Ұсталған әйел, архивтегі сурет

Күйеуін өлтіріп, анасының қабіріне көмген: елордалық әйелдің адам шошырлық қылмысы

22258
(Жаңартылды 20:08 03.09.2019)
Бұл оқиға сонау 90-шы жылдары болған кездесуден басталады. Сол кезде екі баланың әкесі әрі табысты бизнесмен жас қызды кездестіріп, өлердей ғашық болып қалған. Алайда отбасын тастап, жас қызға қосылған ол тоқалының қолынан ажал құшарын білмеген еді...

НҰР-СҰЛТАН, 3 қыркүйек – Sputnik. 2015 жылы наурыздың басында Астанадағы аудандық полиция бөлімшелерінің біріне 48 жастағы келіншек арызданып, күйеуінің із-түзсіз жоғалып кеткенін хабарлады. Sputnik Қазақстан қылмыстық материалдарға сүйеніп, беделді бизнесменнің тағдырын баяндайды.

Іс сапарға кеттім деп жоғалды

Полицияға келген әйел өз күйеуін екі күннен бері таба алмай жүргенін жеткізді. Отағасы Алматыға іс сапармен барамын деген. Сол кеткеннен хабарсыз кетіпті. "Оған бірдеңе болды. Ішім сезеді. Қатты алаңдап жүрмін", - деді Светлана.

Құқыққорғаушылар алдымен жоғалып кеткен кәсіпкердің кім екенін зерделей бастады. Сөйтсе, 67 жастағы Анатолий ұзақ жылдар бойы елордада құрылыс бизнесімен айналысқан. Сақшылар бір нәрсеге таңғалды. Осы уақытқа дейін кәсіпкер бірде-бір кикілжіңге араласпаған, ешкіммен жанжалдаспай, өз кәсібін дөңгелете берген. Барлық әріптесі, тіпті бәсекелестері оның жақсы мінезі жайында жарыса айтты.

Тағы оқыңыз: Ер адам әйелі дүкенге кеткенде жантүршігерлік қылмыс жасады

Полицейлер астаналық бизнесменді қылмыскерлердің құрбаны болды деген шешімге келді. Оған екі себеп бар. Анатолий іс сапарға шыққанда өзімен бірге қомақты сома қаражат алып шыққан. Қылмыскерлер сол ақшаны алып, кәсіпкерді өлтіріп кетуі мүмкін. Қылмыстың тағы бір жолы – туыстарынан тұтқынның құнын талап ету. Оны ұрлап әкетіп, артынан ақша бопсалауы ықтимал.

Светлана терезелерді неге ашып тастады?

Күндер зымырап өтіп жатты. Алайда Анатолийдің туыстарына ешкім хабарласқан жоқ. Кәсіпкердің өзі де байланысқа шықпады. Тергеушілер фирманың кеңсесін айналып жүре берді. Ол жерде жоғалған кәсіпкердің автокөлігі тұрды. Басқа айғақ жоқ еді. Дегенмен, екі аптадан кейін осы қылмыстың назар аударарлық тағы бір нұсқасы шыға келді.

Анатолийдің бірінші некесінен туған қызы полицияға келіп, бірнәрсеге қатты күдіктеніп жүргенін жеткізді. Оның айтуынша, 3 наурызда әкесін іздеп барғанда Светлана үйдің барлық терезесін ашып қойған. Өзі қалың киініп алып, аяқ киімін де шешпей жүрді. Үй қатты суып кетіпті. Полицейлер бұл дәйектердің қылмысқа қандай қатысы бар екенін білмеді. Бірақ Светланадан қайтадан жауап алуға шешім қабылдады.
Жауап алу кезінде бұрынғы сұрақтар қойылды. Ал "3 наурызда өз үйіңізде терезенің бәрін ашып тастап, неге қалың киініп жүрдіңіз?" деген сауалды естігенде Светлана жылап жіберді.

"Күйеуімді іс сапарға жібермеуім керек еді. Әлі күнге дейін өзімді кінәлі сезініп жүрмін. Сол күні мазам кетті, қатты алаңдадым. Өзімді нашар сезінгеннен кейін терезелерді ашып тастадым. Сөйтіп, кішкене басыламын ба деп ойладым", - деді ол.

Светлананың сөзі сенімді шықты. Оның өтірік айтып тұрғаны білінбеді. Алайда тергеушілер ерлі-зайыптының қарым-қатынасы туралы толығырақ білгенді жөн көрді.

