Әскери сапер, Арыс қаласы

Арыс қаласында жарылмаған снарядтар үйлерден табылып жатыр

120
Саперлер көшелер мен ғимараттарды минадан тазарту жұмыстарын жүргізіп жатыр. Тұрғындарға қалаға оралу қауіпті екені ескертіледі

НҰР-СҰЛТАН, 26 маусым — Sputnik. Жарылмаған бірнеше оқ-дәрі Арыстағы тұрғын үйлерден табылды. Бұл туралы Түркістан облысы әкімінің кеңесшісі Сәкен Қалқаманов хабарлады.  

"Әскерилер Арыстағы 16 көшеден жарылмаған 70 снаряд жинады. Олардың біразы үйлерден табылған. Қазір қалаға келуге болмайды. Құжаттар үшін де оралудың қажеті жоқ", - деп жазды ол өзінің Facebook-тегі парақшасында.

Бұған дейін саперлердің қала аумағын жарылмаған оқ-дәріден тазартып жатқаны хабарланған болатын. Оқиға орнында тоғыз топ жұмыс істеуде.

Ең алдымен, Арыстағы теміржол мен  әскери бөлім маңындағы үйлер тазартылады. Дрондардың көмегімен жарылу қаупі бар заттардың орны анықталады. Төтенше жағдайлар комитетінің мәліметіне сәйкес, жарылыс салдарынан Арыстағы ғимараттардың 80-90%-і зақымданған.

Тұрғындарға әлі қалаға оралуға болмайды. Полицейлер мен Ұлттық ұлан сарбаздары көшедегі тәртіпті қадағалауда. Арыстан шығатын жолда бекеттер қойылған.

Арыстағы төтенше жағдай

24 маусым күні таңертең Түркістан облысы Арыс қаласындағы әскери бөлімде өрт шығып, қоймада сақталған оқ-дәрілер жарылды. Салдарынан екі адам көз жұмып, 160-тан астамы дәрігерлердің көмегіне жүгінген.

Түркістан облысында төтенше жағдай жарияланды. Қауіпсіздік мақсатында қала тұрғындары түгелдей жақын маңдағы елді мекендерге көшірілді.

Аталған оқиғаға қатысты "Қару, басқаларға қауіп тудыратын заттар мен нәрселерді сақтау ережесін бұзу" бабы бойынша қылмыстық іс қозғалды.

Кешке таман Қазақстан президенті Қасым-Жомарт Тоқаев Арыс қаласына ұшып кетті. Мемлекет басшысы жарылысқа кінәлілердің заң жүзінде қатаң жазаланатынын айтты.

25 маусым күні ішкі істер министрінің орынбасары жарылыс тіркелмегенін, бірақ жарылыс қаупі әлі де сақталып отырғанын мәлімдеді. Қорғаныс министрлігінің ұйымдастыруымен саперлер қала аумағындағы теміржол жолдар мен стансаларды тексеріп жатыр.

Сондай-ақ, жарылыс кезінде жоғалып кеткен балалардың ата-аналарымен қауышқаны хабарланды.

120
Кілт сөздер:
қала, снаряд, үйлер
Тақырып:
Арыстағы жарылыс (90)
Тақырып бойынша
Жарылыстан кейінгі Арыс: қираған үйлер, қаңыраған көшелер - жантүршігерлік видео
Арыстағы жарылыс: министрлік жоғалған балалар туралы айтты
АҚШ президенті Тоқаевқа жеделхат жолдады
Алматылықтар Арысқа бірнеше көлікпен гуманитарлық көмек жіберді
Мәжілістің бір топ депутаты Арыс қаласына аттанды
Алматыдағы өрт

Алматыда қоймадан шыққан өрт 1000 шаршы метрді шарпыды

42
Қоймадан шыққан өртті сөндіруге 40 өрт сөндіруші жұмылдырылды. Зардап шеккендер жоқ

АЛМАТЫ, 4 тамыз – Sputnik. Алматының Алатау ауданында өрт сөндірушілер бір сағат бойы қоймадан шыққан өртпен алысты, деп хабарлады қаланың төтенше жағдайлар департаментінің баспасөз қызметі.

