Ұсталған адам, архивтегі сурет

Басқа пәле - тілден: Ақтау дәмханасында болған оқиға жұрттың жағасын ұстатты

4024
(Жаңартылды 18:03 05.08.2019)
Дәмханада отырған жігіттер арасында кикілжің туындаған

НҰР-СҰЛТАН, 5 тамыз – Sputnik. Ақтауда сөзге келіп қалған жігіттер атыс шығарды, деп хабарлайды lada.kz порталы.

Оқиға алтыншы шағын аудандағы дәмханалардың бірінде болыпты. Оқ тиген екі адам Маңғыстау облысының ауруханасына жеткізілген. Күдікті қамауға алынды. Бұл ақпаратты облыстық полиция департаменті растады.

Тағы оқыңыз: Техастағы қырғын: қарулы қанішер 20 адамды атып тастады

Зардап шегушілердің айтуынша, жігіттер сөзге келіп қалып, соңы атысқа ұласса керек.

"1993 жылы туған ер адамның табанына, ал 1992 жылы туған жігіттің сол жақ аяғына оқ тиген. Тиісті медициналық көмек көрсетілген соң, олар амбулаториялық ем қабылдауға жіберілді", - дейді облыстық денсаулық сақтау басқармасы.

Сот шешімімен күдікті 2 айға қамауға алынған.

Облыстық полиция департаменті оқиға бойынша ҚР Қылмыстық кодексінің 293-бабы 3-тармағы (Бұзақылық) бойынша сотқа дейінгі тергеу амалдарын қолға алған.

Тағы оқыңыз: Бүтін бір отбасыны атып, өртеп жіберді: Алматы облысында болған қылмыстың мән-жайы

Күдіктінің айыбы дәлелденсе, оған 5 мың АЕК (12 миллион 625 мың теңге) айыппұл салынуы немесе 1200 сағатқа дейін қоғамдық жұмыстарға тартылуы, я болмаса бес жылға дейін бас бостандығынан айырылуы мүмкін.

4024
Кілт сөздер:
атыс, Ақтау
Тақырып бойынша
Алматыдағы атыс: инкассаторларға жасалған қарулы шабуылдың мән-жайы
"Әпкем жүгіріп барған" Мешітте күйеуін құтқармақ болған әйел ажал құшты  
Шымкенттегі түнгі клубта атыс болды: полиция бір топ адамды қолға түсірді
Елу адамның өмірін қиған қанды қырғынға қатысты тың мәлімет шықты
Қырғыз-тәжік шекарасындағы қақтығыстың видеосы жарияланды 
Шахта, архивтегі фото

Қарағанды шахтасындағы төтенше жағдай: бір жұмысшы қайтыс болды

5508
Қайтыс болған жұмысшы 15 жыл бойы бұрғылау қондырғысының машинисі болып жұмыс істеген. "АрселорМиттал Теміртау" басшылығы марқұмның жақындары мен туыстарына көңіл айтты

АЛМАТЫ, 14 қаңтар – Sputnik. Қарағанды облысында Ленин атындағы шахтадағы апаттан бір жұмысшы қаза тапты.

"АрселорМиттал Теміртау" компаниясының ұжымы мен басшылығы оқиға салдарынан Ленин атындағы шахтада қаза тапқан бұрғылау қондырғысының машинисі Николай Шадировтың туыстары мен жақындарына шын жүректен көңіл айтады", - делінген Қарағанды облысы әкімдігінің баспасөз қызметінің хабарламасында.

"АрселорМиттал Теміртау" қайтыс болған адамның отбасына Қазақстан заңнамасына және ұжымдық шартқа сәйкес барлық қажетті көмек пен қолдау көрсетеді.

Николай Шадиров – бұрғылау қондырғысының 5-ші разрядты жерасты машинисі. Ол компанияның көмір департаменті "Спецшахтомонтаждегазация" басқармасында 16 жыл, оның ішінде 15 жыл бұрғылау қондырғысының машинисі болып жұмыс істеген.

