Кісен

Үйлену тойына ақша жетпеген: Шымкентте бай ерлі-зайыптыны өлтірген жігіт сотталды

3388
(Жаңартылды 10:13 04.07.2019)
Қаладағы белгілі кәсіпкерлерді 2019 жылдың ақпанында қатыгездікпен өлтіріп кеткен еді

НҰР-СҰЛТАН, 4 шілде — Sputnik. Шымкентте ерлі-зайыпты кәсіпкерлердің өліміне қатысты атышулы сот ісі аяқталды. Екі кісі өлтіргені үшін сотталған Ерсұлтан Құлахметов 25 жылға бас бостандығынан айырылды.

Дүйім жұртты дүрліктірген қылмыс

2019 жылдың 6 ақпанында Шымкент орталығындағы жеке тұрғын үйде қарт ерлі-зайыптының асқан қатыгездікпен өлтірілгені белгілі болды.

64 жастағы отағасының басынан оқ атқан. Ал оның 62 жастағы әйелі кеудесі мен мойнынан көптеген пышақ жарақатын алған. Қатты соққыдан әйелдің бірнеше сүйегі сынып кетіпті.

Тағы оқыңыз: Өгей қыздарын азаптап келген жетісайлық келіншек сотталды

Полицейлер анықтағандай, қылмыскер немесе қылмыскерлер құрбандарын жақсы білген, үш қабатты зәулім үйдің ішінде адаспай жүргені байқалды.

Қаскүнем ақша мен жалпы құны 4 миллион теңге алтын бұйымдарды тонап кетеді. Сейфті кілтпен ашыпты. Ерлі-зайыптының туыстары полицияға берген мәлімет бойынша, үйде бұдан да көп ақша мен қымбат бұйымдар болған, бірақ қарақшы оларға тиіспеген екен.

Қариялардың әр қайсысында жеке коммерциялық кәсіпорын болған, табысы мол бизнеспен айналысып жүріпті. Қаралы күні үйде ерлі-зайыптының 14 жастағы немересі де болған. Ата-әжесіне қонаққа келген екен. Алайда болған жайттан кейін қатты есеңгіреп қалған қыз полицияға мардымды ештеңе айта алмады.

Оның айтуынша, түнде айғай-шуды естіген, бірақ атасы мен әжесі ұрысысып жатқан шығар деп ойлапты. Қыз бала қатты қорқып, көрпені басына жауып алады да, ұйықтап кетеді. Түнде оянып, әжесін іздегенде, қанға малынып жатқан қарттарды тауып алады. Қыз бірден анасына хабарласқан.

Қылмыскер ізін қалдырып кетті

Тергеушілер анықтағандай, қарақшы бірінші қабаттағы пластик терезе арқылы кірген. Ас үйдегі терезенің жақтауы бұзылыпты. Терезе алдында тұрған тоңазытқыштың үстінде полицейлер бәтеңке ізін тауып алды. Көршілерден сұрастыра келе, кейбірінің үйінде бақылау камералары бар екені анықталады. Жазбалардың арқасында жедел қызметкерлер қылмыскердің үйге қалай келгенін білді.

Тағы оқыңыз: Нұр-Сұлтанда үй қызметшісі бұрынғы жұмыс берушісін тонап кетті

Белгілі болғандай, кешкі он кезінде шамамен 30-дағы жігіт медициналық маска киіп, қолындағы сөмкесімен бизнесмендердің үйіне қарай өтеді. 30-40 минуттан соң сол жолмен қайта келіп, таксиге отырады да, кетіп қалады. Келесі күні полиция таксисті іздеп тапты. Ол клиентті жеткізіп салған мекенжайды айтып берген. Полицейлер сол ауданды тінтіп, 16 ақпанда күдікті қолға түсті. Ол – 28 жастағы Шымкент тұрғыны Ерсұлтан Құлахметов.

Қыз баланы аяған

Бірінші тергеуден-ақ ол бәрін мойындады. Бұрын қариялардың жеке шопыры болып істепті. Отбасын жақсы таниды, зәулім үйде жиі болған көрінеді. Кейін жұмыстан кетіп, басқа қызметке ауысады. Жақында үйленбек болып, ақша жетпеген соң, бұрынғы жұмыс берушілеріне қарақшылық жасауға бел буған. Ерлі-зайыптыны өлтіруді алдын ала жоспарлапты.

Ол үшін базардан ешбір құжатсыз аңшы мылтығын сатып алады. 5 ақпанға қараған түні қаруды сөмкеге салып, медициналық маска киіп, ауыр қылмыс жасауға аттанған.

Биік дуалдан еш қиындықсыз асып түскен ол бұрауышпен асүйдің терезесін бұзып кіріп, теледидар дыбысын естиді. Қонақ бөлмеде үй иесі отыр екен. Ерсұлтан шалт қимылдап, қарттың бетіне оқ атады. Қылмыскер жатын бөлмеге барып, қарт әйелдің қасында жатқан қыз баланы көреді. Бизнесменнің әйелін өлтіруге тағы бір оғы қалған еді.

