Размытый силуэт девушке в дверном проеме, иллюстративное фото

Алматыда 22 жастағы қыз жұмбақ жағдайда жоғалып кетті

1099
Қызды іздеуге еріктілер мен қоғамдық қауіпсіздік кеңесі тартылды

АСТАНА, 21 ақпан – Sputnik. Алматыда екі апта бұрын үйінен шығып, сол күйі хабар-ошарсыз кеткен Анастасия Галеева іздестіріліп жатыр, деп хабарлайды Sputnik Қазақстан.

22 жастағы қыздың жоғалып кеткені туралы жақын құрбысы Валерия Анварова әлеуметтік желідегі парақшасында жазған.

"Менің жақын құрбым Анастасия Эдуардқызы Галеева жоғалып кетті. 10 ақпан күні ГРЭС жақтағы үйінен шығып, сол күйі оралмады. Соңғы рет оны дәл сол күні Жаңа Қуат ауданынан көргендер бар. Содан бері оның қайда жүргені туралы ешбір мәлімет жоқ", - деп жазды фейсбукте Валерия Анварова.

Белгілері: арықша келген, қасында пирсинг, бірнеше татуировкасы бар: білегінде, бұғанасында, аяғы мен сол жақ қабырғасында.

"Егер оны көрген-білгендер болса, мына телефон нөмірлеріне хабарласуға болады: 87073530309 – Алла, 87078146133, 87059115910 – менің нөмірім", - деп жазды Анварова.

Қызды іздеуге еріктілер мен қоғамдық қауіпсіздік кеңесі де тартылған.

ҚҚК жетекшісі Ислам Угушев Анастасияның 9 ақпанда сағат 16:34-те үйден шығып, Жаңа Қуат шағын ауданында тұратын құрбысына барғаны туралы жазды. Бойжеткен құрбысының үйінде түнгі 23:30-ға дейін болып, кейін аяқ астынан кетіп қалған.

"Маргарита оны аялдамаға дейін шығарып салуды ұсынған, бірақ Анастасия бас тартыпты. Телефонындағы Google аккаунтының есебіне сүйенсек, ол құрбысының үйінен шамамен 50-100 метрге алшақтайды, содан кейін ұшты-күйлі жоғалып кеткен. Оны көрген немесе даусын естіген тірі жан жоқ. Бірақ, бір жұмбақ жайт бар. Анастасияның телефоны 10 ақпан таңғы сағат 04:13-те, дәл сол сигнал жоғалған жерде сөнген", - деп жазды Угушев.

Тағы оқыңыз: Астанада төрт күн бұрын жоғалған баланың мәйіті табылды

16 ақпан күні қыздың жоғалғаны туралы Талғар АІІБ-ге арызданған. Алайда, еріктілердің айтуынша, полиция оны іздеуге ешқандай шара қабылдамай отыр дейді.

Анастасияны іздеуге қазір 40-50 шақты ерікті жұмылдырылған.

1099
Кілт сөздер:
еріктілер, полиция, жұмбақ жағдай, қыз, Алматы
Тақырып бойынша
Астанада атомның татуировкасын салдырған қыз жоғалып кетті
"Ғалам аруы" атағына үміткер қыз байқауға бара жатып жоғалып кетті
Астанада қатты аязда сәби сырт киімсіз далаға шығып, жоғалып кетті
Тойда күйеу жігіт жоғалып кетті, не болғаны жарты сағаттан соң анықталды
Тас жол

Ақтөбе облысында жол апаты үш адамның өмірін қиды

191
(Жаңартылды 17:31 22.06.2021)
Жеңіл автокөлік жолдың қарсы бетіне шығып кетіп, жүк көлігімен соқтығысқан

НҰР-СҰЛТАН, 22 маусым – Sputnik. Ақтөбе облысында жеңіл автокөлік жүк көлігімен соқтығысып, үш адам қаза болды.

Өңірдің полиция департаментінің ақпаратынша, трагедия 21 маусым 17:21-де "Қарабұтақ-Қостанай" тас жолының 171 шақырымында болды.

57 жастағы "Лифан" жүргізушісі қарсы бетке шығып кетіп, Ресей азаматы басқарған "Ман" маркалы жүк көлігімен соқтығысқан.

Ақтөбе облысындағы жол апаты

Салдарынан жеңіл көлік жүргізушісі, 1980 және 1959 жылғы екі жолаушы оқиға орнында көз жұмды. Сондай-ақ 1969 жылғы әйел мен 1973 жылғы ер адам Әйтеке би аудандық ауруханасына жеткізілді.

