Сот балғасы

Алматыда бұрынғы басқарма басшысына 240 млн теңге айыппұл салынды

399
Серікбол Мусинов 240 миллион 84 мың теңге айыппұл төлеуге міндеттеліп, мемлекеттік қызмет атқару құқығынан өмір бойына айырылды

АЛМАТЫ, 17 мамыр — Sputnik. Алматы қаласының №2 Медеу аудандық соты қоғамдық денсаулық сақтау басқармасының бұрынғы басшысы Серікбол Мусиновтің ісін қарап бітті.

Сот Мусиновты Қылмыстық кодекстің 367-бабы үшінші бөліміне (Бір топ тұлғамен алдын ала сыбайласып ірі көлемде пара беру) сәйкес айыпты деп танып, 240 миллион 84 мың теңге айыппұл салды. Сонымен қатар Мусинов сараптама жүргізу шығыны – 233 515 теңгені өтеп, Жәбірленушілер қорына 48 мың теңге төлейді. Ол айыппұлды бір жыл ішінде төлеуге міндетті.

Тағы оқыңыз: Жол ережесін бұзған елорда тұрғынына 6 млн теңгеден астам айыппұл салынды

Бұдан бөлек Серікбол Мусинов мемлекеттік қызмет атқару құқығынан айырылған. Атап өтсек, сотталушы кінәсін мойындаған жоқ.

Серікбол Мусинов не үшін ұсталды

Былтыр тамыз айында Алматы прокуратурасы Мусинов басқаратын ведомствода жоспардан тыс тексеру тағайындады. Дәлірек айтқанда, дәрі-дәрмек айналымы мен бюджет қаражатын мақсатты пайдалану тексерілген.

Сот отырысы барысында белгілі болғандай, денсаулық сақтау басқармасының қызметкерлері Серікбаев пен Боранбаева қадағалау органдарының өкілдеріне пара беруді жоспарлапты. Тексеруде қамтылатын үш жыл үшін 25 мың доллар пара бермек болған екен.

Тағы оқыңыз: Мал сойғанын хабарламағандарға айыппұл салынуы мүмкін

Тергеу материалдарына сүйенсек, 2018 жылдың 18 қыркүйегінде Серікбаев прокуратураның жалған қызметкерлеріне Шәріпова көшесінде орналасқан банк ғимараты жанында 20 мың доллар береді. Қалған соманы қала прокуратурасы жанында Toyota Land Cruiser көлігі ішінде табыстаған.

399
Кілт сөздер:
айыппұл, басқарма басшысы, Алматы
Мектеп, архивтегі сурет

Батыс Қазақстанда жойқын жел мектеп шатырын жұлып әкетті 

82
(Жаңартылды 23:17 23.07.2021)
Қызылқоға ауылдық округіндегі Қарабау ауылында бір секундта 23 метр жылдамдықпен ұйытқыған жойқын жел мектеп шатырына зақым келтірді

НҰР-СҰЛТАН, 23 шілде – Sputnik. Батыс Қазақстан облысында күшті жел ауыл мектебінің шатырын ұшырып әкетті, деп хабарлады облыстық төтенше жағдайлар департаменті. 

Мектеп 1978 жылы салынған. Білім ордасында күрделі жөндеу жұмыстары 2019 жылы жүргізілген. Ведомствода шатырдың жұлынуынан зардап шеккендер жоқ екенін мәлімдеді.

Батыс Қазақстанда бірнеше күннен бері дауылды жел тұрып тұр. Бір күн бұрын табиғаттың тосын мінезінен өңірдегі бірнеше үй шатыры ұшып кетті. Жел секундына 25 метр жылдамдықпен ұйытқуда. 

Осы жылдың аққпанында Павлодар облысында жел екі мектептің шатырын ұшырып әкеткен болатын. Ол төтенше жағдайда Ұзынбұлақ пен Шарбақты ауылдарындағы ғимараттарға зиян келді. Екі жағдайда да ешкім зардап шеккен жоқ.

