кісен, архивтегі сурет

Алматыда балабақшадан сәби ұрламақ болған әйелге қатысты тың дерек шықты

1239
Тергеу аяқталғанша әйел адам екі ай бойы қамауда отырады

АЛМАТЫ, 27 шілде — Sputnik. Өзі жұмыс істейтін балабақшадан бес жасар сәбиді ұрламақ болған алматылық тәрбиеші алдағы екі айды тергеу абақтысында өткізеді. Алматы тергеу соты осындай шешім қабылдады, деп хабарлады қалалық соттың баспасөз қызметі.

Қылмыстық кодекстің 24-бабы 3-тармағы "Қылмысқа дайындалу және қылмыс жасауға оқталу" және 125-бабы 2-тармағы 5, 8-бөлімдері "Адам ұрлау" бойынша тергеу жұмыстары аяқталғанға дейін әйел адам екі айдай тергеу абақтысында отырады, бұл баптар бойынша күдікті  жеті жылдан он екі жылға дейін сотталуы мүмкін. Сондай-ақ мүлкі тәркіленуі де ықтимал.

Тағы оқыңыз: Алматылық әйел балабақшадан бала ұрлмақ болды - фото

Алматының Медеу ауданындағы балабақшадан бес жасар баланы ұрламақ болғаны туралы арыз полицияға 16 шілдеде түсті.

Балабақшаның бақылау камерасына түсірілген видеода басына қалпақ киіп, қара көзілдірік таққан келіншектің сәбиді алып кетуге тырысып жатқанын көруге болады.

Посмотреть эту публикацию в Instagram

Публикация от Kris P Brothers Almaty (@kris_p_brothers_official)

Әйел адам баланың туысымын деп танысқанымен, жас тәрбиеші оған сенбей, сәбидің анасына қоңырау шалуды жөн көреді. Сол кезде күдікті көлікте отырған баланың анасын шақырып келемін деп сылтауратып, ізін жасырған.

Полиция келіншекті 25 шілдеде қолға түсірді.

Ол сол балабақшаның тәрбиешісі екен, қазір демалыста жүрген болса керек.

Әйел адам баланың ата-анасынан ақша талап ету үшін сәбиді ұрламақ болғанын мойындады. Ол қылмыс жасау арқылы қаржылық қиындығын шешпек болыпты.

1239
Кілт сөздер:
әйел, бала ұрлау, сәби, балабақша, Алматы
Төбелес, архивтегі сурет

Алматы әуежайында болған төбелестің видеосы желіде тарап кетті

2411
(Жаңартылды 15:08 24.11.2020)
Алматы халықаралық әуежайының барында сөзге келіп қалған адамдар бір-біріне жұдырық ала жүгірді. Оқиғаның мән-жайы тексеріліп жатыр

АЛМАТЫ, 24 қараша — Sputnik. Алматы әуежайындағы желілік полиция бөлімінің қызметкерлері бұзақылық бабы бойынша сотқа дейінгі тексеріс басталды. Алматы-Ақтау рейсінің мас жолаушысы барменнің ескертуіне дөрекі жауап беріп, жанжал басталған. 

Оқиға 23 қараша күні Алматы әуежайының күту залында болды. 

Әлеуметтік желіде тараған видеода жолаушы барда ұйықтап қалған. Бармен оятқан кезде ер адам ашуланып, жанжал туындады. Ол бардың арғы жағына өтіп, төбелесе бастаған. Мұндайды күтпеген қызметкер қашуға мәжбүр болды.

Ішкі істер министрлігі көліктегі полиция департаменті жағдайға қатысты түсініктеме берді. 

"Медициналық тексеріс кезінде жолаушының орташа дәрежеде мас екені анықталды. Қазіргі уақытта қылмыстық кодекстің 293-бабы 1-бөлігіне сәйкес сотқа дейінгі тергеу басталды", - деді полицияда.

Оған сәйкес, 2 мың АЕК, яғни 5 556 000 теңге айыппұл немесе екі жылға дейін бас бостандығын шектеу немесе сол мерзімге қамауға алу шарасы қолданылуы мүмкін. 

Тексеріс жүргізіліп жатыр.

2411
Кілт сөздер:
видео, төбелес, әуежай, Алматы
Тақырып бойынша
Жұдырық ала жүгірді: Ақтаудағы төбелес видеоға түсіп қалды
Шымкентте жаппай төбелес кезінде ауыр жарақат алған жігіт қайтыс болды
Нұр-Сұлтанда жаппай төбелес видеоға түсіп қалды – полиция түсініктеме берді
Алматы облысында түрмеде төбелес шықты
Қарағандыда жаппай төбелес болғаны хабарланды
Елордадағы дәмханадағы жарылыс

"Адамдар айғайлап, жылап жатты": куәгерлер елордадағы жарылыс туралы айтып берді

859
Жарылыстың күшті болғаны соншалық, көрші үйлердегі терезе әйнектері шытынаған

АЛМАТЫ, 24 қараша – Sputnik. Нұр-Сұлтан қаласындағы дәмхана жарылысына сол маңда орналасқан гүл дүкенінде жұмыс істейтін адамдар куә болған.

