кілт

116 мың теңге тым көп: депутат үкіметке жастардың өтінішін жеткізді

1200
Депутат жастардың жалдамалы пәтер алу конкурсына қатысу үшін жалақы мөлшері тым жоғары екеніне шағымданып жатқанын жеткізді

НҰР-СҰЛТАН, 13 қазан – Sputnik. Мәжіліс депутаты Ғани Ташқараев үкіметтен арендалық баспана алу үшін жұмыс істейтін жастардың табысына қатысты талаптарды өзгертуді сұрады, деп хабарлайды Sputnik Қазақстан тілшісі.

Оның айтуынша, жұмыс істеп жүрген жастарға сатып алу құқығынсыз жалдамалы үй беру ережелеріне сәйкес, өтініш берушінің ай сайынғы кірісі кемінде 40 АЕК екенін растайтын соңғы алты айдағы табысы туралы анықтама көрсету қажет. Биыл бұл сома 116 600 теңгені құрайды.

Ұлттық статистика бюросының дерегінше Қазақстанда 20-29 жастағы азаматтар саны 2,5 миллионнан асады. Оның 1,5 миллионы қалада тұрады.

"Осы бағдарлама іске асып жатқан қалалар бойынша халықтың орта есеппен жан басына шаққандағы атаулы ақшалай табысын салыстыратын болсақ, 2021 жылдың бірінші тоқсанында Шымкентте 76 982 теңге, Алматыда 166 554 теңге, Нұр-Сұлтанда 179 722 теңгені құрап отыр", - деді Ташқараев вице-премьер Ералы Тоғжановқа жолдаған депутаттық сауалында.

Оның сөзінше, жастар жалдамалы пәтер алу конкурсына қатысу үшін жалақы мөлшері тым жоғары екенін айтып шағымдануда. Жалға берілетін тұрғын үйді конкурс бойынша алу қиын.

"Жұмысшы жастардың айтуынша, пәтер алу үшін айлық есептік көрсеткішті (40-тан 25 АЕК-ке дейін ) төмендету – мегаполистердегі жас отбасылар мен жас мамандарға үлкен көмек. Осы айтылғандар негізінде жастарды қолдау мақсатында жалға берілетін тұрғын үйге арналған конкурстарға қатысушыларға қойылатын талаптарды өзгерту мүмкіндігін қарауды сұраймын", - деді депутат.

Ташқараев жастардың арендалық баспана конкурсына қатысуына жол беретін табыс сомасын азайтуды ұсынды.

Оқи отырыңыз: 

 

1200
Кілт сөздер:
депутат, баспана, жастар
әмиян

Кредит қайтаруға жағдай келмесе, не істеу керек - заңға өзгеріс енгізілді

1614
(Жаңартылды 17:30 20.10.2021)
Жаңа ережеге сәйкес, жеке тұлғалар кредитті төлей алмаса, мәселені тікелей банкпен немесе микроқаржы ұйымымен шешуге құқылы

НҰР-СҰЛТАН, 20 қазан – Sputnik. Қазақстанда 1 қазаннан бастап проблемалық кредиттерді реттеудің бірыңғай тәртібі енгізілді. Енді банк те, микроқаржы ұйымы да бірден коллекторларға жүгінбейді. Олар қарыз мәселесін алдымен борышкермен өзара шешуге міндетті.

Осы орайда заңға нақты ереже енгізіліп отыр. Sputnik Қазақстан проблемалық кредитті заң аясында реттеудің бірыңғай тәртібін ұсынады.

Банк пен борышкердің міндеті

Жаңа ережеге сәйкес, жеке тұлғалар кредитті төлей алмаса, тікелей банкпен немесе микроқаржы ұйымымен мерзімі өтіп кеткен берешек мәселесін шешуге құқылы. Бірақ әрбір тарап өзіне жүктелген міндеттерді бұлжытпай орындауға тиіс.

Біріншіден, кредит алған адамның мерзімі өтіп кеткен берешегі болса, банк болсын, микроқаржы ұйымы болсын, сол сәттен бастап 20 күннің ішінде оған хабарласып, төлем мерзімін өткізіп алғаны туралы ескертуге міндетті. Қызметкерлер берешек жайында айтып қана қоймай, мерзімі өтіп кеткен төлемнің нақты мөлшерін көрсетуге тиіс.

Қарызды төлемегені үшін қандай жауапкершілік болатыны ескертіледі. Сосын проблемалық кредит мәселесін шешу үшін банкке немесе микроқаржы ұйымына шақырады.

Екіншіден, кредит алған адам өз кезегінде берешектің мерзімі өткен күннен бастап 30 күннің ішінде кредиттік ұйымға қарызды қайта құрылымдау туралы жазбаша өтініш тапсырады. Онда нақты бірнеше мәселені көрсету керек.

