Теміржол

Шамалғандағы трагедия: көшеге шыққан жұрт билікке талап қойды видео

509
(Жаңартылды 11:13 16.09.2019)
Жергілікті тұрғындардың айтуынша, теміржол өткелінде үнемі кептеліс, соның салдарынан жол апаты жиі болады

НҰР-СҰЛТАН, 16 қыркүйек – Sputnik. Шамалғанда болған трагедиядан кейін жергілікті халық биліктен көпір салуды талап етті.

Жергілікті тұрғындар жантүршігерлік трагедия болған орынға жиналды. Көпір салуды талап еткен халық теміржол маңынан кетпей қойған, деп хабарлайды almaty.tv.

Шамалғандықтардың айтуынша, олар күн сайын осы теміржол өткелінен әрі-бері өтеді. Бұл жерде үнемі көлік кептелісі, сол себепті жол апаты да жиі болатын көрінеді.

"Әлі неше адам өлуі керек?", "ертең балам осы өткелден өтіп, мектепке барады, сонда не болады?", - деп айғайлады наразы жұрт.

Халықтың шағымын тыңдауға Алматы облысы Қарасай ауданының әкімі Жандарбек Далабаев келді. Ол жергілікті тұрғындарға бастамашыл топ құрып, әкімдікке жүгінуге кеңес берді.

Далабаев халықтың талап-тілегі облыс әкімі мен мемлекет басшысының құлағына жеткенін айтты.

"Сабыр сақтаңдар, қазір көпір деп айғайлағанмен, ол бірден салына қоймайды. Сендерде қордаланған мәселе тек жол ғана емес, басқасы екенін білемін. Сондықтан екінші күні жиналып, ақылдасайық, мен ешқайда қашпаймын. Көпір салуға әрекет жасаймыз", - деп уәде етті әкім.

Шамалғандағы трагедия

Жексенбі күні кешке Алматы облысында пойыз теміржолда тұрған жолаушылар автобусымен соқтығысты.

Теміржол өткелі реттеледі, пойыз жақындағанда, сигнализация іске қосылған.

"Қазақстан темір жолы" АҚ хабарлауынша, автобус жүргізушісі кептеліске қарамастан, теміржолға шығып кеткен.

Соңғы мәлімет бойынша, бір адам – автобус жүргізушісі қаза болды, тағы үшеуі жан сақтау бөлімінде жатыр – ол 33 жастағы әйел мен екі бала (үш және бес жасар). Дәрігерлер олардың жағдайы ауыр екенін айтты.

Апаттың себептерін анықтау үшін арнайы комиссия құрылды.

509
Кілт сөздер:
апат, теміржол, Шамалған, Алматы облысы
Су, шомылу

Оралда шомылатын ойықтан су алмақ болған ер адам көз жұмды

628
(Жаңартылды 17:35 19.01.2021)
Зейнеткер Михайло-Архангельск шіркеуінің жанында өткен шоқынудан кейін су алуға келген, ер адам сол жерде қайтыс болды

АЛМАТЫ, 19 қаңтар – Sputnik. Оралда ер адам шоқыну мерекесіне жасалған арнайы орында көз жұмды, деп хабарлайды "Мой город" порталы.

Зейнеткер немересімен бірге ойыққа шоқыну рәсімі өткен соң су алу үшін барған. Куәгерлердің айтуынша, ер адамның денсаулығы жолда нашарлаған.

Орал қаласының жедел жәрдем дәрігерлері мен төтенше жағдайлар департаментінің қызметкерлері зейнеткерге көмекке келді, алайда құтқарып қала алмады.

Марқұм немересінің айтуынша, атасы жүрек сырқатымен есепте тұрған.

Оқиға орнына Орал полициясының жедел-тергеу тобы шақырылды, полиция кенеттен қайтыс болу фактісін тіркеді.

 

628
Кілт сөздер:
ер адам, Орал
Тақырып бойынша
Каратэден Қазақстан құрамасының бас бапкері дүниеден озды
Қырғызстанда қазақстандық жасөспірім көз жұмды – тиісті сараптама тағайындалды
Қазақтың Тайлағы дүниеден өтті
Туысы тауып алған: Аягөзде әйел мен оның 13 жастағы ұлы көз жұмды
Қарағанды шахтасындағы төтенше жағдай: бір жұмысшы қайтыс болды
Пышақ ұстаған ер адам, иллюстративті фото

Нұр-Сұлтанда ер адам әйелін өлтіріп, артынан өзіне пышақ салды

54
Оқиға орнына шұғыл жеткен медициналық жедел жәрдем қызметкерлері екі адамның қайтыс болғанын растады

НҰР-СҰЛТАН, 19 қаңтар – Sputnik. Елорда тұрғыны әйелін пышақтаған соң пәтерді ішінен жауып, өзіне пышақ салды, деп хабарлайды Sputnik Қазақстан қалалық полиция департаментіне сілтеме жасап.

