Иллюстративті фото

"Тәлтіректеп әрең тұр" Алматыда лифтіде болған трагедияның мән-жайы анықталды

626
(Жаңартылды 17:14 14.02.2019)
Оқыс оқиға "Алғабас-6" шағын ауданында кеше кешке болды. Лифтіге қызмет көрсететін компанияның өкілі оқиғаның мән-жайын айтып берді

АСТАНА, 14 ақпан – Sputnik. Алматыдағы "Алғабас" шағын ауданында егде жастағы ер адам лифт шахтасына құлап кетті. "Алматылифт" компаниясының өкілі Sputnik Қазақстан тілшісіне оқиғаның мән-жайын айтып берді.

Оқыс оқиға Алматы қаласындағы "Алғабас-6" шағын ауданындағы №144 үйде 13 ақпанда сағат 16:20 шамасында болған.

Қалалық полиция департаменті баспасөз қызметінің хабарлауынша, 59 жастағы ер адам оқыс оқиға салдарынан мерт болған. Осыған байланысты ҚР Қылмыстық кодексінің 306-бабы, яғни "Қауіпсіздік талаптарына жауап бермейтін тауарды шығару немесе сату, қызмет көрсету" бойынша тергеу басталды.

Алдымен ер адам құлап кеткен жеделсатының ішінде көз жұмды деген ақпарат тараған. "Алматылифт" ЖШС Sputnik Қазақстан тілшісіне бұл жайттың басқалай болғанын айтып берді.

"Басында бізге жеделсатының кабинасы құлап кетті деген ақпарат түсті. Анықтай келсек, кабина алтыншы қабатта тұрған болып шықты. Шамамен кешкі 20.00 кезінде бізге осы үйдің жеделсатысы істемей тұрғаны жайлы арыз түскен. Біз бірден жұмыс бригадасын жібердік, ал олар лифтінің есігі бұзылып жатқанын көрген. Механик бірінші қабатқа түсіп, лифтіні ашқанда төменде ер адам жатқан. Жігіттер бірден полиция мен жедел жәрдемді шақырған", - деп түсіндірді "Алматылифт" ЖШС  директорының орынбасары Максим Телицкий.

Одан соң мамандар ПИК-ке (КСК) барып, сол үйдің бейнебақылау таспасын алдырыпты. Одан жеделсатының 6-қабатта тұрып қалғаны анықталған.

"Ер адам 5-қабатта лифт шақырған. Бейнебақылау таспасындағы жазбада көрініп тұрғандай, ол өзін бір түрлі ұстаған, тәлтіректеп әрең тұр. Есікті ұрып, оны бұзғанын да көруге болады. Ол кабина жоғын көрді де. Бірақ соған қарамастан алға қадам жасап, құлап кетті", - деп толықтырды Телицкий.

Қазір оқыс оқиғаға байланысты тергеу амалдары жүріп жатыр. Соған байланысты жеделсаты іске қосылмаған.

"Алматылифт"өкілінің айтуынша, бұл 2015 жылы орнатылған жаңа импорттық жеделсаты болған. Жеделсатылар жыл сайын тексеріліп отырған. Соңғы рет 2018 жылы 13 шілдеде тексерілген екен. Бұл жолы жоспар бойынша үш күннен кейін "Алматылифт" мамандары осы үйдегі жеделсатының техникалық жағдайын тексеруі тиіс болған. Ал жеделсатының неден істен шыққаны әзірге белгісіз.

626
Кілт сөздер:
лифт, трагедия
Тақырып бойынша
Лифтіде би билеген ұры жұртты күлдірді - видео
Екібастұздағы лифтіде педофил қаршадай қызды зорламақ болды
Лифтіде жаншылып өлген журналистің анасы кінәлілерді қатаң жазалауды сұрады
Ақтөбедегі лифтіде жаншылып өлген тележүргізуші ісі: сотта жаңа деректер шықты
әскерилер

Жамбыл облысында өзіне қол салған офицердің ата-анасы неден күдіктенетінін айтты

362
(Жаңартылды 15:56 27.11.2021)
Марқұмның денесін әкелген кезде жеке заттары, онымен қоса ұялы телефоны да ата-анасына қайтарылмаған

НҰР-СҰЛТАН, 27 қараша – Sputnik. Жамбыл облысындағы гвардиялық гарнизон әскери бөлімшесінде өз-өзіне қол жұмсаған офицердің туыстары оған қысым жасалуы мүмкін дейді. 

"Астана" арнасына сұхбат берген марқұмның ата-анасы аға лейтенант шеніндегі ұлының біреудің қолынан қаза тапқанына сенімді.

Олардың айтуынша, оқиғаның көлеңкелі тұстары көп.

Бауыр еті баласынан қапыда айырылып қалған ана марқұмның денесін алуға, істің мән-жайын білуге өзі бармақшы болған. Бірақ әскери бөлімшедегілер "келмеңіздер" деп тосқауыл қойған көрінеді.    

"Не себепті келмеңіздер деп жатырсыздар деген уақытта хаты бар, соңғы хатын сіздерге апарып береміз деді. Бірақ бізге әкелген де жоқ. Тіпті киім-кешегін де әкеліп бермеді. Мәйітті ғана әкелді, шығарып салуға да жарамады", - дейді марқұмның анасы Анаргүл Демеуова.

Әкесі де ұлым өзін-өзі өлтіруі мүмкін емес дейді.   

