Архивтегі фото

Қазақстандық футболшы отбасымен апатқа ұшырады: куәгерлер табылды видео   

2212
Отбасымен бірге жантүршігерлік жол апатына ұшыраған қазақстандық қақпашы жансақтау бөлімінен палатаға ауыстырылды

НҰР-СҰЛТАН, 18 қазан – Sputnik. Отбасымен апатқа ұшыраған қазақстандық футболшы Илья Байтеряковтың туыстары оқиғаның куәгерлерін тапты, олар трагедияның қалай болғанын айтып берді. Бұл туралы Sputnik Қазақстанға спортшының ағасы Михаил Байтеряков хабарлады.

Қайғылы оқиғаға куә болған Александр мен Евгений 12 қазанда Өскеменнен Семейге бара жатқан. Олардың айтуынша, апатқа тасжолға шығып кеткен бір үйір жылқы себеп болған. Александр мен Евгений жылқыларды айналып өткен, бірақ олардың артынан келе жатқан жүргізуші рөлге ие бола алмай, жыраға ұшып түскен. Бұл футболшы Илья Байтеряковтың көлігі болып шықты, онда оның әкесі, анасы, әйелі және екі баласы отырған.

Александр мен Евгений тоқтап, жедел жәрдем шақырып, дәрігерлер келгенге дейін алғашқы медициналық көмек көрсеткен. Олардың айтуынша, "жедел жәрдем" тек бір жарым сағаттан кейін жеткен. Сондай-ақ, полиция келген кезде жылқылар кетіп қалған, сондықтан тәртіп сақшылары апаттың себебін дұрыс анықтай алмаған.

"Илья 18 қазан күні жансақтау бөлімінен палатаға ауыстырылды, бірақ оның жағдайы ауыр. Қазіргі таңда біздің міндет – Ильяның бұл жол апатына кінәсіз екенін дәлелдеу", - деп мәлімдеді Михаил Байтеряков Sputnik Қазақстанға берген сұхбатында.

Қазіргі уақытта құқық қорғау органдарының қызметкерлері Илья Байтеряковты Қазақстан Республикасы Қылмыстық кодексінің 345-бабы 4-тармағы бойынша (абайсызда адамға өлім келтіру) айыптап отыр. Полицейлер Sputnik Қазақстанға ресми түсінік беруден бас тартты.

35 жастағы Илья Байтеряков 12 қазанда отбасымен бірге Өскемен-Семей тасжолында апатқа ұшырады. Кіші ұлы мен әкесі қайтыс болды, әйелі мен үлкен ұлы жарақат алды, ал Ильяның өзі ауруханаға ауыр халде жеткізілді.  

Илья Байтеряков өмір бойы қазақстандық клубтарда ойнады, соңғы рет "Атырау" футбол командласының құрамында болды.

2212
Кілт сөздер:
футболшы, апат
Тақырып бойынша
Ақтөбе маңында 18 оқушы мінген автобус аударылып кетті   
Қызылордадағы трагедия: 13 әскери қаза болған Ми-8 апатының нақты себебі анықталды
Қарағандыдағы әуе апатында 2 адам көз жұмды
Алматыдан шыққан автобус Өзбекстанда апатқа ұшырады
Ішінде 23 жолаушы отырған автобус "Алматы-Өскемен" жолында аударылып қалды
Қазақстандық футболшы отбасымен бірге жантүршігерлік апатқа ұшырады
Зират маңындағы үйлер

Ақтауда жерлеуден 3 сағат өткен соң марқұмның денесін қабірден қазып алды

6832
(Жаңартылды 17:14 28.09.2021)
Осы уақытқа дейін ол бірнеше рет прокуратураға арыз жазған. Ал Маңғыстау облысы прокуратурасының баспасөз қызметі іс бойынша нақты ақпарат алу үшін арнайы сұранысхат жіберу қажет екенін жеткізді

АЛМАТЫ, 28 қыркүйек – Sputnik. Ақтау тұрғыны немере ағасының мәйіті заңсыз эксгумацияланғанын айтты. Оның сөзінше, салттық қызмет көрсететін агенттік қызметкері марқұм болған ағасының қабірін қазып, денесін басқа зиратқа жерлеген. Енді Юрий Коновалов кінәлілер жауапкершіліктен құтылып кетеді деп қорқып отыр.

