Жедел жәрдем

Алматы облысындағы оқу-жаттығу полигонында жарылыс болды

200
(Жаңартылды 08:21 17.08.2018)
Төтенше оқиға салдарынан 10 адам зардап шеккен

АЛМАТЫ, 15 тамыз — Sputnik. Алматы облысындағы оқу-жаттығу полигонында снарядтың жарылуынан әскери қызметкерлер зардап шекті.

Қоғаныс министрлігі баспасөз қызметі хабарлағандай, әскерилердің бірінің батыл әрекеті қайғылы жайттың алдын алған.

14 тамызда Қапшағай қаласына жақын жердегі "Қазақстан" оқу-жаттығу полигонында төтенше оқиға болды. Расталмаған деректерге сүйенсек, нысана алаңын әзірлеу кезінде "белгісіз зат" жарылып кеткен.

Салдарынан 10 адам зардап шекті. Олардың бірі сержант М. Ахметов жарақатына қарамастан, көлікпен үш шақырым жолды жүріп өтіп, жиын командованиесіне хабар берген. Әскери қызметкерлерге медициналық жәрдем оқиға орнында дер кезінде көрсетілді.

Таратылған хабарламада зардап шеккендердің жағдайы бір қалыпты, ем алып жатыр делінген.

200
Кілт сөздер:
әскерилер, оқу-жаттығулар, оқыс оқиға, жедел жәрдем, зардап шеккендер, жарылыс, төтенше жағдай, Қорғаныс министрлігі, Алматы облысы, Қапшағай
Тақырып бойынша
Қарағанды түбінде сарбаздың қолында граната жарылып кетті
Алматыда жол үстінде көлік жарылып кетті
Базардан сатып алған граната жарылып кетіп, ер адам қаза тапты
50 жолаушы мінген автобустан өрт шығып, жарылып кетті – видео
Атырауда ер адамның қасында дәнекерлегіш шам жарылып кетті
Оралда газ жарылып, жүкті әйел ауыр күйік жарақатын алды
Смартфоныңыз жарылып кетпес үшін не істеу керек?
Апатқа ұшыраған жедел жәрдем көлігі мен өрт сөндіру машинасы

Шымкентте жедел жәрдем көлігі апатқа ұшырады: дәрігерлер әріптестерінің жағдайын айтты

55
Оқиға орнына шұғыл жеткен полицейлерге сау-тамтығы қалмаған жеңіл көліктен шыққан өртті сөндіруге тура келген

НҰР-СҰЛТАН, 28 қазан – Sputnik. Шымкент көшелерінің бірінде қос көліктің соқтығысуы салдарынан жедел жәрдемнің екі фельдшерінен бөлек тағы екі адам жарақат алып, ауруханаға түсті. Әріптестері санитар дәрігерлердің жағдайын ауыр деп бағалап отыр.

Зардап шеккендердің барлығы қажетті көмек көрсету үшін жақын маңдағы ауруханаға жеткізілген.

Жол апаты сәрсенбі күні таңертең Бәйтереков көшесінде болды, деп хабарлайды жергілікті otyrar.kz порталы.

Куәгерлердің айтуынша, көліктердің бірі қарсы жолаққа шығып кеткен болуы мүмкін. Өйткені, Toyota Camry жедел жәрдем көлігінің артынан жоғары жылдамдықпен келе жатқан.

Соққының қатты болғаны соншалық, жедел жәрдем көлігі жол жиегіндегі арықтан өтіп барып, тротуарға тоқтаған. Ал Toyota көлігі бірнеше рет аударылғанда, оның жүргізушісі салоннан ұшып кеткен.

Сау-тамтығы қалмаған жеңіл көлікте өрт шыққан. Оқиға орнына шұғыл жеткен полицейлер өрт сөндіргіш құралдары арқылы тілсіз жауды сөндірген.

Оқи отырыңыз: Ер адам жантүршігерлік жол апатынан таңғажайып жағдайда аман қалды – видео

Қазіргі кезде тергеп, тексеру жұмыстары жүргізілуде. Бірқатар сараптамалар тағайындалды. Қос көліктің жүргізушісі алкоголь немесе басқа тыйым салынған заттар бойынша медициналық тексерістен өтіп жатыр.