"Өте ауыр. Осындай жақсы баламнан айырылғаныма. Жұмыс істеп жүрген. Осындай жағдайға ұшырағанына өте өкінемін", - дейді Ербаған Омаров.

Ол бар-жоғы 24 жасында бақилық болды. Әскери академияны бітірген соң 4 жыл Жамбыл облысындағы Отар әскери бөлімінде еңбек еткен. Жақында ғана шені көтерілген.

Бауырын өзінің бес саусағындай білетін ағасы Елдос та аяқ астынан болған бұл жағдайға күдікпен қарайды.

"Шу шығарғаннан кейін хатты телефонмен жіберді. Оны оқып бітпей жатып өшіріп тастады. Онда былай жазылған "Мама, кешіріңізші. Командирлеріме зиянымды тигізгім келмейді". Егер командирлеріне зиян тигізгісі келмесе неге ол жұмыс орнында атылады? Букмекерлік кеңседе 8 миллион қарызы болған дейді. Оның ешқандай қарызы жоқ. Біз тексердік бәрін", - дейді Елдос Омаров.

Марқұмның денесін әкелген кезде жеке заттары, онымен қоса ұялы телефоны да ата-анасына қайтарылмаған.

"Жандос таңғы 5-те қайтыс болса, сол күні түнде оның әлеуметтік желідегі парақшасына біреу кірген. Бұл да көңілімізге күдік ұялатады", - дейді туыстары.

Бірақ қорғаныс министрлігі бұған қатысты тек ресми ақпарат беріп отыр.

"22 қараша күні Гвардейск гарнизонындағы әскери бөлімнің офицері өзіне қол жұмсады. Қайтыс болған жігіттің өлер алдында жазған хаты табылды. Қазіргі уақытта аталған факті бойынша тергеу жүргізіліп жатыр. Тергеу мүддесіне және туыстарының өтінішіне сай өзге ақпараттар жариялануға жатпайды", - дейді қорғаныс министрлігі әскери полиция басқармасы басшысының орынбасары Бекен Шынтілеуов.

Ал ата-анасы болса ұлының мұндай әрекетке барғанына бәрібір сенбейді. Бұған дейін ол жұмысына қатысты ешқандай шағым айтпаған. Олар жұмбақ өлімнің себебін құзырлы орындар анықтаса, тергеу жұмыстары әділ жүрсе дейді.

Естеріңізге сала кетейік, қайғылы оқиға 22 қарашада Жамбыл облысындағы Гвардейск гарнизонының әскери бөлімінде болған.

Оқи отырыңыз: 

"Басына бес оқ тиген": Теміртауда көз жұмған сарбаздың анасы күтпеген мәлімдеме жасады

Теміртауда қатардағы жауынгер өзіне оқ атып, көз жұмды

362
Кілт сөздер:
Отар, офицер, суицид, видео
Каршеринг қызметінің жүргізушісі екі жаяу жүргіншіні қағып кетті

Газды тежегішпен шатастырып алған: Алматыда жүргізуші екі жаяу жүргіншіні қағып кетті

80
(Жаңартылды 21:43 26.11.2021)
Жол апатына ұшыраған жаяу жүргіншілер көптеген дене жарақатымен ауруханаға жеткізілді

НҰР-СҰЛТАН, 26 қараша – Sputnik. Алматыда Anytime каршеринг қызметінің жүргізушісі жаяужолда тұрған екі адамды қағып кетті, деп хабарлайды Sputnik Қазақстан.

Жүргізушінің айтуынша, ол газды тежегішпен шатастырып алған.

Водитель каршеринга наехал на двух пешеходов
© Sputnik / Стрингер
Каршеринг қызметінің жүргізушісі екі жаяу жүргіншіні қағып кетті

Оқиға Жібек жолы көшесінде болған. Жүргізуші тежегіштің орнына газды басып, Сефуллин даңғылына өтіп кеткен, жиектасқа шығып, темір бағананы құлатып, сол сәтте жаяу жүргіншілер жолында тұрған екі адамды қаққан. Содан кейін аллеямен жүріп өтіп, орындықты, қоқыс жәшігін қиратып, көпқабатты үйдің бетон қабырғасына соғылған.  

Водитель каршеринга наехал на двух пешеходов
© Sputnik / Стрингер
Каршеринг қызметінің жүргізушісі екі жаяу жүргіншіні қағып кетті

Екі жаяу жүргінші де көтеген жарақатпен жақын маңдағы ауруханаға жатқызылды.

Жол полициясының қызметкерлері апаттың мән-жайын анықтау үшін оқиға орнында жұмыс істеп жатыр.

Оқи отырыңыз: Көлікпен қағып, жолда тастап кеткен: Талғарда болған оқиға видеоға түсіп қалды 

80
Кілт сөздер:
жол апаты, Алматы

Қытайдағы жаңа шыны көпір жұрттың таңдайын қақтырды видео

0
(Жаңартылды 18:07 27.11.2021)
Шыны көпір Қытайдың Сычуань провинциясында Башань үлкен каньонында орналасқан. Таяуда оның ресми ашылуы өтті

Көпірге келгендер айналадағы көріністі көріп таңдай қақты. Бұл маңдағы тау шатқалдары тамсандырмай қоймайды. Шыны көпірмен жүріп өткен туристер табиғаттың тамаша көркіне көз тойдыра алмағаны анық.

Оқи отырыңыз: 

0
Кілт сөздер:
көпір, видео, шыны, Қытай