Жарылыстан кейінгі Арыс

Арыстағы жарылысқа не себеп болды прокуратура жауабы

705
(Жаңартылды 16:37 03.07.2019)
Арыстағы төтенше жағдайға қатысты қозғалған қылмыстық іс ұзақ уақыт тергелуі мүмкін

НҰР-СҰЛТАН, 3 шілде – Sputnik. ҚР Бас әскери прокурорының орынбасары Дархан Ержанов Арыс қаласындағы жарылысқа қатысты қозғалған қылмыстық іс ұзақ тергелуі мүмкін екенін айтты, деп хабарлайды Sputnik Қазақстан тілшісі.

Ол Арыс қаласындағы төтенше жағдайға қатысты ҚР қылмыстық кодексінің 462-бабы 3-бөлігі бойынша сотқа дейінгі тергеп-тексеру амалдары жүріп жатқанын атап өтті. 

"Қару-жарақпен, оқ-дәрiмен немесе қауіп төндіретін өзге де заттармен жұмыс істеу ережелерін бұзып, бұл абайсызда екi немесе одан да көп адамның өлiмiне әкеп соққан жағдайда – күдіктіні бес жылдан он жылға дейiнгi мерзiмге бас бостандығынан айыру жазасы көзделген", - деді Дархан Ержанов.

Бас әскери прокурордың орынбасары қылмыстық істі тергеу үшін ішкі істер министрлігінің тәжірибелі қызметкерлері енген жедел-тергеу тобы құрылғанын жеткізді.

"Заңдылықты қамтамасыз ету, азаматтардың конституциялық құқықтарын сақтау, қылмысты тез ашу, кінәлі тұлғаларды анықтау мақсатында тергеуге әскери және жергілікті прокуратуралардың қызметкерлері қатысуда. Құқық қорғау органдарының қызметін үйлестіру үшін мүдделі ведомстволармен бірлесе отырып тергеп-тексеру жоспары әзірленді", - деді ол.

Оның айтуынша, тергеудің бастапқы кезеңінде жағдайдың мән-жайын анықтауға, адам өліміне не себеп болғанына баса назар аударылады.

Тағы оқыңыз: Беккер Арыстағы таңғаларлық жайт туралы айтты

"Оқиға орны тексеріліп, іске қатысы бар құжаттар алынып жатыр. Келтірілген залал анықталуда. Қазіргі кезде 100-ден аса адамнан жауап алынды. Сонымен қатар, болжамды нұсқалар, олардың арасында өрт қауіпсіздігін сақтамау, лауазымды тұлғалардың салғырттығы және тағы басқа себептер қаралып жатыр", - деді Дархан Ержанов.

Бас әскери прокурордың орынбасарының пікірінше, мұның бәрі тексерілетін болады. Оқ-дәрі сақталатын қоймалардың қауіпсіздігін қамтамасыз етуге бөлінген бюджет қаражаты қаншалықты дұрыс пайдаланылғаны да қаралады. Ержанов жарылғыш заттардың дұрыс жиналуы, қоймаларда анықталған кемшіліктердің уақтылы жойылған-жойылмағанына қатысты әскери қызметшілердің әрекеті тексерілетінін айтты.

"Тергеу нәтижесінде жауапты тұлғалардың іс-әрекеттеріне құқықтық баға беріледі. Тергеп-тексеру барысы Бас прокурордың бақылауында", - деді ол.

Сөз соңында Дархан Ержанов қылмыстық істі тергеу ұзаққа созылуы мүмкін екенін айтты.

"Қылмыстық процессуалдық кодекске сәйкес, қылмыстық іс 2 ай тергеледі. Егер 2 айда тиісті айғақтар жиналмаса, істі тергеу уақыты созылады. Тіпті, 3-5 айға дейін жетуі мүмкін. Бұл өте күрделі қылмыстық іс. Тергеу жүргізіліп жатыр. Көп жұмыс істеу керек", - деп түйіндеді сөзін бас әскери прокурордың орынбасары.

