зорлық-зомбылық

Әйелдерді зорлап, өлтірген: Шымкентті дүрліктірген екі маньяк қалай ұсталды

8089
2011 жылы Шымкент қаласында қаныпезер маньяк туралы сыбыстар тарала бастады. "Ол әйелдерді вокзалдың жанынан көлігіне отырғызады да, қаланың сыртына апарып зорлайды. Сосын тонап, өлтіріп кетеді" деген әңгімелер халықты дүрліктіріп қойды. Әйелдер вокзалда таксиге отыруға қорқатын болды

Төрт айда қандықол қылмыскер бір әдіспен төрт әйелді өлтіріп кетті. Оның "қолтаңбасы" анық байқалды. Бірақ құқық қорғаушылар оны бірден ұстай алмады. Sputnik Қазақстан тергеу материалдарына сүйеніп, әйелдердің зәре-құтын қашырған қылмыстар туралы баяндайды.

Қара Mercedes... басқа ақпарат жоқ

2011 жылдың желтоқсан айында Шымкент қалалық полиция департаментіне ерлі-зайыптылар арызданып, туған қызының жоғалғанын хабарлады. Олардың мәліметіне сәйкес, 29 жастағы Екатерина бір күн бұрын Астанадан пойызбен шыққан. Шымкент вокзалында такси ұстағаннан кейін ұшты-күйлі жоқ болып кетті. Сол күні үйіне келмеді.

Екатеринаның хабарсыз кеткеніне көп уақыт болмаса да, полицейлер тексерісті бастап, іздеу шараларына кірісті. Құқық қорғаушылар алдымен вокзалға барды. Сол жерде жүрген қызметкерлер мен сатушылардан жауап алғаннан кейін маңызды бір нәрсені анықтады. Екатерина перроннан түсіп, қалаға шыққан бойда жеке меншік такси – қара Mercedes-ке отырып кетті. Басқа ақпарат болмады.

Сол күні қаланың сыртымен келе жатқан бір көлік жүргізушісі тас жолдың бойында қыздың өлі денесін тапты. Криминалистер Екатеринаны бір көргеннен-ақ зорлық-зомбылықтың құрбаны болғанын білді. Оны алдымен зорлаған, артынан өзі ұстаған сөмкенің бауымен қылқындырып тастаған. Ал сот-медициналық сараптама оны бір емес, екі адамның зорлағанын анықтады. Қылмыскерлер Екатеринаның алтын сырғасы мен бір шабадан киім-кешегін алып кеткен.

Тағы үш әйел маньяк құрбаны болды

Екі ай өтті. Алайда полицейлер ештеңе таба алмады, қылмыскерлердің ізіне де түскен жоқ. Қара Mercedes-тен басқа іліп алатын нәрсе болмады. Осы кезде полицияға 25 жастағы Әлия есімді қыздың жоғалғаны туралы хабар түсті. Сарыағаштың тұрғыны Шымкентке барамын деп, жолда көлік ұстап кеткен. Сол күйі жоғалды. Куәгерлер бір ғана нәрсені есіне түсірді. Ол – қара түсті шетелдік автомобиль.

Келесі күні сау-тамтығы қалмаған қыздың өлі денесі табылды. Қылмыскер оны жолдың бойында тастап кеткен.

Тергеушілер екі қылмыстың байланысын тексеріп жатқанда тағы бір суық хабар келді. Тас жолдың бойында бір әйелді өлтіріп кеткен. Осы жолы Оңтүстік Қазақстан облысының 50 жастағы тұрғыны қылмыскердің қолынан қаза тапты. Ол да вокзалда қара Mersedes-ке отырған...

Маньяк-қылмыскер әйелді мойнында болған орамалымен буындырып тастады. Сосын 100 мың теңгенің алтын әшекейлерін, сондай-ақ, 35 мың теңге тұратын ұялы телефонды алып, ізін жасырған.

Тағы оқыңыз: Павлодарда балалар үйіндегі үш жасөспірім 6 адамды қалай өлтірді

Тергеушілер осы қылмыстардың бір адамның мойнында екенін түсіне бастады. Себебі барлық жерде жеке таксист пен қара көлік болды. Ал қаланың ішінде маньяк туралы сыбыстар тез тарала бастады. Әйелдер мен қыздар асығып тұрса да, қара көліктерге мінбей қойды. Алайда тура 8 наурыздың қарсаңында адам мерекелік көңіл-күйдің әсерінен көп нәрсені байқамайды екен...