Олар:

  • қарыз мерзімін өткізіп алудың себебі;
  • қарызды қайта құрылымдауға қатысты өз ұсыныстары;
  • кірістердің төмендегенін және өз міндеттемелері бойынша төлем жасаудың мүмкін еместігін көрсету (өтінішпен қоса тиісті құжаттар беріледі).

Үшіншіден, қарыз алушының өтініші міндетті түрде қабылдануы шарт. Оны тіркеуге алып, банк немесе микроқаржы ұйымның қарауына шығарады. Өтініште толық мәлімет болмаса, кредит алған адамға хабар беріледі. Ол бес күннің ішінде қосымша мәлімет пен құжатты ұсынады.

Өтінішті қарау тәртібі

Кредитор қарыз алушыдан құжаттардың толық пакетін алғаннан кейін өтінішті қарайды. Оның мәселесін қарау кезінде ағымдағы қаржылық жағдайы мен төлем қабілеттілігі, әлеуметтік жағдайы, кепілге алынған баспананың жалғыз болуы, қарыз бойынша міндеттемелерді адал орындау сияқты факторлар ескеріледі.

Кредит берген мекеме өзінің жауабын күнтізбелік 15 күннің ішінде беруге тиіс. Жауаптың үш нұсқасы бар.

Олар:

  • кредитор қарыз алушы ұсынған банктік қарыз/микрокредит шартының талаптарына өзгерістерді енгізуге келісім береді;
  • кредитор банктік қарыз/микрокредит шартының талаптарын өзгертуге қатысты өз ұсыныстарын жасайды;
  • кредитор қарызды қайта құрылымдаудан бас тартуға шешім қабылдайды (жауапта нақты себептері көрсетілуі шарт).

Қарызды қайта құрылымдау қалай жасалады?

Қарызды қайта құрылымдауды бірнеше жолмен жасауға болады. Соны өтініште көрсетуге болады. Банк мен микроқаржы ұйымы да осы әдістердің біреуін ұсына алады.

  • сыйақы мөлшерлемесін төмендету;
  • төлемді кейінге қалдыру;
  • өтеу әдісін өзгерту;
  • қарыз мерзімін ұлғайту;
  • борыш жүктемесін азайту (мерзімі өткен негізгі борыш, сыйақы, айыпақы және төлемдер мен комиссиялардың өзге де түрлері);
  • ипотекаға алынған жылжымайтын мүлікті өздігімен сату немесе кепіл мүлкін кредиторға беру;
  • жылжымайтын мүлікті сатқанда барлық міндеттемені сатып алушыға тапсыру.

Банктің тиісті шешімі шыққаннан бастап күнтізбелік 15 күннің ішінде келісімшартқа өзгеріс енгізіледі.

Екі жақ бір келісімге келмесе...

Қарыз алушы қарызды қайта құрылымдау талаптары бойынша кредитормен келісімге келе алмаса, қаржы нарығын реттеу және дамыту агенттігіне жүгінуге құқылы. Арызда банкпен немесе микроқаржы ұйымымен бір шешімге келмеудің нақты себептерін көрсету керек.

Қаржы нарығын реттеу және дамыту агенттігі өз кезегінде өтініштің негізінде кредиторға қатысты құжаттамалық тексеру жүргізеді. Сол кезде банктің немесе микроқаржы ұйымы қабылдаған шешіміне баға беріледі.

Тексеріс кезінде кредитор халықтың әлеуметтік осал топтарына жататын борышкерлердің кепілге салынған мүлкін өндіріп алу рәсімін бастай алмайды.

Кредит алғанда нені ескеру керек

Мамандар кредит алғанда маңызды бірнеше мәселені ескеру кеңес беріп отыр:

  • кредит алған адамның ай сайынғы төлемі табыстың жартысынан аспауға тиіс;
  • келісімшартқа қол қойғанға дейін мұқият оқып шығу қажет;
  • қарыздың мерзіміне, сыйақы мөлшерлемесіне (тұрақты немесе құбылмалы), жылдық тиімді сыйақы мөлшерлемесіне, ай сайынғы төлемнің мөлшеріне, сондай-ақ, кредитті төлей алмаған жағдайда қандай міндеттер болатынына бас назар аудару керек;
  • келісімшартта банктің есепшотына түсетін ақшаны өндіріп алу, қарызды коллекторлық агенттікке беру және сотқа жүгіну құқықтары да жазылуы мүмкін.

"Артынан проблема болмас үшін кредит мен микредиттерді рәсімдеуге өте мұқият қараған жөн, бұл ақылға салынған шешім болуға тиіс. Қарызға ақша алатын адам маңызды бір мәселені түсінуі керек. Кредит – ол жауапкершілік. Кез келген кредитті қайтаруға тура келеді", - дейді мамандар.