Арыстағы төтенше жағдай

24 маусымда Түркістан облысындағы Арыс қаласында жарылыс болды. Қала жанындағы әскери бөлімнің қоймасында өрт шығып, оқ-дәрі жарыла бастаған.

Жергілікті тұрғындардың үрейі ұшып, үйлерін тастап қаша бастады. Халықты Шымкент және басқа көршілес елді мекендерге эвакуациялау басталды.

Тағы оқыңыз: Министр: қалада снаряд жарылған жоқ

Жарылыс салдарынан үш адам қаза тапты: бір тұрғын және екі әскери қызметкер.

Төтенше жағдай салдарынан келген шығын мөлшері 20 миллиард теңге шамасында деп болжанып отыр.

705
Кілт сөздер:
жарылыс, прокуратура, төтенше жағдай, апат себептері
Тақырып:
Арыстағы жарылыс (90)
Тақырып бойынша
"Төтенше жағдай кезінде қыдырып жүр": Арысқа көшкен Шөкеев кімге шүйлікті?
Арыстағы жарылыс: қала тұрғынының шкафтағы 2 миллиондай ақшасы жоғалды
"Қалада снаряд жарылған жоқ": министр Арыстағы оқиғаға не себеп болуы мүмкін екенін айтты
Арыста үйіліп жатқан оқ-дәрі: министрлік желіде тараған видеоға түсініктеме берді
Арыстағы төтенше жағдай: жарылыстан қанша шығын келді?
Жамбыл облысындағы апат

Жамбыл облысында жантүршігерлік жол апатынан 6 адам қаза болды видео

359
Алматы – Ташкент тас жолында екі жеңіл көлік соқтығысып, алты адам көз жұмды, тағы екі адам ауруханаға түсті

НҰР-СҰЛТАН, 23 қыркүйек – Sputnik. Жамбыл облысының полицейлері Алматы – Ташкент тас жолында алты адамның өмірін қиған апатқа қатысты сотқа дейінгі тергеу бастады. Зардап шеккен тағы екі адамның өмірі үшін дәрігерлер күресіп жатыр.

Жамбыл облысы Байзақ ауданы аумағында Алматы-Ташкент тас жолының 476 шақырымында Аudi-А4 пен Toyota Camry соқтығысты. Оқиға 23 қыркүйек таңғы алты шамасында болды, деп хабарлайды Polisia.kz.

"Жол апаты салдарынан алты адам оқиға орнында көз жұмды. Toyota Camry автокөлігінің екі жолаушысы түрлі жарақатпен ауруханаға жеткізілді", - деді өңірдің полиция департаменті.

Жол апатына қатысты Қылмыстық кодекстің 345-бабы 4-тармағы "Абайсызда екi немесе одан да көп адамның өлiмiне әкеп соққан, көлiк басқаратын адамдардың жол жүрісі немесе көлiк пайдалану қағидаларын бұзуы" бойынша сотқа дейінгі тергеу басталды.

Қайғылы оқиғаның себебін анықтау үшін бірқатар сараптама тағайындалды.

Оқи отырыңыз: 

359
Кілт сөздер:
Жамбыл облысы, жол апаты, видео
Алматада бес адамды атып тастаған оқиға орнын оқшаулау

Алматыдағы қанды оқиға: күдікті банкке ғана емес, таныстарына да миллиондап қарыз

185
(Жаңартылды 10:09 23.09.2021)
Айналасындағылардан қолхатпен миллиондап ақша ала беріп, тығырыққа тірелген Дужнов екі жыл із-түссіз жоғалып кеткен

НҰР-СҰЛТАН, 23 қыркүйек – Sputnik. Алматыда атыс шығарып, бес адамды бақилыққа аттандырған Игорь Дужнов банкке ғана емес, талай адамға миллиондап қарыз екені анықталды, деп хабарлады КТК арнасы. 