Анатолий жас қыздың құрығына қалай түсті?

Полицейлер алдымен туған-туыстарынан жауап алды. Одан кейін достарының ойын тыңдады. Сөйтсе, Анатолий мен Светлана сонау 90-шы жылдардың ортасында кездескен. Ол кезде бизнесменнің кәсібі дөңгеленіп тұрған болатын. Тапсырыс көп, ақша да аз емес. Бір баласы бар 18 жастағы қыз 37-ден асқан кәсіпкерді оп-оңай айналдырып алды. Анатолийдің екі баласы бар еді. Соған қарамастан, жас қызбен кездесіп жүрді.

Бас кезінде табысты кәсіпкер Светланаға жеңіл-желпі қарады. Алайда уақыт өте келе, оның құрығына қалай түскенін өзі де байқамай қалды. Ер адам көп ұзамай бірінші отбасын тастап, жас қызбен қосылған. Ол кезде Светлананың аяғы ауыр еді, артынан қыз бала дүниеге келді.

Тағы оқыңыз: "Тірідей көміп тастады": Алматыда екі таксисті не үшін қинап өлтірді?

Бала туса да, жанжал азайған жоқ. Анатолий бизнестің қамымен үнемі жұмыста жүрді. Ал жас келіншек клуб пен дискотеканы қалады, қыдырғанды ұнататын. Ақыры екеуі келісе алмайтынын түсінді. Светлана ортақ мүліктің жартысын алғаннан кейін қызына да қарамады. "Әкесі тәрбие берсін" деп кете барды. Сол күйі ұшты-күйлі жоқ болып кетті, қызының қал-жағдайын сұрап білген де жоқ.

Қарақшылық шабуыл

Анатолий мен Светлананың айырылысқанына 10 жыл болды. Осы уақыт ішінде Анатолий басқа әйелмен қосылды. Одан бір қызы дүниеге келді. Бірақ Светлана үшін алынбайтын қамал болмады. Бұрынғы күйеуінің осал жерін біле тұра, тағы да басын айналдырып, өзіне қаратып алады. Анатолий көп ұзамай үшінші әйелін тастап, бұрынғы келіншегіне қайта қосылуға ұсыныс жасайды.

Светлана бірден келіскен жоқ. "Мен тек бірге тұрған пәтерімізге ғана барамын. Қосылсақ, кезінде өзім кетіп қалған үйге барып қосыламын", - деп талап қояды. Анатолий қарсылық білдірген жоқ. Сөйтіп, үшінші әйелі мен қызына пәтер алып береді де, бөлек шығарады. Үйінің ішін түгел жөндеп, Светлананы кіргізеді. Екеуі қосылған соң, бұрынғы ұрыс-керіс қайта басталады.

Анатолий мен Светлананың телехикаяға ұқсас өмірі тергеушілерді ойландырмай қоймады. Алайда ешқандай дәлелдер болмады. Содан сақшылар әйелдің ізіне түсіп, аңдуға көшеді. Светлана жіті бақылауда екенін сезіп қалады.

Тағы оқыңыз: Әйелдерді зорлап, өлтірген: Шымкентті дүрліктірген екі маньяк қалай ұсталды?

Бірнеше күннен кейін кәсіпкердің әйелі полицияға өзі барып, күйеуінің жоғалуына қатысты тың деректерді жайып салады. Оның сөзіне қарағанда, 1 наурызда түнде қарақшылар үйге баса көктеп кірген. Анатолийді ұрып-соғып, ақша талап етіпті. Ақша таппағаннан кейін күйеуін ұрлап кеткен.

Көршілер ол күні айғай-шудың болғанын растады. Бірақ қатты дауыстар басталған бойда сап тыйылған. Тергеушілер бір нәрсені түсінбей, дал болды. Түнгі қарақшылар алтыншы қабаттағы пәтерге қалай кірген? Терезелер бүтін, есік те бұзылмаған. Светлананың өзі осы сұраққа жауап бере алмады. Дегенмен, айтқанынан қайтқан жоқ.

Өз қолымен тұншықтырып тастады

Тергеушілер Анатолийдің ешқайда кетпегенін және соңғы рет өз үйінде болғанын анықтады. Бірақ іліп алар дәлел болмады. Содан соң арнайы химиялық препаратты қолданып, пәтердің ішін тағы қарап шығуға шешім қабылданды. Оның көмегімен бір түйір қанды да анықтауға болатын еді.