Оқи отырыңыз: 

1614
Кілт сөздер:
банк, кредит, заң
Тақырып бойынша
Қазақстандық бес банктен 8,5 млн теңге кредит қалай алғанын түсінбей қалды
Борышкер 5 адам өлтірді: депутаттар кредит мөлшерлемесін төмендетуді талап етті
Түркістанда кредит алуға барған әйел полицияға арызданды – банк қызметкері ұсталды
Қарағандыда досының үйінде бірнеше күн жатқан ер адам кредит алғанын ұмытып қалған
Жылу электр станциясы

"Тағы он жылға созылатын жоба болады": Нығматулин ЖЭО құрылысын сынға алды

51
(Жаңартылды 16:25 20.10.2021)
Көктемде бюджетке түзету енгізілгенде бәрі дайын болмаса, онда не істейтініңізді білмеймін, деді мәжіліс төрағасы

НҰР-СҰЛТАН, 20 қазан – Sputnik. Нұр-Сұлтанда салынып жатқан Жылу электр орталығы-3 құрылысы 2023 жылы аяқталады деп жоспарлануда. Бұл туралы энергетика министрі Мағзұм Мырзағалиев мәлімдеді, деп хабарлайды Sputnik Қазақстан тілшісі.

Мәжілісте үш жылдық бюджет жобасын талқылау кезінде депутат Дүйсенбай Тұрғанов Нұр-Сұлтан қаласындағы ЖЭО-3 құрылысының жобасына тоқталды.

"Өздеріңізге мәлім, қала халқы орта есеппен 50 мың адамға көбеюде, жыл сайын 2 миллион шаршы метрден астам тұрғын үй, сондай-ақ, әлеуметтік сала мен бизнес нысандары пайдалануға беріледі. Сондықтан жылу мен электр энергиясына қажеттілік табиғи түрде артуда. Қазірдің өзінде қалада жылу тапшылығы байқалады. Алдағы үш жылда қажеттілік сағатына 900 гигакалорияға артайын деп тұр", - деді Тұрғанов.

Мәжілісменнің айтуынша, бұл проблеманы шешу үшін 2010 жылы станция құрылысының жобалық-сметалық құжаттамасы әзірленді. Алайда жылу тапшылығы өсіп отырған кезде, ЖЭО-3-ті газға ауыстыру, жабдық пен валюта бағамының өзгеруі себебінен жобалық-сметалық құжаттаманы түзетуге байланысты жобаны іске асыру негізсіз созылып кетті.

"Қаралып отырған бюджетке сәйкес, жобаны іске асыруға 27,9 миллиард теңге бөлінеді. Бұрын бөлінген қаражатты есепке алғанда, сома 112,9 миллиард теңгені құрайды. Қажеті – 122 миллиард теңге, жетіспейтіні – 9 миллиард теңге. Егер ЖЭО-3-ті пайдалануға беру бойынша шұғыл шаралар қолданбаса, қала халқы мен экономикасын жылу энергиясымен қамтамасыз ету жағдайы проблемаларға әкеп соқтыруы мүмкін. Осыған байланысты менің мынадай сұрақтарым бар: жоба үшін қаржы неге толық бөлінбеген және жоба қашан аяқталады?", - деп сұрады депутат.

Энергетика министрі Мағзұм Мырзағалиевтің айтуынша, бұл өте маңызды жоба, 2010 жылдан бері келе жатыр.

Оқи отырыңыз: Қазақстан АЭС салмаса, экономика мен экологияға залал келеді – сарапшы

"Мұның аяқталу мерзімін 2023 жылға жоспарлап отырмыз. Келесі жылы 25 миллиард теңге бөлінеді, бүгінгі қаралып жатқан бюджетте тиісті қаражат қарастырылған. Ал 2023 жылы әзірше 3,1 миллиард теңге көзделген. 2023 жылдың бюджеті қаралған кезде, тиісті ақша бөлінеді деген үміттеміз. Жетіспейтін қаражат 9 миллиард емес, 7,8 миллиард теңге. Сондықтан бұл мәселе оң шешімін табады деген ойдамын", - деді Мырзағалиев.

Осы кезде мәжіліс спикері Нұрлан Нығматулин үш жылдық бюджетте қаржы неге бөлінбегенін сұрады.

"Біз тиісті өтінім бердік, бірақ қазір бюджет шектеулі болғандықтан, бұл қаражат қарастырылмаған", - деді министр.

"Қағаз дайын емес, жоба дайын емес. Көктемде бюджетке түзету енгізілгенде, бәрі дайын болмаса, онда не істейтініңізді білмеймін. Оныншы жыл емес, тағы он жылға созылатын жоба болады", - деп сынады мәжіліс төрағасы.

Бүгін, 20 қазан мәжіліс 2022-2024 жылдарға арналған республикалық бюджетті мақұлдады.