Газ баллоны жарылғаннан кейін гүл дүкенінің қызметкерлеріне жарақат алғандардың алғашқы легі жүгіріп барған. Кейбіріне сол жерде көмек көрсетілді, деп хабарлайды "Астана" телеарнасы.

"Олар жараланған, қаны сорғалап тұрды. Бұл өте қорқынышты болды, бастапқыда ештеңе түсінбедік. Дүрлігіп, шу болып, айғайлап, жылады. Иісі жаман түтін болды", - дейді астаналық Нұржайнар.

Жарылыстың күшті болғаны соншалық, көрші үйлердегі терезе әйнектері шытынаған.

Взрыв в кафе в Нур-Султане
© Photo : МЧС РК
Дәмханада болған жарылыс

"Біз сол уақытта үйде болдық. Кенеттен қандай да бір тарсыл естілді, толқын секілді үйді шайқалтқандай болды. Содан кейін біраз уақыт өткен соң Шұбарда жеке тұрғын үйде жарылыс болғанын айтты", - деді Нұр-Сұлтанның Бәтима есімді тұрғыны.

Айта кетейік, қайғылы 21 қарашада болды. Түскі уақыт кезінде дәмхана ішінде ондаған қызметкер мен қонақтар болған кезде газ баллоны жарылды. Асхананың төбесі опырылып түскен, ішінде болған әйел апат орнында көз жұмды.

Апат салдарынан 34 адам зардап шекті, оның басым бөлігі – дәмхана қызметкерлері. Қазір 23 адам ауруханада жатыр.

Үш науқас жансақтау бөлімінде жатыр, бір науқастың жағдайы аса ауыр, екі адамның хәлі ауыр, деп хабарлады қоғамдық денсаулық сақтау басқармасы.

"Тағы бір науқас травматология бөлімінде жатыр. Науқас жабық бас сүйек-ми жарақатын алған, миы шайқалған. Бұл ер адам – дәмхана қызметкері. Қалған адамдар комбустиология бөлімінде (күйік бөлімі – Sputnik)", - деп нақтылады денсаулық сақтау басқармасының өкілі.

Төтенше жағдайлар департаменті дәмхана ішінен 35 газ баллоны шығарылғанын хабарлады. Оларды осындай көлемде сақтауға болмайды, дейді ведомство өкілдері.

Нұр-Сұлтан полициясы қылмыстық кодекстің 292-бабының екінші бөлігі "өрт қауіпсіздігі талаптарын бұзу" бойынша сотқа дейінгі тергеу жүргізіп жатыр.

Өрт-техникалық және сот сараптамалары тағайындалды. Тергеу полиция департаменті басшылығының бақылауында.

Нұр-Сұлтан әкімдігі жарылыс салдарынан қайтыс болған әйелдің отбасына 1 миллион теңге төлеп, денесін Қызылордаға жеткізуге көмектесетін болды.

859
Кілт сөздер:
жарылыс
Нұрсұлтан Назарбаев University Medical Center корпоративтік қорының басқарма төрағасы Юрий Пяны қабылдады

Елбасы Юрий Пяға қолдау көрсетуге уәде берді

0
Нұрсұлтан Назарбаев қазіргі жағдайда медицина қызметкерлеріне үлкен салмақ түсіп, зор жауапкершілік артылып отырғанын атап өтті

НҰР-СҰЛТАН, 24 қараша – Sputnik. "Назарбаев Университет" дербес білім беру ұйымы Жоғары қамқоршылар кеңесінің төрағасы Нұрсұлтан Назарбаев "University Medical Center" корпоративтік қорының басқарма төрағасы Юрий Пяны қабылдады, деп хабарлады Елбасының ресми сайты.

Нұрсұлтан Назарбаевқа қордың заманауи медициналық білім беру, денсаулық сақтау және ғылыми-зерттеу қызметін дамыту бойынша қабылдаған шаралары туралы ақпарат берілді.

"Қазіргі жағдайда медицина қызметкерлеріне үлкен салмақ түсіп, зор жауапкершілік артылып отыр. Сіз "University Medical Center" корпоративтік қорының басқарма төрағасы қызметіне кірістіңіз. Еліміздің жарқын болашағы жолында қызмет атқаратыныңызға сенімдімін. Біз сізге қолдау көрсетеміз", – деді Елбасы.

0
Кілт сөздер:
Назарбаев, медицина
Тақырып бойынша
Adal партиясына Назарбаевтың күйеу баласы қолдау көрсететіні рас па?   
Елбасы үш кездесу өткізді: ұлттық қауіпсіздік мәселесі сөз болды  
Назарбаев қазақ тіліне қатысты тапсырма берді
Қазақстандағы оппозициялық партия қайсы – ҚКХП өкілі жауап берді
Назарбаев праймеризге қатысты тапсырма берді
Қазақстан экономикасына үлкен салмақ түсіп жатыр – Назарбаев