Кісен, архивтегі сурет

Алматыда оқушы қызға кімнің шабуыл жасағаны белгілі болды

3947
Алматыда оқушы қызға шабуыл жасаған ер адам туралы ақпарат 20 қараша күні әлеуметтік желіде тарап кеткен болатын

АЛМАТЫ, 22 қараша — Sputnik. Алматы қаласы Бостандық ауданы полиция басқармасының қызметкерлері 12 жасар қызға шабуыл жасаған күдіктіні ұстады. Ол өзінің кінәсін мойындамай отыр.

Оқушы өзіне шабуыл жасаған күдіктіні таныды.

"Ер адам жергілікті пәтер иелері кооперативінде аула тазалаушы болып жұмыс істеген. Өзі де "Орбита" шағын ауданында жертөледе тұрады. Оның айтуынша, оқиға болған күні таңертең дүкенге бара жатқан. Ішімдік ішкен. Жолда оқушы қызды кездестіріпті. Алайда оны қорқытқысы келмегенін айтады. Қалтасынан телефон алған кезде бала пышақ деп ойлап қашып кеткен", - деді Бостандық ауданы полиция басқармасының басшысы Дәурен Өтебаев.

Ол тергеу барысында мұның бәрі жіті тексерілетінін айтты.

Алматыда оқушы қызға шабуыл жасаған ер адам туралы ақпарат 20 қараша күні әлеуметтік желіде тарап кеткен болатын.

Тағы оқыңыз: "Аузы қанап кетіпті": елордада мектеп жанында ер адам қызға шабуыл жасады

Қыздың анасының айтуынша, "Орбита" шағын ауданындағы №60 гимназия маңында белгісіз біреу қызға шабуыл жасаған. Оқушы қашып кеткен.

Кейін қала полициясы күдіктіні анықтау үшін жедел тергеу тобы құрылғанын хабарлады.

3947
Кілт сөздер:
оқушы қыз, Алматы
Тақырып бойынша
Таразда мектеп дәретханасында оқушыны зорлады: білім министрлігі түсініктеме берді
Алматыда балалы әйелге шабуыл жасаған тонаушы қарсылыққа тап болды
Әйелін талдырып, өгей қызын зорлады: ауыр қылмыс жасаған ақтөбелік ұсталды
Шу ауданында педофил 3 жасар қызды зорлады: азғынды баланың әкесі қолға түсірді
Әбден қылқындырды: Павлодардағы үйлердің бірінде қызға шабуыл жасалды – видео
Тапаншамен ату

Шудағы арнайы операция: полицейлер арасындағы атыста біреуі ажал құшты

1172
(Жаңартылды 10:35 20.10.2020)
Атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өткен. Ал қуғыншылар оларды тоқтату үшін қару қолдануға мәжбүр болған

НҰР-СҰЛТАН, 20 қазан – Sputnik. Жамбыл облысында жүргізілген арнайы операция кезінде полиция қызметкерлеріне қарсы оқ атылып, бір адам қаза болды, деп хабарлайды Polisia.kz.

Көліктегі полиция департаментінің Шоқпар станциясындағы желілік полиция басқармасының қызметкерлері есірткі тасымалымен айналысады деген күдікке ілінген.

Ішкі қауіпсіздік қызметіне полиция өкілдерінің есірткі жинап, оларды сату үшін Құмөзек аймағына баруы жоспарланып отыр деген ақпарат түскендіктен, арнайы мақсаттағы бөлім қызметкерлерімен бірлесе операция жүргізеді. Сондықтан да күдіктілердің жолын бөгеу үшін Шу – Тараз тас жолын жауып, олар мінген көлікті тоқтатуға әрекет жасалған.

Алайда, атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өтіп, оқиға орнынан жасырынуға тырысады. Сондай-ақ, олар өз әріптестерінің ескертулеріне құлақ аспаған соң, қуғыншылар көлікті тоқтату үшін қару қолдануға мәжбүр болған.

"Үш күдіктінің екеуі атыс қаруынан жарақат алып, біреуі медициналық мекемеде көз жұмды. Жараланғандардың бірі ауруханаға жеткізілсе, тағы бірі уақытша ұстау изоляторына қамалды", – делінген ақпаратта.

Қазіргі кезде осы оқиғаға байланысты Қылмыстық кодекстің 297, 345, 362-бабына сәйкес сотқа дейінгі тергеу жүргізілуде. Тергеу мүддесіне сәйкес өзге ақпарат жарияланбады.

Оқи отырыңыз: Түркістан облысында браконьердің әкесі инспекторларға оқ атты

Айта кетейік, Қылмыстық кодекстің 297-бабы – есірткі құралдарын, психотроптық заттар мен олардың баламаларын алу, сату, сақтау немесе өткізу мақсатында заңсыз дайындап, өңдеп, тасымалдағаны үшін;

345-бабы – көлік құралдарын басқаратын адамдардың жолда жүру немесе көлік құралдарын пайдалану ережелерін бұзғаны үшін;

362-бабы – қызметтік өкілеттік пен билікті асыра пайдаланғаны үшін жауапкершілік қарастырады.

1172
Кілт сөздер:
полицейлер, шу, Жамбыл облысы
Тақырып бойынша
Алматы саябағына жас жігіт қаруланып келіп, оқ атты
Шымкенттегі үйлену тойында қонақты пышақтап, маңдайына оқ атты
Талғарда қоғам белсендісіне оқ атты: әкім мен оның жүргізушісі ұсталды
Ұлы көз жұмды: белгісіз біреу қала орталығында депутаттың көлігіне оқ атты
Көзіне дәл тиген - Алматы облысы полиция бастығының орынбасарына оқ атты
Алматыдағы бизнес орталық

Алматыда бизнес орталықтан 300-ге жуық адам эвакуацияланды

53
(Жаңартылды 16:44 19.10.2020)
Эвакуация сағат 12.40-та басталды. Бизнес орталықта жұмыс істейтін барлық қызметкер сыртқа шығарылды

АЛМАТЫ, 19 қазан – Sputnik. Алматыда "Қаратал" бизнес орталығында ішінде не бар екені белгісіз сөмкеге байланысты 300-ге жуық адам эвакуацияланды, деп хабарлайды Sputnik Қазақстан.