Химиялық препаратты сепкеннен кейін қанның іздері жатын бөлмеден және дәлізден табылды. Ал ваннада қанның көп мөлшерде болғаны анықталды. Светлана ондай тексерістің нәтижесіне аң-таң болды, сасып қалғаннан не айтарын білмеді. Тергеушілер әйелдің жаңа хикаясын күтпестен бірден жауап алуға кірісті. Осы кезде әйел өз кінәсін мойындады.

Тағы оқыңыз: Балалар үйіндегі қанды қырғын: үш жасөспірім 6 адамды қалай өлтірді?

Светлананың айтуынша, соңғы уақытта екеуі жиі ұрсысып тұрды. Себеп біреу – ақша. Анатолий бұрынғыдай көп табыс таппады. Ал Светлана әдемі әрі бай болуды қалады. Күйеуінің көп ақша таппайтынын түсінгеннен кейін өз бақытын сырттан іздей бастады. Анатолий бәрін сезіп жүрді.

1 наурызда екеуі тағы қатты ұрсысып қалады. Светлана кетемін деп, жиналауға кіріскен. Осы кезде Анатолий оның қолынан ұстап, бөлмеге сүйрей бастады. Содан екеуі төбелесіп кетті. Светлана оны қатты итеріп жібереді. Күйеуі басын соғып, есінен танып қалады. Әйелі үстіне мініп алады да, өз қолымен тұншықтырып тастайды.

Мәйітті анасының қабіріне апарған

Светлана күйеуін өлтіргеннен кейін денесінен құтылудың амалын қарастырады. Содан бір ғана әдісін ойлап тапты. Мәйітті ваннаға апарып, бөлшектеп, содан соң бөлек-бөлек пакеттерге салып, екі күн бойы үйде ұстайды. Дәл сол кезде Анатолийдің бірінші некеден туған қызы келіп кеткен.

Қылмыскер әйел мәйіт бөлшектерін біртіндеп шығарған. Бірақ күл-қоқысқа лақтырмады. Айдалаға көмген де жоқ. Зиратқа апарып, өз анасының қабіріне тастайды. Сөйтсе, бұл Анатолийдің өз өтініші болған екен. Тойдан кейін ол Светлананың анасымен тез тіл табысып, өз анасындай жақсы көріп кетіпті. Енесі қайтыс болғанда өзін соның қасына жерлесін деп өтініш білдірген. Светлана күйеуінің өтінішін орындады. Бірақ жер қатып тұрғаннан кейін қабірді қаза алмады. Пакеттерді қармен жаба салды.

Тағы оқыңыз: Әйелін қызғанған ер адам жантүршігерлік қылмысқа барды

Сотта Светлана күйеуін әдейі өлтірген жоқпын деп шықты. Мұның бәрі оқыс оқиға деді. Оның айтуынша, Анатолий оны ылғи ұрып-соғып, кемсітетін.

Соттың шешімімен Светлана он жылға бас бостандығынан айырылды.

22258
Кілт сөздер:
қылмыс, Нұр-Сұлтан
Адамның қолы

Шымкентте ер адамның бассыз денесі табылды

661
(Жаңартылды 09:24 26.11.2020)
Сотқа дейінгі тергеу басталды. Бұл бап бойынша кінәлі деп танылған адам 8 жылдан 15 жылға дейін сотталады

НҰР-СҰЛТАН, 26 қараша — Sputnik. Жантүршігерлік оқиға Шымкенттегі саяжай аумағында болған. Күдікті уақытша ұстау изоляторына қамалды, тергеу жүргізіліп жатыр. 

Жергілікті тұрғындардың айтуынша, оқиға 8 қараша күні таңертең болған. Бұталардың арасында ер адамның бассыз денесі табылды, деп жазады жергілікті Otyrar.kz басылымы. Полицейлер бірден аумақта тексеру жұмысын жүргізді. 

"Мәйітті тауып, полицейлер фото және видео түсірді. Біздің ауданда қылмыс болмайтын. 20 жыл ішінде қылмыс жасалғанын естіген жоқпын. Полиция жедел қызмет етті, көмектескені үшін алғыс білдіреміз", - деді "Қайнар-Бұлақ" саяжай ауданының тұрғыны Қорғанбай Досметов.

