Жедел жәрдем, архивтегі фото

Қызылордадағы апат: министр зардап шеккендердің жағдайы жайлы айтты

262
(Жаңартылды 11:39 03.12.2019)
Біртановтың айтуынша, алты адам ауыр хәлде облыстық ауруханаларға жатқызылды, 16-сы ауырлығы орташа жарақат алған

НҰР-СҰЛТАН, 3 желтоқсан – Sputnik. "Қызылорда-Құмкөл" тас жолындағы апаттан 22 адам зардап шеккен. Алтауы ауыр хәлде облыстық ауруханаларға жатқызылды. Бұл туралы бүгін денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі.

Министрдің айтуынша, "Қызылорда-Құмкөл" тас жолындағы автобус апатынан 22 адам зардап шеккен.

"Алты адам ауыр хәлде облыстық ауруханаларға жатқызылды, 16-сы ауырлығы орташа жарақат алған", - деді Біртанов үкімет кулуарында.

Бұдан бөлек, жеті адам жеңіл жарақат алған. Пациенттерге санитарлық авиация бригадалары ұсынылып, барлық қажетті көмек көрсетілуде.

"Пациенттерді республикалық орталықтарға ауыстыру қажет болып қалуы мүмкін. Сондықтан біз дайындық жүргізіп жатырмыз", - деді министр.

Қызылорда облысындағы жол апаты

Бүгін таңғы бестер шамасында "Қызылорда-Құмкөл" тас жолында автобус аударылды. Алдын ала мәлімет бойынша, жүргізуші көктайғақтан рөлге ие бола алмай, аударылған.

Соңғы деректерге сүйенсек, салонда 36 жолаушы болған. Сегіз адам көз жұмып, 22 жарақат алды. Автобуста тек Қазақстан азаматтары болған, шетелдіктер жоқ.

ІІМ әкімшілік полиция комитетінің мәліметінше, автобус мұнай компаниясына тиесілі екен. Көліктегі жолаушылар Құмкөлге жұмысқа бара жатқан.

Оқиға орнында полиция, төтенше жағдай және медициналық қызмет қызметкерлері жұмыс істеп жатыр.

Жол апатына қатысты Қылмыстық кодекстің 345-бабы 4-тармағы "Көлік басқарған адамдардың жол қозғалысы немесе көлікті пайдалану ережелерін бұзуы" бойынша сотқа дейінгі тергеу басталды.

Қызылордада 8 адамның өмірін қиған жол апаты: жаңа деректер шықты

Автобус жүргізушісі бес жылдан он жылға дейін бас бостандығынан айырылуы мүмкін. Сондай-ақ, белгілі бір лауазым атқару немесе белгілі бір қызметпен айналысу құқығынан жеті жылға дейін айырылуы ықтимал.

Төтенше жағдайға байланысты Қызылорда облысы ТЖД базасында жедел штаб құрылды. Қауырт желі телефоны жұмыс істеп тұр: 8 (7242) 24-41-61, 70-03-28.

262
Кілт сөздер:
жол апаты, Қызылорда облысы
Тақырып бойынша
Алматыдан шыққан автобус Өзбекстанда апатқа ұшырады
Арал түбіндегі өзбектер мінген автобус апаты: оқиғаға қатысты тың дерек шықты
Елу оқушы мінген автобус жолдан шығып кетіп, аударылды
Италиядағы жол апаты: ауруханаға түскен екі қазақстандық елге жеткізілді
Қызылорда облысында автобус аударылды: бірнеше адамның мәйіті табылды
Көпқабатты үй, архивтегі сурет

Ақтөбеде қыз бен жігіт 25-қабаттан секіріп кетті

1640
Ақтөбе қаласының тұрғыны полицияға қоңырау шалып, көпқабатты үйдің ауласында екі адамның денесі жатқанын айтқан

НҰР-СҰЛТАН, 23 қараша – Sputnik. Ақтөбе қаласында 18 жастағы жігіт пен 17 жастағы қыз 25-ші қабаттағы балконнан секіріп кетті, деп хабарлайды Sputnik Қазақстан Ақтөбе облысы полиция департаментінің баспасөз қызметіне сілтеме жасап.

