ер адам, иллюстрация

Алматыдағы қонақүйлердің бірінде ер адам туған қызын өлтірді

4796
Туған қызын шешесінің көз алдында өлтірді деген күдікке ілінген ер адам сегізден он бес жылға дейін сотталуы мүмкін

НҰР-СҰЛТАН, 26 қазан — Sputnik. Алматыда бес жұлдызды қонақүйде ер адам өзінің бір жарым жасар қызын ұрып өлтірді.

Жантүршігерлік оқиға жұма, 25 қазанда оңтүстік астанадағы қымбат қонақүйлердің бірінде болды. Таңғы сағат жеті шамасында қыздың анасы бөлмесінен атып шығып, айқайлап көмек сұраған.

Балаға алғашқы көмекті қонақүйдің қызметкерлері көрсетеді, кейін оқиға орнына жеткен дәрігерлер қыздың тамыр соғысы мен қан қысымын қалпына келтіреді. Бірақ ақ халаттылар бір жарым жасар бүлдіршіннің өміріне араша бола алмады, ол алған жарақатынан ауруханада көз жұмды.

Тағы оқыңыз: Павлодарда екі баланың әкесі дәрігерді зорлап тастады

"Астана" телеарнасының хабарлауынша, әкесі қызды басынан ұрып-соққан. Ақпаратты қалалық денсаулық сақтау басқармасы растады, бірақ дәрігерлер ресми түсініктеме беруден бас тартты.

Қалалық полиция департаментінің мәліметіне сәйкес, қазіргі уақытта күдікті ұсталып, уақытша ұстау абақтысына қамалған.

"Қылмыстық кодекстің 99-бабы "Адам өлтіру" бойынша сотқа дейінгі тергеу жүріп жатыр. Сот-медициналық сараптама жасалады", - деп хабарлады Sputnik Қазақстан тілшісіне қалалық полиция департаментінің баспасөз қызметі.

Туған қызын өлтірген ер адам сегіз жылдан он бес жылға дейін сотталуы мүмкін.

4796
Кілт сөздер:
қонақ үй, Алматы
Тақырып бойынша
"Тамағына пышақ тақаған" Қарағанды тұрғыны туған қызын кепілге алды
Ұлды болуды армандаған ер адам жаңа туған қызын сатып жіберді
Бокстан әлем чемпионының туған қызын бірнеше жыл зорлағаны дәлелденді
Шымкент тұрғыны туған қызын пышақтап тастады
Алматыда әкесі туған қызын экскаватормен басып кетті
10 жасар туған қызын аяусыз зорлап келген павлодарлыққа үкім шықты
Медицина, қағаз

ҰҚК жалған анықтама сатқан емхана қызметкерлерін ұстады

583
Тергеу барысында директордың орынбасары мен медициналық мекеменің бас дәрігерінің дәрігерлік-консультациялық комиссияның жалған қорытындысын 5 мың теңгеге сатқаны анықталды

АЛМАТЫ, 26 қараша – Sputnik. Шығыс Қазақстан облысы Ұлттық қауіпсіздік комитеті жеке медициналық емхананың карантин кезінде мемлекеттік шекараны кедергісіз өтуі үшін жалған анықтама сатқан екі қызметкерін ұстады.

2020 жылдың 18 қыркүйегінде жедел-іздестіру шаралары барысында медициналық орталықтың директор орынбасары мен бас дәрігері 5 мың теңге үшін жалған дәрігерлік-консультациялық комиссия қорытындыларын азаматтарға сатып отырған, деп хабарлады комитеттің баспасөз қызметі.

Сонымен қатар шетел медициналық мекемесінен шақыру қажет болған жағдайда қызмет бағасы 10 теңгеге бағаланған.

"Жедел-тергеу шаралардың нәтижесінде алдында берілген 200 жуық ДКК қорытындылары, дәрігерлердің қолы мен таңбалары қойылған толтырылмаған бланкілер, таңбалар және компьютерлік техника табылып, тәркіленді", - делінген хабарламада.

Аталған факт бойынша ҚР ҚҚ 385-бабы 1-тармағы (жалған құжаттарды,мөрлерді, бланкілерді, мемлекеттік пошта төлемі белгілерін қолдан жасау, дайындау немесе өткізу) бойынша қылмыстық іс қозғалды.

Жүргізілген тергеу шаралары және жинақталған дәлелдемелер нәтижесінде күдіктілер өз кінәсін толығымен мойындады.

2020 жылдың 19 қарашасында күдіктілер қылмыстық кодекстің 385-бабы 2-бөлігі бойынша кінәлі деп танылды. Әрқайсысына 2,8  миллион теңге көлемінде айыппұл салынды.

583
Кілт сөздер:
анықтама, емхана, ҰҚК
Тақырып бойынша
Көп адам өлер еді: ҰҚК Алматыда жоспарланған терактіге қатысты мән-жайды айтты
Атырауда емхана басшылығы дәрігерлерден ақша жинағаны әшкере болды
ҰҚК "Боратқа" қатысы бар қылмыстық топты ұстады – видео
"Көміп кетемін деді": Қаскелең тұрғыны ҰҚК қызметкері зорламақ болғанын мәлімдеді  
ҰҚК қызметкерлері душар болған қайғылы жағдай туралы ақпарат шықты
Адамның қолы

Шымкентте ер адамның бассыз денесі табылды

984
(Жаңартылды 09:24 26.11.2020)
Сотқа дейінгі тергеу басталды. Бұл бап бойынша кінәлі деп танылған адам 8 жылдан 15 жылға дейін сотталады

НҰР-СҰЛТАН, 26 қараша — Sputnik. Жантүршігерлік оқиға Шымкенттегі саяжай аумағында болған. Күдікті уақытша ұстау изоляторына қамалды, тергеу жүргізіліп жатыр. 

Жергілікті тұрғындардың айтуынша, оқиға 8 қараша күні таңертең болған. Бұталардың арасында ер адамның бассыз денесі табылды, деп жазады жергілікті Otyrar.kz басылымы. Полицейлер бірден аумақта тексеру жұмысын жүргізді. 

"Мәйітті тауып, полицейлер фото және видео түсірді. Біздің ауданда қылмыс болмайтын. 20 жыл ішінде қылмыс жасалғанын естіген жоқпын. Полиция жедел қызмет етті, көмектескені үшін алғыс білдіреміз", - деді "Қайнар-Бұлақ" саяжай ауданының тұрғыны Қорғанбай Досметов.

Тергеу оқиғаның мән-жайын айтпай отыр. 2001 жылы туған күдікті ұсталғаны хабарланды.

Қылмыстық кодекстің 99-бабы 1-бөлігіне сәйкес ("Адам өлтіру") сотқа дейінгі тергеу басталды. Бұл бап бойынша кінәлі деп танылған адам 8 жылдан 15 жылға дейін сотталады.

984
Тақырып бойынша
Шымкентте туған әкесінен жүкті болған 15 жасар қыз босанды
Терезеден секіріп кеткен: Шымкентте қыз алып қашқан жігіттің үстінен іс қозғалды
Шымкентте ер адам 11-қабаттан құлап кетті
Шымкентте үш жасар бала бензин ішіп қойды: дәрігерлер жағдайын айтты
Көрпеге салып, скотчпен орап тастаған: Шымкентте әйелдің мәйіті табылды
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

0
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

0
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы