Қуыршақ

Ақтаулық қыздарды әкесі досымен бірге ұзақ уақыт зорлап келгені анықталды

16326
(Жаңартылды 08:14 30.01.2019)
Бұл сұмдық оқиғаны зорлық құрбандарына жәрдемдесіп жүрген еріктілер әшкереледі

АСТАНА, 29 қаңтар — Sputnik. Көпбалалы отбасында ұзақ жылдар бойы қорлық көрген қыздардың тағдыры бүкіл Ақтау халқын дүр сілкіндірді. Бұл хабар туралы жергілікті "Клуб добряков" еріктілері хабарлап, БАҚ-тан көмек сұраған.

Қаңтар айының соңында көппәтерлі үйден өрт шығады. Баспанасыз қалған тұрғындарға көмектесіп жүрген еріктілер көпбалалы анадан қандай жәрдем керек деп сұрағанда, әйел материалдық көмек қажет емес екенін айтып, бірақ зорлық құрбаны болған он төрт, он екі және он жастағы қыздарына психолог тауып беруді өтініпті. Қыздардың кенжесі – кішкентайынан жарымжан.

"Нашар отбасыда" болған сұмдықты көршілер де, мектептегілер де білген екен, алайда ешкім ешқандай шара қолданбаған.

Педофил әке

Бұл оқиға жайлы Ақтау тілшілері жазды. Қыздардың анасы 13 жасында жетім қалған. Сол кезде оны ата-анасының құрбысы – 26 жастағы ересек ұлы бар әйел қамқорлығына алыпты.

"Көп ұзамай жігіт жасөспірім қызды зорлап, ол 14 жасында тұңғышын, 16 жасында ортаншы қызын дүниеге әкеледі. Кейін басқа ер адаммен көңіл қосып, тағы бір жарымжан қызды өмірге әкелген. Содан соң үлкен қыздарының әкесіне қайта оралып, ұл бала босанады. Кейін төрт перзентін әкесіне тастап кетіп, жақында ғана бала-шағасын өз қолына алыпты", — деп жазды ИнАктау басылымы.

Әкесі пәтер жалдап тұратын досымен бірге бірнеше рет зорлағаны туралы анасына қыздардың өзі айтып берген.

Дәрігер зорлық жасалғанын растады

Қыздардың анасы еріктілердің қолдауымен ғана көмек сұрауға бел буыпты. Олар жасөспірімдерді емханаға апаруға жәрдемдескен.

"Қорытындыда 14, 12 және 10 жастағы үш қыздың да пәктігі жоқ екені жазылған. Үлкен қызым алғаш рет тоғыз жасында зорланыпты. Ал кенжем – 2018 жылдың желтоқсанында. Балалардың қынабы мен анал тесігіне зақым келген", — деп анасы тілшілерге дәрігердің қорытындысын айтып берді.

Үлкен қыздар әкесінің зорлағанын айтса, кенжесі пәтер жалдап тұрушыны көрсетіпті.

Полиция арызды қабылдағысы келмеді

Дәрігердің қорытындысын алып Мұнайлы аудандық ішкі істер бөліміне барған әйелді құқық қорғаушылар шетқақпайлап, онымен қоймай үлкен қызына қысым көрсеткен.

"Бастапқыда арызды қабылдағысы келмеді. Кейін жеке емхана дәрігерінің қорытындысы айғақ бола алмайды, сатып алынған болуы мүмкін деді. Кабинетке сегіз полицей жиналып, үлкен қызыма қысым көрсетіп, дөрекі сұрақтар қоя бастады. Қызым қорқып, одан бетер тұйықталып кетті", — дейді Ирина портал тілшісіне.

Көршілері үндемей келген

Еріктілер ақпарат жинауға тырысқанда, педофилдің көршілері бар шындықты жайып салыпты. Ер адам балаларға тамақ бермей, ұрып-соғып, зорлаған. Қыздар оқитын мектептегілер де отбасында болып жатқан жайттарды білсе де, араласқысы келмеген көрінеді.

Қыздармен психолог жұмыс істейді

Тергеу жүріп жатқан кезде "Мейірім"  атты кәмелеттік жасқа толмаған құрбандар мен қылмыс куәгерлеріне жәрдем көрсету орталығы қыздарға психологиялық көмек көрсететін болады.

"Бізге "Клуб добряков" еріктілері хабарласып, болған жайтты түсіндіріп, әрі қарай не істеу керектігін сұрады. Мен әуелі полицияның әйелдер мен балаларды қорғау бөліміне хабарласып, осы деректерді тексеруді сұрадым. Олар маған әлі қоңырау шалған жоқ. Бірақ қалай болғанда да қол ұшын береміз, қыздарға біздің орталықта психологиялық жәрдем көрсетіледі", — деді орталық басшысы Александр Муха Sputnik Қазақстан тілшісіне.

Sputnik Қазақстанға полицияның берген мәліметі бойынша, әйел адамның арызы қабылданып, қылмыстық іс қозғалған.

16326
Кілт сөздер:
қызды зорлау, әке, педофил, Ақтау
Тақырып бойынша
Олимпиада чемпионы бапкерін төрт жыл бойы зорлап келді деп айыптады
Шымкентте мектептен үйге келе жатқан оқушы қызды зорлап кетті
Жалғызбасты ана қызын зорлап жатқан үш еркекті жайратып салды
Қазақстанда жұмыс істеп жүрген ерлі-зайыптының 5 жасар қызын зорлап кетті
10 жасар туған қызын аяусыз зорлап келген павлодарлыққа үкім шықты
Ордабасыда үш жасар қызды зорлап өлтірді: әкесі күдікке ілінді
Апатқа ұшыраған жедел жәрдем көлігі мен өрт сөндіру машинасы

Шымкентте жедел жәрдем көлігі апатқа ұшырады: дәрігерлер әріптестерінің жағдайын айтты

55
Оқиға орнына шұғыл жеткен полицейлерге сау-тамтығы қалмаған жеңіл көліктен шыққан өртті сөндіруге тура келген

НҰР-СҰЛТАН, 28 қазан – Sputnik. Шымкент көшелерінің бірінде қос көліктің соқтығысуы салдарынан жедел жәрдемнің екі фельдшерінен бөлек тағы екі адам жарақат алып, ауруханаға түсті. Әріптестері санитар дәрігерлердің жағдайын ауыр деп бағалап отыр.

Зардап шеккендердің барлығы қажетті көмек көрсету үшін жақын маңдағы ауруханаға жеткізілген.

Жол апаты сәрсенбі күні таңертең Бәйтереков көшесінде болды, деп хабарлайды жергілікті otyrar.kz порталы.

Куәгерлердің айтуынша, көліктердің бірі қарсы жолаққа шығып кеткен болуы мүмкін. Өйткені, Toyota Camry жедел жәрдем көлігінің артынан жоғары жылдамдықпен келе жатқан.

Соққының қатты болғаны соншалық, жедел жәрдем көлігі жол жиегіндегі арықтан өтіп барып, тротуарға тоқтаған. Ал Toyota көлігі бірнеше рет аударылғанда, оның жүргізушісі салоннан ұшып кеткен.

Сау-тамтығы қалмаған жеңіл көлікте өрт шыққан. Оқиға орнына шұғыл жеткен полицейлер өрт сөндіргіш құралдары арқылы тілсіз жауды сөндірген.

Оқи отырыңыз: Ер адам жантүршігерлік жол апатынан таңғажайып жағдайда аман қалды – видео

Қазіргі кезде тергеп, тексеру жұмыстары жүргізілуде. Бірқатар сараптамалар тағайындалды. Қос көліктің жүргізушісі алкоголь немесе басқа тыйым салынған заттар бойынша медициналық тексерістен өтіп жатыр.

55
Кілт сөздер:
жедел жәрдем, Шымкент, жол апаты
Тақырып бойынша
Дәрігерлер трактордың астына түскен қызды аман алып қалды
Алматы облысында жантүршігерлік жол апаты болды – видео 
Щучинсктегі жол апаты: министр қаза тапқан полицейлердің отбасына көңіл айтты
Павлодар облысында жантүршігерлік жол апаты бес адамның өмірін қиды
Басына оқ тиген Алматы тұрғыны аман қалды
Олег Ганя

Педофил құрбанына айналған қыздың ағасы Қостанайдан табылды

81
Полицейлердің мәлімдеуінше, ол осы кезге дейін достарымен бірге болған. Қазіргі кезде оның жағдайы бір қалыпты, дансаулығы да жақсы

НҰР-СҰЛТАН, 28 қазан – Sputnik. Қостанай облысында хабар-ошарсыз кетіп, бірнеше күннен бері іздеуде болған Бағаналы ауылының 20 жастағы тұрғыны Олег Ганя табылды, деп хабарлайды облыстық полиция департаментінің баспасөз қызметі.

"Патрульдік полиция батальонының қызметкерлері бірнеше күннен бері іздестіріліп жатқан Олег Ганяны қала орталығынан, вокзал маңындағы аялдамадан тапты. Ол осы кезге дейін достарымен бірге болған. Оның жағдайы бір қалыпты, дансаулығы да жақсы", – делінген хабарламада.

Айта кетейік, бұған дейін педофил қолынан қаза тапқан 7 жасар Виктория Ганяның ағасы жоғалып кеткені хабарланған болатын. Оны іздеуге 60-қа жуық ерікті мен құқық қорғау органдарының өкілдері жұмылдырылған.

Еріктілер Олег Ганяны 2014 жылы кісі қолынан қаза тапқан Виктория Ганяның үлкен ағасы екенін мәлімдеген.

Педофил құрбанына айналған бүлдіршін

Виктория Ганя 2014 жылдың 24 сәуірінде жоғалып кетті. Сол күні онымен бірге ойнаған балалардың айтуынша, оны бейтаныс адам белгісіз бағытқа алып кеткен.

