Шымкентте мектептен келе жатқан 7 жасар қыз қайғылы жағдайға ұшырады
(Жаңартылды 16:12 15.12.2018)
Шымкентте оқушыны көлік қағып өлтірді. Оқиғаның қалай болғанын 1992 жылы туған жүргізушінің өзі түсіндіріп бердіАСТАНА, 30 қараша — Sputnik. Шымкенттегі Гагарин көшесінің бойында жантүршігерлік жол апаты болды. 7 жасар қызды жүк көлігі қағып кетті. Жеткіншек оқиға орнында тіл тартпай кетті.
Қайғылы оқиға түскі сағат 15:00 шамасында болған. "Рено" маркалы жүк көлігін жас жігіт жүргізген. Ал жеткіншек жаяу жүргіншілер жолағынан өтпек болған. Мектептен үйіне келе жатқан көрінеді.
Перзентінің денесін көрген анасына да дәрігерлердің көмегі қажет болды. Қыз бала отбасындағы үш перзенттің бірі екен, деп жазды otyrar.kz.
Жол-көлік оқиғасы болған жерге жүргізушінің де туыстары келді. Шымкент қалалық полиция департаментінің жол-көлік апатын тергейтін анықтаушылары шұғыл түрде жұмысына кірісті.
Тәртіп сақшыларына оқиғаның қалай болғанын 1992 жылы туған жүргізушінің өзі түсіндіріп берді.
Қазіргі уақытта сотқа дейінгі тергеп-тексеру амалдары басталды.
Айта кетейік, мұндай жағдай алғаш рет болып отырған жоқ. Оқу жылы басталғалы Шымкентте осыған ұқсас он шақты оқиға болған.
Атырау облысында үйден 4 адамның мәйіті табылды
(Жаңартылды 10:19 06.03.2021)
Трагедия Атырау облысы Махамбет ауданы Ақтоғай ауылында болған. Қайтыс болғандардың үшеуі ересек, біреуі бес жасар бала екені хабарланып отыр АЛМАТЫ, 6 наурыз – Sputnik. Аудандық өрт сөндіру қызметіне 5 наурыз, жұма күні хабар түсті. Оқиға орнына жеткен қызметкерлер төрт адамның мәйітін тапты, деп хабарлайды "Ақ жайық".
Трагедия Атырау облысы Махамбет ауданы Ақтоғай ауылында болған. Облыстық төтенше жағдайлар департаменті 1974, 1991 жылы туған ер адамдар мен 1977 жылғы әйел және 2016 жылы туған қыздың денесі табылғанын хабарлады.
Қазіргі уақытта төтенше жағдайлар бөлімінің және құқық қорғау органдарының қызметкерлері оқиға орнында жұмыс істеп жатыр. Алдын ала болжам бойынша иіс тиіп уланған.
Болған жағдайдың мән-жайы қосымша хабарланатын болады.
Еске сала кетсек, 19 ақпанда Жамбыл облысындағы Жаңатаста 3-қабаттағы пәтерде өрт шығып бес бала көз жұмған болатын. 2015, 2016, 2017, 2019 және 2020 жылдары туған екі ұл мен үш қыз ересектер қарауынсыз қалған.
Өрт салдарынан балалар иіс тиіп уланып, ауруханаға жеткізілді. Алайда аман алып қалу мүмкін болмады.
Кілт сөздер:
Қара түтін қаптады: өрт сөндірушілер Нұр-Сұлтанның сол жағалауына шұғыл жетті – видео
НҰР-СҰЛТАН, 5 наурыз – Sputnik. Елордада "Халықаралық сауда орталығы" тұрғын үй кешені ғимаратында өрт шықты.
"5 наурыз күні сағат 11.48-де өрт сөндіру бөлімнің қызметкерлері шұғыл түрде Достық көшесінде орналасқан "Избушка" дәмханасына аттанды", – делінген астаналық төтенше жағдайлар департаментінің хабарламасында.
Үш техника мен 13 қызметкер оқиға орнына келгенде "Дастархан" дәмханасының ішіндегі ас бөлме мен желдету жүйесінде өрт шыққаны анықталды.
Оқи отырыңыз: Өрт сөндіруші көз жұмды: Ақсуда қайғылы оқиғаның қалай болғаны айтылды
Желіде жарияланған видеода қою қара түтін мен өрт сөндірушілердің тілсіз жаумен күресіп жатқанын көрінеді.
Мамандардың айтуынша, өрт сағат 12.10-да оқшауланған.
Кілт сөздер:
Қазақстанның 12 өңірінде дабылды ескерту жарияланды – ертеңге ауа райы болжамы
НҰР-СҰЛТАН, 6 наурыз – Sputnik. Синоптиктердің болжамынша, республиканың басым аумағында көктайғақ, жаңбыр және бұрқасын, сондай-ақ тұман болады.
Дабылды ескерту
Атырау облысында тұман түседі, көктайғақ болады. Желдің жылдамдығы секундына 20 метрге дейін жетеді.
Жамбыл облысында тұман мен көктайғақ болжануда. Желдің күші секундына 20 метрге дейін барады.
Түркістан облысында қалың тұман түседі.
Ақтөбе облысында бұрқасын, көктайғақ, тұман, қатты жел болады.
Павлодар облысында кей жерлерде бұрқасындатып, тұман түседі, көктайғақ күтілуде.
Қарағанды облысында – тұман және көктайғақ.
Қызылорда облысында тұман түсіп, 15-20 м/с жел соғады.
Маңғыстау облысында да тұман және 15-20 м/с жел болжанып отыр.
Ақмола облысында тұман, көктайғақ және бұрқасын болады.
Батыс Қазақстан облысында қатты жел тұрып, тұман басады, бұрқасын соғады, көктайғақ болады.
Солтүстік Қазақстан облысында – қар, жаңбыр, тұман және көктайғақ.
Қостанай облысында бұрқасын, тұман және көктайғақ болады.
Мегаполистердегі ауа райы
Нұр-Сұлтанда күн бұлтты, түнде ауа температурасы -2-4°C, күндіз 0+2°C. Желдің жылдамдығы – секундына 15-20 метр.
Алматыда күн бұлтты, сынап бағанасы түнде 0+2°C, күндіз +10+12°C көрсетеді.
Шымкентте ауа райы жауын-шашынды. Желдің екпіні секундына 13 метрге дейін барады, ауа температурасы түнде +2+4°C, күндіз +7+9°C.
Кілт сөздер: