Ойыншықтар

Астанадағы қайғылы оқиға: өрттен қаза болған бес баланың отбасы туралы белгілі болды

18507
(Жаңартылды 17:27 04.02.2019)
Астанада жойқын өрт салдарынан бір үйдің бес баласы ажал құшты

АСТАНА, 4 ақпан – Sputnik. Дүйсенбіге қараған түні Астанада қайғылы оқиға болды. Жер үйлердің бірінде шыққан жантүршігерлік өрт салдарынан бір отбасының 5 баласы қаза болды, деп хабарлайды Sputnik Қазақстан.

Қаза тапқан балалардың анасы пластикалық карталар шығаратын зауытта істейді, ал әкесі, жұмыспен қамту және әлеуметтік қорғау басқармасының мәліметіне сәйкес, техникалық қызмет көрсету станциясының (СТО) жұмысшысы.

Отбасы тұрмысы нашар тұрғындар арасында тіркелмеген – жергілікті атқару органдарынан ешқашан көмек сұрамапты, баспана кезегінде де жоқ. Бірақ көпбалалы отбасы ретінде жәрдемақы алып отырған.

Астанада тұрып жатқандарына 10 жылдың жүзі болыпты.

Қаза тапқан балалардың бәрі – қыздар. 2006 және 2009 жылы туған екі қыз елордалық мектептердің бірінде төртінші және алтыншы сыныпта оқыған.

Бес жасар қыз мемлекеттік балабақшаға барады. Ал 2016 жылғы сәби балабақша кезегіне тіркелген.

Отбасының кенжесі – 2018 жылы туған сәби небәрі үш айлық екен.

Мектеп тарапынан отбасыға мемлекеттік көмек аясында қолдау көрсетіліпті. Мұғалімдердің айтуынша, қаза тапқан балалар сабақтан қалмайтын, тәртіптері жақсы, жайдары қыздар болған.

Жеке тұрғын үй аумағында орналасқан "времянкада" шыққан өрттің себебі әлі анықталған жоқ.

Астанада бес бала өртеніп кеткен үй
© Photo : ҚР ІІМ төтенше жағдайлар комитеті
Астанада бес бала өртеніп кеткен үй

Белгілі болғандай, бұл факті бойынша қылмыстық кодекстің 202-бабы 3-бөлімі (Бөтеннің мүлкін қасақана жою немесе бүлдіру) бойынша сотқа дейінгі тергеу жүргізіліп жатыр. Қажетті сараптамалар тағайындалды. Тергеу барысы Астана полициясы департаменті басшылығының бақылауында.

Естеріңізге сала кетсек, 4 ақпанға қараған түні Көктал-1 тұрғын үй алабында алапат өрт болды. Төтенше оқиға салдарынан бір отбасының бес баласы қаза тапты. Өрт кезінде ата-анасы жұмыста болған

18507
Кілт сөздер:
ата-ана, отбасы, өрт, Астана
Тақырып:
Бес баланың қазасы (22)
Тақырып бойынша
Түнде Ақтауда ірі өрт болды
Астана жатақханаларының бірінде өрт болды
Павлодарда өрт кезінде сегіз жасар қыз қаза тапты
Шығыс Қазақстанда жойқын өрт екі сәбидің өмірін жалмады
Бектас-Қоныс кен орнында өрт шығып, үш адам қаза болды

Қызылорда облысында қайғылы оқиға болды - үш адамның мәйіті табылды

2571
(Жаңартылды 13:08 01.12.2020)
Төтенше оқиға "Бектас-Қоныс" кен орнында болды, өрт шыққан контейнер типті жатақханада отыз адам тұрып жатқан

АЛМАТЫ, 1 желтоқсан – Sputnik. Қызылорда облысы Сырдария ауданында "Бектас-Қоныс" кен орнында өрт шығып, үш жұмысшы қаза болды. Бұл туралы төтенше жағдайлар министрлігінің баспасөз қызметі хабарлады.

1 желтоқсанда сағат 01.34-те "Қызылорда-Құмкөл" тас жолының 108 шақырымында "Бектас-Қоныс" кен орнында жұмысшыларға арналған контейнер типті жатақханада өрт шыққан. От шарпыған жердің аумағы – 1450 шаршы метр.

На месторождении  Бектас-Коныс произошел пожар, погибли трое рабочих
© Photo : Пресс-служба министерства по чрезвычайным ситуациям
"Бектас-Қоныс" кен орнында өрт шығып, үш адам қаза болды

Жатақхананың жалпы аумағы 2500 шаршы метрді құрайды. Аумақта 100 контейнер орналасқан, оның 48-і өртенді.

Өрт сағат 06.40-та толық сөндірілді.

"Оқиға орнынан 3 адамның мәйіті табылды. Алдын ала болжам бойынша, олар 1967, 1985, 1970 жылы туған жұмысшылар. Ол жерде барлығы 30 жұмысшы тұрған. Оның 27-сі өрт шыққан жерден 19 шақырым  жердегі асханаға орналастырылды", - делінген министрлік таратқан ақпаратта.

Оқиға орнына төтенше жағдайлар департаментінің 19 қызметкері мен 3 техникасы, "ПОЖМонтажҚұрылыс" ЖШС мемлекеттік емес өртке қарсы қызметінің 9 жұмысшысы мен 2 техникасы, "ПетроҚазақстанҚұмкөлРесурсы" ЖШС мемлекеттік емес өртке қарсы қызметінің 3 қызметкері мен 1 техникасы жұмылдырылды.

