Такси, архивтегі фото

Көліктен қашып шыққан: Түркістан облысында таксисті өлтіріп кетті

7541
Күдіктілердің бірі көршілес республиканың азаматы екені анықталды  

НҰР-СҰЛТАН, 21 мамыр – Sputnik. Түркістан облысы криминалдық полиция басқармасының қызметкерлері такси жүргізушіні өлтірді деген күдікпен екі адамды ұстады.

2019 жылдың 17 мамырында Сайрам аудандық полиция басқармасының кезекші бөліміне жергілікті тұрғыннан хабарлама келіп түседі. Әйел жол бойында денесі қанға боялған ер адамды көргенін айтады. Оқиға орнына дереу аудандық полиция басқармасының жедел тергеу тобы аттанған, деп хабарлады otyrar.kz.

Куәгерлерден жауап алу барысында жедел уәкілдер күндізгі сағат 16:30  шамасында "Ауди" көлігі жол бойына тоқтап, ішінен денесі қанға малынған жүргізуші қашып шығып, көп жүрмей жол жиегіне құлағанын анықтайды. Артынша көліктен жас қыз бен жолаушы шығып, жүргізушіні көтеріп, көлікке қайтадан мінгізген. Содан "бұл жігітті емханаға алып барамыз" деп, Шымкент жаққа қарай жүріп кетеді. Криминалистер оқиға орнынан қан іздерін табады.

Такси жүргізуші жолаушыға ұйықтататын дәрі беріп, қымбат заттарын ұрлаған

Аталған жайтты полицейлер "Қарақшылық" бабымен сотқа дейінгі тергеп-тексерудің бірыңғай реестріне тіркейді. Дәл сол күні жедел уәкілдер автокөлік иесінің, яғни жүргізушінің жеке тұлғасын анықтайды. Ол Түркістан облысының тұрғыны екен.

Жедел іс-шаралар барысында тәртіп сақшылары жас жігіт қарақшылардың құрбаны болуы мүмкін деген тұжырымға келеді. Ауыр қылмыс жасаған күдіктілерді құрықтау үшін облыстан криминалдық полиция мен тергеу басқармасының тәжірибелі қызметкерлерінен арнайы топ жасақтап, "Тосқауыл" жоспарын құрып, шекара маңындағы облыс аумақтарына полиция нарядтарын қояды.  

Нәтижесінде полицейлер Сарыағаш ауданында жол жиегінен ішінде мәйіт жатқан иесіз көлікті табады. Жедел-іздестіру шарасы  аясында Сарыағаш сақшылары жергілікті автовокзалдан Алматыға қарай кетпекші болған күдіктілерді құрықтайды. Сонымен қатар, қылмыс жасаған жас қыздың көршілес республиканың, ал ер адамның Алматы облысының тұрғыны екенін анықтайды.

Сайрам аудандық полиция басқармасының тергеушілері ҚР Қылмыстық кодексінің "Қарақшылық" және "Адам өлтіру" баптарымен күдіктілерге қатысты сотқа дейінгі тексеру амалдарын жүргізуде. Сараптамалар тағайындалды.

7541
Кілт сөздер:
Түркістан облысы, такси жүргізушісі
Тақырып бойынша
Темекімен ұйықтатқан: Алматы полициясы тонаушы таксистерді ұстады
Ақтауда клиенттерін қан қақсатқан такси жүргізуші ұсталды
Төрт ер адам жабылып зорлаған қызға такси жүргізушісі де қиянат жасады
Алматыда такси жүргізуші шетелден келген жолаушыдан 23 мың теңге алған
Такси жүргізуші зорлап өлтірген қыз 5 минут бұрын жанұшыра көмек сұраған
Жолаушыны зорламақ болған такси жүргізушісі ұсталды
Отқа оранған көлік

Алматыда көлік өртеніп кетті видео

73
(Жаңартылды 08:38 25.01.2021)
Зардап шеккендер мен қайтыс болғандар жоқ. Алдын ала болжам бойынша оқиғаға не себеп болғаны айтылды

АЛМАТЫ, 25 қаңтар — Sputnik. Алматының Рысқұлов көшесінде көлік өртенді. Зардап шеккендер жоқ.

Отқа оранған көліктің видеосы Kris.p.almaty Telegram-каналында жарияланды. Көлік өртеніп, айналаны қою қара түтін басқан. Болған жағдайды куәгерлер видеоға түсірді.

Алматы қаласы төтенше жағдайлар департаменті жексенбі сағат 17.18-де 101 пультіне хабар түскенін айтты. Өрт сөндірушілер барған кезде BMW көлігі жанып жатқанын көрді. Өрт 17.39-да сөндірілді.

Зардап шеккендер мен қайтыс болғандар жоқ. Алдын ала болжам бойынша оқиғаға көліктегі қысқа тұйықталу себеп болуы мүмкін.