7 наурызда Тамара жұмыстан шыққасын үйіне қатты асығып тұрған. Өйткені, қонақтар келеді, оған қоса, туған-туыстарға сыйлық алу керек. Сөйтіп, көшеде такси тоқтатып тұрғанда қара Mersedes жетіп келді. Тамара оған мән берген де жоқ, көлікке отырып, мекенжайын айтты. Келесі күні оның мәйіті қаланың сыртында табылды.

Полицейлердің қателігі

Төрт айдың ішінде төрт әйелдің мәйіті табылса да, құқық қорғаушылар қылмыскерді ұстай алмады. Ал ішкі істер министрлігінің лауызымды тұлғалары қалай да болса, маньякты ұстауға тапсырма беріп, күнде есеп сұрап отырды.

Содан тергеушілер вокзалға барды. Сол жерде әрбір таксисті тексеріп, саусақтың ізін алды. Әрқайсысын қылмыстық есеп бойынша қарап шықты. Бірақ одан да нәтиже шықпады. Жол-патрульдік полиция экипаждары болса, қалаға кірген және шыққан қара Mers-терді тоқтатып, тексеріп отырды. Артынан олардың дәл осы тұста қателік жібергені белгілі болды. Полицейлер қылмыскерді Қазақстан азаматы деп ойлаған. Сөйтіп, тек қазақстандық нөмірлері бар қара көліктерді тексерген. Ал көрші елдің тіркеу нөмірлерімен жүрген Mersedes-терге қарамай, өткізіп отырды.

Айтпақшы, осы қателікті полицейлер өзбекстандық әріптестері хабарласқанда бір-ақ білген. Сөйтсе, олар жарты жыл бойы шекараға жақын жерде әйелдерді зорлап, артынан өлтіріп жүрген маньякты ұстай алмай жүр. Қандықол қылмыскер Өзбекстанда осы іспетті 7 қылмыс жасаған екен. Көрші елдің құқық қорғаушылары оның аты-жөнін де білетін болып шықты.

Маньяк қалай ұсталды

Полатбай Бердалиев өзбектің қарапайым отбасында дүниеге келген. Мектепті бітіргеннен кейін ақша табамын деп, Шымкент қаласына келген. Алайда өзіне лайықты жұмыс таба алмады. Содан күн көру үшін адам тонауға көшкен. Бірақ бірден қолға түсті.

Бердалиев түрмеде алты жыл отырды. Сол кезде бір қызбен хат жазысып, сырттай некеге де тұрып үлгерген. Алайда бостандыққа шыққаннан кейін екеуі тіл табыса алмай, ажырасып кетті. Бердалиев Өзбекстанға қайтып барып, ол жақта жаңа сүйіктісін кездестірген.

Жастардың жұбы жазылмады. Бірақ қыздың әке-шешесі Бердалиевтің түрмеде отырғанын білгеннен кейін олардың некеге тұруына қарсы шықты. Жігіттің табандылық көрсеткені соншалық, ақыры қыздың ата-анасы келісімін берді. Осыдан кейін Полатбай қалыңдығын туған-туыстарына таныстырамын деп оны Астанаға алып барады. Дәл осы уақытта Өзбекстаннан қылмыскер туралы хабар түскен екен.

Полатбай Бердалиевті ұстау операциясы Астанада өтті. Тінту кезінде ата-анасының үйінен қылмыскердің қолынан қаза тапқан бір әйелдің орамалы табылды. Ал қалыңдығына дайындап қойған сыйлықтардың ішінен алтын әшекейлер шықты.

Сыбайласы кім?

Тергеу кезінде Полатбай Бердалиевтің 11 қылмыстың көбін жалғыз емес, сыбайласымен бірге жасағаны анықталды. Сөйтсе, Абдусейіт Орманов екеуі мектеп жасынан бірге жүрген. Екеуі оқушы кезінен қыз зорлаған болып шықты. Алайда жасөспірімдерді ұстаған жоқ, тергеудің нәтижесі де шықпады. Қыздардың ата-анасы арыздарын қайтарып алған. Бәлкім, құқық қорғау органдарында жұмыс істеген Бердалиевтің әкесі зардап шеккендермен келісімге келген шығар. Осыдан кейін Полатбай жазаға тартылмайтынын сезініп, жолдасы екеуі қыздарға зорлық көрсетуді тоқтатпады.

