Архивтегі фото

Қазақстанда азық-түліктің бағасы төмендей ме ЕДБ болжам жасады

2050
(Жаңартылды 18:17 25.11.2021)
ЕДБ инфляция баяу болса да, 4-6 проценттік дәлізге қайта оралады деп есептейді, демек азаматтардың сатып алу мүмкіншілігі артады

НҰР-СҰЛТАН, 25 қараша – Sputnik. Еуразия даму банкі Қазақстанның негізгі экономикалық көрсеткіштері негізінде 2021 жылдың соңына, сондай-ақ 2022 және 2023 жылдарға болжам жасады.

Банк баяндамасына сәйкес, 2021 жылдың қорытындысы бойынша ел экономикасы пандемияға дейінгі деңгейден көтеріледі. Себебі жылдың ортасында Қазақстанның жалпы ішкі өнімі 2019 жылдың IV тоқсанындағы көрсеткіштерге жеткен.  

"Биліктің іскерлік белсенділікті қолдау шаралары экономикаға серпін берді. Соның нәтижесінде құрылыс пен өңдеу өнеркәсібі өсудің тұрақты динамикасын көрсетті. Жылдың екінші жартысында ауыл шаруашылығы да үкіметтен қолдау алды. Ол қуаңшылықтың салдарын жоюға мүмкіндік берді", - дейді банк мамандары.

Үш жылда ішкі жалпы өнім қандай болады?

ЕДБ сарапшылары 2021 жылдың соңында Қазақстанның ішкі жалпы өнімі 3,8 процентке дейін өседі деп отыр. Былтыр бұл көрсеткіш 2,5 процентке төмендеп кеткен.

2022 жылы ІЖӨ 4,2 процентке дейін көтеріледі деген болжам бар. Ал 2023 жылы жаңа өндірістер іске қосылған сайын ішкі жалпы өнім өсе түседі. Мәселен Теңіз кен орнындағы мұнай өңдеу көлемі артады. Соның арқасында ІЖӨ 5 процентке дейін өседі.

Қазақстандағы инфляция

2021 жылдың қорытындысы бойынша Қазақстандағы инфляция 4,6 проценттен жоғары болады. Биыл азық-түліктің бағасы күрт көтерілді. Оның бірнеше себебі бар. Атап айтқанда, тауар нарықтарында теңгерімсіздік болды. Әлемде көлік жүйелерінде кідірістер болды. 

2021 жылдың соңында инфляция баяулап, 8,4 проценттің маңайында болады деген болжам бар. Сөйтіп 2022 жылы біртіндеп баяулап, 2023 жылы 4-6 процентке дейін төмендейді. 

Ақша-кредит саясаты дезинфляциялық сипатта болады.

Теңге бағамы

Биыл қарашаның ортасында теңгенің долларға шаққандағы бағамы 2,1 процентке әлсіреген. Ал өткен жылы 10,4 процентке дейін түсіп кетті.

"Қазақстан теңгесі бірте-бірте әлсірей береді. 2022-2023 жылдары теңгенің номиналдық мәні бірқалыпты қарқынмен (шамамен жылына 1-2 процент) құнсызданады", - дейді банк сарапшылары.

Досаевтың болжамы

Бұған дейін ұлттық банк төрағасы Ерболат Досаев 2022 жылы инфляция төмендейтінін мәлімдеді.

"Үкімет пен ұлттық банктің үйлескен іс-қимылы нәтижесінде қазанда алты ай бойы көтерілген жылдық инфляцияның өсуі тоқтады. Инфляцияға қарсы жүйелі шараларды одан әрі іске асыру 2021 жылғы инфляцияны 8,5 процентке дейін тұрақтандыруға, ал 2022 жылы 4-6 проценттік дәлізге кіруге мүмкіндік береді", - деді Досаев сенаттың жалпы отырысында.

Оның айтуынша, азық-түлік бағасын ұстап тұру мақсатында тұрақтандыру қорларын тиімді пайдалану қарастырылған. Бұдан бөлек, өнімдерді форвардтық сатып алу іс-шаралары бар. Осылайша биыл инфляция 8,5 проценттен аспауға тиіс.

Оқи отырыңыз: Досаев Ұлттық қорда қанша ақша бар екенін айтты 

2022-2026 жылдарға арналған әлеуметтік-экономикалық даму болжамына сәйкес, инфляция біртіндеп төмендеп, 2023-2024 жылдары 4-5 процент, ал 2025-2026 жылдары 3-4 процент деңгейінде болады.

Бас банкирдің сөзіне қарағанда, инфляцияны 3 процентке дейін төмендету үшін қазіргі іс-шаралар аздық етеді. Оған қоса, экономиканы одан әрі әртараптандыру және импорт тауарларына тәуелділікті төмендету аясында жүйелі жұмыстарды жандандыру қажет.