82
Қабырға, үй

Оралда жартылай жалаңаш ер адам үй мен құбыр арасында кептеліп қалды фото

1142
Ер адам көп қабатты тұрғын үйдің бірінші және екінші қабаттары арасында кептеліп қалды. Не себепті ол жерге көтерілгені әзірше белгісіз

НҰР-СҰЛТАН, 23 шілде — Sputnik. Оралдық құтқарушылар көпқабатты тұрғын үй мен газ құбырының арасында кептеліп қалған мас ер адамға көмектесті.

Посмотреть эту публикацию в Instagram

Публикация от Мой ГОРОД (@moigorodkz)

Өңірлік "Мой город" порталының ақпараты бойынша оқыс жағдай 23 шілдеде таңертең жергілікті Зачаганск аулында болған. Оқиға орнына құтқарушылар жетті.

"Көп қабатты тұрғын үй мен газ құбырының ортасында, бірінші және екінші қабаттың арасында ер адам қысылып қалғаны туралы хабарлама таңғы сағат 06:13-те келіп түсті", - деді облыстық төтенше жағдайлар департаментінде. 

Құтқарушылар жарты сағатқа жетер-жетпес уақыт ішінде мас ер адамды шығарып алды. Ал өңірлік полиция осы жағдайға қатысты қандай да бір түсініктеме беруден бас тартты.

1142
Кілт сөздер:
құбыр, үйлер, фото, Орал
Тақырып бойынша
Әйелі жалаңаш күйде кіріп келді: Zoom-да ыңғайсыз жағдай тағы қайталанды
Желіде ауладағы көліктердің үстіне секірген жартылай жалаңаш жігіттердің видеосы тарады
БҚО-да халық алдында тыр жалаңаш билеген қыз бен жігіт қамауға алынды
Нұр-Сұлтанда велосипед мінген тыр жалаңаш ер адам видеоға түсіп қалды
Алматыда жартылай жалаңаш ер адам жанармай бекетінің үстінде ессіз әрекет жасады – видео
Елдос Сметов түрік Мирхадж Аккушты жеңді

Токио Олимпиадасы: Елдос Сметов жартылай финалға шықты

0
Қазақстандық дзюдошы түрік палуаны Мирхадж Аккуш пен Корея спортшысы Ким Вон Джинді жеңді

НҰР-СҰЛТАН, 24 шілде – Sputnik. Токио Олимпиадасында қазақстандық дзюдошылар Елдос Сметов пен Отгонцэцэг Галбадрах алғашқы жекпе-жегін өткізді, деп хабарлайды Sputnik Қазақстан тілшісі.

Татамиге бірінші болып шыққан Отгонцэцэг Галбадрах қытайлық Янань Лиден иппонмен ұтылды. Ал Елдос Сметов түрік палуаны Мирхадж Аккуштан басым түсті. Қазақстандық дзюдошы өз қарсыласын иппонмен жеңді.

Осыдан кейін Сметов Оңтүстік Кореяның спортшысы Ким Вон Джинді жеңіп, жартылай финалға шықты. Оның келесі қарсыласы – жапондық Наохиса Такато.

Оқи отырыңыз: Қазақстандық боксшы Олимпиаданы жеңіспен бастады 

Айта кетейік, Токио Олимпиадасына алты қазақстандық дзюдошы аттанды. Олар: Елдос Сметов, Ерлан Серікжанов, Жансай Смағұлов, Дидар Хамза, Ислам Бозбаев және Отгонцэцэг Галбадрах.

Бас бапкер Ғалымжан Жылгелдиевтің айтуынша, кейбір салмақтарда жеребе ауыр түсті. Әсіресе команда көшбасшысы Елдос Сметовтың тобы мықты. Оған Жапония мен Грузияның мықты балуандарына қарсы шығуға тура келеді.

2016 жылы Рио Олимпиадасында Елдос Сметов күміс жүлдені иеленген болатын. Ал Отгонцэцэг Галбадрах "қола" ұтып алған.

0
Кілт сөздер:
дзюдо, Елдос Сметов
Тақырып:
Токио Олимпиадасы