Тағы оқыңыз: Шу ауданында педофил 3 жасар қызды зорлады: азғынды баланың әкесі қолға түсірді

Алайда сол сәтте қызға жаны ашып кетеді. Құлахметов сотта айтқандай, балаға зияны тиер ме деп әжесін көз алдында атпауды жөн көреді. Сол себепті асүйге барып, үлкен пышақ тауып алған. Оқ үнінен оянған қарт әйел дәлізге шығады. Ерсұлтан оған 20 рет пышақ сұққан. Кейін үй иесінің қалтасынан кілт алып, сейфтегіні түгел тонап кетеді. Содан соң түк болмағандай шығып, таксимен өз үйіне жеткен.

Ұрлаған дүниесін пайдаға жаратып үлгермепті, полиция оны тез қолға түсірді.

Қатаң жаза

Шымкент қаласының мамандандырылған ауданаралық қылмыстық соты Ерсұлтан Құлахметовті екі кісі өлтіріп, қарақшылық шабуыл жасағаны үшін, сондай-ақ заңсыз қару пайдаланғаны үшін 25 жылға соттады. Жаза мерзімін қауіпсіздік деңгейі ең жоғары колонияда өтейді. Үкім әлі заңды күшіне енген жоқ.

3388
Кілт сөздер:
соттау, өлтіру, ерлі-зайыпты, Шымкент
Тақырып бойынша
Көліктен алып шығып, ұрған: фабрика бастығы дегеніне көнбеген жұмысшы әйелді өлтірді
Павлодарда банк картасын тауып алған жігіт 20 жылға сотталып кете жаздады
Басқа пәле – тілден: қыздарды жөнге салмақ болған ер адам ажал құшты
Түркістан облысында әріптестерін өлтірген инкасатор кредиттерін жаппақ болған   
Тапаншамен ату

Шудағы арнайы операция: полицейлер арасындағы атыста біреуі ажал құшты

1891
(Жаңартылды 10:35 20.10.2020)
Атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өткен. Ал қуғыншылар оларды тоқтату үшін қару қолдануға мәжбүр болған

НҰР-СҰЛТАН, 20 қазан – Sputnik. Жамбыл облысында жүргізілген арнайы операция кезінде полиция қызметкерлеріне қарсы оқ атылып, бір адам қаза болды, деп хабарлайды Polisia.kz.

Көліктегі полиция департаментінің Шоқпар станциясындағы желілік полиция басқармасының қызметкерлері есірткі тасымалымен айналысады деген күдікке ілінген.

Ішкі қауіпсіздік қызметіне полиция өкілдерінің есірткі жинап, оларды сату үшін Құмөзек аймағына баруы жоспарланып отыр деген ақпарат түскендіктен, арнайы мақсаттағы бөлім қызметкерлерімен бірлесе операция жүргізеді. Сондықтан да күдіктілердің жолын бөгеу үшін Шу – Тараз тас жолын жауып, олар мінген көлікті тоқтатуға әрекет жасалған.

Алайда, атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өтіп, оқиға орнынан жасырынуға тырысады. Сондай-ақ, олар өз әріптестерінің ескертулеріне құлақ аспаған соң, қуғыншылар көлікті тоқтату үшін қару қолдануға мәжбүр болған.

"Үш күдіктінің екеуі атыс қаруынан жарақат алып, біреуі медициналық мекемеде көз жұмды. Жараланғандардың бірі ауруханаға жеткізілсе, тағы бірі уақытша ұстау изоляторына қамалды", – делінген ақпаратта.

Қазіргі кезде осы оқиғаға байланысты Қылмыстық кодекстің 297, 345, 362-бабына сәйкес сотқа дейінгі тергеу жүргізілуде. Тергеу мүддесіне сәйкес өзге ақпарат жарияланбады.

Оқи отырыңыз: Түркістан облысында браконьердің әкесі инспекторларға оқ атты

Айта кетейік, Қылмыстық кодекстің 297-бабы – есірткі құралдарын, психотроптық заттар мен олардың баламаларын алу, сату, сақтау немесе өткізу мақсатында заңсыз дайындап, өңдеп, тасымалдағаны үшін;

345-бабы – көлік құралдарын басқаратын адамдардың жолда жүру немесе көлік құралдарын пайдалану ережелерін бұзғаны үшін;

362-бабы – қызметтік өкілеттік пен билікті асыра пайдаланғаны үшін жауапкершілік қарастырады.

