Сотталушы

Ақтауда КВН ойыншысын өлтіргендерге сот үкімі шықты

298
(Жаңартылды 19:17 16.11.2018)
Марқұмның туыстары үкіммен келіспей, шағым түсіргелі отыр

АСТАНА, 14 қараша — Sputnik. Маңғыстау облысының қылмыстық істер бойынша мамандандырылған сотында бұрынғы КВН ойыншысы Данияр Әлімбаевтың қазасына байланысты сот үкімі шығарылды.

Жергілікті Inaktau.kz порталы хабарлағандай, КВН ойыншысын өлтірген азамат 15 жылға бас бостандығынан айырылды. Бұдан бөлек марқұмның әйеліне моральдық шығын ретінде үш миллион теңге төлеуге міндеттеледі. 

Қылмысқа қатысы барлар "Бұзақылық" бабы бойынша екі жыл түрмеге қамалады.

Сот оларды Әлімбаевтың отбасына 500 мың теңге өтемақы төлеуге міндеттеді. Сонымен қатар, төбелес кезінде зардап шеккен тағы екі адамға моральдық шығын ретінде берілетін соманы үш сотталушы өзара бөліп төлейді – 100 және 50 мың теңге.

Қаза тапқан КВН ойыншысының туыстары үкіммен келіспей, шағым түсіргелі отыр.

Шабуыл 21 шілдеге қараған түні жасалған. Әлімбаев төбелес болып жатқан жерге кездейсоқ тап болып, аяғынан екі рет пышақ сұғылған. Ол ауыр хәлде ауруханаға жеткізілгенімен, дәрігерлер өміріне араша түсе алған жоқ.

298
Кілт сөздер:
КВН, сот үкімі, қылмыстық іс, кісі өлтіру, Маңғыстау облысы, Ақтау
Тақырып бойынша
Олжас Сүлейменовтің немересінің қазасы: полковниктің қызына сот үкімі шықты
Ақтөбедегі 52 өзбектің өлімі: айыпталушыларға сот үкімі шықты
Денис Тенді өлтіргендерді мақтаған ұстазға қатысты сот үкім шығарды
Сот Денис Теннің өліміне күдіктілерге қатысты шешім қабылдады
Архивтегі фото

Павлодарда ТЖД қызметкері газ баллонын үйден шығарып жатқанда жарылыс болды

607
(Жаңартылды 15:43 27.10.2020)
Үй иесі жарылыс салдарынан күйіп қалды, төтенше жағдайлар департаментінің қызметкері де зардап шекті

АЛМАТЫ, 27 қазан – Sputnik. Павлодар төтенше жағдайлар департаментінің қызметкері Уәлиханов көшесіндегі үйлердің бірінде газ шығып жатқанын естіген бойда көрсетілген мекенжайға аттанған.

Үйде шынымен де ақаулы баллоннан газ шығып жатқан болып шықты. Құтқарушы жарылыстың алдын алу үшін үй иесімен бірге баллонды сыртқа шығаруға шешім қабылдаған.   

"Газ баллонын тасымалдау кезінде газ-ауа қоспасы тұтанып, артынша 40 шаршы метр аумақтағы тұрмыстық заттар өртенген. Оқиға орнында 8 адам болды", - деп хабарлады төтенше жағдайлар министрлігі.

Күйіп қалған 1957 жылғы үй иесі ауруханаға түсті. Төтенше жағдайлар департаментінің қызметкері Сабыржан Тастембеков те зардап шекті – оның беті мен аяқ-қолының 8%-ін күйік шалған.

Ауызашарға тамақ пісіріп жатқан: Шымкентте дәмхана қожайыны мен немересі көз жұмды

Оқиға орнына келген өрт сөндірушілер 83 жастағы әйелді үйден шығарып үлгерді. Оған медициналық көмек қажет болмады. Өртті сөндіруге 18 қызметкер мен 5 техника қатысты.  

607
Кілт сөздер:
Павлодар, жарылыс, газ баллоны
Тақырып бойынша
Нұр-Сұлтанда ГАЗель жарылды – видео
Шымкентте бір отбасы газдан уланып қайтыс болды
Ақтөбеде газ жарылды: зардап шеккендер бар
Солтүстік Қазақстанда үйден ағалы-інілі екі ер адамның денесі табылды
Сәбидің қолы

Балқаш ауруханасында екі жасар бала көз жұмды

334
(Жаңартылды 14:30 27.10.2020)
Баланың қабағы ісіп кеткен соң анасы дәрігерлер көмегіне жүгінген. Олар бәрі қалыпты жағдайда деп баланы үйіне жіберді, кейін оның жағдайы нашарлап кетті

НҰР-СҰЛТАН, 27 қазан — Sputnik. Балқаш ауруханасында екі жасар бала көз жұмды. Анасының айтуынша, дәрігерлер баланы үйге жіберген. Кейін үйде жағдайы нашарлап кетті.