На месторождении  Бектас-Коныс произошел пожар, погибли трое рабочих
© Photo : Пресс-служба министерства по чрезвычайным ситуациям
"Бектас-Қоныс" кен орнында өрт шығып, үш адам қаза болды
2571
Кілт сөздер:
мәйіт, Қызылорда облысы
 Архивтегі фото

Шығыс Қазақстанда екі адам тірідей өртеніп кетті

451
Өртенген үйден өрт сөндірушілер 1948 жылы туған ерлі-зайыптының денесін тапты. Жалын 70 шаршы метрді аумаққа шарпыған

НҰР-СҰЛТАН, 30 қараша – Sputnik. Шығыс Қазақстан облысында егде жастағы ер адам мен әйел өз үйінде өрттен көз жұмды. Алдын ала мәлімет бойынша өртке сөндірілмеген темекі себеп болған, деп хабарлады өңірдің ТЖД.

Посмотреть эту публикацию в Instagram

Публикация от Shygys Qazaqstan oblysynyn TJD (@shygysqaz_tjd)

Белоусовка елді мекеніндегі Мир көшесінде орналасқан жеке үйден өрт шыққаны туралы ақпарат дүйсенбі күні таңертең түскен.

Құтқару бөлімшелері келген кезде төбе жабыны, қабырға, жиһаз, тұрмыстық техника және жеке заттар жанып жатқанын көрген. Өртеніп жатқан үйден өрт сөндірушілер 1948 жылы туған ер адам мен оның өзімен жасты әйелінің мәйітін тапты.

Таразда ер адам әжесі мен әкесін құтқарамын деп өзі де көз жұмды

Құтқарушылар үйден екі газ баллонын шығарды. Өртті жеке құрамның тоғыз адамы мен бес арнайы техника сөндірді. Жалын 70 шаршы метрді аумаққа шарпыған.

Алдын ала мәлімет бойынша өрт сөндірілмеген темекіден шыққан, деп атап өтті ТЖД.

Ведомство жыл басынан бері жеке тұрғын үй секторында өрттен 46 адам көз жұмғанын хабарлады. Қайғылы оқиғаларға көбіне өрт қауіпсіздігі ережелерін сақтамау себеп болады.

451
Кілт сөздер:
Шығыс Қазақстан, зейнеткер, өрт
Тақырып бойынша
Өрттен қашқан алматылық балконнан құлап кетті
Министр өңірлерде неге өрт жиілегенін айтты 
Алматыда базар өртенді – видео
Талғарда жеке тұрғын үйде үш адам көз жұмды
Нұр-Сұлтанда дәмханада қайтыс болған адамның отбасына 1 млн теңге төленеді
Орталық сайлау комиссиясының ғимараты

ОСК мәжіліс сайлауына "Nur Otan"партиясы кандидаттарының тізімін тіркеді

0
"Nur Otan" партиясының тізімінде 126 адам бар. ОСК кандидаттардың заң талаптарына сәйкестігіне тексеру жүргізді

НҰР-СҰЛТАН, 2 желтоқсан – Sputnik. Қазақстанның орталық сайлау комиссиясы мәжіліс сайлауына "Nur Otan"партиясы кандидаттарының тізімін тіркеді, деп хабарлайды Sputnik Қазақстан.  

"Nur Otan" партиясы парламент сайлауына кандидаттарды ұсыну туралы құжаттарды Орталық сайлау комиссиясына 2020 жылдың 26 қарашада ұсынды.

Оқи отырыңыз: "Ақ жол" партиясы мәжіліс депутаттығына кандидаттар тізімін жариялады 

"Nur Otan" партиясының тізімінде 126 адам бар. Оның 40-ы әйелдер мен жиырма тоғыз жасқа толмаған жастар, олар тізімге енгізілгендердің жалпы санының 31,7 процентін құрайды. Уәкілетті органдар ұсынған мәліметтер негізінде Орталық сайлау комиссиясы мәжіліс депутаты болып сайлану үшін партиялық тізімге енгізілген адамдардың Конституция мен "ҚР сайлау туралы заңы" талаптарына сәйкестігіне тексеру жүргізді", - деп атап өтті ОСК мүшесі Асылбек Смағұлов отырыс барысында.

Тексеріс нәтижесінде партиялық тізімге енгізілген барлық адам заң талаптарына сай келетіні белгілі болды.  

Осыған байланысты, Орталық сайлау комиссиясының мүшелері "2021 жылдың 10 қаңтарына белгіленген Қазақстан Республикасы парламенті мәжілісі депутаттарының кезекті сайлауында "Nur Otan" партиясының партиялық тізімін тіркеу туралы" қаулы қабылдады.

0
Кілт сөздер:
сайлау, Мәжіліс
Тақырып бойынша
Қазақстанда жаңа саяси партия құрылып жатыр – депутат Әлтаев
"Nur Otan" сайлау алдында берген уәделерінің басым бөлігін орындады – Назарбаев
Әлі талай құшақтасатын боламыз – Назарбаев
Дариға Назарбаева мәжіліс депутаттығына кандидат болды
Сайлауға бойкот жариялау ұсынылды – ЖСДП мүшелері қандай шешім қабылдады