Бойжеткен

Таразда жас қыз өз-өзіне қол салмақ болды жантүршігерлік видео

2826
(Жаңартылды 16:50 16.04.2019)
Бойжеткен құрылысы аяқталмаған ғимараттың басына шығып алып, секірмек болған

НҰР-СҰЛТАН, 16 сәуір – Sputnik. Таразда өз-өзіне қол жұмсамақ болған қыз құтқарылды, деп хабарлайды төтенше жағдайлар комитеті.

Ведомство баспасөз қызметінің әлеуметтік желідегі парақшасында жантүршігерлік оқиғаның видеосы жарияланған.

Посмотреть эту публикацию в Instagram

Публикация от QR IIM ТJ komıtetі (@tjk_kchsmvdrk)

Құтқарушылар хабарлағандай, 2019 жылдың 15 сәуірінде сағат 17.00 кезінде Жамбыл облысы полиция департаментінің жедел кезекшісі Тараздағы  "Бокс сарайы" спорт кешенінің жанында, Королева көшесінде құрылысы аяқталмаған ғимараттың жоғарғы қабатынан жас қыздың секіргелі тұрғаны туралы хабар берген.

Оқиға орнына Жамбыл облысы төтенше жағдайлар департаменті бөлімінің қызметкерлері мен арнайы техника жіберілді: 19 адам және 5 техника, оның ішінде психолог та бар.

Ғимарат жанына шұғыл жеткен жеке құрам бірден құтқару қалқасын орнатыпты. №1 өрт сөндіру бөлімінің өрт сөндірушісі әрі құтқарушы, азаматтық қорғаныс сержанты Азамат Көпбосынов бес қабат биіктікке автобаспалдақпен көтерілді. Ол өз өмірін тәуекел етіп, суицид жасамақ болған жас қызды құтқарып қалған.

Батыс Қазақстанда шенеунік жұмыс орнында өз-өзіне қол салды

2826
Кілт сөздер:
видео, Тараз, өз-өзіне қол салу, құтқару, суицид
Тақырып бойынша
Өлім жазасын 11 жыл күткен америкалық өзіне қол салды
Ұзынағашта әскери қызметкер өзін-өзі атып тастады
Шетелде жүрген шымкенттік жігіт тікелей эфирде көз жұмды
Мәскеуде қазақстандық талантты студенттің мәйіті табылды
Петропавлда құрылыс алаңынан студент қыздың мәйіті табылды  
Жедел жәрдем көлігі, архивтегі фото

Қарағанды облысында полицейлер жантүршігерлік жол апатына ұшырады

4685
(Жаңартылды 10:03 22.01.2021)
Жүк көлігінің жүргізушісі қарама-қарсы жолаққа шығып, полиция қызметкерлері мінген жеңіл автокөлікпен соқтығысты

АЛМАТЫ, 22 қаңтар – Sputnik. Қарағанды облысында жол апатынан екі адам қаза тауып, бір адам жарақат алды, деп хабарлады Polisia.kz.

Қарағанды – Балқаш автожолында Shacman көлігінің 59 жастағы жүргізушісі рөлді басқара алмай, жолдың қарсы жолағына шығып кетті. Салдарынан 35 жастағы полиция қызметкері жүргізіп келе жатқан ВАЗ автокөлігімен соқтығысты.

Оқи отырыңыз: Атырау облысында полицейлер жол апатына ұшырап, біреуі көз жұмды 

Жол апатынан ВАЗ автокөлігінің ішінде болған 30 жастағы полиция қызметкері мен 46 жастағы облыс тұрғыны алған жарақатынан оқиға орнында көз жұмды. Көлік жүргізушісі – 35 жастағы полицей түрлі жарақатпен Балқаш қаласының орталық ауруханасына жеткізілді.

Қарағанды облысы ішкі істер органдары басшылығы мен жеке құрамы қаза тапқандардың туыстары мен жақындарына көңіл айтады.

Қаза тапқан полиция капитаны Дәурен Қабдығалиев 2009 жылдың мамыр айынан бастап ішкі істер органдарында қызмет етті, үйленген, екі баласы бар.

Аталған факті бойынша қылмыстық кодекстің 345-бабы 4-бөлігі (көлік басқаратын адамның жол жүрісі немесе көлікті басқару қағидаларын бұзу) бойынша қылмыстық іс тіркелді. Тергеу амалдары жүргізіліп жатыр.

4685
Тақырып бойынша
Жолаушылар әр жерде жатыр: желіде Алматыдағы жол апатының видеосы жарияланды
Щучинскіде полицейлер жантүршігерлік жол апатынан қаза болды – видео
Полицейлер елорда тұрғындарын жолда барынша сақ болуға шақырды
Түйе көліктің ішіне кіріп кеткен: Маңғыстауда жантүршігерлік жол апаты болды
Жанып жатқан автобус, архивтегі фото

Талдықорғанда жолаушылар автобусы түгі қалмай жанып кетті видео

484
Өрт шыққан кезде автобуста бес жолаушы болған, олар салоннан шығып үлгерген, ешкім жарақат алған жоқ

ТАЛДЫҚОРҒАН, 21 қаңтар – Sputnik. Талдықорған қаласының орталығында жолаушылар автобусы өртеніп кетті, деп хабарлайды Sputnik Қазақстан тілшісі. Қаза болғандар мен зардап шеккендер жоқ.