Посмотреть эту публикацию в Instagram

Публикация от KRIS.P АЛМАТЫ|ALMATY🇰🇿🔞⚠️💯 (@krisp__almaty)

Немирович-Данченко көшесі, №21 үйден шыққан өртке өрт сөндірушілер таңғы 9:39-да келген. Сол уақытта өрт нысан шатырына жетіп, тауар сақтаулы тұрған көрші ғимаратқа тарау қаупі болды.
Посмотреть эту публикацию в Instagram

Публикация от KRIS.P АЛМАТЫ|ALMATY🇰🇿🔞⚠️💯 (@krisp__almaty)

Өртті 40 өрт сөндіруші мен 16 техника сөндірді.
"Қойма ішіндегі тауардың жанып кетуіне, жанындағы басқа қоймаларға оттың таралуына жол берілмеді", - деп атап өтті ТЖД.
Өрт сағат 10.50-де ауыздықталып, сағат 11.33-те толығымен сөндірілді. Зардап шеккендер жоқ.
42
Кілт сөздер:
Алматы, өрт
Тақырып бойынша
Анталиядағы алапат өрт: демалыстағы қазақстандық видео жариялады
Түркиядағы өрт: басылым тыйым салынған топтың қатысы бар екенін мәлімдеді
"Түтіндеп жатқан жерлер бар": Риддердегі алапат өртке қатысты соңғы деректер айтылды
Алматыда қонақ үй алдында фотосессия ұйымдастырғандарға айыппұл салынды – видео
ШҚО полициясы өртке кінәлі күдікті ұсталғанын мәлімдеді
Ешкі, архивтегі сурет

Ер адам бес бірдей ешкіні мотоцикліне тиеп алды желіде тараған видео

216
(Жаңартылды 12:17 04.08.2021)
Облыс тұрғыны төрт түлікті тасымалдаудың тың әдісін ойлап тапты. Куәгерлер оны видеоға түсіріп алған

НҰР-СҰЛТАН, 4 тамыз – Sputnik. Шығыс Қазақстан облысында бес бірдей ешкіні мотоцикліне байлап тасымалдаған ер адамға айыппұл салынды, деп хабарлайды Sputnik Қазақстан Yk-News сайтына сілтеме жасап.  

Куәгерлер мотоциклінің екі жағына төрт ешкі байлаған ер адамды видеоға түсіріп алды. Ол тағы бір үй жануарын беліне орап алыпты. Сөйтіп төрт түлікті көшемен тасымалдаған. Мотоциклдің мемлекеттік тіркеу нөмірі көрінбейді.

Қазнетте осы видеоны қызу талқыға салды. Көбісі мотоцикл жүргізушісін жануарларға қатыгездік танытқаны үшін сынға алды. Енді біреулер бұл әрекетке түсінікпен қарау керек деп отыр. Себебі малды тасымалдауға да аз ақша кетпейді.

"Ер адам уақытты үнемдеп, бәрін бір рейспен апарып тастауды жөн көрген ғой", - дейді тағы бір қолданушы.

Адамдар видеоның Мақаншыда түсірілгенін жазып жатыр. 

Шығыс Қазақстан облыстық полиция департаменті желіде тараған видеоға қатысты түсініктеме берді. Ресми мәліметке сәйкес, мотоцикл жүргізушісі ұсталды. Оған бірнеше бап бойынша айыппұл салынды. 

"2 тамыз күні Үржар ауданының 35 жастағы тұрғынына қатысты бірнеше әкімшілік хаттама рәсімделді. Соның ішінде көлікті куәліксіз және мемлекеттік тіркеу нөмірінсіз жүргізу, сондай-ақ мотошлемді қолдану ережелерін сақтамау сияқты тәртіп бұзушылықтар бар", - дейді полицейлер.  

Полицияның ақпараты бойынша үй жануарлары тірі болған. Оларға қатыгездік танытылды деген мәселе қаралып жатқан жоқ.

 

216
Кілт сөздер:
ешкі, видео, мотоцикл, ШҚО
Тақырып бойынша
Нұр-Сұлтанда жұмысшылар тірі сиырды неге кранмен көтергенін айтты – видео
Алматы облысында полиция көшедегі адамдарға шабуылдаған сиырды атып тастады
Алматы облысында бір отар қой пойыз астына түсті – фото
Ешкі бағып жүріп, есінен танған: жерлеу рәсімінде күтпеген оқиға болды
Павлодар облысында әкім бір жылда 125 кітап оқыған балаға ешкі сыйлады
АҚШ полицейлері

АҚШ-тың гипердыбысты зымыраны тағы да сынақтан өте алмады

0
Алғашқы америкалық гипердыбысты зымыран прототипінің бірнеше сәтсіз сынағы АҚШ-тың Ресей мен Қытайдан технологиялық тұрғыда кейіндеп қалғанын көрсетеді   

28 шілдеде АҚШ-тың әскери-әуе күштері AGM-183A Air-Launched Rapid Response Weapon (ARRW) гипердыбысты зымыранын ұшыру сынақтарын сәтсіз аяқтады. Super duper missile өнімі Оңтүстік Калифорния жағалауында B-52H Stratofortress бомбалаушы ұшағынан бөлініп шықты, алайда реактивті тартылыс іске қосылмады. Прототипі Тынық мұхитқа құлады.