55
Кілт сөздер:
жедел жәрдем, Шымкент, жол апаты
Тақырып бойынша
Дәрігерлер трактордың астына түскен қызды аман алып қалды
Алматы облысында жантүршігерлік жол апаты болды – видео 
Щучинсктегі жол апаты: министр қаза тапқан полицейлердің отбасына көңіл айтты
Павлодар облысында жантүршігерлік жол апаты бес адамның өмірін қиды
Басына оқ тиген Алматы тұрғыны аман қалды
Олег Ганя

Педофил құрбанына айналған қыздың ағасы Қостанайдан табылды

81
Полицейлердің мәлімдеуінше, ол осы кезге дейін достарымен бірге болған. Қазіргі кезде оның жағдайы бір қалыпты, дансаулығы да жақсы

НҰР-СҰЛТАН, 28 қазан – Sputnik. Қостанай облысында хабар-ошарсыз кетіп, бірнеше күннен бері іздеуде болған Бағаналы ауылының 20 жастағы тұрғыны Олег Ганя табылды, деп хабарлайды облыстық полиция департаментінің баспасөз қызметі.

"Патрульдік полиция батальонының қызметкерлері бірнеше күннен бері іздестіріліп жатқан Олег Ганяны қала орталығынан, вокзал маңындағы аялдамадан тапты. Ол осы кезге дейін достарымен бірге болған. Оның жағдайы бір қалыпты, дансаулығы да жақсы", – делінген хабарламада.

Айта кетейік, бұған дейін педофил қолынан қаза тапқан 7 жасар Виктория Ганяның ағасы жоғалып кеткені хабарланған болатын. Оны іздеуге 60-қа жуық ерікті мен құқық қорғау органдарының өкілдері жұмылдырылған.

Еріктілер Олег Ганяны 2014 жылы кісі қолынан қаза тапқан Виктория Ганяның үлкен ағасы екенін мәлімдеген.

Педофил құрбанына айналған бүлдіршін

Виктория Ганя 2014 жылдың 24 сәуірінде жоғалып кетті. Сол күні онымен бірге ойнаған балалардың айтуынша, оны бейтаныс адам белгісіз бағытқа алып кеткен.

Баланы іздеу бір айға жуық уақытқа созылды. Жеті жастағы Викторияның денесін еріктілер Рудный–Тобыл тас жолы бойындағы қараусыз қалған гараж ғимаратынан тапты.

ДНҚ сараптамасы арқылы қылмыскердің жеке басы анықталды.

Құқық қорғаушылар күдікті Лесниковты ідестіре бастағанда оның түрмеде отырғанын анықтаған. Сөйтсе, ол бұған дейін мерзімінен бұрын бостандыққа шыққанымен, тұрғылықты жері бойынша учаскелік инспектордың тіркеуіне бармай қойған. Сол үшін оған түрмеге қайта отырғызу жазасы қарастырылып, 2014 жылы 29 сәуірде қамады. Ал Виктория Ганя ол қамалардан бес күн бұрын жоғалған.

Оқи отырыңыз: Көкшетауда 13 жастағы қыз жоғалды: полиция жауап алған ер адам өз-өзіне қол жұмсады

Тергеу нәтижелері бойынша Денис Лесниковтың Виктория Ганяны өлтіргені толық дәлелденіп, ол өмір бойына бас бостандығынан айырылды.

81
Кілт сөздер:
табылды, іздеу шаралары, Қостанай облысы
Тақырып бойынша
Павлодарда Volkswagen Passat көлігіне отырған бойжеткен ізім-ғайым жоғалды
Атырауда үйдің ауласындағы әжетханаға кеткен қыз із-түзсіз жоғалды
Шымкентте жас ана мен омыраудағы сәбиі жазатайым оқиғаның құрбаны болды
Әйел мен оның екі баласы ежелгі әдет-ғұрыптың құрбаны болды
Қайрат Нұртас алаяқтардың құрбаны болды
Астана LRT бағандары

Сотта LRT құрылысына жауаптылар миллиардтарды қалай жымқырғаны айтылды

2
Сұлтанбеков пен Ардан қылмыстық топ құрып, LRT құрылысына кететін шығындарды 24 миллиард теңгеге артық көрсеткен

НҰР-СҰЛТАН, 29 қазан – Sputnik. Елорданың қылмыстық істер жөніндегі мамандандырылған ауданаралық сотында LRT құрылысына қатысты сот отырысы басталды, деп хабарлайды Sputnik Қазақстан тілшісі.

