оқиға орнынан түсірілген суреттер

"Жұрт дүрлігіп, жылады": ұшақта болған кәсіпкер апат кезінде не болғанын айтты

17619
(Жаңартылды 15:00 27.12.2019)
Бүгін Алматы маңында жолаушылар ұшағы құлады, ішінде 98 адам болған. Әзірге ресми түрде 12 адамның қаза болғаны расталды

НҰР-СҰЛТАН, 27 желтоқсан – Sputnik. Алматының түбінде құлаған ұшақтың ішінде болған кәсіпкер Аслан Назарәлі апаттың қалай болғанын айтып берді.

"Мен өзім Алматыда тұрамын. Нұр-Сұлтанда филиалымыз бар. Соған барып, бір шаруаларды реттеп келетін ойым болды. Сөйтіп, таңғы рейске билет алып, астанаға ұшпақшы едім", - деп бастады әңгімесін Назарәлі Sputnik Қазақстан тілшісіне берген сұхбатында.

Оның айтуынша, ұшаққа отырғанда бәрі дұрыс болған. Тіпті, жерден сәл көтерілгенде ешқандай ақаулық байқалмады. Бірақ, көп ұзамай, ұшақ шайқала бастады.

"Кәдімгідей қайық сияқты ары-бері шайқалып, теңселіп кетті. Сосын  ұшақтың бәрі селкілдей бастады. Мен өзім құлаққап тағып, телефонды қарап отырғанмын. Бас кезінде мән берген жоқпын. Ал ұшақтың сол жақ қанаты, одан кейін оң жақ қанаты қатты селкілдеп, артынан "тырс" деген дыбыс шыққанда бір ақаулықтың шыққанын түсіндім. Біреу ұшақты тартып қалғандай болды", - дейді Назарәлі.

Кәсіпкер 15 қатарда отырған. Ұшақ құлағаннан кейін 14-ші қатарға дейін отырған жолаушылардың басым бөлігін зардап шекті. 

"Соққының зардабын 14-ші қатарға дейін отырған адамдар көрді. Алдымда сол жақта отырған бір адамның қысылып қалғаны анық есімде. Бәрі дүрлігіп кетті, балалар жылады. Оң жақта біреу апаттық есікті ашты. Сөйтіп, бәріміз содан шығуға ұмтылдық. Ұшақтың қанатымен түстік. Ол тайғақ болды. Бәріміз құлап, жығылып шықтық қой", - деп атап көрсетті кәсіпкер.

Фото с места происшествия
© Photo : Пресс-служба Международного аэропорта Алматы
Оқиға орнынан түсірілген суреттер

Оның сөзіне қарағанда, аман қалған жолаушылар зардап шеккендерге көмек көрсетті. Біреуді ұшақтан шығарды, біреуіне далада жәрдемдесті.

 "Көп адам зардап шекті. Себебі 14 қатарға дейін ұшақ қатты бұзылды. Жарақат алғандар өте көп болды. Біреудің аяғы сынды, біреудің басы жарылды. Омыртқасынан жарақат алғандарды көрдік. Біз бәріміз далада болдық. 30 минуттан кейін өрт сөндірушілер келді. Артынан тағы 10 минут өткен соң, спринтер келіп жетті. Оның ішінде медицина мамандары болды", - деді Назарәлі. 

Алматыдағы трагедия

Қайғылы оқиға бүгін таңғы жетіде Алматы түбінде болды. Алматы әуежайынан Нұр-Сұлтанға ұшып шыққан Fokker 100 ұшағы көп ұзамай Талғар ауданындағы елді мекенге құлады.

Ұшақ бортында 93 жолаушы, 5 экипаж мүшесі болған.

Полиция әзірге 12 адамның қаза болғанын растады. Көз жұмғандар арасында генералдар кеңесінің төрағасы Рүстем Қайдаров пен республикалық интернет-порталдың шығарушы редакторы Дана Круглова бар. 

Фото с места происшествия
© Photo : Пресс-служба Международного аэропорта Алматы
Алматы түбінде құлаған ұшақтың қалдықтары

Мемлекет басшысы Қасым-Жомарт Тоқаев мерт болғандардың жақындарына көңіл айтып, кінәлі адамдар қатаң жазаланатынын жеткізді. Президент 28 желтоқсанды жалпыұлттық аза тұту күні ретінде жариялады.

17619
Кілт сөздер:
кәсіпкер, ұшақ апаты
Тақырып:
Алматы маңындағы ұшақ апаты (69)
Тақырып бойынша
Алматы түбінде ұшақ апатынан қаза тапқандардың жаңа тізімі жарияланды
Алматыдағы ұшақ апаты: ұшқыштардың аты-жөні белгілі болды
Алматы түбіндегі апат: Bek Air 4,5 сағаттан соң ғана мәлімдеме жасады
Алматыдағы ұшақ апатынан генералдар кеңесінің төрағасы қаза тапты
Танымал адвокат ұшақ апатынан қалай аман қалғанын айтып берді
Алматы маңында құлаған ұшақтың ішінде басқа елдің азаматтары болған
Ұшақтың қай тұсына қатты зақым келгені белгілі болды
Қоңыр аю

Аю 50 жастағы әйелге тап берді видео

488
(Жаңартылды 10:58 30.10.2020)
Зардап шеккен әйел жануарлар үйінде жұмыс істеген, ол көптеген дене жарақатымен ауруханаға жеткізілді  

НҰР-СҰЛТАН, 30 қазан – Sputnik. Ресейдің Курск облысында жануарлар үйіндегі аю қызметкерге тап берді, деп хабарлады РИА Новости.

Әлеуметтік желіде тараған видеодан әйелдің тордың жанынан өтіп бара жатқанын көруге болады. Ол жолда тұрған таяқтан аттаймын деп, жыртқыш отырған торға тым қатты жақындап кеткен. Дәл сол кезде аю оны қолынан ұстап алып, ішке қарай тартқылайды, бір табанымен арқасынан да ұстап тұрады. Оны көрген қызметкерлер жүгіріп келіп, оны таяқпен ұра бастайды. Алайда аю қайтпайды. Ақырында әйелдің күрткесін жыртып тынады.  

Оқиға Фатежск ауданында орналасқан Новые дворы ауылында болған. Осы аймақтағы тергеу басқармасының мәліметіне сәйкес, зардап шеккен әйел жануарлар үйінде жұмыс істейді. Ол жерде үй жануарларымен бірге жабайы аңдарды да ұстайды.

Қостанай облысында 11 жастағы баланы қасқыр талап тастады

"Әйел аю отырған тордың жанынан өтіп бара жатқанда жыртқыштың шабуылына тап болды. Аю оны қолынан ұстап алып, өзі отырған торға тартқан. 50 жастағы әйел көптеген дене жарақатымен Курск облысының клиникалық ауруханасына жеткізілді", - дейді тергеушілер.

Тергеушілер тексеріс шараларын бастады. Соның нәтижесінде процессуалдық шешім қабылданады. "Фатежские будни" басылымының мәліметінше, әйелге гималай аюы тап берген.

Ал әлеуметтік желілерде тараған ақпаратта аюдың өлгені туралы айтылады. Тордың ішінде үшкір таяқ қалып қойған. Аю соған өкпесін тілгізіп алған.

488
Кілт сөздер:
жануарлар әлемі, аю
Тақырып бойынша
Көжекке тұтқиылдан қаршыға шабуылдады: оқиғаның соңын ешкім күтпеген еді - видео
Буйвол туристердің көлігіне тап беріп, оны мүйізімен көтерді – видео
Лақ бір топ жыртқышқа тойтарыс берді – қызықты видео
Кішкентай ит арыстандармен айқасты, оқиғаның соңын ешкім күтпеді – видео  
Алматы облысында дәретхана қағазын шығаратын цехтағы жарылыс

Алматы облысында дәретхана қағазын шығаратын цехта жарылыс болды

51
Төтенше жағдай салдарынан бір жұмысшы көз жұмды, тағы біреуі түрлі жарақатпен ауруханаға жатқызылды

НҰР-СҰЛТАН, 29 қазан – Sputnik. Алматы облысы Ұйғыр ауданы Шонжы ауылында дәретхана қағазын шығаратын цехта қазандық жарылды. Бұл туралы төтенше жағдайлар министрлігі хабарлады.

Бейсенбі күні цехта қағаз кептіруге арналған қазандық жарылған. Төтенше жағдай салдарынан ішінара цехтың шатыры құлады, өрт болған жоқ. Цехтің аумағы – 200 шаршы метр, ал апат орнының аумағы 25 шаршы метрді құрады.