Ресми мәліметке сәйкес, оқиға өткен демалыс күні болған.

Көппәтерлі үйдің бірінде тұратын туысқандар арасында жанжал шыққан. Ашуға бой алдырған ер адам әйеліне пышақ ала жүгірген. Сондай-ақ, жұбайының әпкесіне де жарақат салған. Бірақ ол пәтерден қашып шығып, адамдардан көмек сұраған. Көршілер бірден полицияға хабар берген.

"Есік іштен құлтанғандықтан құқыққорғаушылар үйге бірден кіре алмады. Полицейлер есікті бұзып кіруге мәжбүр болды. Пәтердің ішінде 46 жастағы әйел мен оның жолдасының мәйіті табылды. Ер адам өз-өзіне пышақ салған", – дейді полицейлер.

Оқиға орнына келген медициналық жедел жәрдем мамандары екі адамның да қайтыс болғанын растады.

Оқи отырыңыз: Полицейлер пышақ ала жүгірген жасөспірімдерді атып тастады – видео  

Қазіргі кезде қылмыстық іс қозғалды. Тергеу шаралары жүргізіліп жатыр.

54
Кілт сөздер:
Нұр-Сұлтан, кісі өлтіру
Тақырып бойынша
Пышақ жарақатын алып, бүкіл елді шулатқан шенеунік министрдің орынбасары болды
16 рет пышақ сұққан: шымкенттік мұғалімді кім және не үшін өлтірді
Нұр-Сұлтанда ер адам автокөліктерге пышақ ала жүгірді – видео
Пышақ ұстап, ауылдастарының үйіне келді: ШҚО тұрғыны ұлы үшін кек алмақ болды
Алматыда адам өмірін қиған жол апаты: оқиға орнынан тапанша мен пышақ табылды
Ядролық реактор

Атом энергетикасының жаңа бағыттары дамиды

0
Америкалықтар атом энергетикасының әскери бағытын дамытуға бел буды. Қазіргі президент Дональд Трамп қарулы күштер мен ғарышты игеру үшін төмен қуатты ядролық реакторлар әзірлеу туралы жарлыққа қол қойды

Қосымша қуат көзі ме

Елу жылдан бері алғаш рет АҚШ атом энергиясын әскери-теңіз күштерінен тыс қолданбақ. АҚШ Қарулы күштерінде атомдық реакторлар сүңгуір қайықтар мен әуе тасымалдағыштарда қолданылады. Осының арқасында америкалық флоттың ең үлкен кемелері теңізде шектеусіз уақыт бойы бола алады.

Өзге елдердің әскери-теңіз күштері де ядролық энергияны пайдаланады. Мысалы, француздардың "Шарль де Голль" әуе тасымалдағышы мен Ресейдің "Петр Великий" ауыр зымыран крейсері атомдық тартылыс күшінің арқасында жұмыс істеп тұр. Алайда, АҚШ-та атоммен жүретін кемелер бұдан да көп. Америкалықтар мұнымен тоқтап қалмақ емес.

"Президент Трамптың тапсырмасы бойынша қорғаныс министрлігі елдегі әскери алаңда шағын атомдық реакторлардың шығындары есебінен олардың энергетикалық икемділігі мен экономикалық тиімділігін көрсету жоспарын әзірлейді және жүзеге асырады, сондай-ақ қуаттылығы шағын мобильдік реакторды сынақтан өткізеді. Мұндай қуат көздері күн энергиясын қолдану мүмкін емес қиыр ғарышты зерттеуде және қорғаныс саласында таптырмас құрал екені анық", - деп хабарлады Ақ үйдің баспасөз қызметі.

Билік шағын ядролық реакторлар нақты не үшін қажет болғанын айтпай отыр. Defensenews.com порталының сарапшылары мұнда мәселе армия базаларындағы резервтік қуат көздері туралы болып отыр деп санайды. Егер, әскери нысанда электр қуаты өшіп қалса, реактор маңыздылығы өте жоғары жабдықты қуатпен қамтамасыз етеді.

Жарлықтың мәтініне сәйкес, алғашқы прототиптің сынақтары жарты жыл ішінде басталуы керек. Сарапшылар бұл сынақ АҚШ-тағы ең ірі полигонның бірі - Невада полигонында өтеді деп болжап отыр. 

Ғарышты бағындыру 

"Secure World Foundation" коммерциялық емес ұйымының ғарыш қауіпсіздігі мәселелері жөніндегі сарапшысы Брайан Уиден Айға, Марсқа және басқа планеталарға бағытталған ұзақ мерзімді рейстер ядролық энергиясыз ұша алмайтынын еске салды. Болашақта ракторлар Жерден тыс алғашқы колониялар үшін қажет болады.

Кейбір сарапшылар жаңа технологияларды орбиталық қару-жарақ платформаларында қолдануға да болады деп санайды. Негізінде, бұл сценарий ғарышты әлеуетті ұрыс алаңы деп санайтын АҚШ-тың ғарыш күштерінің агрессивті доктринасына сәйкес келеді.