Тергеу оқиғаның мән-жайын айтпай отыр. 2001 жылы туған күдікті ұсталғаны хабарланды.

Қылмыстық кодекстің 99-бабы 1-бөлігіне сәйкес ("Адам өлтіру") сотқа дейінгі тергеу басталды. Бұл бап бойынша кінәлі деп танылған адам 8 жылдан 15 жылға дейін сотталады.

661
Тақырып бойынша
Шымкентте туған әкесінен жүкті болған 15 жасар қыз босанды
Терезеден секіріп кеткен: Шымкентте қыз алып қашқан жігіттің үстінен іс қозғалды
Шымкентте ер адам 11-қабаттан құлап кетті
Шымкентте үш жасар бала бензин ішіп қойды: дәрігерлер жағдайын айтты
Көрпеге салып, скотчпен орап тастаған: Шымкентте әйелдің мәйіті табылды
Есіктің сынған әйнегі, иллюстративті фото

Алматы облысында әйелді бір жасар қызының көзінше өлтіріп кетті: оқиғаның мән-жайы

1529
Әйелді өлтірді деген күдікпен марқұмның күйеуі мен оның танысы ұсталып, қазіргі кезде сотқа дейінгі тергеу жүргізіліп жатыр

АЛМАТЫ, 25 қараша – Sputnik. Алматы облысында 34 жастағы Светлана Ермошенконы бір жасар қызының көзінше өлтіріп кеткен, деп хабарлайды Sputnik Қазақстан.

Әйелдің өлімі туралы ақпаратты құқық қорғаушы Дина Таңсәрі әлеуметтік желілердегі парақшасында жариялады. Ал марқұмның туыстары Светлананы өлтіруге күйеуі "тапсырыс берген" деп санайды.

Таңсәрінің жазуынша, кісі өлімі 13 қарашада Іле ауданында Қапшағай тас жолына жақын маңда адам аз жүретін жерде болған.

"13 қарашада күйеуі әйелі мен бір жасар қызын ертіп Қапшағай тас жолындағы "Магнум" дүкеніне азық-түлік алуға барған. Қайтар жолда ер адам дәрет сындырғысы келіп, жолдан 300-400 метр жерге барып тоқтаған. Ол қайтып келгенде әйелін өлтіріп кеткенін көрген. Бірден әйелінің анасына хабарласып, Светлананы өлтіріп кеткенін айтқан", – деп жазды НеМолчиKZ қорының негізін қалаушы.

Марқұмның ата-анасының айтуынша, оқиғаға куәгерлер мен сол маңдағы жолаушылар ер адамның оқиға орнынан кетуіне жол бермей, полиция мен жедел жәрдем шақырған. Ал көлік ішінен тоңазытқыш-сөмке мен балаға арналған тамақтың мол қоры табылған. Туыстары күйеу баласы кетуге дайындалған деп санайды. Оған жалғыз кедергі жұбайы Светлана болған.

Сондықтан да марқұмның туыстары әйелді кездейсоқ бір адамның өлтіріп кеткеніне сенбейді. Олардың айтуынша, ер адам үнемі әйеліне дөрекілік танытып, кішкентай қызын алып Ресейге кеткісі келетінін айтқан.

Алматы облысы полиция департаментінің баспасөз қызметі аса ауыр қылмыс жасады деген күдікпен екі ер адамның ұсталғанын хабарлап, кісі өлтіру фактісін растады. Істі департамент басшылығы өз бақылауына алды.

"Кісі өлімі ашылды. Екі азамат ұсталды, бірі 37 жастағы Е. және 34 жастағы М. деген азамат. Олар аса ауыр қылмыс жасағанын мойындады. Күдіктілер қамауға алынды", – делінген ведомство хабарламасында.

Оқи отырыңыз: Бес рет қастандық жасалған: Алматы облысында кәсіпкерді өлтіріп кетті

Аталған іс бойынша Қылмыстық кодекстің 99-бабының 2-бөлігі (адам өлтіру) бойынша сотқа дейінгі тергеу жүргізіліп жатыр.

Өзге деректер тергеу мүддесіне сай жарияланбайды.

Қазақстандық қылмыстық заңнамаға сәйкес, күдіктілердің екеуі де мүлкі тәркіленіп немесе мүлкі тәркіленбестен 15 жылдан 20 жылға дейін сотталады. Тіпті, өмір бойы бас бостандығынан айырылуы да мүмкін.