1891
Кілт сөздер:
полицейлер, шу, Жамбыл облысы
Тақырып бойынша
Алматы саябағына жас жігіт қаруланып келіп, оқ атты
Шымкенттегі үйлену тойында қонақты пышақтап, маңдайына оқ атты
Талғарда қоғам белсендісіне оқ атты: әкім мен оның жүргізушісі ұсталды
Ұлы көз жұмды: белгісіз біреу қала орталығында депутаттың көлігіне оқ атты
Көзіне дәл тиген - Алматы облысы полиция бастығының орынбасарына оқ атты
Алматыдағы бизнес орталық

Алматыда бизнес орталықтан 300-ге жуық адам эвакуацияланды

64
(Жаңартылды 16:44 19.10.2020)
Эвакуация сағат 12.40-та басталды. Бизнес орталықта жұмыс істейтін барлық қызметкер сыртқа шығарылды

АЛМАТЫ, 19 қазан – Sputnik. Алматыда "Қаратал" бизнес орталығында ішінде не бар екені белгісіз сөмкеге байланысты 300-ге жуық адам эвакуацияланды, деп хабарлайды Sputnik Қазақстан.

Из бизнес-центра в центре Алматы эвакуировали всех из-за подозрительной сумки
© Sputnik / Тимур Ниталиев
Белгісіз сөмкенің кесірінен Алматы орталығындағы ғимараттан 300-ге жуық адам қауіпсіз жерге шығарылды

Эвакуация сағат 12.40-та басталды. Ғимаратта жұмыс істейтін барлық қызметкер сыртқа шығарылды. 
Алматы полиция департаментінің баспасөз қызметі Sputnik Қазақстан тілшісіне эвакуацияға бірінші қабатта белгісіз біреу қалдырып кеткен сөмке себеп болғанын айтты.

"Әйел сөмкені бірінші қабатта қалдырып кеткен. Сөмкеде қарапайым заттар болды. Біздің қызметкерлер барлығын тексеріп, сөмкенің иесін тапты. Кеңсе қызметкерлері жұмысына оралды, олардың өміріне қауіп төніп тұрған жоқ", - деді полиция.

Из бизнес-центра в центре Алматы эвакуировали всех из-за подозрительной сумки
© Sputnik / Тимур Ниталиев
Кеңсе қызметкерлері жұмысына оралды, олардың өміріне қауіп төніп тұрған жоқ

Айта кетейік, "Қаратал" бизнес орталығы Алмалы ауданында Шевченко көшесі мен Наурызбай батыр көшесінің қиылысында орналасқан.

 

64
Кілт сөздер:
тұрғындарды эвакуациялау, Алматы
Тақырып бойынша
Көшеде жатқан көк сөмке шымкенттіктердің зәре-құтын қашырды
Төтенше оқиға: Петропавлда мейрамханадан 200-ге жуық адам қауіпсіз жерге шығарылды
Шығыс Қазақстанда төтенше оқиға болды - 200 адам қауіпсіз жерге шығарылды
Алматыда Esentay Mall орталығынан адамдар шұғыл эвакуацияланды
Өскеменде иесіз жатқан сөмке күдік туғызып, бүтін бір көше қоршалды
Көлік қозғалысы

Нұр-Сұлтанда жаңа біржақты көше пайда болады

0
Бұл шешім тұрғындардың елорда әкімдігіне осы көшедегі қозғалысқа жасаған шағымынан кейін қабылданған

АЛМАТЫ, 20 қазан – Sputnik. Нұр-Сұлтанда 25 қазаннан бастап Family village ауданында Е652 көшесінде бір бағытты қозғалыс енгізу жоспарланып отыр.

Қала әкімдігінің баспасөз қызметінің хабарлауынша, бұл шешім тұрғындардың елорда әкімдігіне осы көшедегі қозғалысқа жасаған шағымынан кейін қабылданды. 

Елордалық көлік және жол-көлік инфрақұрылымын дамыту басқармасы мен әкімшілік полиция басқармасы бірлесіп, осы учаскелердің жол-техникалық жағдайын тексерген.

"Қозғалыс сағат тіліне қарсы бағытта болады. Белгіленген учаскеде бір бағытты қозғалысты енгізу көлік легінің үздіксіз қозғалысын қамтамасыз етуге, қарсы бағытпен қақтығыс жағдайын азайтуға, жол апатын болдырмауға мүмкіндік береді", - делінген әкімдік таратқан ақпаратта.

Сонымен қатар бұл өзгеріс жол қозғалысын оңтайландыру үшін және көше-жол желісіне жүктемені азайту мақсатында енгізіліп отыр.

0
Кілт сөздер:
көлік қозғалысы, көше, Нұр-Сұлтан
Тақырып бойынша
Көше сыпырып кеткен: Әблязовтің елге оралған сыбайластарының тағдыры белгілі болды
Нұр-Сұлтанда ерекше көше қиылысы пайда болды – видео
Америкалықты бір соққымен құлатқан қазақ па? Көше төбелесінің видеосы
Бұрынғы кәсіби футболшы көше сыпырып кетті – видео
Нұр-Сұлтанда бірнеше көше мен көпір жабылады