Шахтадағы апат

Қарағанды облысы Шахтинск қаласындағы "АрселорМиттал Теміртау" АҚ көмір департаментінің "Ленин атындағы" шахтада метан газы мен ұсақ көмір фракциялары шығып кеткен. Мұндай жағдай барлау ұңғымасын бұрғылау кезінде болған.

Тау-кен шебері мен машинистің көмекшісі оқиға орнынан кетіп үлгергенімен, машинистің өзі шыға алмай қалған. Ал апат кезінде шахтада үшінші ауысымның 137 жұмысшысы болған, оның 136-сы шығарылды.

Қарағанды шахтасындағы төтенше оқиға: екі адам зардап шекті 

Бұған дейін шахтада газ бен көмір атындысы кезінде екі адам зардап шеккені хабарланды.  

Аталған факті бойынша төтенше жағдайлар министрлігі өндірістік қауіпсіздік комитетінің Қарағанды облысы бойынша департаментінің жанынан арнайы тергеу комиссиясы құрылды.

5508
Кілт сөздер:
шахта, Қарағанды
Тақырып бойынша
Ақтөбеде шахтада қаза тапқан кеншілер отбасына төленетін өтемақы көлемі белгілі болды
Қарағанды көмір шахтасында өрт сөндірушілер 5 күн бойы тілсіз жаумен күресті
Қарағанды облысында болған оқиғаның мән-жайы айтылды
Ақтөбеде шахтада қаза тапқандардың әріптестері трагедия қалай болғанын айтты
Қарағанды шахтасындағы апаттың мән-жайы: кеншінің бірі әлі де іздестірілуде
Жедел жәрдем

Қарағанды шахтасындағы төтенше оқиға: екі адам зардап шекті

820
(Жаңартылды 15:03 14.01.2021)
Шахтинск қаласындағы "АрселорМиттал Теміртау" АҚ көмір департаментінің "Ленин атындағы" шахтасында метан газы мен ұсақ көмір фракцияларының шығарылымы жоғарылады

НҰР-СҰЛТАН, 14 қаңтар — Sputnik. Қарағанды облысындағы көмір шахтасындағы апаттан кейін екі адам ауруханаға түсті, деп хабарлады өңірлік әкімдіктің ресми сайты.

"Қарағанды облысындағы Ленин атындағы шахтада газ бен көмір шығарылымы кезінде екі адам зардап шекті. Қазіргі уақытта олар облыстық медициналық орталықтың токсикология бөлімшесінде жатыр", – делінген хабарламада.

1969 жылы туған ер адам 14 қаңтар күні 03.33-те медицина мекемесіне жеткізілді. Пациентке токсикологиялық энцефалопатия диагнозы қойылды. Жағдайы тұрақты, орташа деңгейдегіге жақын, деді әкімдікте.

Екінші пациент 1997 жылы туған. Оған қойылған диагноз да токсикологиялық энцефалопатия. Сағат 03:35-те ауруханаға жеткізілді, жағдайы тұрақты.

Шахтадағы апат

Шахтинск қаласындағы "АрселорМиттал Теміртау" АҚ көмір департаментінің "Ленин атындағы" шахтада метан газы мен ұсақ көмір фракцияларының шығарылымы жоғарылады. Мұндай жағдай барлау ұңғымасын бұрғылау кезінде болғаны анықталды.

Тау-кен шебері мен машинистің көмекшісі оқиға орнынан кетіп үлгергенімен, машинисттің өзі шыға алмай қалды. Ал апат кезінде шахтада үшінші ауысымның 137 жұмысшысы болған, оның 136-сы шығарылды.

Аталған факті бойнша төтенше жағдайлар министрлігі өндірістік қауіпсіздік комитетінің Қарағанды ​​облысы бойынша департаментінің жанынан арнайы тергеу комиссиясы құрылды.