Қылмыстық топтың басшылары іздеуде жүр

Сот алдында жеті адам жауап беріп жатыр. Олар – жолаушылар көлігі және автомобиль жолдары басқармасының бұрынғы бастығы Рәшид Аманжолов, Нұр-Сұлтан қалалық мәслихатының бұрынғы хатшысы және депутаты Жанат Нұрпейісов, "Astana Innovations" АҚ экс-басқарма төрағасы Талғат Әшім, сондай-ақ, әртүрлі кәсіпорындардың қызметкерлері Улугбек Ачилов, Тимур Қасабаев, Дулат Мусенов және Дәурен Әбдіхамитов.

Ал елорда әкімінің бұрынғы орынбасары Қанат Сұлтанбеков пен "Астана LRT" ЖШС бұрынғы басшысы Талғат Ардан халықаралық іздеуде жүр. Тергеу материалдарына сәйкес, Сұлтанбеков пен Ардан қылмыстық топ құрып, LRT құрылысына кететін шығындарды 24 миллиард теңгеге артық көрсеткен. Осы қылмысқа әкімдіктің басқарма басшылары, сондай-ақ, шетелдік және отандық компаниялардың өкілдері қатысқан.   

Жалған келісімшарттар жасалған

Бүгінгі процестің басында судья Қажымұқан Мекемтас барлық қатысушының құқықтары мен міндеттерін таныстырды. Ал прокурор Жангелді Есебаев айыптау актісін оқып берді. Оның айтуынша, 2012 жылы елорда әкімінің бұрынғы орынбасары Қанат Сұлтанбеков қылмыстық топ құрып, алдымен Талғат Ардан мен Рәшид Аманжоловпен сөз байласқан. Ал Ардан жақын досы Дәурен Әбдіхамитовты топқа қосылуға көндірген. Ал Сұлтанбеков әрқайсының міндетін анықтап берген.   

"Қылмыстық топтың барлық мүшесі бір-бірін тікелей танымаса да, әрбір сыбайласының мақсат-міндетін білген. Бәрі бір нәтиже – бюджет қаражатын аса ірі көлемде жымқыруды көздеді, соған жұмыс істеді. Мысалы, Аманжолов мемлекеттік органның басшысы ретінде кедергілерді анықтап, қылмысты жасауға жағдай жасаған. Сол үшін тиісті құжаттарды әзірлеп, қол қойып отырған. Соның ішінде ресми хаттар, артық шығындар туралы жобалық-сметалық құжаттар, техникалық-экономикалық негіздемелер, қаржы есептері және тағысын тағы. Осы құжаттардың негізінде бюджеттен ақша бөлінген", - деді Есебаев.

Ал Дәурен Әбдіхамитовқа қылмыстық жоспарды іске асыруға көмектесетін заңды тұлғаларды іздеу міндеті қойылды. Олар мердігер және қосалқы мердігер қызметін атқарған. "Астана LRT" ЖШС бұрынғы басшысы Талғат Ардан болса, техникалық-экономикалық негіздеменің шығындарын артық көрсетіп, мемлекеттік сатып алу конкурстарын өткізіп отырған. Конкурстық комиссияға өзі төрағалық еткен. Содан таныс компаниялардың көмегімен бәсекелестіктің бар екенін көрсетіп, қылмыстық топқа тәуелді заңды тұлғаларға конкурс жеңімпазы атануға жағдай жасаған. Артынан олармен келісімшарт жасалып, шын мәнінде орындалмаған жұмыстар мен қызметтердің актілері рәсімделіпті.

"Осылайша, қылмыстық топтың бақылауында болған ұйымдардың есепшоттарына бюджет қаржысы аударылған. Әбдіхамитов осы ақшаның бір бөлігін қолма-қол шығарып, жалған келісімшарттардың негізінде жымқырып отырған. Сөйтіп, одан кейінгі қаржының талан-таражға салынуына жағдай жасалды", - деп түсіндірді Есебаев.  