Бердалиев қыздармен тез тіл табысып кететін. Алайда келісіммен болған қарым-қатынастан ләззат алмады. Әйелдің тәніне ғана емес, өміріне де иелік етіп, толық үстемдік жасағанда қанағат сезіміне бөленетін. Артынан жазаға ілінбеу үшін қыздарды өлтіріп отырған.

Бердалиев Өзбекстанда 7 қылмыс жасағаннан кейін көрші елде өз "кәсібін" жалғастыруға шешім қабылдаған. Ал туған-туыстары оны табыс тауып жүр деп ойлады. Бір күннің ішінде біраз ақшамен қайтып келетініне де мән берген жоқ.

Тағы оқыңыз: Шымкентте бір отбасыны қырып салған қанішер баланы да аямаған

Ең қатал жаза

Бердалиев өз кінәсін толығымен мойындады. Алайда тергеушілер оның сөзден тайып кететінін білді. Күдікті кез келген уақытта айтқанынан бас тартып, күштеп мойындатты немесе қысым жасады деп шығуы әбден мүмкін. Содан тергеушілер шекара қызметіне сұрау салып, оның шекарадан өткен уақытын алдыртты. Оны тексергенде жасалған қылмыстармен сәйкес болып шыққан.

Бердалиевтың кластасы Абусейіт Орманов та жасаған қылмыстар үшін ең қатал жазаға тартылатыны білді. Сөйтіп, сотта өмір бойына бас бостандығынан айырылу жазасынан құтылу үшін екеуі де айтқан сөздерінен бас тартты. Дегенмен, сот Бердалиев пен Ормановқа ең қатал жаза – өмір бақи бас бостандығынан айыруға үкім шығарды.

8089
Кілт сөздер:
Шымкент
Тақырып бойынша
Алматыда жұмыстан кеш шыққан қызды пышақтап кетті: қаныпезер әлі бостандықта жүр
Кектенген қаныпезер ауыл тұрғынын зорлап, анасымен бірге өлтіріп кетті
Батыс Қазақстан облысы тұрғыны 13 жасар баланы зорлап тастады
Ұзынағашта қаныпезер бір отбасын ойрандап кетті
Видеоға түсіріп, бопсалаған: Шымкентте оқушы қызды сыныптастары зорлап тастады
Бүкіл елді дүрліктірген оқиға: Абайда зорланған баланың ісі бойынша үкім шықты
Су-30СМ ұшағы

Қарағанды облысының аумағында әскери ұшақ құлады

1086
(Жаңартылды 23:04 16.04.2021)
Қорғаныс министрлігіне қарасты Су-30 ұшағы Қарағанды ​​облысының аумағында апатқа ұшырады

НҰР-СҰЛТАН, 16 сәуір – Sputnik. Қорғаныс министрлігінің Су-30 ұшағы Қарағанды ​​облысында құлады.

"Балқаш қаласындағы авиациялық оқу орталығында өтіп жатқан оқу-жаттығу кезінде СУ-30СМ көпфункционалды истребителі қону алаңына жақындап қалған сәтте апатқа ұшырады. Өзге жағдайлар анықталған соң, тиісті хабарлама жасайтын боламыз", – деп түсіндірді Sputnik Қазақстанға қорғаныс министрлігінің баспасөз қызметі.

Министрлік өкілдері экипаж мүшелерінің аман екенін атап өтті.

Айта кетейік, Су-30 ұшағы екі орынды көпмақсатты төртінші буынды әскери ұшақ санатына жатады.

Алматы маңында бір ай бұрын құлаған ұшақ

Сенбі, 13 наурызда Алматы әуежайының маңындағы Қызыл Ту ауылының іргесіне әскери ұшақ апатты жағдайда қонуға мәжбүр болған. Алайда, Ан-26 ұшағы қону алаңына жақындағанда отқа оранып, құлады. Салдарынан төрт адам қаза тауып, ауыр жарақат алған екі әскери қызметкер төртінші қалалық ауруханаға жеткізілді. Дәрігерлер олардың жағдайын өте ауыр деп бағалап отыр.