Посмотреть эту публикацию в Instagram

Публикация от ТАЛДЫКОРГАНЕЦ (@taldykorganec.insta)

Бүгін таңертең сағат 07:55-те Алматы облысы төтенше жағдайлар департаментінің кезекшілік пультіне облыс орталығы көшелерінің бірінде автобус өртенгені туралы хабарлама түскен. Өрт сөндірушілер келген уақытта автобус толығымен отқа оранған.   

"Өрт сөндірілді. Қаза болғандар мен зардап шеккендер жоқ. Өртке қозғалтқыш бөлігіндегі электр сымдарының қысқа тұйықталуы себеп болған. 14 қызметкер мен 3 бірлік арнайы техника оқиға орнына барды", - деп хабарлады облыстық төтенше жағдайлар департаментінің баспасөз қызметі.

Еңбек – Талдықорған бағытында жүретін № 228 жолаушылар автобусы жанып кеткені анықталды. Өрт кезінде қоғамдық көлікте 5 жолаушы болған, олар салоннан өз бетімен шығып үлгерген.   

484
Кілт сөздер:
өрт, автобус
Тақырып бойынша
Нұр-Сұлтан маңында жолаушылар автобусы өртеніп кетті
Нұр-Сұлтан әуежайында көлік жанып кетті – видео
Қостанайда жолаушылар автобусы отқа оранды – видео
52 өзбек өртеніп кеткен автобустың иесіне сот үкімі шықты
Рудный қаласындағы автопаркте он автобус отқа оранды
COVID-19 ауруханасы

COVID-19 ауруханасы төңірегіндегі дау: жемқорлыққа қарсы агенттік түсініктеме берді

163
(Жаңартылды 18:38 22.01.2021)
18 қаңтарда Алматы жайлы қалалық орта басқармасының басшысы Сапар Нұрашевқа қатысты сотқа дейінгі тергеу жүргізіліп жатқаны белгілі болды

НҰР-СҰЛТАН, 22 қаңтар – Sputnik. Сыбайлас жемқорлыққа қарсы іс-қимыл агенттігі Алматыда инфекциялық аурухана салу кезінде бюджет қаражатын жымқыру туралы іске түсініктеме берді, деп хабарлайды Sputnik Қазақстан тілшісі. 

"Қылмыстық іс ішкі мемлекеттік аудит актісі бойынша тіркелді. Тергеу барысында келтірілген нақты шығынды анықтау үшін актілер тексеріс жүргізу үшін тіркеледі. Ақшаның ұрланып-ұрланбағанын және сомасын анықтау үшін тиісті сараптамалар тағайындалады. Көп жағдайда бұрын айтылған шығын сомасы расталмай жатады, тіпті, істер тоқтатылған кездер де болған", - деп түсіндірді агенттіктің аса маңызды істер жөніндегі тергеушісі Данияр Биғайдаров брифингте. 

Айтуынша, қазір қылмыстық іс тергеліп жатыр. 

"ақша шынымен жымқырылды ма, жоқ әлде бұл қандай да бір заңбұзушылық па, мұның бәрі тергеу барысында анықталады", - деп нақтылады ол.

Жемқорлыққа қарсы агенттік тергеу барысы туралы қосымша ақпарат береді. 

"БАҚ-та резонанс туғызбауды өтінеміз. Бұл акті бойынша әдеттегі тіркеу, бізде ондай көп. Тергеу барысы туралы қосымша хабарлаймыз", - деді Биғайдаров. 

COVID-19 ауруханасы төңірегіндегі дау

18 қаңтарда Алматы жайлы қалалық орта басқармасының басшысы Сапар Нұрашевқа қатысты сотқа дейінгі тергеу жүргізіліп жатқаны белгілі болды. Сонымен қатар, бұл іске "Bi-Industrial" ЖШС директорының да қатысы бар екені айтылды.

БАҚ хабарлағандай, олар COVID-19 науқастарына арналған модульдік аурухананы салу кезінде 3,9 миллиард теңге жымқырды деген күдікке ілінді.

Күдіктіге қатысты Қылмыстық кодекстің 189-бабы "сеніп тапсырылған бөтен мүлікті иемденіп алу немесе талан-таражға салу" бойынша қылмыстық іс қозғалғаны хабарланды. 

Бұл бап бойынша мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып немесе жеті жылдан он екі жылға дейінгі мерзімге бас бостандығынан айыру жазасы қарастырылған.

Бұған дейін БАҚ-та Сапар Нұрашевтың ұсталғаны туралы ақпарат тарады. Алайда қала әкімдігі мұны жоққа шығарды. 

Алматы әкімінің баспасөз қызметі Сапар Нұрашевтың өз жұмыс орнында екенін растайтын видео түсірді.

 

163
Кілт сөздер:
түсініктеме, жемқорлық, коронавирус
Тақырып бойынша
Денсаулық министрі Тоқаевқа карантиннің күшейтілуі туралы айтып берді
Коронавирус жұқтырған Мейрамбек Бесбаев қазақстандықтарға үндеу жасады
Жарамсыз әуе айлағын 240 миллион теңгеге сатып алған экс-әкімге сот үкімі шықты
Қазақстандық шенеунік қызметке тағайындау үшін 2 млн теңге пара алды
Өткен жылы Қазақстанда жемқорлық жасағаны үшін қанша адам сотталды