Қылмыстық топтың басшысы ауысты

2013 жылы Сұлтанбековтың тапсырмасымен техникалық бақылау және жобалау жұмыстарына француз және испан компаниялары тартылды. Бірақ бірлескен консорциум құру талабы қойылды. Ардан оның мүшелерін өзі таңдады. Шетелдік компаниялардың ішінен сыбайластар та табылды. Олар артық ақшаны қазақстандық компанияларға аударып отыруға көмектескен. Ал отандық кәсіпорындардың құрылтайшылары қылмыстық топ мүшелерінің өздері немесе олардың туыстары болған. Әбдіхамитов әрбір компанияның бас директоры қызметіне өз таныстарын тағайындаған. Олардың ішінде Улугбек Ачилов та бар.   

"Ачилов бұрын Әбдіхамитовтың қол астында жұмыс істеген. Ол - бухгалтерлік есептің шебері. Әбдіхамитов осыны біліп, бұрынғы әріптесін қылмыстық топқа тартқан. Ачилов консорциумның атынан орындалған жұмыстар туралы актілерге қол қойып отырған. Ал бюджет қаражатын алғаннан кейін жалған келісімшарттар арқылы қолды қылған", - дейді Есебаев.

2014 жылдың соңында Қанат Сұлтанбеков өз еркімен жұмыстан кетті. Алайда қылмыстық топтың әрекеті тоқтаған жоқ. Талғат Ардан басқаруды өз қолына алды. 2015-2016 жылдары оның басшылығымен бюджет қаражатын жымқыру жалғаса берді. Ал 2017 жылы шілде айында Арданның өкілеттілігі тоқтатылды. Сол кезде ғана қылмыстық топ тарқап кетті.

"Сұлтанбеков әкім орынбасары қызметінен кеткеннен кейін "Қазақстан инжиниринг" АҚ-ға барды. Сол жерде 2015-2016 жылдары тауарлар мен қызметтерді жеткізуші компаниялардан тұрақты түрде пара алып отырған. Заңсыз ақша әкелгендердің ішінде өзі құрған қылмыстық топтың өкілдері де болды. 2017 жылы ақпан айында Сұлтанбеков қамауға алынды", - деп атап өтті Есебаев.

Бүгінде қылмыстық топ мүшелері 5,8 миллиард теңгені жымқырғаны үшін айыпталып отыр.

Атышулы LRT

2013 жылы Қазақстанның тұңғыш президенті Нұрсұлтан Назарбаев LRT құрылысы тым қымбатқа түсетінін мәлімдеді. Бірнеше жылдан кейін қытайлық инвесторлар келді. Ал 2019 жылы шілде айында Қасым-Жомарт Тоқаев жеңіл рельсті көлік құрылысын сынға алып, осы жобаның тиімділігіне сенбейтінін айтты.

LRT-ның құрылысы 2019 жылдың соңында аяқталады деген жоспар болған. Алайда қытайлық инвесторлар қаржыландыруды тоқтатты. Артынан "Астана банкінде" тағы 200 миллион доллардың бұғатталып қалғаны туралы ақпарат тарады. Биыл наурыз айында Есеп комитеті осы жобаның өзін ақтамайтынын мәлімдеді. 

Қазан айында Нұр-Сұлтан қаласы әкімінің орынбасары Бақтияр Мәкен LRT-ның міндетте түрде аяқталатынын айтты. Қазіргі кезде жергілікті билік инвесторлармен келіссөз жүргізіп жатыр.

2
Кілт сөздер:
қылмыстық топ, Astana LRT
Тақырып бойынша
Нұр-Сұлтан әкімінің бұрынғы орынбасары қашып жүр
Қаржы министрі "ЛРТ" құрылысына қосымша қаржы қайдан тартылатынын айтты
Тоқаев Нұр-Сұлтандағы аса қымбат жобаны сынға алды
Елордадағы LRT-ның ендігі тағдыры не болады?
Тоқаевтың тапсырмасы: Нұр-Сұлтандағы LRT құрылысы қашан аяқталады