1529
Кілт сөздер:
кісі өлтіру, қайғылы оқиға
Тақырып бойынша
Үш кішкентай бала үйде жалғыз қалған: Көкшетауда қайғылы оқиға болды
Шамалғандағы қайғылы оқиға: зардап шеккендер туралы тың дерек шықты
Нұр-Сұлтанда полициядан көмек сұраған әйелді үйінің кіреберісінде өлтіріп кетті      
Дулат Ағаділдің ұлын өлтіріп кетті - оқиғаның мән-жайы
Үш адам мерт болды – Алматы облысындағы қайғылы оқиға туралы ақпарат жарияланды
Сенат депутаты

Ағылшын саяхатшысын таңғалдырған жер: депутат Қапал ауылының жағдайына алаңдады

27
(Жаңартылды 12:48 26.11.2020)
Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген

НҰР-СҰЛТАН, 26 қараша – Sputnik. Сенат депутаттары Ұлы Жібек жолының бойында орналасқан өшпес тарихы бар Қапал ауылының қазіргі жағдайына алаңдап, оны үкіметтің қорғауындағы нысандар қатарына қосуды ұсынды, деп хабарлайды Sputnik Қазақстан тілшісі.

Сенатор Бақытжан Жұмағұловтың айтуынша, 1847 жылы бекініс ретінде, Ресей империясының мүддесіне сай бой көтерген елді мекеннің тарихын тану, оны ХІХ ғасырдағы сәулет өнерінің мәдени  ескерткіші ретінде ұрпақтан ұрпаққа қалдырудың рухани мәні зор.

"Бұл өлке сонау Түркі дәуірінен, Қимақ мемлекеті тұсынан бері танымал, белгілі тарихи жер. Қапал – ұлтымыздың ұлы тұлғасы Шоқан Уәлихановтың, Петр Семенов-Тяньшанскийдің ізі қалған жер. Қапал – ағылшын саяхатшысы Томас Аткинсонды таңғалдырған жер. Қапал – жоңғар шапқыншыларымен шайқаста ту көтерген Қапал батыр жатқан жер. Бұл туралы Уәлихановтың "Жоңғария очерктерінде" жазылған", - деді ол үкімет басшысына жолдаған депутаттық сауалында. 

Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген. 

"Сан ғасырлық тарихы бар Қапал ауылының бүгінгі жағдайы кімді болса да алаңдатпай қоймайды. XIX ғасырдың ескерткіші болып саналатын қос қабатты үйлердің бет жағы ғана аман қалған. Ескі екі мешіт үйі де қараусыз қалып, құлаған. Көп үйлердің ағаштарын жергілікті тұрғындар бұзып алып, қора-қопсы салып алғаны да жасырын емес. Ауылдың рухани орталығы болған Қапалдағы ақын Сара мен Фатима Ғабитованың музей үйлерінің де ізі жоқ. Ондағы құнды экспонаттар да жоғалған", - деп қапаланды сенатор.

Депутаттың пікірінше, атақты Жібек жолының бір бекеті, Қапал ауылы қай жағынан алсаң да Жетісудың туристік мекеніне айнала алады. Ол Қапалдағы тарихи ескерткіштердің қорғалмай, ескерусіз қалатынына алаңдады. 
Осыған байланысты сенат депутаттары сәулетшілер, тарихшылар, әдебиетшілер, этнографтардан тұратын арнайы комиссия құрып, Қапал ауылының мәдени-тарихи ескерткіштерін қорғау үшін тиісті шаралар қабылдауды, оларды үкіметтің қорғауындағы объектілер қатарына қосуды ұсынды.

27
Кілт сөздер:
ауыл, депутат
Тақырып бойынша
Табысы 35 мың теңге: депутат кедейлердің көпшілігі ауылда тұрып жатқанын айтты
Депутат Бектаев әр балаға 18 жасқа дейін қаржы бөлуді ұсынды
Депутат тұрмысы төмен отбасылардың неге баспана ала алмай жүргенін айтты
"Үкіметтің ақылы неге соған жетпейді?!": депутат жаңа бағдарлама қабылдауды ұсынды
Қазақстанның сыртқы қарызы қанша – депутат сұрағына үкімет мүшелері жауап берді