Алматыда бес адамды атып тастаған Игор Дужновтан қарызын сот арқылы да өндіре алмай жүрген азаматтар шағымдануда.

Бұрынғы досының айтуынша, Дужнов одан 35 мың еуро алып, он жылдан бері қайтармай жүр. Енді бірі қолхатпен берген 200 мың долларымды қайтармады деп әлеуметтік желіде шу көтерді.  

Бес бірдей адамды атып тастаған Игорь Дужновтың отбасымен Елена Винокурова ұзақ жылдар бойы араласқан екен. Бірақ әулеттер арасындағы жақсы қарым-қатынасты қыруар ақша бұзыпты.

Игорь Дужнов Елена Винокурованың анасынан он жыл бұрын 35 мың еуро қолхатпен қарыз алған. Бірақ бұл берешекті Дужнов әлі күнге дейін қайтармаған.

"Мен Игорьдің отбасын 16 жылдан бері танимын. Менің әкем Анаиданың әкесімен дос болған. 2009 жылы әкем қайтыс болған соң, төрт күннен кейін Игорь анама келіп қолхатпен қарыз алып кетеді. Маған анам қарыз туралы бес жылдан кейін бірақ айтады. Сосын мен сотқа беріп жеңіп шығамын. Бірақ ақшаны қайтару мүмкін болмады. Сол кезде біз Игорьдің қарызға белшеден батып, дүние-мүлкінің барлығы кепілде тұрғанын көріп таңғалғанбыз", - деді ол.

Винокурованың айтуынша, айналасындағылардан қолхатпен миллиондап ақша ала беріп, тығырыққа тірелген Дужновтың екі жыл із-түссіз жоғалып кеткен. Сол уақытта оның әйелі Демирчян полицияға арыз жазып, күйеуінің жоғалғанына қарыз берген адамдарды кінәлапты. Ал Игорь Дужнов болса сол уақытта Донбасстағы соғысқа барып келдім деп жора-жолдастарына мақтанышпен айтып жүрген.

"Неге адамдар қарызды оңай бере салды деген сұрақ туындайды. Себебі бұл отбасы мүшелері діндар болған. Шіркеу салуға көмектесіп, қайырымдылықпен айналысқан. Ауқатты әулет болған. Демирчянның сол уақытта кәсібі дүркіреп тұрды", - дейді ол.

Винокурованың сөзінше, Анаида Демирчян екі мыңыншы жылдары Ресейден дөңгелек әкеліп, көтерме саудамен айналысқан белді кәсіпкер болған. Содан кейін бұл бизнесті күйеуіне тапсырып, сұлулық салонын ашыпты. Дегенмен күйеуінің қарызға белшесінен батқанынан әйелі хабарсыз болды дегенге сену қиын деп отыр.

"Игорьді кей адамдар жүйеге қарсы шыққан күрескер, оның бұл қылмысқа сот орындаушы, банк пен сот итермеледі деп айтып жатыр. Бірақ мен оны жақсы танитын адам ретінде айтайын. Бұл қате пікір. Өйткені Дужнов қарыз алып қайтармай үйренген адам. Осы қарыздары оған тыныштық бермеген. Сосын қылмысқа барды. Кешегі марқұмдардың орнында мен сияқты ақшаны қайтара алмай жүрген кез келген адам болуы мүмкін еді", - дейді ол.

Борышкерлердің тізімі жарияланатын арнайы сайтта Дужновтың он шақты компания мен жеке тұлғаларға қарызы бар екені көрсетілген. Сол үшін Қазақстан аумағынан шығуға тыйым салынған. 

Алматыдағы трагедия

20 қыркүйек кешке Алматының Алатау ауданындағы қайғылы оқиға салдарынан бес адам – екі полиция қызметкері, жеке сот орындаушысы, дау шыққан үйдің жаңа иесі мен оның танысы оққа ұшты. Бесеуі де сол жерде қайтыс болды. Оларға оқ атқан - Игорь Дужнов. Ол қазір қазір қамауда отыр.

