Батыс Қазақстанда қыз бала хат қалдырып, өз-өзіне қол жұмсаған
АСТАНА, 10 шілде — Sputnik. Батыс Қазақстан облысы Қазтал ауданы Талдыапан ауылында тоғызыншы сынып оқушысы өз-өзіне қол салды, деп жазады "Мой город" басылымы.
Қайғылы оқиға 5 шілде күні болған. Қыз сол күні құрбыларының бәріне барып шығып, үйге келгесін асылып қалған. Қыз өзіне-өзі қол жұмсардан бұрын, хат жазып қалдырыпты. Хатында "қара адам — ажал" бұрыннан шақырып жүргені жазылған.
"Өзім асылып қалмасам, жақындарымды алып кетеді. Тіпті қазір қасымда асықтырып тұр, сондықтан дұрыстап жаза алмай отырмын. Менің өліміме ешкімді айыптамаңдар", — делінген хатта.
Басылым атап өткендей, қыздан бөлек отбасында тағы бес бала бар. Өзі сабақты жақсы оқыған екен, 8 шілдеде достарымен бірге Астанаға ЭКСПО көрмесіне баруы тиіс болатын.
Қазақстандықтар таратып жатқан жантүршігерлік видео қайда түсірілгені белгілі болды
(Жаңартылды 16:03 07.03.2021)
Stopfake.kz порталы Нұр-Сұлтан қаласында түсірілді делінген видеоның Қазақстанға еш қатысы жоқ екенін жаздыНҰР-СҰЛТАН, 7 наурыз – Sputnik. Әлеуметтік желіде бірнеше адамның өмірін қиған қайғылы оқиғаның видеосы тарады.
Роликтің астына: "Нұр-Сұлтан әкімдігі 8 наурызға орай көпбалалы аналарға 17 доллардан беріп жатыр", - деп жазылған.
Stopfake.kz порталы ол Қазақстанда түсірілмегенін хабарлады. Бұл онсыз да түсінікті еді, өйткені видеода адамдар не қазақша, не орысша сөйлемейді.
Кадрдан көпқабатты ғимараттың жоғарғы қабатындағы галереяда көптеген адам кептеліп қалғанын көруге болады. Таяныш қысымға шыдамай, сынып кетіп, бірнеше адам құлап кетеді.
Бұл видео Боливияда, Эль-Альто университетінде түсірілген. Трагедия студенттер жиналысқа бара жатқан кезде болған. Салдарынан бес адам көз жұмды, тағы үшеуі ауыр халде ауруханаға жеткізілді.Оқи отырыңыз: Батыс Қазақстан полициясы "қыздың елесі жүрген" ауылды тексерді – видео
Атырау облысында үйден 4 адамның мәйіті табылды
(Жаңартылды 10:19 06.03.2021)
Трагедия Атырау облысы Махамбет ауданы Ақтоғай ауылында болған. Қайтыс болғандардың үшеуі ересек, біреуі бес жасар бала екені хабарланып отыр АЛМАТЫ, 6 наурыз – Sputnik. Аудандық өрт сөндіру қызметіне 5 наурыз, жұма күні хабар түсті. Оқиға орнына жеткен қызметкерлер төрт адамның мәйітін тапты, деп хабарлайды "Ақ жайық".
Трагедия Атырау облысы Махамбет ауданы Ақтоғай ауылында болған. Облыстық төтенше жағдайлар департаменті 1974, 1991 жылы туған ер адамдар мен 1977 жылғы әйел және 2016 жылы туған қыздың денесі табылғанын хабарлады.
Қазіргі уақытта төтенше жағдайлар бөлімінің және құқық қорғау органдарының қызметкерлері оқиға орнында жұмыс істеп жатыр. Алдын ала болжам бойынша иіс тиіп уланған.
Болған жағдайдың мән-жайы қосымша хабарланатын болады.
Еске сала кетсек, 19 ақпанда Жамбыл облысындағы Жаңатаста 3-қабаттағы пәтерде өрт шығып бес бала көз жұмған болатын. 2015, 2016, 2017, 2019 және 2020 жылдары туған екі ұл мен үш қыз ересектер қарауынсыз қалған.
Өрт салдарынан балалар иіс тиіп уланып, ауруханаға жеткізілді. Алайда аман алып қалу мүмкін болмады.
Кілт сөздер:
Атырауда қарақшылық жасады деген күдікпен 25 жастағы жігіт ұсталды
НҰР-СҰЛТАН, 7 наурыз – Sputnik. Атыраулық полицейлер микрокредит ұйымының кеңсесіне қарақшылық жасады күдіктіні ұстады, деп хабарлады Polisia.kz.
5 наурыз күні сағат 10:45 шамасында "102" операторына Атырау қаласы Вокзал маңы ықшам ауданында орналасқан микрокредит ұйымының кассирі медициналық бетперде киген белгісіз біреудің 10:30 шамасында пышақпен қорқытып, кассадағы 400 000 теңгені алып кеткені туралы хабарлама берген.
Оқи отырыңыз: Нұр-Сұлтанда екі жігіт банк тонамақ болды – видео
Полиция департаментінің қызметкерлері өткізген жедел-іздестіру іс-шараларының нәтижесінде күдікті ретінде 25 жастағы жігітті ұстап, уақытша ұстау изоляторына қамады.
Қазіргі таңда Қазақстан Қылмыстық кодексінің 192-бабының 1-бөлігі (Қарақшылық) бойынша тергеп-тексеру амалдары жүргізілуде. Өзге ақпарат заңға сәйкес жарияланбайды.