Құтқарушылар көлікте өрт бірер минутта тарап кететінін ескертті. Сондықтан темір тұлпарды арнайы көлікке қызмет көрсету орталықтарына тексеріске апарып отыру қажет.

73
Кілт сөздер:
Алматы, көлік, өрт
Тақырып бойынша
Автокөлік орындығын қыздыру неге қауіпті - видео
Нұр-Сұлтанның аспанын қара түтін басты – өрттің видеосы
Нұр-Сұлтанда көліктің төбесіне адам отырғызып тасыған жүргізуші жазаланды – видео
Тұрғын үйдегі өрт сегіз адамның өмірін қиды
Елордада сауда орталығында өрт шықты – видео
Қыс, архивтегі фото

Балыққа барған: Әлем чемпионаты жүлдегерінің өліміне қатысты тың ақпарат шықты

8811
Көкшетау – Бурабай тас жолының сегізінші шақырымында Mercedes Benz 500G көлігінің 38 жастағы жүргізушісі рөлге ие бола алмай, ағашты соққан   

НҰР-СҰЛТАН, 24 қаңтар – Sputnik. Ақмола облысының полиция департаменті қазақстандық шаңғышы Николай Чеботьконың өліміне қатысты ақпарат таратты.

Бұған дейін хабарланғандай, спортшы Көкшетау-Бурабай тас жолында жол апатынан көз жұмды. Көлікті өзі жүргізіп келе жатқан.

Жол апаты жексенбі, 24 қаңтарда сағат 01:20-да Бурабай курорттық аймағында болды.  

Полицейлер Көкшетау-Бурабай тас жолының сегізінші шақырымында Mercedes Benz 500G көлігінің 38 жастағы жүргізушісі рөлге ие бола алмай, ағашты соққанын анықтады. Ер адам оқиға орнында көз жұмған.

Басынан жарақат алған 1984 жылы туған жолаушы аудандық ауруханаға жеткізілді. Оның айтуынша, Николай екеуі "Үлкен Шабақтыдан" балық аулап қайтып келе жатқан.

Қазақстан Қылмыстық кодексінің 345-бабы бойынша сотқа дейінгі өндіріс басталды, сот-медициналық сараптама тағайындалды, тергеу амалдары жүргізіліп жатыр.

Николай Чеботько 1982 жылы 29 қазанда Щучьеде туған.

Шаңғы спортынан 2013 жылғы әлем чемпионатының қола жүлдегері, төрт бірдей Олимпиада ойындарына қатысқан спортшы, Қазақстан Республикасына еңбек сіңірген спорт шебері. 

Оқи отырыңыз: Атырауда танымал спортшыны өлтіріп кетті

Үлкен спорттағы ең ірі жетістігіне Чеботько 2013 жылы қол жеткізді. Ол сол жылы Валь-де-Фьеммеде өткен әлем чемпионатында командалық спринт бойынша үздік үштікке енді.

Сондай-ақ, спортшы Азия ойындарында үш алтын, төрт күміс және екі қола медаль жеңіп алған. 

Әлем кубогі кезеңдерінде 2001 жылдан бастап сынға түсті. 2012 жылы Квебектегі әлем кубогі кезеңінде Денис Волоткамен бірге тарихи алтын жүлдені иеленген. Ол бірнеше рет ел чемпионатында көзге түсіп, өмірінің соңына дейін шаңғы жарыстарында бақ сынады.

8811
Тақырып бойынша
"Суық хабар жетті": үш қазақстандық балуан жол апатынан қаза болды
18 жастағы қазақстандық спортшы көз жұмды
Атырау облысында болашағынан үміт күттірген үш боксшы қаза болды  
Ғалым, чемпион, актер: 2020 жылы өмірден өткен арда азаматтар
Архивтегі фото

Американың теңіз жаяу әскері Норвегияда не істеп жүр?

0
Ақпанда америкалықтар, норвегиялықтар, сондай-ақ голландиялықтар мен британдықтар Joint Viking 2021 ауқымды маневрлеріне қатысады

НҰР-СҰЛТАН, 25 қаңтар – Sputnik. АҚШ Ресей шекарасына жақын орналасқан Норвегияда әскерін күшейтіп жатыр. Мұнда қаңтарда мыңға жуық теңіз жаяу әскері қоныстанды. Ал америкалық саясаткерлер мен генералдар Арктикадағы шиеленістің күшеюін жиі сөз етіп жатыр. Бірақ, сарапшылардың пікірінше, бұл шиеленісті тудырып жатқан да өздері, деп жазды РИА Новости.

Теңіз жаяу әскерлері ротация аясында Солтүстік Каролинадан Норвегияға қоныс аударды. Америкалықтар бірнеше жылдан бері осындай қулыққа барып жатыр: бір бөлімшені басқа бөлімшемен ауыстырып, АҚШ-тың әскери контингенті елден кеткен емес.

