НҰР-СҰЛТАН, 7 қазан – Sputnik. Астанада қоғамдық көлік пен мектеп автобусы соқтығысты, деп хабарлайды Sputnik Қазақстан.
Нұр-Сұлтан қалалық полиция департаменті баспасөз қызметінің хабарлауынша, бүгін таңғы сағат 07:24-де Мәңгілік ел даңғылы бойындағы аялдамада №15 бағдардағы автобусы арақашықтықты сақтамай, мектеп автобусымен соқтығысқан.
"Мектеп автобусы аялдамада балаларды күтіп тұрған. Жол апаты кезінде онда жолаушылар болмаған", - делінген полиция департаментінің баспасөз қызметі таратқан хабарламада.
Ал бағдардағы автобуста 30-дан астам жолаушы отырған. Жол апаты салдарынан қоғамдық көліктегі 2 жолаушы дене жарақатымен ауруханаға жеткізілді.
Қазіргі таңда тәртіп сақшылары оқиғаның мән-жайын анықтап жатыр.
Астанада аялдама жанында екі автобус соқтығысты - фото