2050
Кілт сөздер:
инфляция, экономика, Қазақстан
БЖЗҚ сайты

Зейнетақы жинағының жеткілікті шегі артады: қазақстандықтар қарсы петиция әзірледі

486
(Жаңартылды 15:54 04.12.2021)
Кеше 2022 жылы зейнетақы жинағын мерзімінен бұрын алу үшін жеткіліктілік шегі күрт өсетіні белгілі болды

НҰР-СҰЛТАН, 4 желтоқсан — Sputnik. Қазақстанда БЖЗҚ-ның зейнетақы жинағын алу үшін жеткілікті шекті арттыру туралы шешіміне наразылық ретінде онлайн-петиция іске қосылды.

Құжат авторлары 3 желтоқсанда жариялаған жеткіліктіліктің жаңа шегі көптеген қазақстандықтар үшін қолжетімді емес деп отыр.

"Егер қазір 20 жастағы салымшы үшін жеткілікті шек 1,7 миллион теңге болса, келесі жылдан бастап 3,1 миллион теңгеге дейін өседі. Өсім 1,8 есе болды. Бұған дейін тұрғын үй сатып алу немесе емделу үшін жинақталған ақшаны алу мүмкіндігі болған. Біз, петицияға қол қойған Қазақстан азаматтары, БЖЗҚ-дан жеткіліктілік шегін ақылға қонымды сомаға дейін төмендетуді талап етеміз", - делінген құжатта.

Кеше, 3 желтоқсанда Қазақстанда 2022 жылы зейнетақы жинағын мерзімінен бұрын алу үшін жеткіліктілік шегі күрт өсетіні белгілі болды. 

Посмотреть эту публикацию в Instagram

Публикация от SPUTNIK|ҚАЗАҚСТАН (@sputnik_kz)

Әдістемеге сәйкес ең төменгі жеткілікті шек мөлшері әрбір жасқа жеке есептеледі және болашақта зейнетақы төлемі мен зейнетақы жарнасының өсетіні (индекстелуі) ескеріледі. Бұл ретте "Республикалық бюджет туралы" заңға сәйкес, жыл сайын индекстелетін ең төменгі жалақы, ең төменгі зейнетақы, ең төменгі күнкөріс деңгейі сияқты әлеуметтік көрсеткіштер қолданылады. Осыған байланысты ең төменгі жеткілікті шек мөлшері аталған көрсеткіштердің жыл сайын өсуін ескере отырып есептеледі, деп түсіндірді БЖЗҚ.

Алайда Еңбек министрлігі мен БЖЗҚ-ның мұндай жауабына көптеген қазақстандықтың көңілі толмады.

486
Кілт сөздер:
зейнетақы, қазақстандықтар
Тақырып:
Зейнетақы қорындағы ақшаны мерзімінен бұрын алу
Тақырып бойынша
Зейнетақы жинағының "жеткілікті шегі" неліктен күрт өсті – БЖЗҚ жауабы  
Зейнетақы жинағын мерзімінен бұрын пайдалану: "жеткілікті шек" 2022 жылы өседі
Зейнетақы жинағының жеткілікті шегі қалай өзгерді
Қазақстанда орташа зейнетақы қанша екені белгілі болды
Зейнетақы жинағының ең төменгі жеткілікті шегі қалай есептеледі – видео
Мемлекет басшысы халықаралық компаниялардың өкілдерімен кездесті

Тоқаев: Қазақстан инвесторларды барлық жағынан қолдауға басымдық береді

58
Президент шетелдік инвестициялар Қазақстан дамуының негізгі факторларының біріне айналғанын айтты

НҰР-СҰЛТАН, 3 желтоқсан - Sputnik. Қазақстан президенті Қасым-Жомарт Тоқаев шет мемлекеттердің ірі инвестициялық компаниялары өкілдерімен кездесті, деп хабарлады Ақорда.

Жиын Ақорда резиденциясында өтті. Оның барысында мемлекет басшысы шетелдік инвестициялар Қазақстан дамуының негізгі факторларының біріне айналғанын, сондықтан еліміз инвестициялық ахуалды жақсартуға ерекше көңіл бөлетінін атап өтті.

"Бұл саладағы жүйелі әрі жан-жақты жұмыстар бізді Орталық Азиядағы ең ірі, посткеңестік кеңістікте жылдам дамып келе жатқан экономикалардың біріне айналдырды. Тәуелсіздік жылдары шетелден 370 миллиард доллардан астам тікелей инвестиция тарттық. Мемлекет инвесторларды барлық жағынан қолдауға басымдық береді. Біз әрбір инвесторды жеке әрі кешенді қолдау қағидатын енгіздік", – деді Қасым-Жомарт Тоқаев.

Президент тікелей өзі төрағалық ететін шетелдік инвесторлар кеңесінің инвесторлармен өзара ықпалдасу үшін негізгі алаң екенін атап өтті. Нақты секторға тікелей инвестиция тартудан бөлек құнды қағаздар нарығын дамыту мен шетелдік портфельді инвесторларды елге әкелуге ерекше көңіл бөлініп келеді. Мемлекет басшысы Қазақстанның аймақтағы ірі капитал нарығын құрап отырғанын жеткізді.