Баланы іздеу бір айға жуық уақытқа созылды. Жеті жастағы Викторияның денесін еріктілер Рудный–Тобыл тас жолы бойындағы қараусыз қалған гараж ғимаратынан тапты.

ДНҚ сараптамасы арқылы қылмыскердің жеке басы анықталды.

Құқық қорғаушылар күдікті Лесниковты ідестіре бастағанда оның түрмеде отырғанын анықтаған. Сөйтсе, ол бұған дейін мерзімінен бұрын бостандыққа шыққанымен, тұрғылықты жері бойынша учаскелік инспектордың тіркеуіне бармай қойған. Сол үшін оған түрмеге қайта отырғызу жазасы қарастырылып, 2014 жылы 29 сәуірде қамады. Ал Виктория Ганя ол қамалардан бес күн бұрын жоғалған.

Оқи отырыңыз: Көкшетауда 13 жастағы қыз жоғалды: полиция жауап алған ер адам өз-өзіне қол жұмсады

Тергеу нәтижелері бойынша Денис Лесниковтың Виктория Ганяны өлтіргені толық дәлелденіп, ол өмір бойына бас бостандығынан айырылды.

81
Кілт сөздер:
табылды, іздеу шаралары, Қостанай облысы
Тақырып бойынша
Павлодарда Volkswagen Passat көлігіне отырған бойжеткен ізім-ғайым жоғалды
Атырауда үйдің ауласындағы әжетханаға кеткен қыз із-түзсіз жоғалды
Шымкентте жас ана мен омыраудағы сәбиі жазатайым оқиғаның құрбаны болды
Әйел мен оның екі баласы ежелгі әдет-ғұрыптың құрбаны болды
Қайрат Нұртас алаяқтардың құрбаны болды
тор, архив

Сенаторлар түрмеде жазасын өтеп жатқандарға жұмыс тауып беруді сұрады

2
Тұтқындарды жұмыспен қамту еңбек дағдыларын дамытумен қатар, жәбірленушілерге келтірген зиянды төлеуге ақша табуға, сондай-ақ отбасына қаржылық көмек көрсетуге мүмкіндік береді, деп санайды депутаттар

НҰР-СҰЛТАН, 29 қазан – Sputnik. Сенаттың бір топ депутаты абақтыда жазасын өтеп жатқан тұтқындарды жұмыспен қамту мәселесін шешуді сұрады, деп хабарлайды Sputnik Қазақстан тілшісі.

Депутат Владимир Волковтың айтуынша, қылмыстық саясатты ізгілендірудің арқасында Қазақстанда түрме халқы 30 мың адамға дейін азайды. Ал түрме рейтингі бойынша еліміз әлемде 100-орында тұр.

Десе де, қабылданған шараларға қарамастан, бас бостандығынан айыру орындарында бірқатар мәселе әлі де шешімін таппаған. Солардың бірі – сотталғандарды жұмыспен қамту.

"Бүгінде түрмелерде сотталғандардың 30 проценті ғана жұмыс істейді. Ескірген өндірістік инфрақұрылым, оның ішінде қазіргі заманғы өндірістік қуаттардың болмауы, қомақты қаржы салудың қажеттігі, сондай-ақ, режимдік объектілердің жағдайы кәсіпкерлердің колонияда бизнесті дамытуға деген қызығушылығын оятпайды", - дейді мәжілісмен.

Волков тұтқындарды жұмыспен қамту еңбек дағдыларын дамытумен қатар, оларға талап-арыздарды өтеу және жәбірленушілерге келтірген зиянды төлеуге ақша табуға, сондай-ақ өз отбасына қаржылық көмек көрсетуге мүмкіндік береді деп санайды.

Депутат бас бостандығынан айыру түріндегі жазаны тиімді орындау және олармен жеке жұмысты ұйымдастыру үшін қамаудағыларды камерада ұстау қажет екенін атап өтті. Айтуынша, жұмыс істеп тұрған 66 түзеу мекемесінің тек 9-ында ғана камерада ұстауға жағдайы бар.

"Халықаралық стандарттардың басты талабы – отрядтық ұстаудан камералық жағдайға көшу. Түзету колонияларының көпшілігі өткен ғасырдағы кеңестік құрылыстың мұрасы болып табылады, ондағы барақ тәрізді жатақхана үлгісіндегі бір бөлмеде 100-120 адам тұрады. Ғимараттар мен құрылыстардың жай-күйін ескере отырып, 42 түзеу мекемесі қайта жаңартуды талап етеді", - деді мәжілісмен.

Сондай-ақ, сенаторлар түзету мекемелеріне бейнебақылау камераларын орнату қажет екенін айтты. Бүгінде түрмелердің небәрі 30%-ті ғана бейнекамералармен қамтылған.

Бұдан бөлек, Волков сотталғандарды медициналық көмекпен қамтамасыз ету проблемасына ерекше назар аударды.

Сенат депутаттары премьер-министрден бас бостандығынан айыру орындарындағы өзекті мәселелерді шешу үшін тиісті шаралар қабылдауды сұрады.

2