Бұл туралы жергілікті "Лада" басылымы жазды.

Келеңсіз жағдай 2020 жылдың 15 шілдесінде болған. Сол күні Юрий Коновалов немере ағасы Олег Романовты оның анасы Тамара Романованың бейітінің жанына жерлеген.

"Немере ағамның қайтыс болғанын оның отбасына, Бакуде тұратын ұлдарға хабарладым. Олардан жерлеу құқығы туралы нотариус растаған құжат алғаннан кейін жерлеуді ұйымдастыра бастадым. Марқұмды жерлеу үшін екі қалалық агенттікке жүгіндім. Сол аралықта Мәскеуде тұратын әпкем Ирина Хасанова немере ағам үшін жерлеу орнын қаладан тыс жерде орналасқан жаңа зиратта дайындап қойғанын білдім. Әрине, мен бұған келіспедім, себебі ұлы қалалық зираттағы анасының жанында жерленуі керек", - дейді ол.

Айтуынша, өзі әпкесімен жеті жылдан бері араласпайды. Ал оның немере ағасына арнап зират дайындағаны ақтаулықты таңғалдырған. Содан кейін қабір қазу бойынша бригада жалдаған.

"Мәйітханада марқұмның жерлеуге ресми құжат алғаннан кейін, сол бригадамен бірге зиратқа келдім. Осылайша 2020 жылдың 15 шілдесінде жерледік. Содан үш сағат өткен соң зират директоры маған хабарласып, ағамның қабірі қайта қазылғанын айтты. Осы жерге келген соң жерлеу орнына төселген тас жоқ екенін, ал қабір үсті құмға толғанын көрдім. Сол жерден кетпей тұрғанымда зират қызметкері не болғанын айтты. Ол жерлеу агенттігінің қызметкерлері марқұмның денесін алып, зираттан тыс жерге шығарғанын жеткізді", - дейді Юрий Коновалов.

Ер адам бірден Ақтау прокуратурасына арыз жазған. Мәйітті заңсыз эксгумациялау фактісі бойынша қылмыстық кодексінің 314-бабының 1-бөлігі ("өлген адамның мәйітін және олар жерленген орындарын қорлау") бойынша қылмыстық іс қозғалды. Содан кейін қылмыс дерегі бойынша қажетті тергеу жүргізілген.

Коновалов тергеу барысында салттық қызмет көрсететін агенттік директорының нұсқауы бойынша Романовтың бейіті қазылып, мәйіті Ақтау маңында орналасқан зиратқа қайта жерленгені анықталғанын айтты.

"Мені шатастыру мақсатында ағамды бірінші жерлеген жерге агенттік директорының нұсқауы бойынша крест орнатылған. Осылайша қайтыс болған адамның денесі осы жерде деп көрсеткісі келген. Салттық қызмет көрсететін агенттік директорының іс-әрекеттері ешқандай логика мен моральдық ережеге сай емес. Оның не себепті осылай істегенін әлі күнге дейін түсінбедім", - дейді ол.

Енді Юрий Коновалов күдіктілер жауапкершіліктен құтылып кетеді деп қорқып отыр.

"Содан бері бір жыл өтті, іс орнынан қозғалған жоқ. Істің сыбайлас жемқорлыққа байланысты тоқтап тұрғанына сенімдімін. Қылмысқа қатысы бар адамдар анықталды, куәгер бар. Бірақ іс бір жылдан астам уақыт бойы сотқа тапсырылмады. Тергеу бір орнында тұр, тіпті істі жапқысы келеді", - деп жанайқайын жеткізді ер адам.

Айтуынша, осы уақытқа дейін ол бірнеше рет прокуратураға арыз жазған. Ал Маңғыстау облысы прокуратурасының баспасөз қызметі іс бойынша нақты ақпарат алу үшін арнайы сұранысхат жіберу қажет екенін жеткізді.