51
Кілт сөздер:
жылу электр орталығы, Нұрлан Нығматулин, құрылыс, жоба
Тақырып бойынша
Қазақстанның барлық дерлік өңірінде жылу қымбаттаған
Энергетика министрі эпидемия мұнай саласына қалай әсер еткенін айтты
144 мың қазақстандық маман қайта оқытылды – энергетика министрі
Еуропадағы энергетика дағдарысына кім кінәлі – сарапшы пікірі
Аяжан Еділова

Аяжан Еділованың өлімі: іс сотқа өтті

0
(Жаңартылды 18:52 20.10.2021)
Іс жыныстық қол сұғушылыққа қатысты болғандықтан жабық режимде өтеді

НҰР-СҰЛТАН, 20 қазан — Sputnik. Алматының қылмыстық істер жөніндегі мамандандырылған ауданаралық сотына Аяжан Еділованың өлімі туралы қылмыстық іс келіп түсті. Бұл туралы Sputnik Қазақстанға Алматы қалалық соты хабарлады.

"Алматының қылмыстық істер жөніндегі мамандандырылған ауданаралық сотына зорлау, сондай-ақ аса қатыгездікпен адам өлтіру бойынша қылмыстық іс келіп түсті. Іс жыныстық қол сұғушылыққа қатысты болғандықтан жабық режимде өтеді", - деп хабарлады соттың баспасөз қызметі.

Алдын ала сот тыңдалымында істің алқабилермен немесе соттың жеке төрелігімен қаралуы туралы мәселе шешіледі.

Процестік шешім қабылданғаннан кейін іс қаралатын күн туралы қосымша хабарланады. 

Күдіктіге Қылмыстық кодекстің "Зорлау" туралы 120-бабы және "Өзге қылмысты жасыру мақсатында адам өлтіру" туралы 99-бабы бойынша айып тағылып отыр. Істі Алматы қаласының мамандандырылған соты тергеді. 

Естеріңізге сала кетейік, 2001 жылы туған Аяжан Еділова 19 наурызда сағат 20:43-те жұмыстан шығып, сол күйі оралмаған. Оның жоғалғаны туралы хабар 20 наурызда тарады.

Қыздың денесі бөлшектеліп, қоқысқа лақтырылғаны белгілі болды. 

Аяжан Еділова қандай еді

Әпкесінің сөзінше, Аяжан бір көрген адаммен тез араласып, бір сағатта туысқан секілді сөйлесіп кететін болған. Сондай-ақ оның өте сенгіш және адам жатырқамайтын мінезі болғанын айтты.

Туыстарының сөзінше, Аяжан Еділова Алматыға қайтыс боларынан екі ай бұрын келген. Оған дейін карантин кезінде Талдықорған қаласында туыстарының жанында болған. Алматыдағы сән салоны мен тігін цехына жұмысқа орналасқанына да бір айдай болған.

"Осы жолы Алматыға жібермей қойдым. Коронавирустың күйіп тұрған кезі еді. Біреуге жақын отырып тырнақ жасайсың, "сен маған аман-есен керексің" деп айттым. Ортаға апасын салып, әкесін салып жүріп, бой бермей, кетті. Әйтпесе үйде байлап ұстап отырғанмын. Үйде отырып күйзеліске түсті. Жұмыс істеп, жүріп үйреніп қалған қыз ғой. Бір күні жұмыстан келсем, жылап-жылап көзі ісіп кетіпті. "Менің өлгім келмейді, өмір сүргім келеді" деп айтты", - дейді әпкесі Аяжанның коронавирус жұқтырып алудан қорыққанын айтып.

Содан қалада жұмыс істеп жүрген Аяжан ең соңғы рет жақындарымен телефон арқылы сөйлескен кезде наурыз мерекесіне үйіне баратынын айтқан.

"Ең соңғы рет анасына видео арқылы хабарласып, наурыз мерекесіне келетінін айтты. Жұмыстарын айтып, соларды бітірген соң 4 күн демалысқа келемін деді. "Сағынып кеттім" деп қоштасқандай еркелегені есімде. Анасы жолға қарап, әлі күтетін сияқты. "Келемін" деп айтқаннан кейін олар күтіп жүрді. Мұндай хабар келеді деп күткен жоқ. Шешесі әлі күтіп жүр. Аяжан оқуда жүрген сияқты сезімдеміз", - дейді Нұргүл Әбеутәліпова.

Айтуынша, Аяжанның анасы біраз уақытқа дейін істің мән-жайын білмеген. Тек қайтыс болғанын естіген.

"Ата-анасының жағдайы өте ауыр, олар күйзелістен әлі шыға алған жоқ. Стрессте жүр. Күліп отырып жылай салуы мүмкін, жылап отырып күле салуы мүмкін", - дейді әпкесі.

Оқи отырыңыз: 

0
Кілт сөздер:
қылмыс, сот, Алматы