Оқи отырыңыз: 

185
Кілт сөздер:
Алматы, атыс, қарыз
Тақырып:
Алматыдағы атыс: 5 адам қаза болды
Түркістан

Өзбекәлі Жәнібековтың есімін бірнеше нысанға беру ұсынылды

0
Депутаттар Өзбекәлі Жәнібековтың есімін Түркістан қаласындағы шағын көшеге емес, жаңа орталықтағы кең көшеге беру керек деп санайды

НҰР-СҰЛТАН, 23 қыркүйек – Sputnik. Сенат депутаттары мемлекет қайраткері Өзбекәлі Жәнібековтың ескерткішін орнатып, оның есімін бірнеше нысанға беруді ұсынды, деп хабарлайды Sputnik Қазақстан тілшісі.

Сенатор Алтынбек Нухұлының айтуынша, биыл Тәуелсіздіктің 30 жылдығымен қатар мемлекет қайраткері, тарихшы-этнолог Өзбекәлі Жәнібековтың туғанына 90 жыл толып отыр.

Ол Наурыз мейрамын жаңғырту, халықаралық қазақ тілі қоғамын құру мен "Ана тілі" газетінің ашылуына тікелей ықпал етті. Қазақстанда музейлердің көптеп ашылуына атсалысты.

"Осыған байланысты Түркістандағы этнографиялық музейге және Арқалықтағы дала өлкесі тарихи облыстық музейіне Өзбекәлі Жәнібек есімі берілсе дейміз. Арыстан баб қорық музейі жанында жабылып қалған Өзбекәлі Жәнібеков музейі жаңартылып, қайта ашылуы қажет", - деді Нухұлы сенаттың жалпы отырысында.

Бұдан бөлек, депутаттар Өзбекәлі Жәнібековтың есімін Түркістан қаласындағы шағын көшеге емес, жаңа орталықтағы кең көшеге беру керек деп санайды.

"Туған елі қасиетті Түркістанда еңселі ескерткішін тұғырына орнату керек деп білеміз. Мұндай құрмет қызмет атарған Шымкент және Алматы қалаларында да жасалуы керек", - деп атап көрсетті сенатор.

Осы орайда депутаттар Өзбекәлі Жәнібековтың негізгі жетістіктерін де ерекше атап өтті.

"Оның Торғай елін түлеткені өз алдына бір бөлек, Алаш қайраткерлері Ахмет Байтұрсынұлы, Міржақып Дулатов, Мағжан Жұмабаев, Жүсіпбек Аймауытовтарды ақтап алуда, оның алдында Шәкәрім есімімен еңбектерін жарыққа шығарып, халқымен қайта қауыштыруда ұйытқы болды. Қожа Ахмет Яссауи кесенесіндегі қасиетті тайқазанды Эрмитаждан алып келуде басты орындаушы рөлін атқаруын ешкім ешқашан ұмытпақ емес. Осы Қожа Ахмет Яссауи кесенесін ЮНЕСКО тізіміне қосып, қалпына келтіруге, Арыстан баб мазарын маңын халықтың жиі келіп, тәу етер жеріне айналдырудағы еңбегі - мәңгі өлмес істер мен ізгілікті іздер", - дейді Нухұлы.

Сенаторлар үкіметке депутаттық сауал жолдап, жариялаған ұсыныстар бойынша тиісті шараларды қолға алуды сұрады.

Оқи отырыңыз: 

0
Кілт сөздер:
ескерткіш, есімін беру, депутат
Тақырып бойынша
Алаш арыстарына ескерткіш ашылды
Алаш идеясы тығырыққа тірелді: Байтұрсынұлы кеңес өкіметі жағына не үшін өтті
Алаш зиялысы Жақып Ақбаев туралы не білеміз
Алматы облысынан табылған Алаш арыстарының сүйегі қайта жерленді