"Ұлттық банк негізгі қаржылық реттеуші ретінде қор нарықтарын одан әрі дамыту жолында белсенді жұмыс істеп жатыр. Қазақстанда бұл саланың құқықтық және инфрақұрылымдық бағыты жетілдірілген. Елімізде екі қор биржасы – Алматыдағы KASE және Астана халықаралық қаржы орталығы табысты қызмет атқарып келеді", – деді Мемлекет басшысы.

Президенттің айтуынша, әлемдегі жетекші уран өндіруші "Қазатомөнеркәсіп" кәсіпорыны мен қаржы технологиясы бойынша аймақтағы көшбасшы Kaspi.kz IPO-лары капитал нарығының динамикасын арттырып, ілгерілеуіне үлес қосты.

Ұлттық банк Қазақстанның сыртқы қарызы қанша болғанын мәлімдеді

Қасым-Жомарт Тоқаев қазір елімізде жекешелендіру бойынша ауқымды жұмыстар атқарылып жатқанын айтты.

"Қазіргі уақытта Қазақстан экономикасының мұнай-газ, энергетика, инфрақұрылым және басқа да салаларында 700-ден астам мемлекеттік кәсіпорынды жекешелендіру бойынша ауқымды жұмыстар жүргізілуде. Біз ірі компаниялардың акцияларының ұлттық қор биржаларында тіркелгенін құп көреміз", – деді мемлекет басшысы.

58
Кілт сөздер:
Қасым-Жомарт Тоқаев, шетелдік инвесторлар
Жусан операциясы

Сирияға кеткен мыңға жуық қазақстандықтың 600-і оралды Назарбаев

0
Қазақстанның тұңғыш президенті елге оралған 600 қазақстандықтың ішінде 33 адамға қатысты тергеу жүргізіліп жатқанын мәлімдеді

НҰР-СҰЛТАН, 4 желтоқсан — Sputnik. Нұрсұлтан Назарбаев Сирияға кеткен қазақстандықтар туралы айтты.

"Qazaq. History of the Golden Man" ("Қазақ. Алтын адамның тарихы") фильмінде америкалық режиссер Оливер Стоунға берген сұхбатында Елбасы Ислам мемлекетінің* қызметі толығымен экстремистік идеологияға негізделгенін мәлімдеді.

"Құранда бір адамды өлтіру бүкіл адамзатты өлтірумен тең деп айтылған. Олардың мұсылмандықпен ешқандай байланысы жоқ, олар дінді өз мақсаты үшін пайдаланатын экстремистер. Бұл Исламның өзіне зиян тигізеді", - деді Назарбаев.

Қазақстанның тұңғыш президенті республикадан Сирияға бір мыңға жуық азамат кеткенін, олардың 600-і отанға оралғанын хабарлады.

"Біз 600 адамды қайтардық, оның ішінде 303 ер адам. Отыз үшіне қатысты тергеу жүргізіп жатырмыз. Жұмысы жоқ, қиыншылық көрген адамдар сол жерге кетті. Онда өмір керемет болатынына уәде береді. Сондықтан ол жаққа бүкіл отбасымен бірге барды. Өздерін ұрып-соғып, өлтірген кезде ғана жағдайды түсінді", - деді ол.

Сондай-ақ, Елбасы исламның және бүкіл әлемнің ірі орталықтарының бірі болып табылатын Сирияның қирауы мәселесіне қатысты өз өкінішін білдірді.

"Мен ол жерде болдым, керемет ғимараттарды көрдім... Олар біздің балалар көре алмайтын бүкіл адамзаттың тарихи, мәдени естелігін жойды", - деді Назарбаев.

2019 жылдың қаңтар айынан бастап ұлттық қауіпсіздік комитеті "Жусан" гуманитарлық арнайы операциясы аясында Сирия мен Ирактан қазақстандықтарды қайтару бойынша 5 арнайы операция өткізді.

Бұл арнайы гуманитарлық операцияның бірінші кезеңі Елбасы Нұрсұлтан Назарбаевтың тапсырмасы бойынша 2019 жылдың 6 қаңтарында ұйымдастырылды.

ИМ* – Қазақстанда, Ресейде және басқа да бірқатар елде тыйым салынған террористік ұйым.

0
Кілт сөздер:
Назарбаев, Сирия, қазақстандықтар
Тақырып бойынша
Назарбаев өзінің арманы туралы айтты
Назарбаев Қазақстан Қырымға қатысты дауыс беруден неге қалыс қалғанын түсіндірді
Назарбаев Қазақстан жастарына үндеу жасады – видео
Қазақстан алдағы жүз жылда ешкімге соғыс ашпайды – Назарбаев
Назарбаев Горбачевтің кабинетінде қандай келеңсіз жайтқа куә болғанын еске алды