-жайларды таба алмады.

Сот жоғарыда айтылғандарды ескере отырып, Б.есімді ер адамды 20 жылға бас бостандығынан айырды.

0