820
Кілт сөздер:
Қарағанды облысы
Тақырып бойынша
Ақтөбеде шахтада қаза тапқандардың әріптестері трагедия қалай болғанын айтты
Ақтөбеде шахтада қаза тапқан кеншілер отбасына төленетін өтемақы көлемі белгілі болды
Қарағандыда кеншілер ереуілге шықты
Қарағанды шахтасындағы апаттың мән-жайы: кеншінің бірі әлі де іздестірілуде
Теңіз кемелері

Ресей теңіз кемелерін жаңарта ма

0
(Жаңартылды 20:52 15.01.2021)
1144 "Орлан" жобасының крейсерлері әуе тасымалдағыштан кейінгі әлемдегі ірі соғыс кемелері болып табылады. Сыйымдылығы – 25,8 мың тонна, ұзындығы – 250 метр, ені – 28,5 метр, экипаж саны – 760 адам

Жаңа зымырандар, заманауи борттық жабдықтар, бірегей әскери мүмкіндіктер – 1144 "Орлан" жобасының "Адмирал Нахимов" атты ауыр атомдық зымыран крейсері "Петр Великий" орнына Ресей әскери теңіз кешеніне қызметке түседі. Бұл 2022 жылы іске асады деп болжанып отыр.

Алғашқы қадам 

1144 "Орлан" жобасының крейсерлері әуе тасымалдағыштан кейінгі әлемдегі ірі соғыс кемелері болып табылады. Сыйымдылығы – 25,8 мың тонна, ұзындығы – 250 метр, ені – 28,5 метр, экипаж саны – 760 адам. 

Ресейде осы типтегі екі вымпел бар. "Петр Великий" Солтүстік флоттың құрамында жұмыс істейді. Бірақ "Нахимов" қолданысқа енгізілген сәттен бастап оны модернизацияға жөнелтеді. Екеуі де кез-келген нысананы жоюға қабілетті толық қаруланған теңіз платформалары. Стандартты жиынтық - П-700 "Гранит" кемеге қарсы зымырандарының 20 іске қосу қондырғысы, "Оса-М", "Кинжал" зениттік-зымырандық кешендері және С-300Ф "Форт" алыс қашықтықта әрекет ету зымыраны және "Метел" және "Водопад" кемеге қарсы зымыран торпедалар, АК-130 реактивті бомбометтер мен автоматты қос ұңғылы зеңбірек. 

 Адмирал флота Касатонов фрегаты
© Sputnik / Александр Гальперин

Атомдық энергетикалық қондырғысы, автономдылығы екі ай болса, жылдамдығы 31 торапты құрайды. Жүрісінің қашықтығы шектеусіз деуге болады. Крейсерлер Қиыр Солтүстік жағдайында да жұмыс істей алады және Ресейдің Арктика аймағында әскери қатысуын қамтамасыз етуге қабілетті. Бұл аймақты көптеген сарапшылар жақын болашақта табиғи ресурстар үшін соғыс өтетін алаң деп санайды. 

Алайда, барлық кемелер уақыт өте келе тозады. Егер 80-жылдардың аяғы мен 90-жылдардың басында "Орландар" кез-келген жауға төтеп бере алса, бүгінде жағдай өзгерді. Ресейде бірінші дәрежедегі соғыс кемелерін жасауда әлі де қиындықтар бар болғандықтан, қорғаныс министрлігі қолда бар кемелерді жаңартып, оларға бірінші кезекте жаңа қару-жарақ орнату туралы шешім қабылдады.

Кешен платформасы 

"Адмирал Нахимов" кемесі 1999 жылы жөндеуге жіберілген. Бірақ іс жүзінде крейсердегі жөндеу жұмыстары қорғаныс өнеркәсібіне ауқымды қаражат бөлінген 2013 жылы басталды. 2015 жылға қарай Северодвинскідегі "Севмаш" кәсіпорнында кемеден ескі жабдық шешіліп, корпусындағы ақауларға зерттеу жүргізілді. Модернизацияны 2018 жылға дейін аяқтау жоспарланған болатын. Бірақ бұл мерзім бірнеше рет кейінге шегерілді. Жөндеу жұмыстары борттағы құрал-жабдықтар мен қару-жараққа жаңа жабдықтарды енгізу арқылы пысықталды.