22 қараша таңғы сағат жетіде қала тұрғыны полицияға хабарласып, 11-шағын ауданындағы №112 "В" үйінің ауласынан екі жас адамның мәйіті табылғанын айтқан.

"Тексеріс кезінде олардың бірі бұрын жоғалған 17 жастағы қыз екені анықталды. Екіншісі оның 18 жастағы досы болып шықты. Қыз бен жігіт 25-қабаттағы кіреберістің балконынан секіріп кеткен", - делінген хабарламада.

Полицейлер қаза болғандардың жеке затын тәркіледі. Суицид себептерін анықтау бойынша тексеріс жүріп жатыр. Сот-медициналық сараптамалар тағайындалды.

Бұл факті Қылмыстық кодекстің 105-бабы 3-тармағы "Өзін-өзі өлтіруге дейін жеткізу" бойынша тіркелді.

Облыстық полиция департаментінің ақпаратынша, жасөспірімдер арасындағы суицидке, көп жағдайда, жауапсыз махаббат, ата-анасымен немесе құрдастарымен болған жанжал, жалғыздық себеп болып жатады.

1640
Кілт сөздер:
жігіт, қыз, Ақтөбе
Мұсылман қыз

"Көміп кетемін деді": Қаскелең тұрғыны ҰҚК қызметкері зорламақ болғанын мәлімдеді  

1450
(Жаңартылды 16:45 23.11.2020)
Әлеуметтік желіде Ұлттық қауіпсіздік комитетінің қызметкерін зорламақшы болды деп айыптаған қыздың видео үндеуі жарияланды. Жәбірленуші күдіктінің туыстары қоқан-лоққы жасап жатқанын айтады, ал тергеу жұмыстары созылып кеткен  

ТАЛДЫҚОРҒАН, 23 қараша – Sputnik. Алматы облысының тұрғыны Ая Өмірзақова зорлауға әрекеттену фактісі бойынша тергеу шаралары созылып кеткеніне шағымданды, деп хабарлайды Sputnik Қазақстан тілшісі.  

Қыз видеоүндеу жазып, оны өзінің Instagram парақшасында жариялады. Эмоционалды жазба әлеуметтік желіде үлкен резонанс тудырды.

Посмотреть эту публикацию в Instagram

Публикация от Айя Умурзакова (@aiya.umurzakova)

"Бұл қадамға бару оңай болмады, алайда үнсіз қалмауға шешім қабылдадым. Құзырлы органдардан, біздің биліктен маған көмектесуін және бұл істі бақылауға алуын сұраймын. Бәрі әділ болғанын қалаймын және осы істі объективті және жан-жақты тергеуге қол жеткізуді сұраймын",  - дейді жазба авторы.

Қыз Ұлттық қауіпсіздік комитетінің қызметкері өзін зорламақ болғанын жария етті. 12 қыркүйекке қараған түні ол жұмыстан қайтып келе жатып, жол-жөнекей көлік тоқтатқан. Айтуынша, жүргізуші оған шабуыл жасап, ұрып-соғып, зорламақ болған. Қыз ер адамға қарсылық көрсетіп, зорлық-зомбылықтан әрең дегенде қашып құтылдым дейді.

"Қарсылық көрсеттім. Ол мені ұрып-соғып, орамалымды жұлып алды. Өлтіріп, көміп кететінін айтты", - дейді қыз.

Сол маңнан өтіп бара жатқан адамдар полиция шақырып, зорлықшыны қорқытып жіберген.  