Из бизнес-центра в центре Алматы эвакуировали всех из-за подозрительной сумки
© Sputnik / Тимур Ниталиев
Белгісіз сөмкенің кесірінен Алматы орталығындағы ғимараттан 300-ге жуық адам қауіпсіз жерге шығарылды

Эвакуация сағат 12.40-та басталды. Ғимаратта жұмыс істейтін барлық қызметкер сыртқа шығарылды. 
Алматы полиция департаментінің баспасөз қызметі Sputnik Қазақстан тілшісіне эвакуацияға бірінші қабатта белгісіз біреу қалдырып кеткен сөмке себеп болғанын айтты.

"Әйел сөмкені бірінші қабатта қалдырып кеткен. Сөмкеде қарапайым заттар болды. Біздің қызметкерлер барлығын тексеріп, сөмкенің иесін тапты. Кеңсе қызметкерлері жұмысына оралды, олардың өміріне қауіп төніп тұрған жоқ", - деді полиция.

Из бизнес-центра в центре Алматы эвакуировали всех из-за подозрительной сумки
© Sputnik / Тимур Ниталиев
Кеңсе қызметкерлері жұмысына оралды, олардың өміріне қауіп төніп тұрған жоқ

Айта кетейік, "Қаратал" бизнес орталығы Алмалы ауданында Шевченко көшесі мен Наурызбай батыр көшесінің қиылысында орналасқан.

 

53
Кілт сөздер:
тұрғындарды эвакуациялау, Алматы
Тақырып бойынша
Көшеде жатқан көк сөмке шымкенттіктердің зәре-құтын қашырды
Төтенше оқиға: Петропавлда мейрамханадан 200-ге жуық адам қауіпсіз жерге шығарылды
Шығыс Қазақстанда төтенше оқиға болды - 200 адам қауіпсіз жерге шығарылды
Алматыда Esentay Mall орталығынан адамдар шұғыл эвакуацияланды
Өскеменде иесіз жатқан сөмке күдік туғызып, бүтін бір көше қоршалды
Студенттер

Премьер-министр кейбір мамандық бойынша білім гранттарын көбейтуді тапсырды

2
(Жаңартылды 11:39 20.10.2020)
Премьер-министрдің айтуынша, биылғы құс тұмауы бақылаушы органдардың жұмысында бірқатар кемшіліктің бар екенін көрсеткен

НҰР-СҰЛТАН, 20 қазан – Sputnik. Үкімет басшысы Асқар Мамин ветеринария және фитосанитария мамандықтары бойынша білім беру гранттарын көбейтуді тапсырды, деп хабарлайды Sputnik Қазақстан тілшісі.

"Ауыл шаруашылығы министрлігі білім министрлігімен бірлесіп, салаға қажетті кадрларды даярлауды жетілдіру және түлектердің кеңінен ауылда жұмыс істеу шартымен ветеринариялық және фитосанитариялық қызмет мамандықтарына бөлінетін гранттарды көбейту мәселесін пысықтасын", – деді Мамин үкімет отырысында.

Премьер-министрдің айтуынша, биылғы құс тұмауы бақылаушы органдардың жұмысында бірқатар кемшіліктің бар екенін көрсетті. Осы орайда үкімет басшысы ауыл шаруашылығы ұсынған шараларды қолдады.

Соның ішінде ветеринариялық және фитосанитариялық қадағалаудың ұлттық жүйесін құру бастамасы да бар. Оған республикалық бюджеттен 3 миллиард теңге бөлінеді. Бұдан бөлек, жергілікті жерде шектеу шаралары шұғыл енгізу тәртібі болады. 

"Ауыл шаруашылығы және әділет министрліктері мүдделі мемлекеттік органдармен бірлесіп, жергілікті атқарушы органдардың карантиндік және шектеу шараларын белгілеу және алып тастау жөніндегі шешімдерін әділет органдарында тіркеу рәсімін жеңілдетсін", – деп атап көрсетті Мамин.

Оқи отырыңыз: "Ауылдың балалары қатты қиналады" Ағылшын тілі қазақша неге оқытылмайды

Айта кетейік, үкімет отырысында ауыл шаруашылығы министрі Сапархан Омаров жедел карантин енгізуге және инфекция ошағын жабуға біраз уақыт кететін атап өткен. Себебі әкімдердің қаулыларын келісу, бекіту және күшіне енгізу үшін 5-15 күндей күту керек. Ал ол уақыттың ішінде инфекция басқа жерге таралып кетуі әбден мүмкін. Осыған байланысты министр шектеу шаралары туралы шешімді бекіту және тіркеу мерзімін 1 күнге дейін қысқарту қажеттігін айтты.

2
Кілт сөздер:
грант, мамандықтар, білім беру
Тақырып бойынша
Ішкі істер министрі полицейлердің басты кемшілігін атады
144 мың қазақстандық маман қайта оқытылды – энергетика министрі
Атамқұловтың көңілі толмады: Авиация академиясына түсуге іріктеу күшейтіледі
Қазақстанда көне жоғары оқу орындардың бірі жабылатын болды
Қазақстанда "Цифрлық білім" бағдарламасы іске қосылады