Өткен жылдың мамыр айында Ресей қорғаныс министрінің орынбасары Алексей Криворучко ауыр крейсерге алғашқылардың бірі болып "Циркон" гипердыбысты зымырандарын орнатылатынын мәлімдеді. Олар нысанаға дыбыс жылдамдығынан тоғыз есе жылдам ұшып жетеді. Соның арқасында "Циркон" кез-келген әуе шабуылына қарсы қорғаныс жүйесі үшін алынбас қамалдай. Қашықтығы 1000 шақырымға жуықтайды. Осылайша, "Циркон" америкаық "Гарпун" дыбысқа дейінгі кемеге қарсы зымырандарынан асып түсетін түрі бар. 

"Орландардың" әуедегі шабуылға қарсы қорғаныс жүйесі барлық кезде мінсіз болып келді. Модернизацияға дейін "Нахимовта" С-300Ф "Форт" ЗЗЖ болса, енді оған С-400-дің әлдеқайда жетілдірілген әскери-теңіз нұсқасы орнатылады. Түрлі типтегі зениттік оқ-дәрімен оқ ататын бұл кешен "көзге көрінбейтін" ұшақтар мен қанатты және баллистикалық басқа да нысандарға тосқауыл бола алады. 40Н6 жүйесінің зымырандары нысандарды 400 километр қашықтықтан дәлдей алады. "Адмирал Нахимовқа" С-400 ЗЗЖ-ның 96 іске қосу шахтасы орнатылады деп болжануда. Бұл осы кемені әлемдегі әуедегі шабуылдан ең жоғары деңгейде қорғалған кеменің бірі етеді. 

Сексен ұяшық 

Сонымен қатар, жақын аймаққа арналған "Кортик" зениттік-зымыран жүйесінің орнына"Панцирь-МЕ", "Оса-М" зениттік зымырандарының орнына "Редут" жаңа жүйесі келеді. Алайда, модернизация көбіне соққы жасау кешендеріне жүргізілмек. "Циркон", "Адмирал Нахимовтан" бөлек тағы П-800 "Оникс" кемеге қарсы зымырандары және "Калибр" қанатты зымырандары да орнатылады. 

"Граниттер" бір кездері қуатты қару болған. Оның жылдамдығы үш Мах, қашықтығы 625 киломтерге жетті. Бес жүз килотонналық ядролық оқтұмсық бір соққымен авиатасымалдағышты да жойып жіберуі мүмкін. Бірақ көлемі үлкен - ұзындығы он метр және салмағы жеті тонна. Жаңа кемеге қарсы зымырандардың қуаты аз болғанымен, олар әлдеқайда жедел және дәлдігі жоғары. 

Крейсердің кемеге қарсы қаруы да жаңартылады. "Адмирал Нахимовке" жақын қашықтықтағы торпедалар мен суасты қайықтарынан қорғайтын "Пакет-НК" кешені орнатылады. "Пакет-НК" жоғары автоматтандырылған. Ол нысанды өз бетінше анықтайды және саралайды, қозғалыс параметрлерін нақтылап, торпедоға нақты нысан мәліметін ұсынады. 

Сол сияқты, крейсердің электроникасы да толық модернизацияланады. Бұл кеме экипажының жағдай туралы хабардар болуын едәуір арттырады және борттағы қаруды қолдану мүмкіндігін әлдеқайда кеңейтеді. Сонымен қатар, крейсерге байланыс пен навигацияның жетілдірілген жүйелері, радиоэлектронды қорғаныс кешендері және жаңартылған үш Ка-27М палубалық тікұшақтарымен қамтамасыз етеді. Бұл машиналар экипаждың ықтимал жаудың сүңгуір қайықтарын табуын айтарлықтай жеңілдетеді.

0
Тақырып бойынша
АҚШ әскери-теңіз флотын қайта жарақтандырмақ
Балықшы теңіз алыбына мініп алды – экстремалды видео
Қара теңіз аймағында жаңа жүйе сынақтан өткізіліп жатыр
"Скиф" – теңіз түбіндегі құпия
Әскери-теңіз күштерінің әлеуеті артқан жыл