Оқиға орнына Алматы облысы ТЖД күштері мен техникасы жіберілді.

Тағы оқыңыз: Павлодарда ТЖД қызметкері газ баллонын үйден шығарып жатқанда жарылыс болды

ТЖМ ресми өкілі Талғат Уәлидің айтуынша, жарылыс салдарынан 1983 жылғы жұмысшы қаза болды. ТЖД қызметкерлері оны үйінді астынан алып шыққан. 1999 жылы туған тағы бір жұмысшы түрлі жарақатпен Ұйғыр ауданының орталық ауруханасына жатқызылды.

Жарылыстың алдын ала себебі – технологиялық өндірістің бұзылуы.

51
Кілт сөздер:
жарылыс, дәретхана, Алматы облысы
Тақырып бойынша
Атырауда жанармай құю бекетінде жарылыс болды: көлік жүргізуші көз жұмды
Ақсайда тазартқыш ғимаратта жарылыс болып, бөлімше бастығы көз жұмды
Алматыда жиһаз цехы өртенді: жарылыс болды – видео, фото
Есікте жанармай құю бекетінде жарылыс болды
Онлайн оқу

ШҚО-да барлық мектеп онлайн оқыту форматына ауыстырылды

24
(Жаңартылды 20:11 30.10.2020)
Аймақта эпидемиологиялық жағдай ушығып бара жатқанда бір науқас анықталса да, мектепті толығымен жабуға шешім қабылданған болатын

НҰР-СҰЛТАН, 30 қазан – Sputnik. Шығыс Қазақстан облысында барлық мектеп онлайн форматқа ауыстырылды. Бұл туралы облыстық тауарлар мен қызметтердің сапасын және қауіпсіздігін бақылау департаменті басшысының міндетін атқарушы Талғат Тұңғышбаев мәлімдеді, деп хабарлайды Sputnik Қазақстан тілшісі.

"Облыстың бас санитарлық дәрігері шығарған қаулы мен ведомствоаралық комиссияның бүгінгі шешімі бойынша барлық мектеп онлайн режимге ауыстырылды. ", - деді Тұңғышбаев арнайы онлайн брифингте. 

Оның айтуынша, аймақта эпидемиологиялық жағдай ушығып бара жатқанда бір науқас анықталса да, мектепті толығымен жабуға шешім қабылданған болатын. Ондай жағдайлар болған. Қазіргі кезде барлығы онлайн форматқа көшірілді. 

Айта кетейік, коронавирустың таралуына жол бермеу жөніндегі ведомствоаралық комиссия көшпелі отырыс өткізіп, Шығыс Қазақстан облысында шектеу шараларын күшейтуге шешім қабылдады. Атап айтқанда, 2 қарашадан бастап Өскеменнен шығатын және кіретін әуе рейстері, сондай-ақ, пойыздардың саны қысқарады. Шығыс Қазақстан облысынан шығатын жолаушыларда міндетті түрде ПТР-тесттің анықтамасы және теріс нәтиже болуы қажет. Анықтаманың мерзімі – үш күн. 

Облыстың айналасында санитарлық бекеттер қойылып, кіруге және шығуға шектеу қойылады. Ал Өскемен қаласына кіруге және одан шығуға тыйым салынады. Басқа қалалар мен аудандар арасында қатынауға болады. 

Сондай-ақ, облыста демалыс және мереке күндері шектеу шаралары күшейеді. Қызметкерлердің 80 проценті қашықтан жұмыс істеу форматына ауыстырылуы шарт. Жиналыстарды өткізуге рұқсат жоқ. Вахтамен жұмыс істейтіндер міндетті түрде ПТР-тесттен өтеді. Теміржол вокзалдары мен әуежайларға күтіп алатын және шығарып салатын адамдарды кіргізуге болмайды.

 

24
Кілт сөздер:
оқушы, мектеп, облыс
Тақырып:
Коронавирус эпидемиясы
Тақырып бойынша
Тоқаев карантинге байланысты қазақстандықтарға үндеу жасады
Қазақстанда қала жабылады – бас санитар дәрігердің шешімі шықты
Бас санитар дәрігер елдегі жағдай туралы ақпаратты бөлісті
Шығыс Қазақстанда қатаң шектеу шаралары енгізілді
Бес жыл ішінде Қазақстандағы мектеп кітапханалары қалай өзгереді