Әскери кемелер, архивтегі сурет
© Photo : Официальный сайт Минобороны РК

"Менің ойымша, бұл америкалықтарға бірінші кезекте ғарыштағы әрекеттер үшін қажет», - деді "Арсенал Отечества" журналының бас редакторы Виктор Мураховский. – Бізде "атомдық реактор" деген сөз тіркесі әртүрлі заттарды білдіреді. Біріншіден, бәсеңдеткіш серіппелері мен қуат реттеуіші бар уранды бөлудің тізбекті реакциясы негізінде жұмыс істейтін құрылғы. Ресейде мұндай құрылғылар "Буревестник" пен "Посейдон" бұйымдары үшін әзірленіп қойған. Екіншіден, жер серіктерінде және метеостанцияларда қолданылатын изотоптық ядролық энергия көздері. Олардың тиімділігі әлдеқайда аз болғанымен зияны аса үлкен емес". 

Сарапшы 1950-1960 жылдары АҚШ та, КСРО да ұшақтарға арналған шағын ядролық реактор жасауға тырысқанын еске түсірді. Алайда, бұл жобалардан бас тартты. Себебі, тіпті ең үлкен ұшақтың өзі экипажды биологиялық қорғау жүйесін тарта алмады. Сондықтан реакторларды пайдалану аясы тек үлкен кемелермен шектелді.

Мураховскийдің айтуынша, осы уақытқа дейін әлемдегі бірде-бір ел ұшқыш басқаратын ұшақтарда, шағын кемелерде немесе жерүсті көлік құралдарында қолдануға болатын бөліну реакциясындағы шағын реакторын жасай алмады. Сонымен бірге, сарапшы америкалықтардың ресейлік "Буревестник" пен "Посейдонды" қайталағысы келетініне күмәнданатынын айтты.

"Бұл жүйелер ерекше, - деп түсіндірді ол. – Олар жау ядролық соғыс бастаған кез-келген жағдайда кепілдендірілген жауапты соққы жасау үшін және батыстағылардың зымыранға қарсы қорғаныс жүйелерінің көзін жою үшін әзірлденді. Америкалықтарға бұл мақсатты орындауға жарамды қару-жарақ жетерлік". 

Радиация проблемасы 

Ядролық күш қондырғысы бір кездері 1949-1959 жылдар аралығында АҚШ әскери-әуе күштерінде қызмет еткен Convair В-36 құрлықаралық стратегиялық бомбалаушылары үшін жасалған болатын. NB-36H ұшатын зертхананың тұмсық бөлігінде 12 тонналық қорғаныс капсуласы орнатылды. Ал, қуаты бір мегаватт, диаметрі 1,2 метр және салмағы 16 тонна болатын жылдам нейтрондар негізіндегі реакторды бомбалар бөлігіне орналастырды. Ол ұшу кезінде іске қослып, әуе кемесінің бортына ауа тартқыштар арқылы кіретін атмосфералық ауамен салқындатылуы керек болатын. Экспериментті ұшақ 47 ұшуды орындады, бірақ ядролық қозғалтқыш қысқа уақытқа ғана қосылды.

Шыны керек, бұл идея өте тартымды көрінді. Мұндай ұшу аппаратын бірнеше күн бойы жанармай құюды қажет етпей, әуедегі әскери кезекшілікті орындай алатын стратегиялық бомбалаушы немесе барлаушы ұшақ ретінде пайдалануға болады. Алайда проблемалар тым көп болды.

Қазақстанға Иран Әскери-теңіз күштерінің кемелері келіп жетті
© Photo : министерство обороны Республики Казахстан

Біріншіден, кез-келген ұшақ өз еліне құлап кетуі ықтимал "үрейлі "бомба болып табылады. Екіншіден, эксперименталдық борттың соңында радиоактивті заттар "еріп жүрді". Оның үстіне, экипаж бәрібір үлкен сәулеленуге ұшырапды. Ядролық қарудың жалғыз тасымалдағышы ретінде құрлықаралық баллистикалқ зымырандарды дамыту атомды ұшақтардың күрделі әрі қауіпті бағдарламасын келешектен айырды. 

Жиырма бес тонналық Chrysler TV-8 танкісі ешқашан жаппай шығарылған емес. Ол штатты жүйелердің белгілі бір бөлігімен ғана жабдықталған толық көлемді макет түрінде болған. Машинаны атомдық реактор әсерінен жылумен жабдықтайтын бу қозғалтқышы іске қосуы керек болды.

Алайда, америкалық әскерилер Chrysler корпорациясының бұл инновациялық жаңашылдығын бағаламады. Танкті тым күрделі деп танып, оның жауынгерлік қабілеті мүмкіндіктері дәстүрлі түрде қолданылып келе жатқан машиналардан бас тарту үшін жеткіліксіз деп санады. 1956 жылдың 23 сәуірінде TV -8 жобасы жабылды.

 

0