Жол апаты

Алматыда Subaru Legacy қатты жылдамдықпен бағдаршамға соғылды

39
(Жаңартылды 17:44 14.02.2018)
Жол апаты кеше түнде болған. Жүргізуші әртүрлі жарақатпен ауруханаға жатқызылды

АСТАНА, 14 ақпан — Sputnik. Subaru Legacy көлігін мінген жүргізуші қатты жылдамдықпен бағдаршамға соғылды, деп хабарлады оқиға куәгерлері Sputnik Қазақстан агенттігіне.

Бағанға соғылды
© Sputnik / Предоставлено очевидцами

Олардың мәліметінше, жол апаты сейсенбіден сәрсенбіге қараған түні Абылай хан даңғылы мен Мәметова көшесі қиылысында болған. 

Куәгерлердің сөзіне сүйенсек, Subaru Legacy Абылай хан даңғылында қатты жылдамдықпен келе жатыпты. Жүргізуші неге екені белгісіз рөлге ие бола алмай қалып, бар жылдамдықпен бағдаршамға соғылған. Қатты соққыдан көліктің күл-талқаны шығады. 

Жол апаты салдарынан жүргізуші зардап шегіп, әртүрлі жарақатпен ауруханаға жатқызылды.


39
Кілт сөздер:
Алматы, жол апаты, бағдаршам
Архивтегі сурет

Павлодарда әйел үш баласын өлтіріп, артынша өзіне қол салды

823
(Жаңартылды 15:07 30.07.2021)
Қылмыстық істі тоқтатқан павлодарлық полицейлер осындай қорытындыға келді

НҰР-СҰЛТАН, 30 шілде – Sputnik. Павлодар полициясы бүтін бір отбасының өліміне қатысты қылмыстық істі тоқтатты, деп хабарлайды облыстық полиция департаментінің баспасөз қызметі.

"Қылмыстық кодекстің 99-бабы 3-тармағы бойынша жүргізілген сотқа дейінгі тергеу жиналған айғақтарды ескеріп, қылмысты кішкентай балалардың анасы жасағанын анықтады. 2021 жылдың 9 маусымында ҚІЖК 35-бабы 1-тармағы 11-тармақшасы негізінде қылмыстық іс тоқтатылды", - делінген құқық қорғау ведомствосы жариялаған баспасөз хабарламасында.

Бұған дейін Sputnik Қазақстан хабарлағандай, трагедия былтыр 9 қарашада болды. Полицияға Айманов көшесінде тұратын ер адамнан үйінде төрт адамның мәйіті табылғаны туралы хабар түсті.

"Үйіне келген пәтер иесі есікті аша алмаған, өйткені ол іштен жабулы тұрыпты. Ер адам көршілерінен шарқайрақ сұрап, есікті ашқан. Пәтерге кіргенде, бөлмелердің бірінен әйелі мен үш кішкентай баласының денесін тапқан",- деді Павлодар облысының полиция басшысы Нұрлан Мәсімов.

Тағы оқыңыз: Үйіне оралған павлодарлық әйелі мен 3 баласының денесін тапты

Көз жұмғандардың бәрінде күштеп өлтіру белгілері болған. Балалардың үлкені 7 жаста, кенжесі үш жаста еді. Ерлі-зайыпты бірге тұрған. Полицияны әйелдің күйеуі шақырды.

Осыдан кейін полиция "Кішкентай баланы өлтіру" бабы бойынша сотқа дейінгі тергеу бастады. Сол кездің өзінде тәртіп сақшылары анасы өз балаларын өлтіріп, артынша өзіне қол салды деген болжамға келді.

823
Кілт сөздер:
Павлодар, полиция
Сіріңке

Атырау тұрғыны прокуратура алдында өзін-өзі өртеп жібермек болды видео

192
Ер адамның қолында бензин құйылған пластик бөтелке болған.  "Өзін-өзі өлтіруге дейін жеткізу" бабы бойынша қылмыстық іс қозғалды

НҰР-СҰЛТАН, 30 шілде – Sputnik. Атыраудың 32 жастағы тұрғыны қалалық прокуратура алдында өзін-өзі өртеп жіберемін деп қорқытты, деп хабарлайды "Мой город" порталы.

Атырау облысы полиция департаменті баспасөз қызметінің ақпаратынша, оқиға 29 шілде таңғы 6:10-да болды.

Ішімдік ішкен ер адам прокуратура ғимаратының алдына келген. Оның қолында бензин құйылған литрлік пластик бөтелке болыпты.

"07.00-де патрульдік полиция азаматты мән-жайды анықтау үшіне Атырау облысының полиция департаментіне жеткізді. Бұл фактіге қатысты Қылмыстық кодекстің 105-бабы 1-тармағы "Өзін-өзі өлтіруге дейін жеткізу" бойынша қылмыстық іс қозғалды. Сотқа дейінгі тергеу жүріп жатыр", - деді полицейлер.

Сондай-ақ ер адамға қатысты "Ұсақ бұзақылық" және "Құқық қорғау қызметкерінің заңды өкіміне бағынбау" баптары бойынша әкімшілік хаттама толтырылды.

192
Кілт сөздер:
Атырау, прокуратура, видео
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0