Анасы 23 қазанда баласымен ауруханаға барғанын айтты. Өйткені оның қабағы ісіп кеткен.

"Дәрігерлер тексеріп, сынама алды. Бәрі қалыпты жағдайда деп үйге жіберді. Медбике ауруханаға жатудан бас тартқаным туралы қағазға қол қоюымды сұрады", - деді Маргарита Ивлева Liter-ге.

Алайда дәл сол күні бала қатты мазасызданып, жылап, ерні көгеріп кеткен. Жедел жәрдем балалар ауруханасына жеткізді. Анализден соң қалалық аурухананың диагностикалық орталығына апарды.

"Ұлым аяғын ішіне басып қатты жылады. Дәрігерлер ешқандай процедура жасаған жоқ. Мен талап еткен соң ғана жансақтау бөліміне ауыстырды", - дейді анасы.

29 қазан күні таңертең бала жансақтау бөлімінде көз жұмды. Бұған дейін медицина қызметкерлері баланың жағдайы қалыпты екенін айтқан. Анасы УЗИ жасауды сұрағанда, дүйсенбі жасалатынын жеткізген. 

"Балам дүйсенбіге дейін көз жұмды. Үш дәрігер шығып, баланы құтқара алмағанын айтты. Қант көрсеткішінің күрт өзгеруі салдарынан миы ісініп кеткен", - деді анасы.

Оның айтуынша, баланың созылмалы сырқаттары болмаған.

Балқаш орталық ауруханасында қайғылы оқиғаға қатысты тексеріс басталғанын хабарлады.

"Баланың анасы мен жақындарына қайғырып көңіл айтамыз. Оқиғаға қатысты қызметтік тексеріс басталды. Сот-медициналық сараптама қорытындысы баланың анасына хабарланады. Балаға медициналық көмек көрсету кезінде дәрігерлер қызметін тиісті дәрежеде атқармағаны анықталса, заңға сәйкес жазаға тартылады", - деді орталық аурухана әкімшілігі.

Тексеріске облыстық денсаулық сақтау басқармасының мамандары жұмылдырылады.

334
Кілт сөздер:
бала, аурухана, Балқаш
Тақырып бойынша
Шығыс Қазақстанда 4 бала ауруханада көз жұмды
Қостанай облысында 7 жасар бала полициядан қашқан әкесінің көлігінде көз жұмды
Ойнап жүрген: Қостанай облысында екі кішкентай бала көз жұмды
Алматыда арықтан жаңа туған сәби табылды
Елімізде "Аңсаған сәби" бағдарламасы іске қосылады
Антисептик и отметки на партах в школьном классе для соблюдения социальной дистанции

Екінші тоқсанда 1,2 миллион оқушы мектепке барып оқиды

0
(Жаңартылды 17:44 27.10.2020)
Республикада барлығы 3,4 миллион оқушы бар, олардың басым бөлігі – 2,2 миллионы қашықтан оқуды жалғастырады

НҰР-СҰЛТАН, 27 қазан – Sputnik. Қазақстанда екінші тоқсанда мектепке барып оқитын оқушылардың саны артады, деп хабарлады білім және ғылым министрлігі.

Екінші тоқсанда екі формат бойынша білім алатын балалардың болжамды саны:

  • қашықтан оқыту форматында – 2,2 миллион;
  • дәстүрлі форматта – 1,2 миллион, оның ішінде:

- 800 мыңнан астам бала кезекші сыныптарда (1-5 сынып),

- шағын жинақты 4010 мектепте 434 мың оқушы,

-13 халықаралық мектепте 3 мыңға жуық бала (1-7 сынып) оқиды.

Қазіргі күні Қазақстанда 3,4 миллион бала білім алып жатыр: қашықтан оқыту форматында – 2,4 миллион; дәстүрлі форматта – 953 мың, оның ішінде 647 мың бала кезекші сыныптарға (1-4 сынып), шағын жинақты 3047 мектепке 306 мың оқушы барып жүр.

Еске сала кетейік, 26 қазанда премьер-министр Асқар Мамин коронавирус инфекциясының таралуына жол бермеу жөніндегі ведомствоаралық комиссияның селекторлық отырысын өткізді. 

Оқи отырыңыз: Екінші тоқсаннан бастап қандай мектептер дәстүрлі форматқа көшеді? 

Комиссия бірқатар шешім қабылдады: атап айтқанда екінші тоқсаннан бастап оқушылар саны 300-ге жетпейтін қала және ауыл мектептері дәстүрлі форматқа көшірілетін болды. Ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

0