Ол өзінің видео үндеуінде Қаскелең полицейлері бұл істі үш айдан бері тергеп жатқанын жеткізді. Ал күдіктінің туыстары оны қорқытып, алаяқтық жасады деп айыптауға тырысып жатқан көрінеді. Божеткен осы жағдайдан кейін жұмысынан айырылғанын, күйзеліске түсіп, психологтан көмек сұрауға мәжбүр болғанын мәлімдеді.

Нұр-Сұлтанда ер адам 25 жастағы қызды зорламақ болды 

Алматы облысы полиция департаментінің баспасөз қызметі қыздың полицияға шағымданғанын растап, тергеу жұмыстары бақылауда екенін хабарлады.

"Жәбірленушінің арызы Қазақстан Қылмыстық кодексінің 24-бабы 3-бөлігі, 120-бабы 1-бөлігі  "Зорлауға  оқталу" бойынша тіркелген. Іс бойынша бірқатар сараптама тағайындалды, барлық қажетті тергеу шаралары жүргізіліп жатыр. Сотқа дейінгі тергеу барысы облыстық полиция департаменті басшылығының бақылауында", - деп түсіндірді департаменттің баспасөз қызметі. 

1450
Тақырып бойынша
Зеренді ауылының тұрғыны кәмелетке толмаған қызды зорламақ болды
Тараздықтарды төрт күн бойы үрейде ұстаған адам қолға түсті
Жалақысын алуға барған: Алматыда ағайындылар үш баланың анасын зорламақ болды
"Айқайлама, айтқанымды істе!": Алматыда әншіге шабуыл жасалды
Алматы, архивтегі фото

Алматы полициясы күшейтілген жұмыс тәртібіне көшті

0
Тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді

НҰР-СҰЛТАН, 23 қараша – Sputnik. Алматы полициясы күшейтілген жұмыс тәртібіне көшірілді, деп хабарлады Polisia.kz.

Қазақстан аумағында осы жылдың 23 қарашасында басталған "Құқық тәртібі" жедел алдын алу іс-шарасы 30 қараша айына дейін жалғасады. Осыған байланысты Алматы полициясы күшейтілген жұмыс тәртібіне көшірілді. 

Қалалық полиция департаменті жергілікті полиция қызметінің бастығы Манап Саттаровтың айтуынша, аталған іс-шараға полиция қызметкерлерімен қоса Ұлттық ұлан сарбаздары да жұмылдырылады.

"Іс-шара барысында қоғамдық тәртіпті қадағалау үшін полицияның жеке құрамы күшейтілген жұмыс тәртібіне көшірілді. Қала бойынша полиция жасақтары көбейтіліп, "Құқық бұзушылыққа мүлдем төзбеушілік" қағидасы бойынша тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді", - дейді ол.

Сондай-ақ көші-қон заңдарын бұзатын келімсектерді анықтау үшін құрылыс алаңдары мен тамақтану орындары тексеріледі. Арнайы есепте тұратын адамдар мен азаматтық қару иелері де полицияның назарынан тыс қалмайды.

"Ал жедел басқарма қызметкерлері пәтер тонау, көлік ұрлығы сияқты қылмыстарды жасайтын қылмыстық топтар мен із-түзсіз жоғалған адамдарды және бұрын қылмыс жасап іздеу жарияланған адамдарды анықтауға бағытталған жұмыстарды атқарады", – деп түйіндеді Саттаров.

Алматыда 10 адамды өлтірген қылмыскерге сот үкімі шықты

Айта кетейік, кең көлемде ұйымдастырылып отырған аталған іс-шара қылмыстық ахуалды тұрақтандыруға, қылмыстар мен құқық бұзушылықтардың алдын алуға бағытталған.

0
Кілт сөздер:
полиция, Алматы
Тақырып бойынша
Жалған 900 мың долларды сатпақ болған Алматы тұрғыны ұсталды
Алматылық ағайындылар қылмысы әшкере болды
Дәретханада қыздарға порно көрсеткен ер адам 10 жылға сотталды
Нұр-Сұлтанда әйелдерге шабуыл жасаған шетелдік ұсталды