Ұлттық қауіпсіздік комитеті борттық нөмірі 02 санымен белгіленген ұшақ ведомствоның авиациялық қызметіне тиесілі екенін растады. 

Ал бұған дейін осыған ұқсас жағдай 2012 жылы Шымкент маңында болған. Ол кезде Ан-72 апатынан 27 адам көз жұмды.

1086
Кілт сөздер:
әскери ұшақ, ұшақ
Тақырып бойынша
Алматы түбінде ұшақ апатынан қаза болған әскеридің жұбайы: Әлі есеңгіреп тұрмын
Ресей әуежайында екі ұшақ соқтығысты – фото
Алматы түбіндегі ұшақ апаты: аман қалған екі әскери қызметкер есін жиды
Ақтауда тас жолға ұшақ қонды – видео
"Кез келген сәтте тұтануы мүмкін еді": дәрігерлер ұшақ апаты кезінде қалай жұмыс істеді
Отбасындағы зорлық-зомбылық

Жаңақала тұрғыны өгей қызын үш жыл бойы зорлаған: мектеп директоры сот алдына келді

1735
Батыс Қазақстан облысында өгей әкесінен зорлық көрген қыз оқыған мектептің директорына қатысты іс қарастырылуда. Ер адам 2020 жылы жазасын алды, енді құқық қорғау органдары мектеп директорына қатысты қылмыстық іс қозғады

НҰР-СҰЛТАН, 16 сәуір – Sputnik. Батыс Қазақстан облысында кішкентай қызға жасалған азғындық әрекетке қатысты сот ісі әлі де жалғасып жатыр. Бұл жолы сотқа қыз оқыған мектептің директоры тартылды, деп хабарлады жергілікті "Мой Город" басылымы.

2020 жылы Жаңақала ауданының тұрғыны Жақсыбай Сұлтан 20 жылға сотталды. Ол 10 жастағы өгей қызына қатысты үш жыл бойы азғындық жасады деп айыпталды.

Тергеу қыздың мұғалімдері бұл оқиға туралы білгенін, алайда құқық қорғау органдарына әдейі жүгінбегенін көрсетті. Нәтижесінде мектеп-гимназия директоры Лариса Қожахметоваға қатысты қылмыстық іс қозғалды. Ал қалған мұғалімдер аудандық білім бөлімі тарапынан қатаң сөгіс алды.

Қылмыстық іс сотқа 2020 жылдың 7 сәуірінде түскен. Жаңақала мектеп-гимназиясының директоры Лариса Қожахметоваға қылмыстық кодекстің 434-бабы "Қылмыс туралы хабарламау" бойынша айып тағылды. Істі Жаңақала ауданы сотында судья Ілияс Іргебаев қарайды.

Оқи отырыңыз: Министрлік тұрмыстық зорлық-зомбылыққа бейім адамдарды атады

Негізгі сот процесі 16 сәуірге белгіленген.

Мектеп директоры адвокатының айтуынша, Лариса Қожахметова директор қызметінен шеттетіліп, үй қамауына алынды.

Айта кетейік, іс материалдарына сәйкес 2015 жылы Сұлтанов шартты түрде мерзімінен бұрын босатылған (тонау, ұрлық бойынша отырған). Содан кейін қыздың анасымен танысып, бірге тұра бастайды. 2016 жылы қызға тиісе бастаған. Ол өгей қызын 2016 жылдан 2019 жылға дейін үш жыл ішінде жеті рет азғырған. Сотта ол өз кінәсін ішінара мойындады.

1735
Кілт сөздер:
Батыс Қазақстан облысы, баланы зорлау ісі, сот отырысы
Тақырып бойынша
Шымкентте алып қашудың құрбаны болған қыз жағдайын айтты
"Достарым сені зорлайды деді": 70 жастағы әйел басынан өткен сұмдықты айтты - видео
Құлақ көлінің жағасынан 4 адамның мәйіті табылды
Қанша педофилге химиялық кастрация жасалады – министрлік есебін жариялады
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

0
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

0
Кілт сөздер:
Украина, Ресей