Оқи отырыңыз: 

6832
Кілт сөздер:
зират, Ақтау
Тақырып бойынша
Зират басына барған шымкенттіктер жаға ұстарлық жағдайға тап болды – видео
Солтүстік Қазақстанда оқушы-вандалдар зират ескерткіштерін қиратты
Құлпытаста QR-код болады: мүфтият зират көтеру мәдениетін бір жүйеге келтірмек - видео
Зиратта арнайы жерлер бөлінді – кімдер жерленеді
Індеттен көз жұмғандар жерленген зиратта 32 қабір бар – әкімдік жағдайды түсіндірді
шатыр, архив сурет

Павлодарда балалар жаттығатын ғимараттың төбесі опырылып ортасына түсті - видео

547
(Жаңартылды 18:27 28.09.2021)
Желіде пайда болған видео астына тұрғындар "балаларды құдай сақтаған", "ол жерде жуықта жөндеу жасалып еді ғой" деген пікірлер жазып жатыр

НҰР-СҰЛТАН, 28 қыркүйек – Sputnik. Павлодарда "Батыр" спорт мектебінің шатыры құлады, деп хабарлайды Pavlodarnews.kz.

Төтенше жағдай бүгін сағат 10:05-те болған.

Шатыры опырылып түскен ғимараттың видеосы әлеуметтік желіде пайда болды.

Посмотреть эту публикацию в Instagram

Публикация от Типичный Павлодар (@tipavlo)

Видео астына тұрғындар "балаларды құдай сақтаған", "ол жерде жуықта жөндеу жасалып еді ғой" деген пікірлер жазып жатыр.

Өңірлік туризм және спортты дамыту басқармасы басшысының орынбасары Нұрлан Есембаевтың айтуынша, Катаев көшесінде орналасқан "Батыр" бокс залының шатыры құлап түскен.

"Зардап шеккендер жоқ. Залда ешкім болған жоқ. Таңертең жаттығу болды, шатырдың құлағанын естіген сәтте балалар жедел эвакуацияланды", - деді ол.

Мектепте директор мен вахтер болған. Екі плитаның құлағаны белгілі. Оның не себепті құлағанын анықтау бойынша комиссия құрылды.

Ғимарат 1984 жылы пайдалануға берілген.

Қазір ғимаратты полиция қоршап, анықтау жұмыстары жүргізілуде.

Оқи отырыңыз: 

547
Кілт сөздер:
шатыр, мектеп, Павлодар облысы
Тақырып бойынша
Есік-терезе сынып, шатыр құлады: әскери бөлімдегі жарылыстан бүлінген нысандар – фото
Астанада дүкенге шатыр арқылы түскен ұры бақылау камерасына түсіп қалды
Қатты боран салдарынан Хан Шатыр сауда орталығына зиян келді
Шатыр ұшып, көлікті басып қалды: дүлей дауыл шымкенттіктердің дегбірін қашырды – видео
 Елбасы Астана Бас жоспары ғылыми-зерттеу жобалық институты ЖШС-да болды

Нұр-Сұлтанның даму барысын үнемі қадағалап отырамын Назарбаев

6
Алғашында жаңадан қала салу жобасына ғана емес, осы маңайда қалың орман өсетініне де күмәнмен қарағандар болған

НҰР-СҰЛТАН, 28 қыркүйек – Sputnik. Елбасы Нұрсұлтан Назарбаев "Астана Бас жоспары" ғылыми-зерттеу жобалық институты" жауапкершілігі шектеулі серіктестігінде болды, деп хабарлады Elbasy.kz.

Қазақстанның Тұңғыш президенті елордада туристік, мәдени және әлеуметтік жаңа нысандар салу жоспарымен танысты.

Алтай Көлгінов аудандар құрылысының барысы, қаланы көгалдандыру процесі жайлы, сонымен қатар денсаулық сақтау, мектепке дейінгі және орта білім беру нысандарының, спорт ғимараттары мен коммерциялық орындардың халыққа қолжетімділігін қамтамасыз ету үшін қабылданып жатқан шаралар туралы егжей-тегжейлі баяндады.

Сондай-ақ Елбасы назарына елорданың жаңа мешіті мен ЭКСПО ауданына іргелес аумақта жүргізілетін құрылыс пен абаттандыру жобалары ұсынылды.

"Мен үшін бұл қаланың орны бөлек. Оның даму барысын үнемі қадағалап отырамын, болашағы туралы көп ойланамын. Алғашында жаңадан қала салу жобасына ғана емес, осы маңайда қалың орман өсетініне де күмәнмен қарағандар болған. Кейбір ғалымдар бұл жерге ағаш өспейді деген еді. Алайда елорда аз уақыт ішінде айналасын "жасыл белдеу" қоршаған ірі мегаполиске айналды", – деп түйіндеді Елбасы.

Оқи отырыңыз:

6