Теңіз жаяу әскерлерінің міндеті – Норвегия нұсқаушыларының жетекшілігімен Арктиканың қатал жағдайында ұрыс қимылдарын жүргізуді үйрену және НАТО-дағы әріптестерімен тығыз іс-әрекетті  пысықтау.

Ақпан айында америкалықтар, норвегиялықтар, сондай-ақ голландиялықтар мен британдықтар – барлығы он мыңға жуық жауынгер Joint Viking 2021 ауқымды маневрлеріне қатысады. Натолықтар әскердің үлкен қашықтықтарда жылдам орын ауыстыруын пысықтап, барлық деңгейде ақпарат алмасу әдістерін игереді және бірнеше бірлескен операция жүргізеді.

JointViking оқу-жаттығулары жыл сайын өтеді. Броньды техника, артиллерия, авиация, кемелер және суасты қайықтары орманды немесе таулы алқапта бірнеше жүздеген шаршы километр аумақта жоғары қарқынды соғыс жағдайын қалыптастырады.

Әскери сарапшы Александр Жилин РИА Новостиге берген сұхбатында АҚШ-тың әскери доктринасына сәйкес, олардың армиясы ең алдымен шетелде соғысуға дағдыланатанын айтты.

"Сондықтан, мемлекеттің саясаты америкалық әскери күш басқа елдерде үнемі жауынгерлік операциялар, барлау, аэродромдарды айнала ұшу, теңіз жолдарын айналып өтуді пысықтау мүмкін болатындай етіп құрылды", - деп түсіндірді ол.

Сарапшының айтуынша, Пентагон жағдайды әдейі шиеленістіріп отыр. Себебі, АҚШ пен НАТО Арктикадан дәмелі.

"Теңіз жаяу әскерінің оқу-жаттығулары қорғану емес, шабуылдау сипатында өтеді, - деп сенім білдірді Жилин. – Соның ішінде, Ресейге қарсы әрекеттер пысықталады. НАТО-ның Еуропадағы маневрлеріне тұтастай сипаттама берер болсақ, онда олар Мәскеу үшін шиеленіс аймақтарын құру бойынша ұйымдастырылатыны анық. Біздің әскер алаңсыз отыра бермейді, әрине. Әсіресе, Норвегияда болып жатқан оқиғаларға қатысты әрекет ету керек. Ешқандай дегбірсіздік жоқ, бірақ біз кез келген арандатушылыққа жол бермей, жағдайды толығымен бақылауды ұстау керекпіз".

"Валдай" аналитикалық клубының сарапшысы Артем Куреев америкалықтардың Аляскада Арктикадағы әскери әрекеттерді пысықтауға арналған инфрақұрылымы бар екенін айтты. Бірақ АҚШ сонда да оқу-жаттығуда Норвегияда өткізуді ұйғарып отыр.

"Бұл НАТО көшбасшылары ретінде оларға қажет. Норвегия – альянстың ең "аға" мүшесі. Осло Ресейді ықтимал қарсылас деп санайды. Алда-жалда қақтығыс бола қалса, Солтүстік Норвегия НАТО-ның басты плацдармына айналады", - деп санайды Куреев.

Вашингтонның Арктикаға берік орын теуіп, ол жақтан басқа мемлекеттерді ығыстырғысы келген ниетіне Әскери-теңіз күші мен Теңіз жаяу әскері корпусының жаңа Арктикалық стратегиясы дәлел. Бұл құжатта "арктикалық өңірге америкалықтардың әскери-теңіз араласуы болмаса, әлемге төнген Ресей мен Қытай қаупі азаймайды" деп жазылған.

АҚШ Әскери-теңіз күштерінің хатшысы Кеннет Брейтуэйт атап өткендей, Ресей жағалауына жақын акваторияны патрульдеу және "Мәскеудің Қиыр Солтүстікке шабуыл жасауына" жол бермеу мақсатында Пентагон тұрақты түрде Арктикада әскери кемелер мен сүңгуір қайықтарды орналастырады.

Мойындау керек, АҚШ Солтүстікке нық орналасып алды. Норвегия бұл мәселеде басты рөл ойнап отыр. Қыркүйек айында норвегиялық Тромсе портына Seawolf субмариналары қоныс тебетіні туралы хабарланды. Бұл сүңгуір қайықтар ресейлік суасты қайықтарының бағыттарын бақылауда ұстауға негізделген.

Пентагон Арктикадағы әуе күштерін нығайтуға шындап кірісті. Өткен жылы америкалық және норвегиялық әскери-әуе күштерінің ауқымды оқу-жаттығулары өтті. Алты B-52 Stratofortress стратегиялық бомбалаушылары Солтүстік полюстің үстімен ұшып өтіп, Норвегия әскери-әуе күштерінің жойғыштарымен бірге жаттығу жасады.

0