Сәуірдегі ұшу сынағы кезінде AGM-183A зымыраны тасымалдағыш ұшақтың қанатынан ажырамай, Эдвардс авиабазасына қайта оралды.

Салыстыру үшін айтсақ, ресейлік гипердыбысты "Кинжал" зымыран кешені 2017 жылдың желтоқсанында әскери-ғарыш күштеріне қарулануға қабылданды. Зымыран әскері қатарында стратегиялық мақсаттағы "Авангард" гипердыбысты блоктары 2019 жылдан бері кезекшілікте тұр. Ресейлік әскери-теңіз флоты "Циркон" кемеге қарсы гипердыбысты зымыранының мемлекеттік сынақтарын аяқтап жатыр. РФ әскери-ғарыш күштері үшін үлкен қашықтыққа ұша алатын Х-95 гипердыбысты зымыраны әзірленіп жатыр.

АҚШ перспективалы гипердыбысты зымыранын әзірлеуді 2022 жылы аяқтауды жоспарлап отыр. AGM-183A аппараты "сипаттамасы жағынан кез келген ресейлік аналогтан озық болады деп күтілуде". Бұл шындыққа жанаспайтын секілді.

Америкалықтар 5 Махтан асатын гипердыбысты жылдамдыққа қол жеткізуді әзірше армандап қана жүр. Ресейдің "Авангард" гипердыбысты блогы 28 Махқа дейінгі жылдамдықпен ұшады. "Кинжал" мен "Циркон" 10 Махқа дейін жылдамдықты үдете алады.

Ал Қытайдың орташа қашықтыққа ұшатын гипердыбысты DF-17 техникасы 10 Махты еңсере алады. Ол 2019 жылдан беру қарулануға қабылданған.

АҚШ-тың әскери-әуе күштері 2022 қаржы жылында 212,8 миллиард доллар, соның ішінде құпия жобалар үшін 39 миллиард доллар сұрап отыр. Бұл 2021 жылдың бюджетімен салыстырғанда 7,3 миллиард долларға жоғары. Гипердыбысты қаруды дайындауды қаржыландыру 386 миллионнан 438 миллион долларға дейін артады.

AGM-183A аппаратын дайындау 2018 жылы басталған болатын және Lockheed Martinм компаниясы 480 миллион долларға келісімшарт жасады. Оның жобалық қашықтығы 1600 километр болса, жылдамдығы 20 Махты құрауы керек.

The Drive басылымының мәліметі бойынша америкалық әскери-әуе күштері ARRW ұшу сынақтарының кестесі бойынша жеті жылға кешігіп келеді. Бастапқыда оны іске қосу 2020 жылға жоспарланған болатын. АҚШ-тың әскери бюджеті 700 миллиард доллардан баяғыда-ақ асып кетті. Әйтсе де әскери өнеркәсіптік кешен Пентагон үшін гипердыбысты зымырандар құрастырудан жақсы нәтиже көрсете алмай келеді.

Мәскеу мен Бейжің өз территориясын қорғау үшін басымды мақсатта гипердыбысты зымырандарды дайындауға кірісті. Ресей мен Қытай басқа мемлекеттерге әскери шабуыл жасап, басқыншылықпен айналысуды көздемейді. Бұл ұжымдық Батыстың кей кезде агрессияға толы әрекеттерінен қорғану үшін жасалып жатқан шаралар.

Америка Құрама Штаттары 2021 жылдың басында F-15EX сегіз жойғыш ұшағын қаржыландыруды мақұлдады (құны 1,2 миллиард доллар болатын келісімшарт). Бүкіл бірінші партия бойынша ықтимал шығын көлемі шамамен 23 миллиард долларды құрайды. Қалай дегенмен де бүгінде Ресей мен Қытай гипердыбысты қару-жарақ дайындауда оқ бойы озық шықты.

0