"Өкінішке қарай, жүргізушілер мен жаяу жүргіншілер жолда өте мұқият және сақ болу керек екенін жиі естен шығарады. Жол апатына әкеп соғатын басты себептердің бірі – адамдардың жол қозғалысы ережелерін сақтамауы", - деді Ақтөбе облысы ПД басшысы Атығай Арыстанов.

191
Кілт сөздер:
жол апаты, Ақтөбе облысы
Тақырып бойынша
Тағы бір жантүршігерлік жол апаты: Түркістан облысында 7 адам мерт болды
Ақтөбеде жантүршігерлік жол апаты болды: үш адам көз жұмды
Бес метр жерге ұшырды: полицейдің қатысы бар жол апаты туралы куәгерлер айтып берді
Алматыда жантүршігерлік жол апаты болды: ер адамды екі көлік басып өтті
Бөгенбай батыр даңғылындағы апат

Нұр-Сұлтанда жеңіл автокөлік жол ортасында жанып кетті видео

438
(Жаңартылды 15:57 22.06.2021)
Жүргізушілердің бірі бағдаршамның қызыл шамын елемей, қиылыстан өтіп кеткен. Жол апаты салдарынан екі адам зардап шекті, бір көлік өртенді

НҰР-СҰЛТАН, 22 маусым – Sputnik. Сейсенбі таңертең Нұр-Сұлтанда екі жеңіл автокөлік пен автобус соқтығысты.

Жол апатының видеосы әлеуметтік желілерде тарады.

Құқық қорғау органдары Sputnik Қазақстанға мәлімдегендей, оқиға Республика мен Бөгенбай батыр даңғылдарының қиылысында шамамен 06.25-те болды.

Посмотреть эту публикацию в Instagram

Публикация от Нур-Султан🚔Сергек●24/7 (@nur_sultan_sergek)

20 жастағы "Лада" жүргізушісі Дүкенұлы көшесі жағынан Республика даңғылымен келе жатып, Бөгенбай батыр даңғылымен қиылыста бағдаршамның тыйым салынған белгісіне өтіп кеткен. Салдарынан 60 жастағы жүргізуші басқарған Hyundai Elantra-мен соқтығысты.

Ал Hyundai инерциямен қиылыста тұрған жолаушылар автобусына қарай ұшып кеткен. "Лада" өртеніп кетті.

Жол-көлік оқиғасы салдарынан  "Лада" мен Hyundai жүргізушілері жарақат алды. Дәрігерлердің тексерісінен кейін екеуі де үйіне жіберілді.

Бұл факті бойынша анықтау жұмыстары жүргізіліп жатыр.

438
Кілт сөздер:
видео, автокөлік, Нұр-Сұлтан
Тақырып бойынша
Қазақстанның батысында екі мектеп директоры жол апатынан қаза болды
Рөлді жұлып кетті: Алматыда жол апатынан төрт адам зардап шекті
Нұр-Сұлтанда жол апатынан жүргізуші көз жұмды
Ақтөбеде әйел жол апатынан көз жұмды: полиция куәгерлерді іздеп жатыр
Ақорда

Тоқаев бірқатар ауыс-түйіс жасады

0
Шайх-Хасан Жазықбаев "Астана" өңірлік қолбасшылығы әскерлерінің қолбасшысы лауазымына тағайындалды

НҰР-СҰЛТАН, 22 маусым – Sputnik. Мемлекет басшысы Қасым-Жомарт Тоқаев бірқатар өкімге қол қойды, деп хабарлайды Ақорда.

Мемлекет басшысының өкімімен Қаныш Асанханұлы Әбубәкіров Қазақстан Республикасы қарулы күштерінің құрлық әскерлері десанттық-шабуылдау әскерлерінің қолбасшысы лауазымынан босатылды.

Оқи отырыңыз: Тоқаев сыртқы істер саласында ауыс-түйіс жасады

Сондай-ақ, Тоқаевтың өкімімен Мереке Мәтімұлы Күшікбаев Қазақстан Республикасы қарулы күштерінің құрлық әскерлері десанттық-шабуылдау әскерлерінің қолбасшысы лауазымына тағайындалды, ол "Астана" өңірлік қолбасшылығы әскерлерінің қолбасшысы лауазымынан босатылды.

Шайх-Хасан Саттарқұлұлы Жазықбаев "Астана" өңірлік қолбасшылығы әскерлерінің қолбасшысы лауазымына тағайындалды.

0
Кілт сөздер:
Қасым-Жомарт Тоқаев, кадрлық тағайындаулар